الدكتور على على كرسى الاعتراف

سيداتى انساتى سادتى
معكم الان على كرسى الاعتراف
الدكتور على

عرفنا بحضرتك كل المعلومات

ما انا مذيعة بقى
هههههههههههههه

امة الله كتب:

سيداتى انساتى سادتى
معكم الان على كرسى الاعتراف
الدكتور على

اهلا بيك يا امه الله والله انا مش عارف اقلك ايه بس ربنا موجود
وانا ااااسف على التاخير

h_engineer

السلام عليكم ورحمة الله و بركاته:
وعليكم السلام اتش منوره
انا اسئلتي سهلة جدا و مش اجبارية:
اتمنى ذالك
ما اسم الداعية الاسلامي المفضل؟
د يوسف القرضاوى
هل اختيار كليه علوم كان اجباري ام اختياري؟
يعنى متقدريش تقولى واحدة منهم بس كان الاتنين مع بعض
ما رايك في المنتدى؟
يعنى منتدى كويس لحد ما وخصوصا انه بيرجعنا تانى لايام الجامعة الى اكيد انا بفتقدها سعات
بس اكيد ناقصه كتير عشان نكون فخورين بيه وان احنا اعضاء فيه
ايه رايك في كل عضو من اعضاء المنتدى على حده؟....اسفة مش قدرت اكتبهم ههههههههههه
نعم اسف انا مش عارف اقرا السؤال ههههههههههههههههه
لا عامة كل اعضاء المنتدى بلا استثناء ناس كويسين جدا ومحترمين جدا وانا شخصيا بعتبرهم اخواتى
ما رايك في مستوى جامعه الفيوم بوجه عام وكليه العلوم بوجه خاص من حيث مستوى الدكاترة؟
جامعه الفيوم جامعه كويسه لحد ما وان كانت مش فى المستوى الى المفروض تكون عليه بس ده اكيد هيتغير مع الوقت وخصوصا انها دلوقتى ومن فتره اصبحت جامعه مستقله بذاتها وانا شايف انها فى طريقها لتغيير
اما كليه العلوم من حيث مستوى الدكاترة محدش ينكر ان الكليه فيها اساتذة ترفع لهم القبعة
ولكن مع احترامى للبقيه المفروض انهم يكونو اعضاء هيئه تدريس فى كتاب فتح الله فتح الباب لتعليم السباكه
وده طبعا مش فى كليه علوم بس فى الفيوم لا ده فى جميع كليات الجامعة لان طبعا الجامعة بتاعتنا بميزنيتها الجامدة جدا امكانيتها متسمحش لاحسن من كدة واكيد طلبه كمياء حيوى السنة دى بالتحديد شافو حاجة زى كدة مع الفيلسوفE A

ما رأيك في تطبيق الجودة في الجامعة؟
اكيد طبعا حاجة كويسه جدا واحنا كدفعه2009 الحمد لله كنا اول دفعه نحصل على بكالوريوس العلوم بعد تطبيق الجودة
وده اكيد هيرفع من شان خريجيها مش زى الاول كان بيقال ان جيد القاهره بيساوى امتياز الفيوم مع طبعا رجعيه شويه فى التطبيق ده نتيجه اسلوب المفاجئه الي بيتطبق فى الجامعة عشان طبعا الجامعه ماشيه بمدا الحرب خدعة هههههه
كفاية لحد كده لحد ما اجهز كام سؤال تانيييييييييين ان شاء الله
طيب براحتك بس ياريت تاخدى وقتك وما تخافيش ممكن كمان شهر ولا حاجة انا موجود هههههههههههه
لا طبعا انا تحت امرك فى اى وقت ومنوره واسئله سهله كلها ومتعبتنيش ياريت كل الناس تكون حلوة كدة

امة الله

عرفنا بحضرتك كل المعلومات

اكيد طبعا وسؤال كويس

ما انا مذيعة بقى
هههههههههههههه


انا غلطان انى اقلك على حاجة تانى

طبعا
الاسم/على احمد على
الشهره /على السنراوى
تاريخ الميلاد/29-7-1987
انا مولود بالمملكة العربيه ودرست المرحله الابتدائيه والاعداديه واولى ثانوى هناك
وطبعا الباقى هنا
مجموعى فى الثانوى كان95% وبالمره عشان اتش ماتسالش ههههههههههههههه
انا كان طموحى ادخل هندسه ودى طبعا كليتى المفضله بلا علوم بلا كلام فاضى ههههههههههههههه
بس طبعا بما ان احنا فى مجتمع متخلف كان بالنسبه للناس كلها اكون انا المتخلف لو ضيعت 99.55 % فى تانيه ثانوى
وتخصصت علمى رياضه
وان لازم انى اعمل زى الناس كلها مابتعمل واتخصص علوم وادخل كليه الطب
طبعا انا بالتالى مجبتش مجموع كويس فى تالته وقررت بعد كدة انى اعمل اى حاجة اكون انا الى عايزها مش الناس الي عيزاها وكان ترشيحى فى الوقت ده لكليه الطب البطري
الى انا اصلا مشفتهاش وسحبت ملفي منها بعد 24 ساعة من استلامى لجواب الترشيح
وكنت محول كليه العلاج الطبيعى بجامعه مصر الى طبعا كلها خليجيين وكان ده السبب الى خلانى اسحب ملفي منها بعد96 ساعه واخيرا وليس اخرا قررت اسيب المجال العلمى كله بمدا السلامة وادخل كليه الاثار بالفيوم
وطبعا استقريت فيها اسبوع بالظبط وكنت هتحنط فيها وابقى اثري بس الحمد لله قدرت اهرب منها بسرعة
واحول
هاا



هاا



هاا



هاا


هاا


هاا
كليه العلوم الحمدلله وصلنا بعد مشوار كبير من الكليات المختلفه
وبصراحه انا شايف ان كان اختياري لكليه العلوم كان اختيار موفق والحمد لله
وان كليه علوم من الكليات الممتازة يعنى من الاخر بلا هندسه بلا كلام فاضى هههههههههههههههههههههههه

وطبعا انا حاليا بدرس دبلومه التحاليل فى جامعه شبين الكوم
وبشتغل كميائى فى احدى الشركات قطاع خاص والحمدلله على كل حال
وطبعا مش عايز اقلكم انه فى الاول والاخر توفيق من الله عز وجلوننا لازم نعمل الى علينا ونطلب من الله التوفيق
واخرا فى انتظار المزيد من الاسئله

السلام عليكم ورحمة الله
ياهلاوغلا بالدكتور على منور الكرسي يادكتور
شو اخبارك عساك بخير
قولى بقى يادكتور كنت فين في السعوديه بالضبط ؟وكنت ساكن في الريف ولا المدينه؟
شو رايك في الشعب السعودي ؟ وايه اهم الفروق بين الشعب السعودي والمصري؟
حضرتك تنتمي لنفس الجماعه التى ينتمي لها الدكتور يوسف القرضاوي ام انه مفضل لديك فقط؟لو حضرتك مش فاهمني انا ممكن اوضح اكتر
تنصح طليه كليه العلوم بايه؟
حضرتك لو وصلت الى سدة الحكم في مصر ماذا ستتخذ من قرارات؟
انا بس داخل ارحب بحضرتك لكن لسه التقيييييييييييييييييييل جاااى
خالص تمنياتي بالتوفيق

يا مرحب بيك يا دكتره
منور والله الكرسي
حاجه غريبه والله ....؟ بس ما علينا
بس يا سيدي هما كام سؤال كده خفاف زي السكينه في الحلاوه ويارب يوفقك

تلاقي نفسك ازاي؟
بتقدرتواجه
نفسك بحقيقه غلطك ؟ ولا بتهرب؟
اخبار
الحب معاك ايوه يا كبير ههههههههههههههههه؟
علاقتك
اهلك ازاي؟
مين اقرب صديق ليك؟

اكتر
مكان بتلاقي
راحتك فيه؟
لونك المفضل؟
هل انت اناني؟
هل انت طموح بالقدر الكافي؟
بتسعى ازاي
لتحقيق احلامك؟
واحساسك لما الاهلي طلع دور ال8 اوووووووووووعي تنفسن ؟
ايه امانيك ي المستقبل...؟
وربنا يرفقك و يحيمك لشبابك يا ابني
وشكرا

لسلام عليكم ورحمة الله
وعليكم السلام يا عشيري
ياهلاوغلا بالدكتور على منور الكرسي يادكتور
ربنا يخليك ده نورك يا جميل
شو اخبارك عساك بخير
الحمدلله مدام شفتكم
قولى بقى يادكتور كنت فين في السعوديه بالضبط ؟وكنت ساكن في الريف ولا المدينه؟
انا كنت فى الطائف شويه ومكه شويه فى الطايف كنت فى الريف بلد كان اسمها ثقيف اكيد اغلبكم سمع عتهاوفى مكه كنت في المدينه
شو رايك في الشعب السعودي ؟
اى مكان فيه الحلو والوحش مفي مكان كل الى فيه وحشين بالنسبه للشعب السعودى يغلب عليهم البدويه فى كتير من حياتهم وتصرفاتهم
وايه اهم الفروق بين الشعب السعودي والمصري؟
انا شايف ان اهم الصفات بين الشعبين ممكن تكون نتيجه اختلاف الظروف المحيطة بالشعبين
بس طبعا الاشعب المصري بيتميز بالبشاشه والوح الحلوه على عكسهم وكمان الشعب المصري
بالنسبه ليهم شعب زكى جدا ونشيط وكمان بيقدر يتكيف مع ظروفه بسرعه يعنى الشعب المصري بيقدر
يتغير بسرعه ويكتسب خبرات ومهارات اسرع وده ممكن يكون السبب فيه اختلاف الحضارات
وتاريخ البلدين
كمان الشعب المصري بيقدر يتعامل مع العناصر الغريبه عنه بذكاء شديد اما السعوديين فهم اولا واخيرا بدو
حضرتك تنتمي لنفس الجماعه التى ينتمي لها الدكتور يوسف القرضاوي ام انه مفضل لديك فقط؟
انا لا انتمي لاي جماعات بل انا من المعجبين باراء الدكتور يوسف فى عده موضوعات فانا ارى دكتور يوسف في وجهة نظري المتواضعه يقول رايا صائبا فى موضوعه حريصا كل الحرص الا يمس اي من حدود الله وان يوفق بين الدين والمصلحه العامة بحذر شديد
لو حضرتك مش فاهمني انا ممكن اوضح اكتر
لو انت فهمت كدة انا اقصد ايه ماشى لو عاوز تفهم اكتر اسال اكتر
تنصح طليه كليه العلوم بايه؟
ربنا معاهم وكل نصحتى ليهم انهم يحاول يفهمو المنهج ويفهم الدكتور ويبعدو تمام عن الحفظ الى مافيش منه فايدة وربنا معاهم
حضرتك لو وصلت الى سدة الحكم في مصر ماذا ستتخذ من قرارات؟
ربنا يبعدنا عن المسؤليه دى بس يعنى اكيد
هحاول انهى على نظام المحسوبيه والرشاوى السائد
وطبعا (عدلت فامنت فنمت يا عمر)
انا بس داخل ارحب بحضرتك لكن لسه التقيييييييييييييييييييل جاااى

يا مرحب بيك نورتنى وفى انتظار المزيد
خالص تمنياتي بالتوفيق
ولك ايضا

يا مرحب بيك يا دكتره
الله يرحبك يا بو سعد
يافرحة ابلة ظاظا فيا
منور والله الكرسي
ده نورك يا كبييييييييييييييييييييييييييييييييييييييييييير
حاجه غريبه والله ....؟
انت الاغرب هو ايه الى حاجة غريبه بس ما علينا
بس يا سيدي هما كام سؤال كده خفاف زي السكينه في الحلاوه ويارب يوفقك
اتمنى ذالك اااااااااااااااااااااااااااااااااااااااامين
تلاقي نفسك ازاي؟
بعمل عليها سرش ههههههههههههه
لا بلاقى نفسي في حجات كتيرة بعملها بتقن فيها بتنجح وطبعا اكتر حاجة بلاقي فيها نفسي لما امسك كتاب وقعد ازاكر الله يرحم دى ايام كانت حلوة
بتقدرتواجه
نفسك بحقيقه غلطك ؟ ولا بتهرب؟
والله سؤال حلو كتير بس انا مبرجعش نفسي في قرار خته لانى مش بعمل حاجة الا بعد تفكير كبير
وفى الاخر لم يكن في الامكان اكثر مما كان

اخبار
الحب معاك ايوه يا كبير ههههههههههههههههه؟
الحب انواع بس اكيد انت خلبوص تقصد الحب اياه وبصراحة
لا انا الحب بالنسبالى كلام مسلسلات وافلام بس وانا معرفتش الحب ده مش فاهم ليه ممكن يكون حصل اعجاب او شئ من هذا القبيل بس حب من الي يخلى الواحد عايش في فيلم قديم لا محصلش
وكتير بيقولى اكيد هيحصل وساعتها هتشوف ايام سودة وانا بقول لا مش هيحصل عشا انا عقلى ينطق اولا

علاقتك
اهلك ازاي؟
اهلى مين بالظبط الاسره فقط ولا العائله وضح
مين اقرب صديق ليك؟
انا ليا اصحاب كتير كلهم بعزهم جدا جدا ومينفعش افضل منهم حد على التانى كلهم اصدقائى بنفس الدرجة
وانا معرفش حاجة اسمها صداقه على درجات وعلى سبيل المثال وليس الحصر
شخصيات انتو ممكن تكونو تعرفوها 1 محمد علاء2 محمد عبالله3 ابراهيم بدوى

اكتر
مكان بتلاقي
راحتك فيه؟
المسجد الحرام بمكه اولا وبعدين طبعا عندنا في البلد بعد الساعة 12 باليل فى الجناين يااااااااااااااه
احساس جميل لما تكون قاعد لوحدك فى مكان هادى مظلم بعيد عن كل الناس تجلس تفكر بهدوء مع كوبايه شاي تحفه على نار الحطب مش البوتجاز ممكن تحل مشاكل مصر كلها وانت فى الموقف ده بس طبعا مبلاقيش وقت اعمل كدة
لونك المفضل؟
لونى المفضل
الاخضر بس مش فى كل حاجة
هل انت اناني؟
لا هو انا مش انانى بس يعنى ممكن اكون دكتاتوري شويه
هل انت طموح بالقدر الكافي؟
ربنا يستر انا شايف ان مفيش انسان مش طموح والا عايش ليه انا شخصيا متخيل عمري هيخلص وانا محققتش 0.00000000000000545 من احلامى
بتسعى ازاي
لتحقيق احلامك؟
والله انا بحاول اعمل الى عليا براحة من غير عجله بس مش معنى كدة الاهمال وربنا معايا واكيد ربنا كبير
واحساسك لما الاهلي طلع دور ال8 اوووووووووووعي تنفسن ؟
بصراحة انا بدات احقد على الاهلي بس والله الزمالك السنه دى رحم الاهلى من حقدى ومن عينى الوحشه وظهر بمستوى لائق عوضنا شويه
ايه امانيك ي المستقبل...؟
والله انا بتمنى الزمالك يفوز بالدوري القادم الاول عشان ميجليش احباط واعرف اكمل وربنا كبير هههههههه
وطبع بتمنى ان البلد دى تدينى فرصتى عشان مسبهاش وامشى وانا مش عايز كدة عشان انا فعلا بحبها
وكمان اكيد نفسى اتجوز واجيب فداء ومحمد ربنا يخليهملى قولو اااااامين
اما بالنسبه لناحيه السياسيه انتظر صوتكم لمجلس الشعب بعد 15 سنه يدينا ويديكم العمر الطويل

وربنا يرفقك و يحيمك لشبابك يا ابني
وانت كمان محمد بيك سعد نورتنا والله وكنت اتمتنى تفضل اكتر من كدة اسئلتك حلوة والله وفي انتظار المزيد

وشكرا
شكرا ليك انت ياباشا

السلام عليكم من تاني:
اختار عضو يمثل كل من:
توقيعه حلو انتي بتهزرى انتى عايزه تلبسينى في الحيط ماشي براحتك التواقيع بتتغير مفيش حد مثبت توقيعه تقريبا بس عامة دلوقتى اقدر اقول توقيعك انتى واللهم امين
مواضيعة كويسة كل الاعضاء
ردوده دبلواسية متهيالى كدة بيور هارت
بيحب المشاجرات يا اما انا يا اما انتى واختاري ههههههههههههههه
بيحب يهزر ابو تريكة
جد بريزون بريك
صريح الله اعلم
جرئ محمد سعد
عضو نفسك تشوفه طبعا في اعضاء كتير شفتها بس نفسي اشوف د بريزون بريك وابو تريكة وطبعا اعضاء كتير
اكيد من باب الفضول عايز اعرفها على حقيقتها


لو مسكت رئيس جامعة الفيوم .....ما قراراتك التي ستتخذها
رفع المستوى التعليمي والابتكارى للجامعة يعنى اتعلم وابدع
لو مسكت رئيس جامعة الدول العربية ..........ما قراراتك التي ستتخذها
يعنى ممكن اسعى بجد لاقامه سوق عربيه مشتركه وتوحيد عمله عربيه واذا امكن ازاله الحدود الجغرافيه الاستعماريه يعنى وطن واحد مش دول

كفاية لحد كده
نورتى تانى ومرسي ليك
بس هندسة مش كلام فاضي
ده طلع انتى الي بيحب المشاجرات هههههههههههههههههه
انا بهزر عن فكرة وزى ماقلتلك هندسه كليى المفضله وعلوم كليتى اصلا وانا بحب الاتنين عرفتى بقى ازاى ان انتى الى بتحبي المشاجرات ههههههههههههههههههههه

اهلا اهلا اهلا منور والله يا دكتور علي
نبدأ بقي كده سؤاللين علي السريع

ايه اكتر حاجة ممكن تزعلك؟
ايه اكتر حاجة ممكن تخوفك؟
اكتر صفة حلوة فيك واكتر صفة وحشة؟
موقف محرج جدا حصل؟
لو رجع بيك الزمن هتعمل ايه؟
لمن توجه هذه الكلمات
بشكرك جدا
انت اغلي حد في حياتي
مش عايز اعرفك تاني
حاول تغير من نفسك

ليه بتحاول طول الوقت تقلل من شأن المرأة في المجتمع ؟؟؟؟؟؟؟؟(explain your answer)
وظف الاعضاء في هذه الوظائف
مستشار المنتدي/
حكيم/
ردوده تعجبك/
نقده يعجبك/
كثير الجدال/
غامض/
رومانسي/
رقيق/
ملح المنتدي/


لو بعد الشر طبعا غرفتك ولعت ايه اهم حاجة هتاخدها؟
كفاااااااااااااااااااااااية سنعود بعد قليل

ماشي بس انا كنت مش قصدي خناقة والله وعارفة انه هزار
وشكرا

اقتباس :

يعنى منتدى كويس لحد ما وخصوصا انه بيرجعنا تانى لايام الجامعة الى اكيد انا بفتقدها سعات
بس اكيد ناقصه كتير عشان نكون فخورين بيه وان احنا اعضاء فيه

ايـــــــــــــــــــــــــــــــــــــــــــوه ايه بقى اللي ناقصه؟


لو حضرتك الادمن للمنتدى هتعمل ايه؟

اكتر موقف حصل ف حياتك فرحك ؟



اكتر موقف ضايقك؟


لو صاحبك خانك هتسامحه؟(بوجه عام)

هلا اهلا اهلا منور والله يا دكتور علي

ده نورك يا دكتوره
نبدأ بقي كده سؤاللين علي السريع


تحت امرك

ايه اكتر حاجة ممكن تزعلك؟

اكتر حاجة ممكن تزعلنى ان حد يتكلم عليا من غير مكون موجود بحاجة مش كويسه وهو مش عارف الحقيقه
ايه اكتر حاجة ممكن تخوفك؟

بصراحة انا بخاف جدا من المستقبل


اكتر صفة حلوة فيك واكتر صفة وحشة؟

انا بصراحة مش عارف او مش هقدر اقلك ايه اكتر صفه حلوة فيا انا بسيب الناس هى الى تقلى بس انا بجد مش عارف
اما اكتر صفة وحشه فيا انى احيانا اصحابي بيحسو انى مش مخلص ليهم وده من وجهة نظرهم انى مباحولش ادخل فى امورهم الشخصيه بس انا بيكون ليا وجهة نظري انى مش بحب التطفل
موقف محرج جدا حصل؟

هو غالبا مفيش موقف محرج جدا بس في موقف شبيه ايام ماكنت فى تانيه علوم كان فى معيده (م)معانا فى قسم النبات وكانت سمينه شويه هههههههههه المهم انا كنت طالب مزعج بصراحة وكان كل الدكاتره مش بيالفو وجودى فى السكاشن الا( د م) الي انا بقلكم عليها كانت بتعزنى شويه
ففي مره من المرات كان معيد مادة المعادلات عايز يغير معاد السكشن
بسلامته مكانش بيحب يصحى بدري فلسوء حظى ان المعاد الى هو كان عايزه كان بتاع د م
فلما سال مين بيديكم السكشن ده
ما اسكتش انا بقى رحت قلتلو دى دكتوره م (الاتوبيس )وده طبعا الاسم الحركي بتاعها عندنا
وكانت المصيبه
طبعا كل الدفعه مبطلتش ضحك وده طبعا نرفز د المعادلات ومستكفاش بطردى لا راح بسلامته قال لدكتوره م الى هى بدورا بعتت لى انى اروحلها وطبعا انا مش عارف ليه
ولما رحت كانت المفاجئه انها عرفت
طبعا ناهيكي عن انها اقسمت انى مش هدخل امتحان العملى وانى مليش اعمال سنه وده كان عادى
لا اناكمان اخذت محاضره اخلاق حلوة واصبحت انا بالنسباها افشل طالب فى الدفعه
طبعا بقى محدش كان يعرف ميدخلنيش امتحانات انا دخلت الامتحان بعد مشاكل كتيره وصلت للعميد ورئيس القسم وجيبت الفل مارك ومن وقتها اول متلاقينى جى من مكان تمشي من مكان تانى
وبصراحة انا زعلان لغايه النهارده بسبب انى زعلتها منى وهي كانت بتعزنى بس اعمل ايه انا كنت طالب من مدرسه المشاغبين الثانويه

لو رجع بيك الزمن هتعمل ايه؟
لو رجع بيا الزمن هعمل ايه ...........هعمل ايه.................. ولا حاجة لحد كدة كويس وبصراحة انا ديما متاكد انه (لو علمتم الغيب لخترتم الواقع)
لمن توجه هذه الكلمات
بشكرك جدا اي حد اتعلمت منه حاجة مفيده
انت اغلي حد في حياتي
امى
مش عايز اعرفك تاني
الفشل
حاول تغير من نفسك
اي حد بيستسلم للفشل

ليه بتحاول طول الوقت تقلل من شأن المرأة في المجتمع ؟؟؟؟؟؟؟؟(explain your answer)
لااااااااااااااااااااااااااااااااء طبعا ده اتهام خطير جدا وانا بنفي التهمة بس هو كل مافي الموضوع انى بحب اهزر مش اكتر وانا استفزازى شويه يعنى بحب استفز الى قدامى عشان اعرف ايه جواه مش اكتر
وظف الاعضاء في هذه الوظائف
مستشار المنتدي/ بسم الله الرحمن الرحيم (وامركم شورى بينكم)

حكيم/ كلكم حكماء خذو الحكمه من افوااااااااه .........................................................الحكماء)
متفهمونيش غلط
ردوده تعجبك/ لا فى كتير
نقده يعجبك/ احيانا حازم بس نفسي في نقاد بجد
كثير الجدال/ كلنا كدة بما فيهم انا وحضرتك بستثناء قله من العضاء بنجادل في بعض الموضيع الى طبعا كل واحد فينا فاهم الصح فين بس من باب دافع عن رايك حتى ولو كنت مخطئ
غامض/ اكيد فيه غموض عند كل الاعضاء وخصوصا الى انا معرفهمش وده بديهى
رومانسي/ الفنان ابو تريكة
رقيق/ اي حد لما تساله يعنى ايه عزا يرد عليك يعنى بارتى حزين بيوزعو فيه قهوه دايت هههههههههههههه
لا بجد كلكم اعضاء رقاق جدا وجمال جدا وانا بستمتع بالوقت الى بقضيه فى المنتدى
ملح المنتدي/ محمد سعد


لو بعد الشر طبعا غرفتك ولعت ايه اهم حاجة هتاخدها؟

اهم حاجة هخدها هههههههههههههه هخدلها صوره ده كل ركن فيا ليه معايا قصة
كفاااااااااااااااااااااااية سنعود بعد قليل
نورتينى ويارب اكون قدرت افهمك حاجة وشكرا ليك ولاسئلتك

السلام عليكم ورحمه الله وبركاته
وعليكم السلام مشكاة الانوار

استفسار سريع لما بعد ان شاء الله
اتفضلي
ايه افضل مكان لعمل دبلومه التحاليل

افضل مكان لدبلومه هو اسكندريه بلا منازع
ده طبعا للي فاضى وقادر يروح وكمان محتاجة جيد جدا
ويتلوها المنوفيه وده طبعا لواحد زى حلاتى كدة بيقضيها امتحنات بس مش اكتر بس غاليه شويه مصاريفها وكتبها
وطبعا بييجي بعد كدة اسماعليه وعين شمس ده طبعا عشان رخيصة واى تقدير وكويسه شويه
وفى النهايه القاهره
وبعد النهايه الفيوم

وعليكم والسلام يا حازم
منور يا جميل والله

ايـــــــــــــــــــــــــــــــــــــــــــوه ايه بقى اللي ناقصه؟
المنتدى مع احترامى للادمن ناقصه حجات ممكن اقلك منها مثلا انه محتاج مثلا ومع احترامى للمشرفين انا مش بقول المشرفين يتغيرو ولا اي كلام من ده لا بس التخصص مطلوب مش كلهم مشرفين على المنتدى كله لا يكون كل واحد مختص بالاشراف على حاجة يكون هو حاسس انه هيقدر يعمل فيها شئ ايجابى وبكدة يكون اسهل عليه واكتر افادة للمنتدى وان الاقسام المهمله تبدا تعمل

وكمان ناقصه دعايه كتير عشا ن نزيد من عدد الاعضاء وده ممكن احنا الى نقوم بيه وكمان ممكن نعمله عن طريق طلبات الانضمام عبر رسائل الميل وفيه اكتر من طريه
وكمان انا شايف ان فيه اعضاء كتير موجوده معانا ومحسوبه على المنتدى وهو مقامش بزياره المنتدى ولا مره وممكن حضراتكم تدخلو على الاعضاء وتشوفو الكلام ده
وكمان زى مانتو شايفين انه مافيش صفحه ترحيب بالعضو عند تسجيل الدخول وكمان من المفروض ان اسمك الى انت مشترك بيه يكون ظاهر فى الصفحة الرئيسيه وده مش موجود على حد ما انا شايف

وكمان الابتسامات الى موجود مش كافيه مثلا
فانا من وجهة نظري ان الحجات دى لازم تكون موجوده فى منتدنا وفى النهايه يرجع الامر الى صاحب الامر
الادمن



لو حضرتك الادمن للمنتدى هتعمل ايه؟
انا مش ادمن ومش عايز اكون ادمن لانى مش هنفع فى كدة لان وقتى وظروفى مش كفايه وميسمحوش بكدة وانتو عارفين انها مسؤوليه
وربنا يخللنا الادمن وشكرا لييييك مره تانيه يا حازم وياريت محدش يزعل منى انا بقول راىى مش اكتر

اكتر موقف حصل ف حياتك فرحك ؟
طبعا كان تاجيلي من الجيش الحمد لله



اكتر موقف ضايقك؟
وفاة عمى الله يرحمه وانا في وقتها كان عندى 8 سنوات وكنت في السعوديه
ومكنتش بشوفه الا فى الاجزات السنويه بس كان غالى عندى قوى (اسالكم الفاتحة)


لو صاحبك خانك هتسامحه؟(بوجه عام)
لا مينفعش بوجه عام على حسب الموقف
يعنى مثلا لو خانى وكل من غير مايقلى اكيد مش هسمحه اما لو خانى مثلا فى موضوع مصيرى اكيد هاسمحه
اااااااااااااااااااااااااااااااااااااااا ااا ااا اقصدى العكس
وشكرا امه الله منورانى والله

1-المشرفين يتغيرو
2-الاقسام المهمله تبدا تعمل
3-دعايه كتير
4-اعضاء كتير محسوبه على المنتدى وهو مقامش بزياره المنتدى ولا مره
5-صفحه ترحيب بالعضو عند تسجيل الدخول
6-اسمك يكون ظاهر فى الصفحة الرئيسيه
7-الابتسامات مش كافيه


1 و 3 و 5 و 7 قريبا ان شاء الله في الاجازة
2 و 4 دي مشكلة في الاعضاء و مافيش حاجة في ايدنا
6 ما الاسم بيظهر فعلا في المتواجدين الان .

شكرا جدا للاضافة , نبهتنا لنقط مهمة فعلا

اقتباس :

وده طبعا نرفز د المعادلات ومستكفاش بطردى لا راح بسلامته قال لدكتوره م

حضرتك متأكد ان هو اللي قال للدكتوره , انا حاسس ان في حركة ندالة حصلت لك, لان الدكتور مش معقول يعمل كده......



ممكن اسال بقى سؤال :
مالذي يشعرك بأكثر قدر من الحرج؟

وشكــــــــــــــرا

Me.And.You كتب:

1-المشرفين يتغيرو
2-الاقسام المهمله تبدا تعمل
3-دعايه كتير
4-اعضاء كتير محسوبه على المنتدى وهو مقامش بزياره المنتدى ولا مره
5-صفحه ترحيب بالعضو عند تسجيل الدخول
6-اسمك يكون ظاهر فى الصفحة الرئيسيه
7-الابتسامات مش كافيه


1 و 3 و 5 و 7 قريبا ان شاء الله في الاجازة
2 و 4 دي مشكلة في الاعضاء و مافيش حاجة في ايدنا
6 ما الاسم بيظهر فعلا في المتواجدين الان .

شكرا جدا للاضافة , نبهتنا لنقط مهمة فعلا

اقتباس :

وده طبعا نرفز د المعادلات ومستكفاش بطردى لا راح بسلامته قال لدكتوره م

حضرتك متأكد ان هو اللي قال للدكتوره , انا حاسس ان في حركة ندالة حصلت لك, لان الدكتور مش معقول يعمل كده......



ممكن اسال بقى سؤال :
مالذي يشعرك بأكثر قدر من الحرج؟

وشكــــــــــــــرا

طبعا انا اتكلمت مع حازم فى الموضوع الى فات ده وكان الحوار كالتالى


l
ALI AHMED ALI: اهلا بيك حازم

hazem Mamdouh: اهلا وسهلا

ALI AHMED ALI: انا مش قصدى ان المشرفين يتغيرو

ALI AHMED ALI: انا قصدى النطام

hazem Mamdouh: اه مانا فاهم قصد حضرتك والله

ALI AHMED ALI: عشان باقى الاعضاء

hazem Mamdouh: و فعلا ناويين نطبق النظام ده في الاجازه
ALI AHMED ALI: ان شاء الله


ALI AHMED ALI: وبلاش حضرتك


hazem Mamdouh: اوك

ALI AHMED ALI: تانى حاجة

hazem Mamdouh: ايوه

ALI AHMED ALI: الاسم المفروض يبان اعلى الشاشه

ALI AHMED ALI: العضو المسجل فلان وهكذا


ALI AHMED ALI: اما بالنسبه للاقسام المهمله لما يكون ليها مشرف محدد هيكون ليه دور فى تفعيلها



وده كان للتوضيح مش اكتر


اما بالنسبه للنداله كل شئ جايز بس انا متاكد انه يعملها


اما اكتر شى محرج بالنسبالى الجهل

اقتباس :

وشكر خاص للمشرف( me &U)على تعاونه معانا وعلى مشاركته

العفو , ده انا اللي بشكر حضرتك ع التوضيح

بس خاث الاول كانت احسن

ههههههه ولا يهمك يا حازم ولا شكر على واجب بس محدش شافها لازم تقول انت ههههههههههههههه
و يا جماعة الى عايز يسال اى حاجة تانيه مهما كانت اسئلته كتيره يسال وانا انشاء الله يوم السبت هرد على جميع الاسئله لو كان فيه عشان ممكن ما يكنش متاح ليا الرد قبل كدة وشكراااااااااااااا ليكم كلكم
وفى انتظار اسئله اجمد

شكرا يا سيدي علي ملح المنتدي
وربنا يكون معاك في بقيت اليووووووووووووم
انا كان نفسي اسألك بس تعبان و نفسي اريح دماغي شويه

السلام عليكم يا دكتور علي

منور الكرسي
والله لو اعرف انك على الكرسي كنت سبت المذاكره والامتحانات و.........................

مش عارف اسئل في اي لان الاعضاء بسم الله جابو من الاخر .....شوفة اللى بنعملو في الناس بيطلع علينا ازاي ......عشان اقولك بلاش بلاش بس انت مطنش.....ههههههههههههههههههههههههههههههههههههههههههههههههههههههه


رومانسي/ الفنان ابو تريكة

شكرا ياحبيبي ده من ذوقك.......


بس ادعيلي اني ربنا يعدي الامتحانات دي على خير ويوفقنا فيها..............ياااااااااااارب

عدنااااااااااااااااا

ايه اكتر مادة كت بنحبها؟
ليه دخت قسم كيمياء حيوي؟
تقديراتك كانت ايه في الكليه؟
شايف نفسك ازاي بعد 10 سنيبن؟
ايه رائيك في العمل في شركات الادوية كمجال لعلوم؟

سؤال بقي صعب شوية

في مقولة بتقول الانسان عدو نفسه (comment)
سمعنا كومنت علي الجملة دي


اوصف هؤلاء الاعضاء

ادمن
حازم
محمد سعد
ابو تريكة
بريف هارت
بيور
امة الله
المهندسة اتش
مشكاة الانوار
واخيرا انا



ssssssssssAAAAAAAAAAALLLLLLLLLLAAAAAAAAAAAAMMMMMMMMMMMMMM

انا اول مره اشارك في كرسي الاعتراف عشان كده مش هطول سؤال واحد
مسجل حبيبتك ايه ع الموبايل ؟

الله الله الله
وعاد ليسأل
من اكتر صوت بتحب تسمعله وهو بيقرأ القرأن؟
اكتر سوره تحب تقرأها؟
اكتر وقت تحب تعقد مع نفسك وتراجع احوالك؟
ايه رأيك في التمثيل ؟
اكتر ممثل بتحب تمثيله ؟
اكتر ممثله بتحبه تمثليها ؟
اكتر الافلام تحب تتفرج عليها ؟
وكفايه كده عليك ؟
الله يسهلك اخر يوم ليك
يسهلووووووووووه يا سيدي

عدناااا

اولا انا ابدي اعجابى الشديد بالجمله دي(انا لا انتمي لاي جماعات )فهى تمنع فهما خاطئ قد يتسلل الى من يقرأاجاباتك السابقه فالجمله دي جات في وقتها وهو ده المنهج الصح
اسال بقى:
اكتب لنا جمله تصف فيها حياتك الماضيه؟
الحياه في المملكه اثرت على شخصيتك بايه؟
لو رشحت نفسك في الانتخابات الجايه دي هتترشح تحت اى حزب وما شعار حملتك؟
شخص غير مجرى حياتك؟
5 مواقع تحرص على زيارتهم دائما(نت)؟
كلمه تمنيت لو تستطيع سحبها؟
شخص صدمك؟
ان شاء الله لو فتحت معمل تحاليل مين الشخص اللى نفسك ييجي يحلل فيه؟
لو معاك بندقيه فيها 3 طلقات الى من ستصوبهم؟(لو احتجت طلقات تاني ما يهمكش احنا في الخدمه)
حكمه تؤمن بها؟
اكتر سؤال محرج اتسالته في حياتك؟وانتا جوبت ايه؟
متى اخر مره بكيت ومن ابكاك؟
هدف وضعته وتحقق؟وثان لم يتحقق ؟واخر قد يتحقق؟
لمن تقل مستحيل انساك؟
نفسك في ايه حالا؟
هل تطلب من زوجتك ارتداء النقاب (مستقبلا)؟
طيب لو طلبت منك تشتغل هتوافق؟
لمن تود ان تعتذر؟
كفايه اوى اوى اوى
اعتذر جداااااااااااا للاطاله
خاااااالص امنياتي بالتوفيييق

هااااااااااااااااااااااااااااااااااااااااااااا اخيرا رجعت تانى اليومين الى فاتو عدو عليا سنة كانو يومين متعبين جدا
ولما رجعت الاقى يوم اتعب يااااااااااااااااااااااه ربنا معايا
وبسم الله نبدا
نورنو كلكم والله ويابو تريكه ربنا معاك ومعايا يارتنى سمعت كلامك
ونبدا بالدكتوره




عدنااااااااااااااااا

حمد الله على السلامه

ايه اكتر مادة كت بنحبها؟

فى ماده كانت في سنه رابعة اسمها اجهزه معمليه مقلكيش كان ماده جامدة
ليه دخت قسم كيمياء حيوي؟

بصراحة لاكتر من سبب منها انى مكنتش ناوى ازاكر

تقديراتك كانت ايه في الكليه؟
اولى جيد 73%
ثانيه جيد جدا79%
ثالثه كانت جج 76%
رابعه والحمدالله كانت امتياز86%
شايف نفسك ازاي بعد 10 سنيبن؟
بعد عشر سنين هيكون تقريبا عندى33 سنة هكون اكبر من دلوقتى بعشر سنين هههههههههههه
(من نحيه ايه يا دكتوره؟)
ايه رائيك في العمل في شركات الادوية كمجال لعلوم؟
اكيد حضرتك تقصدى المديكال رب عامة هو مش حلو ومش وحش وليه ناسه بس هو يعتبر اكبر عائد مادى لخريج علوم كمبتدا هيكون فيه

سؤال بقي صعب شوية

في مقولة بتقول الانسان عدو نفسه (comment)
سمعنا كومنت علي الجملة دي
انا بفهم انجليزى شويه
وقال الشاعر
إني بليت بأربع ما سلطت ... إلا لأجل شقاوتي وعنائي
إبليس والدنيا ونفسي والهوى ... كيف الخلاص وكلهم أعدائي؟
إبليس يسلك في طريق مهالكي ... والنفس تأمرني بكل بلائي
وأرى الهوى تدعو إليه خواطري ... في ظلمة الشبهات والآراء
وزخرف الدنيا تقول أما ترى ... حسني وفخر ملابسي وبهائي؟

يعنى فعلا الشاعر قلنا الموضوع ببساطه فالنفس امارة بالسوء فالانسان اذا سلطه الله على نفسه يكون عدوا للدود للنفسه فيكون اكثر خطرا على نفسه من اى شئ اخر لذا يجب علينا ان نكبح انفسنا ونربيها ونزللها لكل ما فيه خير لانفسنا والا نلقى بانفسنا الا التهلكه كما قال عز وجل (ولا تلقو بانفسكم الى التهلكه) صدق الله العظيم



اوصف هؤلاء الاعضاء

ادمن جد شويه وهو ده المطلوب

حازم انسان دقيق
محمد سعد مجتهد وشفاف
ابو تريكة شهم ومرح واجمل ما فيه روحه الحلوة وينفع ممثل
بريف هارت بتلخص وده المهم
بيور اميره المنتدى هههه
امة الله مذيعه اف ام المنتدى
المهندسة اتش يعنى دى اكيد احسن حد في المنتدى كفايه انها المهندسه
مشكاة الانوار الهدوء الذى اعتقد انه يسبق العاصفه
واخيرا انا انتى اكيد من عالم تاني (عشان تبقى تدبسينى)


وشكرا ليييكى نورتينى

انا اول مره اشارك في كرسي الاعتراف عشان كده مش هطول سؤال واحد
مسجل حبيبتك ايه ع الموبايل Wink ؟


منورنى والله يا موووووود ويارب تكون معانا على طول
بس انا قلت قبل كدة انى الحب عندى كلام مسلسلات وانا لو كان ليا حبيبه فعلا اكديد كنت هسميه باسمها
عادى زى كل البنات الى عندى على الموبايل

لله الله الله
وعاد ليسأل
منور ابو سعد
من اكتر صوت بتحب تسمعله وهو بيقرأ القرأن؟
فضيله الشيخ عبد الباسط عبد السمط وفضيله الشيخ الحذيفي
اكتر سوره تحب تقرأها؟
طبعا القران كله كلام الله ولاكن بعض السور انا تلقائيا اقراها مريم والكهف والرحمن والواقعه ويس
اكتر وقت تحب تعقد مع نفسك وتراجع احوالك؟
انا مبحبش اراجع فى اى حاجة حتى فى الامتحانات بس انا ممكن اقعد افكر هعمل ايه فى الى جى طبعا الساعة5 الفجر
ايه رأيك في التمثيل ؟
اكيد موهبه جميله
اكتر ممثل بتحب تمثيله ؟ اكنر ممثل بحب تمثيله د يحيى الفخرانى

اكتر ممثله بتحبه تمثليها ؟
اكتر ممثله السيندرلا سعاد حسنى

اكتر الافلام تحب تتفرج عليها ؟ اما كتر الافلام الى بحب اتفرج عليها من الافلام الحديثه ممكن يكون الريس عمر حرب

وكفايه كده عليك ؟ ربنا يخليك شكرا للمشاركتك المعنويه
الله يسهلك اخر يوم ليك يارب يسهل
يسهلووووووووووه يا سيدي

عدناااا

اولا انا ابدي اعجابى الشديد بالجمله دي(انا لا انتمي لاي جماعات )فهى تمنع فهما خاطئ قد يتسلل الى من يقرأاجاباتك السابقه فالجمله دي جات في وقتها وهو ده المنهج الصح
مرسي ليك
اسال بقى:
اكتب لنا جمله تصف فيها حياتك الماضيه؟
حياتى الماضيه اسهل بكنير مت الى جى
الحياه في المملكه اثرت على شخصيتك بايه؟
بصراحة مش عارف اصل شخصيتى اتبنت هناك فممكن يكون السؤال بالعكس
لو رشحت نفسك في الانتخابات الجايه دي هتترشح تحت اى حزب وما شعار حملتك؟

اكيد هكون مستقل وهيكون شعاري (لا للجهل لا للمرض لا للفقر)
شخص غير مجرى حياتك؟
واحد مره قالى جمله وكنت عندى12 سنه (غلطة الشاطر بعشره اخطاء)
5 مواقع تحرص على زيارتهم دائما(نت)؟
1-موقع دكتور يوسف القرضاوى
2-منتدى علوم الفيوم
3-منتدى تكنلوجيا التعليم مش للدعايه
4-شات مصري
5-والباقى مواقع كتير بقى مش بدخلها باستمرار
كلمه تمنيت لو تستطيع سحبها؟
لا معتقدش
شخص صدمك؟
احد اعضاء هيئه التدريس فى الكليه
ان شاء الله لو فتحت معمل تحاليل مين الشخص اللى نفسك ييجي يحلل فيه؟
ده اكيد حد انا مش بحبه
لو معاك بندقيه فيها 3 طلقات الى من ستصوبهم؟(لو احتجت طلقات تاني ما يهمكش احنا في الخدمه)
الجهل المرض الفقر الدكتاتوريه الظلم الاستبداد
حكمه تؤمن بها؟
لا تبكى على اللبن المسكوب
ولا تجلس عند الشاطى ء منتظرا لمن رحلو وتركوك فهناك من هم اولى بك من النتظار
اكتر سؤال محرج اتسالته في حياتك؟
الحمد لله محصلش او يمكن انا نسيته وانتا جوبت ايه؟.................
متى اخر مره بكيت ومن ابكاك؟

اخر مره بكيت فيها اعتقد انها منذ عده شهور وكان السبب وفاة صديق لى او بمعنى اصح اخ لى وكان سبب بكائى باختصار انه مات غريق وتذكرت صورة له فى نفس المكان الذى غرق فيه
وكان يكتب عليها
الموج الازرق فى عينايا ينادينى انى اغرق اغرق اغرق
المهم اسالكم الفاتحة والدعاء
فعجبت لامر هذا الكون وعجبت امر الانسان
هدف وضعته وتحقق؟
الحمد لله كل اهدافى لا تتحقق كامله اتذكر قول احدهم تمنيت ان اكون مثل على ابن ابى طالب وها انا ذا ما اكون عليه وثان لم يتحقق ؟ ............................واخر قد يتحقق؟ كل الى انا قلتلك عليه مين عالم ربنا كبير
لمن تقل مستحيل انساك؟
اسلام رشدان(صديق لى)

نفسك في ايه حالا؟نفسي اكون قدرت اجاوبكم على الاسئله وان انتو تكونو استفدتو
هل تطلب من زوجتك ارتداء النقاب (مستقبلا)؟ اكيد
طيب لو طلبت منك تشتغل هتوافق؟برضو اكيد
لمن تود ان تعتذر؟ لاي شخص اسات له من غير قصد
كفايه اوى اوى اوى
اعتذر جداااااااااااا للاطاله ولا يهمك يا جميل نورتنى
خاااااالص امنياتي بالتوفيييق ولك ايضا

واضح كدا ان انتو خلصتو اسئله والحمدلله طلعت برائه وسوف يتم الافراج عنى بضمان الارشاد عن المتهم الجديد
تتوقعو مين المتهم الجديد

المتهم الجديد هو العضو الناشط مؤخرا والذى يتوقع انه هو وراء احداث الحادى عشر من ايلووووول لعام0.02214114ق.م (ق.م=قنبله موقوته)
لذا فانا اتهم العضو
موووووووووووووووووووووووووووووووووووووووووووووووووووووووووووووووووود
والذى اتخذ شعارا للجماعته المحظوره
[ندعوك للتسجيل في المنتدى أو التعريف بنفسك لمعاينة هذه الصورة]
وكان اتخاذ مووود لهذا الشعار بمثابه التمويه لقوات حفظ الدمار الدوليه التى اعلنت انه قد تم ضمه الى قائمه العناصر الناشطين كميائيا وان اشعته انتشرت بشكل ملحوظ
فى الفتره السابقة فى انحاء المنتدى مما كان له من اثر ايجابى على الاعضاء وهذا مخالف لقوانين مجلس الحرب الدوليه
ولهذا العضو مووود تم القبض عليه ووضعه فى بوتقه غير منفذه للاشعاع على كرسي العتراف

مووووووووووووووووووود الحادي عشر ابن لادن
اللى هيسال سؤال مش عاجبني هفجرلكم المنتدى
وربنا يستر استعنا على الشقى بالله

شعار حديث كيك
حلو الشعار ده ممكن انضم للجماعه دي