مشاكل وحلول

مع احترامي لرأي حضرتك
انا شفت الفيلم ده قبل كده

مرسي كتير بس ممكن تقلي شوفتو فين ده حصريا للمنتدى



انا شايف ان انتظار القدر هو الافضل
ده لاني بثق فيه (شريك حياتك اللي طول عمرك بتدور عليه هايجليك لحد عندك بأي شكل من الاشكال)
و كمان عشان مش اعمل حاجة قبل اوانها وبعد كده اندم عليها
و عشان مش احط نفسي في موقف لا ادري عواقبه



اكيد طبعا ان انت يكون عنده ثقه بان نصيبك هيصيبك حاجة كويسه وشعور حلو منك
بس مش معنى كدة ان انا قف اتفرج يبقى كل واحد ميشتغلش ويقول رزقى هيجينى وانا نايم ده الى بيشتغلو دول مش مؤمنين ده مش كلام الناس العاقلين
لازم الواحد يعمل الى عليه ولو في واحد فعلا بيحب بنت وعايزها تكون شريكه حياته لازم يحاول بكل الطرق انها تكون ليه مش كدة ولا ايه




هههههههههههههههه
حلوه يا دكتور عندك حق والله
دوله الشيطان يقولهم يا اساتذه
ان كيديهن عظيم
استر علينا يا رب

مرسي يا محمد بس فعلا القصه دى مش من فراغ دى تجربه اكتر من شاب ممكن ان السيناريو يتغير
شويه على حسب المخرج والبطله بس فى الاخر كله فى نفس المحور عادى جدا يعنى



بس كل اللى شيفاهم قدامى كده
سامحونى لو ظلماكم

اكيد مش حد هيزعل بس انا عايز اقلك ان ممكن تكونى انتى فعلا شايفه كدة من موقف ولا من شخص فعلا مش كويس جه فى طريقك بالصدفه بس ده مش مبرر
يعنى مثلا احنا كشباب بنلاقى كل يوم فى الحوادث العناوين كدة
قتلت زوجها وتخلصت من جثته بالقائها من النفذه
لم يستحمل رؤيتها مع غريمه فانتحر
ملقتش حاجه تاكلها فذبحته
الميه كانت قاطعه شربت من دمه ههههههههههههههه
متخافوش كتير الكلام ده بس مش معنى كدة ان كل واحد يسمع كدة يقول البنات كلهم كدة
ولا ميرضاش يتجوز ولا ولا ولا لا اكيد في بنات احسن من كدة ( بس على حد علمى ههههههههههه مش بكتير)
اقصد يعنى ان في بنات كويسه وان الواحد مش لازم يياس
وانتى كمان مش لازم تياسى ولازم تغيري وجهة نظرك ده طبعا راى والراى الاخير بيكون ليا برضو هههه


ويا محمد اديلها فرصه تانيه


واكيد مش كل واحد بيحب واحده بيبص لبنت تانيه يعنى في ناس مش بتعمل كدة
ولو في واحد بيعمل كدة ده مش معناه ان هو وحش لا هو بس قلبه كبير ممكن يحب واحدة واتنين وممكن تلاته لو لو الحجم الصغير هى دى الفكره
وبلاش سوء الظن بتاعنا يسبق حسن الظن

ههههههههههههه بس مش كلهم يا امه الله

اقتباس :

كيد طبعا ان انت يكون عنده ثقه بان نصيبك هيصيبك حاجة كويسه وشعور حلو منك
بس مش معنى كدة ان انا قف اتفرج يبقى كل واحد ميشتغلش ويقول رزقى هيجينى وانا نايم ده الى بيشتغلو دول مش مؤمنين ده مش كلام الناس العاقلين

مش ده اللي اقصده خالص
حضرتك مش فهمت انا اقصد ايه بــ قبل اوانها و حط تحتيها 99999999999 خط .

any way no problem

وجهات نظر برده

ايه رأيكم كل واحد يقول هو شايف الحب ازاي وايه حدوده

الحب من وجهه نظري حاجه جميله جدا باحساسها من شوق وعذاب وحنان و حب
وربنا يكرمنا
ودا تفسير صغير اووووووووي للحب

**علشان اقول رأيي عن الحب لازم استشهد بالأقوال دي اللي انا شايفها وحاسس بيها ومقتنع بيها

*ما أقوى الحب ، فهو يجعل من الوحش إنساناً ، وحيناً يجعل الإنسان وحشاً
(شكسبير)

*الحب لا يعرف أي قانون
(بوريسيوس)

*الحب وهم يصوّر لك أن امرأة ما تختلف عن الأخريات
(منكن)

*الحب هو الأكثر عذوبة والأكثر مرارة
(أوروبيديس)


*كلّما ازداد حبنا تضاعف خوفنا من الإساءة إلى من نحب
(جورج صاند)

*خير لنا أن نحب فنخفق ، من أن لا نحب أبداً
(تشيسون)

*يصعب أن نكره من أحببناه كثيراً
(كورنايل)


نتائج الحب غير متوقعة
(ستاندال)

*
الغيرة هي الطاغية في مملكة الحب
(سرفانتيس)



*المرأة لغز ، مفتاحه كلمة واحدة هي: الحب
(نيتشه)



*الحب زهرة ناضرة لا يفوح أريجها إلا إذا تساقطت عليها قطرات الدموع
(محمد عبد المنعم)


*الحب أقوى العواطف لأنه أكثرها تركيباً
(سبنسر)


*وجد الحب لسعادة القليلين ، ولشقاء الكثيرين
(دولنكو)

*إن الحب يهبط على المرأة في لحظة سكون ، مملوءة بالشك والإعجاب
(ويلز)


*الحب أعمى
(أفلاطون)

*الحب وردة والمرأة شوكتها
(شوبنهاور)



*
الحب أنانية اثنين
(مدام دو ستال)



*
الحب ربيع المرأة وخريف الرجل
(هيلين رونالد)



*الحب يرى الورود بلا أشواك
(مثل ألماني)



*
الحب يستأذن المرأة في أن يدخل قلبها ، وأما الرجل فإنه يقتحم قلبه دون استئذان ،
وهذه هي مصيبتنا
(برنارد شو)




*الحب أعمى والمحبون لا يرون الحماقة التي يقترفون
(شكسبير)

*الحب دمعة وابتسامة
(جبران)

قال كلارك جيبل: إذا كنت تحب امرأة فلا تقل لها " أنا أحبك "، إن هذه العبارة أوّل ما تجعل المرأة تفكر في السيطرة عليك .


*إذا سمعت أن امرأة أحبت رجلاً فقيرا ، فاعلم أنها مجنونة ، أو اذهب إلى طبيب الأذن
لتتأكد من أنك تسمع جيداً (برونلي)
ودول المقولتين الوحيدتين اللي مش مقتنع بيهم كويس لكن نص نص هههههههههههههه

انت كده فعلا قلت كل حاجة

الموضوع ده فعلا جميل اوي وبيحل مشاكل صعبة وموجودة فعلا في المجتمع

انا بس عايزة اعلق علي حاجة في بعض الناس بتبقي شايفة البنات محترمة جدا ومش بتكلم حد ويبقي الشخص ده عايز يكلمها باي طريقة يدخلها من سكة الخطوبة وانها تبقي شريكة حياته علشان تقريبا مش هيبقي في طريقة غير دي علشان يتكلم معاها ويكون في نفس الوقت يعرف مليون واحدة غيرها بس طبعا عايز يضيفها علي اللستة ويقول لكل اللي حواليه ان البنت اللي مفيش حد قادر يكلمها هو عرف يكلمها
ويبقي ضرب الرقم القياسي كده طبعا البنت الناصحة مش بيدخل عليها الكلام ده علشان كده مش المفروض ان اي بنت تصرح بمشاعرها كده وخلاص لو فعلا بيحبها يبقي ليها اهلها اللي هو هيتكلم معاهم مش يروح يكلمها هي ويسلي نفسه
طبعا مش كل واحد بيقول لواحدة انه معجب بيها يكون هدفه كده في ناس فعلا بتبقي بتحب بجد
بس فعلا فعلا الغالبية من الولاد بيفكروا بالطريقة دي ولو اني مش عارفة هيستفيدوا ايه؟؟؟؟؟؟؟؟



اما رائيي عن الحب ده طبعا احساس جميل بس لو فعلا الطرف التاني يستحق الحب ده واكيد نادر جدا جدا لو في حد يستاهل معظمهم بيتسلوا فقط لا غير

ده بالنسبة لرأيي عن الحب أما الحدود فهي معروفة لينا كلنا بس الانسان بيخدع نفسه ويتلاعب بالحدود التي تحد الحب (وبيفهم الحب خطأ بردو) .....لذلك مش هقول الحدود!!!!!!!!!!!!!!!

اقتباس :

أما الحدود فهي معروفة لينا كلنا

اقتباس :

لذلك مش هقول الحدود!!!!!!!!!!!!!!!

لأ والنبي لتقولها
اصل انا مش اعرفها !!!!!!!!!


و على رأي المثل اسأل مجرب
هههههههههههههههههههه

انا شايفة انه احساس جميل قوى
زى حاجة مقدسة
وف نفس الوقت بخاف منه قوى

مش عارف البنات واخده فكره وحشه ليه عن ال ولاد
طالما الواحد معاه واحده تملي العين وتاخد باله منه وتحترمه و تخاف عليه هيبقي الولد مش هيبص لواحده غيرها طبعا
طيب هيبص ليه طالما اكيد اللي معاه بتنكد علي عشته كل صبح و تقرفه كل يوم و تخنقه بالمشاكل ومن حتي كلمه حب وحنان
ايــــــــــــــــــــــــــــــــــــــــــــــــــــه ارحمونا بقي من الاشاعات دي بقي
بس يا حداد دا انت طلعت نمس ونفسي اعرف حدود الحب يا ريس

الفضول أكلك يا حازم انت ومحمد سعد علشان تعرفوا حدود الحب
طيب انا هغيظكم ومش هقولها .....هههههههههههههه......خليكم بناركم
وبالنسبة لحكاية أسأل مجرب أنت عارف يا زوووووووووم صاحبك خبير أد ايه مش في الحب وبس لاااااااا في حاجات كتيييييييييييير.........بس مش أحب انقل خبراتي لمبتدئين ......اما تكبروا شوية ..... ههههههههههههههه

عايزين بقى ندخل في مشاكل قومية زي مثلا مشكلة البطالة من رأيكم ايه الحلول اللي شايفينها كشباب للمساعدة في حل المشكلة دي ؟؟؟؟؟؟ بس حلول دون نقد جارح لأي حد.. بل نقد بنَّاء :) :)

للاسف كل شاب دلوقتي مكسوف او محرج يشتغل
مش فاهم ليه
مش عارف ليه وكمان هناك كسل شديد عند الشباب دلوقتي
الحل وانا بقوله من زمان هو استثمار الصحراء واستصلاحها
دي ليه فوائد كتير منها البطاله و انكماش السكان عن منقطه الوسط (النيل).؟
وربنا يستر

اقتباس :

دون نقد جارح لأي حد

هو عشان انت حزب وطني يعني
طب مش لاعب [ندعوك للتسجيل في المنتدى أو التعريف بنفسك لمعاينة هذه الصورة]

mohammed saad كتب:

للاسف كل شاب دلوقتي مكسوف او محرج يشتغل
مش فاهم ليه

ما هو مينفعش يا محمد يبقى معاه شهادة ويشتغل زى
اى حد مش متعلم


وبعدين هو حد لقى شغل وما اشتغلش
يعنى مثلا المدرس بقى بياخد 100 جنيه
دى بقى هيتجوز بيها ولا هيجيب شقة ولا هيفرشها ولا هيجيب شبكة
فمحدش بقى بيتقن عمله


احنا ممكن كل واحد يشتغل بضمير اكيد الدخل هيزيد
والزيادة نعمل بيها مشاريع تانية وهكذا

رأيك برده مقنع بس نعمل ايه لازم نشتغل
ده اجباري
وايه اللي كتر البطاله مش انتوا لما مسكتوا الشغل و خليتوا الشباب يعقدوا في القهاااااااااااااااوي
ههههههههههههههههههههههههههههه
حسبنا الله ونعم الوكيل

بقينا احنا المشكلة يعنى

أأأأأأأأأأأأأأأأأأأه

السلام عليكم
بصراحة انا لرايي ان ربنا قال اسعى يا عبد وانا اسعى معاك
ويا رب وفقنا في السعي بعد التخرج

Me.And.You كتب:

اقتباس :

دون نقد جارح لأي حد

هو عشان انت حزب وطني يعني
طب مش لاعب [ندعوك للتسجيل في المنتدى أو التعريف بنفسك لمعاينة هذه الصورة]

ليه كدة بس هتحرمنا من رأيك في الموضوع بجد انت رايك صائب دايما
بس انا ما قصدتش اللي في بالك دايما ظنك مش كويس ههههههههههههههههههه
انا رايي انه علشان نحارب البطالة لازم كل شاب يبدأ بمشروع صغير ومش مهم يبقى عنده خبرة فيه ومش مهم تفشل اول مرة وتاني مرة حاول وابدأ ومتستناش حد يقولك تعالى اشتغل انا شايف ان الشباب مستعجل وعايز يبقى مليونير اول ما يشتغل ومع ذلك انا لسة مدخلتش الدائرة دي فمش عارف برده ايه تحديات الموقف لكن اعرف كويس اننا لازم يبقى عندنا ارادة وربنا يستر

يه اللي كتر البطاله مش انتوا لما مسكتوا الشغل و خليتوا الشباب يعقدوا في القهاااااااااااااااوي


هنبتديها حجج من اولها
ههههههههههههههه


انا من رايي لو كل واحد اشتغل في مجال دراسته ده يبقي افضل طبعا
مفيش حاجة اسمها مفيش شغل يعني مش كل واحد يفضل قاعد كده في مكانه ويقول مفيش شغل
لو الواحد فعلا عايز يسعي ويوصل لشغل هيوصل متهيألي بالنسبة لينا اعتقد ان شغلنا متوفر جدا لان عندنا الاقسام كتيرة اوي ولينا في كل المجالات العلمية بالاضافة للتحاليل بس اكيد مش اي حد بيلاقي شغل الا اذا كان ناجح في الدراسة اولا

ده من وجهة نظري

ازااااااااااااااااااااااى
نتخلص من الزهق
والملل

الملل بقي شئ اساسي في الحياه دلوقتي
احسن حاجه لقتل الملل
الصلاه و العمل

الصلاة والعمل والاجتهاد في المذاكرة (وده طبعا اكتر حاجة بتجيب الملل ان الواحد يذاكر لان اسلوب التدريس ممل اصلا ....ما علينا خلينا في الموضوع الرئيسي)
بصراحة ممارسة الهوايات المفضلة وده طبعا مخليني مالية كل اغلفة كشاكيل محاضراتي رسم وشخبطة هو ده اللي بعمله في الدراسة
بس في الاجازة النت وكده بجانب الرسم اكيد ربنا اعطي كل واحد هواية يعني يفرج بيها عن نفسه
واحب اقول حاجة اخيرة """"الا بذكر الله تطمئن القلوب""""""

انا بقول قراءة القرأن بتريح نفسيا وكمان بتمنع الملل

ربنا يكرمنا كلنا ان شاء الله

السلام عليكم
عشان نودي الملل والزهق قراة القران والصلاه وممارسة الهوايات المفضله والابتعاد عن العزله ولازم نكون اجتماعين كتير عشان نقضي على وقت الفراغ اللى يؤدي الى الملل......... والابتعاد عن الدراسه بستمرار واكتر من الازوم يعني ننظم وقتنا بشكل جيد ومفيد.....................

باختصار (اشبع هواياتك ولا تهمك الضغوط)

اكتر حاجة ممكن تودى الملل هى التغيير فى نظري وانك تكون بتعمل حاجة انت بتحبها مهما كانت انا مثلا ساعت ما حس بالملل بحب اتمشى فى الشارع لحد مقدرش امشى اروح انام 3 ايام
وكمان بتفرج على مولدى تتحدى الملل ههههههههههههههههههههههههه

ميلودي دي اكتر حاجه تجيب الملل
انا معاك ان الواحد يجدد افكار ويعمل الحاجه اللي بيحبها
بس للاسف في زمنا و بلادنا مافيش حاجه اسمها بمزاجك
دوله بخدوووووووووك تحري دولوقتي
هههههههههههههههههههههههههههههههههه
ماتمشيش كتير بليل لوحدك
استرها علينا يا رب

شكرا يا شباب

ايه رايكم ف قضية محمد سليم

محمد سليم شاب مصرى مقيم ف لبنان من 3 شهور
متهم بقتل 4 ضحايا طفلتان عمر 7 و9 سنوات
وشبخان عجوزان كانا يقيمان ف قرية كترمايا
بعدما فعل هذه المذبحة احتج اهل كترمايا وقتلوه
وصلبوه وقامو بالتمثيل بجثته










يلاااااااااااااااااااااا ايه رايكم

بصى انا جيت متأخرة بس بالنسبة للعلاقة بين الولد والبنت لازم تبقى فى حدود الادب ومافيش حاجة
اسمها صداقة ممكن تبقى زمالة وبحدود طبعا
وبالنسبة لو حد بيحب ممكن يتكلم ويقول ولا لا فانا مع ان البنت مش هينفع تتكلم خالص
ولو الولد يبقى الموضوع دخل فى منحنى تانى خالص وهيكون الرد على حسب البنت والموقف
بحترم رد كل الناس اللى اتكلمت قبلى وبقول لامة الله مش كل الولاد زى بعض فى ناس بيحس وبتعيش جد وفى ناس بتعيش تتسلى

وليه يا دكتور على الفيلم ده شكرا ليك وفى انتظار الفيلم القادم
تقبلوا مرورى

يمهل ولايهمل سبحانه ولله في خلقه شؤن

يعنى ايه ده وضح كلامك يا محمد

اول حاجه ربنا ماسبش حق الاطفال الابرياء دوله و خلي الناس تعذب الشاب
بس ربنا مش هيسيب حق تكريم الميت و حرمته تروووح هدر

اقتباس :

يمهل ولايهمل سبحانه ولله في خلقه شؤن

اقتباس :

يعنى ايه ده وضح كلامك يا محمد

ههههههههههههه
طبعا محمد يقصد يقول رايه بالنسبة لقضية محمد سليم

و ده طبعا لانك يا بريف هارت قراتي الصفحة الاولى بس من الموضوع و مش قراتي الصفحة التانية



حصل خير

شكرا للتوضيح يا Me.And.You

ما رأيكم في الاساءة للرسول عليه الصلاة والسلام وحمله مقاطعة الفيس بوك لنشره هذه الاساءات؟؟؟؟

طبعا احنا ضد اى اساءة لرسولنا الكريم

وبجد فكرة المقاطعة ممتازة
لان عدد كبير من المصريين والمسلمين
بيستخدموا الفيس بوك يوميا

اكيد و شور اي مسلم و مواطن عربي ضد اي اساء الي رسول الله صلي الله ليه و سلم
وفعلا تم مقاطعه موقع فيس بوك 3 ايام متواصله و مقاطعه بعض منتجاااااااااااات الدوله اللتي اسيئت الي حبيبنا رسول الله صلي الله عليه و سلم

معاكم حق يا جماعة وجزاكم الله خيراوفي انتظار اراء باقي الاعضاء

معاكم حق يا جماعة
بارك الله فيكم

ودلوقتى مع مشكلة جديدة فى موضوع مشاكل وحلول
بجد مش عارفة المشكلة دى اتناقشت قبل كده ولا لا

المشكلة:-

هيا ليه الفرحة الوحيدة فى مصر كروية؟
والانجاز الوحيد لينا فى العالم العربى والافريقى
هو فى الكورة ده لو حققناه اصلا ؟
ده لا يقلل من احترامنا للمنتخب او الاندية
بس فين حلمنا اللى المفروض يجمعنا حواليه
ونشجعه ونفرح لما نحققه
والله مش حاجة تكسف !!!!!

ياريت المشكلة تكون مهمة بالنسبة ليكم
زيي
واسمع ارائكم وحلولكم للمشكلة

brave*heart كتب:

المشكلة:-

هيا ليه الفرحة الوحيدة فى مصر كروية؟
والانجاز الوحيد لينا فى العالم العربى والافريقى
هو فى الكورة ده لو حققناه اصلا ؟

بسم الله الرحمن الرحيم
مين اللي قال انه انجازنا الوحيد في الكورة بس ومين اللي قال انه انجازنا العربي والافريقي كروي بس!!!..... المشكله مش في قلة الانجازات ولا قلة العقول المشكلة وباختصار في عدم الاستغلال الامثل وفي النظر للنصف الفارغ في الكوب واذا كنتي تقصدي ليه بنفرح (كلنا) عند انجازات المنتخب الوطني هسأل سؤال :هو الشعب المصري عمل ايه لما احمد زويل ولا نجيب محفوظ ولا السادات ولا البرادعي اخدوا جائزة نوبل؟ طبعا لا شئ لم يخرجوا للشوارع ويفرحوا نفس الفرحة عند فوز المنتخب ذلك لأن المواجهة لم تكن مباشرة مع بلد اخرى ولأن شعبنا الكتير منهم ميعرفش يعني ايه نوبل اصلا والكورة بتخاطب كل الشعب مش المتعلم بس
ولا ننسى ان احد الاسباب ان الكرة تجمع منافسة بين جميع شعوب العالم وهو الشئ الذي لن يتوفر الا في حرب عالمية فمجرد رفع علم بلدك يفرح الشعب كله في شئ أيا كان وخصوصا في منافسة مباشرة
لما بلدنا حاربت وهزمت العدو الاسرائيلي في 73 ولما طردنا العدوان الثلاثي ولما اممنا القناة ولما بنينا السد العالي غصبا عن عين التخين(سوري في اللفظ) ساعتها الشعب كله قام ...وطبعا الانجازات دي بردو خاطبت كل الشعب .... لكن للأسف احنا ما شفناش الايام دي لذلك النصر عندنا هو ..و فقط .. فوز المنتخب في مباراة كرة قدم!!!!!

واخيرا :: هل فرحتنا تسبب مشكلة؟ ابدا ..ما نفرح ..بس نعمل انجازات في كل المجالات
وان كان القصد اننا اصبحت انجازاتنا قليلة في باقي المجالات ؟
فزي ما قلت : المشكلة في سببين متناقضين عدم الاستغلال الامثل وفي النظر للنصف الفارغ في الكوب

يااااااااااه ايه الرغي ده سوري
بس ده اللي جه على بالي وما كان من توفيق فمن الله وما كان من خطأ او نسيان فمني ومن الشيطان

شكرا للرد يا ادمن
واسفة لانى مش فاضية اعلق على الرد دلوقتى
بس اكيد هعلق بعدين
بس شكرا ليك


واخيرا :: هل فرحتنا تسبب مشكلة؟ ابدا ..ما نفرح ..بس نعمل انجازات في كل المجالات
وان كان القصد اننا اصبحت انجازاتنا قليلة في باقي المجالات ؟
فزي ما قلت : المشكلة في سببين متناقضين عدم الاستغلال الامثل وفي النظر للنصف الفارغ في الكوب

نو كومنت
الان
وانتظر باقى وجهات النظر