ذكرياااااااااااااااات

ههههه ،، آسف والله يا جماعة مكنتش متابع اصلا ً ومكنتش فاهم حكاية ايام الطفولة دى ،، ما علينا
و انا صغير كنت شقى جدا ً وكان ليا شعبية فـ المنطقة ،، كنت بالنهار ألعب كورة مع العيال بتاع الحتة ،، مكنتش بعرف العب فـ إما أنزل تيشة أو أقف جون للجميع ،، وباليل كانا بنفرش حصيرة فـ الشارع و كان فى وحدة جيرنا كانت عندها حوالى 20 22 سنة آنذاك تجمعنا حوليها وتقولنا نكت او تحكى قصص عفاريت وكدا او فوازير ،، وكنا كمان بنجيب كورة ونلعب صيادين السمك انا واختى و اولاد الجيران و برده مكنتش بعرف ألعبها آوى ،، وكنا بنلعب المنديل كنت كل دور لما اجرى ع المنديل اروح مخبوط فـ بنت الجيران أقولها مش تحسبى يا عمية تقعد تضحك وكنا بنلعب جدو يا جدو وكوتشينة ودى الوحيدة بقى اللى كنت لاعيب آوى عشان كنت بزور فـ اللعب ولحد دلوقتى والله بنوقف مع جيرانا فـ البلكونة وبنتكلم فـ الأيام دى ،، والحكاية بتاعت المنديل دى لسه ممسوكة عليا لحد انهارده والبت كل ما تشوفنى بتقولى ممعكش منديل يا عصامـ ،، دى كانت ذكريات الحى
أما فالمدرسة بقى كنت بلعب مع الصبيان الملك الصالح وعنتر وثبت صنم وساعات بنات مع صبيان مع كله بنلعب استغماية ،، وكان فى بت رخمه برده كل مرة تقفشنى ربنا يرحمها بقى دخلت طب
هختار حااازم