mooon dreem علي كرسي الاعتراف كله يجري ويسأل بسرعة(الاسئلة مجانا)

السلام عليكم ورحمة الله وبركاته
لقد صدر قرار جاااااامد بعد تفكير عميق وجهد طويييييييييييل جداا بترشيح العضوة الجميلة moon dream
علي كرسي الاعتراف وهذا بالنيابة عن العضوة الامورة الدكتورة brave heart
ونظرا لوجود مجموعة من المشاكل عند بريف ابلغتني بان ارشح موووووون دريم حتي تعود بريف هارت


ومعنا اتصال هاتفي بمووون دريم ونقول الووووووووووووو!!!!!!!!!!!!
ازيك يا مون نبتدي كده بكام سؤال علي السريع

ما هي شخصية بريف؟؟؟؟؟؟؟؟؟


ايه اكتر اكلة تحبيها؟
اكتر مشروب؟
اكتر مكان تحبيه؟
ايه صفاتك الايجابية والسلبية؟؟
مجموعك كام في ثانوي؟؟
ايه رائيك في كلية علوم ؟؟؟؟؟؟؟
ايه رائيك في المنتدي؟؟
ايه هي امنية حياتك؟؟
كفاية دول يا جميل ولسة اللي جاي احسن

يا مساء الانواااااااااااااااااااااااااااااار
ومعانا عضوه قديرة جدا علي كرسي الكل الحمد لله اللي قعد فيه أشتكي
سوري قصدي ارتاح جدا
خدي كام سؤال كده عشان لما تختبري في جهاز كشف الكدب امام الموساد
هههههههههههههههههههههههههههههه
ربنا يبعدك عنهم و عنا
والاسئله المعتاده و هي.............؟

تلاقي نفسك ازاي؟
بتقدرتواجهي نفسك بحقيقه غلطك ؟ ولا بتهربي؟
اخبار
الحب معاكي؟
علاقتك بمامتك وباباكي ازاي؟
مين اقرب صديق ليكي؟
اكتر
مكان بتلاقي راحتك فيه؟
لونك المفضل؟
هل انتي انانيه؟
هل انتي

طموحه بالقدر الكافي؟
بتسعى ازاي لتحقيق احلامك؟

وايه اخبااااااااااااااااااااااااااااااااااار الدنيا الحلوه دي معاكي؟

دي برده
اسئله
اختياريه
جوابي علي اللي انتي عايزه

السلم عليكم يامون دريم

يامساء التماسي يامون دريم قاعد على الكراسي
كرسي متعب....قصدي مريح ان شاء الله..........
نبداء نسخن بشوية اسئله عشان نلعب مباراة القمه من غير اصابات عشان اللى جاي اصعب وربنا يستر ...ههههههههههههههههههههههههههههههههههههههههههه

ويصفر الحكم الدولي عبدالسميع من جنب موقف مصر القديم.....................
1_عرفي نفسك ؟
2_حفظه كم من القران؟
3_تفضلي خله النقاب او لبسه ؟
4_ناديك المفضل في مصر ؟
5_اللاعب المفضل ليك ؟
6_اللون المفضل ؟
7_من ترشحي لمنصب الرئيس (الريس _البرادعي) واي رايك في الحكومه الحاليه ؟.........انا معرفك ولا قولتك حاجة....على ابوزعبل على طول.................هههههههههههههههههههههه
8_اكتر موقف محزن مريتي بيه ؟
9_موقف مفرح ؟
10_موقف مضحك عمرك ما هتنسيه ؟

ويصفر الحكم عبدالسميع بانتهاء الشوط الاول والنتيجة 1_0 ليه.....................

سي سو فاصل اعلاني ونرجع تانييييييييييييييييييييييييييييييييييييي......................

مبسوطة ف علوم؟
اكتر قسم بتحبيه ف الكلية؟

ههههههههههههههههههه سؤال علي الماشي
ايه الاخبار في امتحانات الميد ترم ؟
اكيد فيه نفخ في الاسئله

ازيكم يا احلى اعضاء
سورى على التاخير بس الامتحانات بقى
وقبل ما اجاوب على اى حاجه احب اشكر المشرفين بجد على مجهودهم واكيد كمان كل الاعضاء

السلام عليكم ورحمة الله وبركاته
وعليكم السلام ورحمه الله وبركاته
لقد صدر قرار جاااااامد بعد تفكير عميق وجهد طويييييييييييل جداا بترشيح العضوة الجميلة
moon dreamعلي كرسي الاعتراف وهذا بالنيابة عن العضوة الامورة الدكتورة brave heart
تمام يا فندم ربنا يستر
ونظرا لوجود مجموعة من المشاكل عند بريف ابلغتني بان ارشح موووووون دريم حتي تعود بريف هارت


ومعنا اتصال هاتفي بمووون دريم ونقول الووووووووووووو!!!!!!!!!!!!
1 2 3 حول هههه الهاتف المطلوب مغلق او غير متاح يرجى الاتصال فى وقت لاحق هههه
ازيك يا مون نبتدي كده بكام سؤال علي السريع
انا تمام الحمدلله وجاهزة لللاسئله اتفضلى
ما هي شخصية بريف؟؟؟؟؟؟؟؟؟
شخصية بريف شخصية طيبة واجتماعية وبجد انا لسه عارفه ده قريب لانى مكنتش بتعامل معاها كتير بس بجد هى شخصية جميلة
ايه اكتر اكلة تحبيها؟
البطاطس
اكتر مشروب؟
عصير المانجة
اكتر مكان تحبيه؟
اكتر مكان احبه انى اقف قدام اى بحر مش شرط اكون زعلانة ومخنوقة لا بس بحب اقف قدام البحر عامة
ايه صفاتك الايجابية والسلبية؟؟
بصى انا اكيد مش هقدر اتكلم عن صفاتى الايجابية اصحابى هما ادرى بيها لانهم هما اللى شايفنى اما الصفات السلبية بصراحه انا شايفة انى عصبية شوية
مجموعك كام في ثانوي؟؟
92.5
ايه رائيك في كلية علوم ؟؟؟؟؟؟؟
والله انا شايفة انها كلية ليها مكانة محترمة وتقدير فى مجتمعنا
ايه رائيك في المنتدي؟؟
كويس
ايه هي امنية حياتك؟؟
اشوف ماما وبابا دايما مرتاحين ومبسوطين بصراحة دى اكتر حاجه بتمنى اشوفها اما عن حياتى اتمنى ربنا يوفقنى فى الدراسة ونفسى افتح معمل تحاليل
كفاية دول يا جميل ولسة اللي جاي احسن
نورتينى يا قمر وميرسى على الكلام الجميل اللى فى الاول

يا مساء الانواااااااااااااااااااااااااااااار
يا مساء الفل
ومعانا عضوه قديرة جدا علي كرسي الكل الحمد لله اللي قعد فيه أشتكي
سوري قصدي ارتاح جدا
ميرسى جدا
خدي كام سؤال كده عشان لما تختبري في جهاز كشف الكدب امام الموساد
هههههههههههههههههههههههههههههه

والله العظيم اقول الحق ههههه

ربنا يبعدك عنهم و عنا
هههه اميييين يارب
والاسئله المعتاده و هي.............؟

تلاقي نفسك ازاي؟
وقت ما بحقق نجاح فى الحاجه اللى بعملها
بتقدرى تواجهي نفسك بحقيقه غلطك ؟ ولا بتهربي؟
اه بقدر الحمدلله
اخبار
الحب معاكي؟
الاخبار زى الاهرام...
علاقتك بمامتك وباباكي ازاي؟
الحمدلله كويسة
مين اقرب صديقة ليكي؟
واحدة من شلتنا بس مش هقول اسمها
اكتر مكان بتلاقي راحتك فيه؟
قدام البحر او فى مكان كله زرع (حديقة مثلا) كده يعنى واى مكان بكون مع اصحابى فيه بلاقى راحتى فيه
لونك المفضل؟
الازرق السماوى وبالنسبة للالوان عامة انا بحب اللون الاخضر وخاصة الموف والاحمر
هل انتي انانيه؟
لا خالص الحمدلله
هل انتي طموحه بالقدر الكافي؟
اه الحمدلله
بتسعى ازاي لتحقيق احلامك؟
بحاول كتير مع اى حاجه نفسى احققها بكل الطرق الممكنة وربنا يحقق لكل حد فينا اللى بيتمناه يارب
وايه اخبااااااااااااااااااااااااااااااااااار الدنيا الحلوه دي معاكي؟
مش تمام خاااااالص والله الحمدلله على كل شئ
دي برده
اسئله
اختياريه
جوابي علي اللي انتي عايزه
تمام جاوبتك على كل الاسئله
وميرسى ليك مره تانية

ازيك يا مون دريم عاملة ايه؟
تمام انا الحمد الله بخير
انا مش هرخم عليكي :
لا ابدا يا قمر ده انتى هتنورينى بالاسئله
انتي في قسم ايه؟
انا فى قسم بيولوجى كيميا
كنتي في مدرسة ايه في ثانوي؟
كنت فى مدرسة الفيوم الثانوية بنات
تقديرك كام الترم اللي فات؟
جيد مرتفع
قرار اخدتية وندمتي عليه؟
لحد دلوقت الحمدلله مفيش ربنا يستر
موقف حصل وتتمني تكرريه؟
هو فيه موقف نفسى انه يتكرر فعلا بس خلينى احتفظ بيه لنفسى
راضية عن نفسك دينيا ودنيويا ؟
الحمدلله
ايه مفهوم الصداقة بالنسبة لكي؟
والله الصداقة دى اجمل حاجه فى الدنيا وبالنسبالى اصحابى هما اغلى حد عندى بعد ماما وبابا واخويا ربنا يخليهم ليا يارب
ايه سبب اشتراكك في المنتدى؟
اكيد عشان استفيد منه وكفاية انه بيجمع طلبة علوم مع بعض ودى اجمل حاجه
ولكي حرية الاجابة لان الاسئلة مش اجبارية
ويا رب مكونشي رخمت عليكي
خالص والله كل الاسئله لطيفة خالص وميرسى ليكى

السلم عليكم يامون دريم
وعليكم السلام ورحمه الله وبركاته
يامساء التماسي يامون دريم قاعد على الكراسي
ههههههههه ميرسى يا مساء النور
كرسي متعب....قصدي مريح ان شاء الله..........
ربنا يستر
نبداء نسخن بشوية اسئله عشان نلعب مباراة القمه من غير اصابات عشان اللى جاي اصعب وربنا يستر ...ههههههههههههههههههههههههههههههههههههههههههه
طيب خلى بالكم بقى لاحسن اجيب هدف ههههه
ويصفر الحكم الدولي عبدالسميع من جنب موقف مصر القديم.....................
1_عرفي نفسك ؟
انا طالبه فى تانية بيولوجى واكييييد كلية علوم هههههه والسن 18 سنة بس خلاص كام يوم وهكمل 19 كبرنا وعجزنا هههه السكن فى الفيوم نفسها مش عارفه فى اى تانى اقدر اقوله ممكن فصيلة الدم شربات مكرر هههههههههه
_حفظه كم من القران؟
جزء تقريبا
3_تفضلي خلع النقاب او لبسه ؟
عامه اكيد افضل الاحسن وهو النقاب بس انا بالنسبالى اهم حاجه انى البسه عن اقتناع
4_ناديك المفضل في مصر ؟
النادى الاهلى
5_اللاعب المفضل ليك ؟
عماد متعب وزيدان
6_اللون المفضل ؟
انا جاوبته قبل كده بس عموما الازرق السماوى
7_من ترشحي لمنصب الرئيس (الريس _البرادعي) واي رايك في الحكومه الحاليه ؟.........انا معرفك ولا قولتك حاجة....على ابوزعبل على طول.................هههههههههههههههههههههه
افضل الريس الحكومه عادى مش ليا فى السياسة بصراحه ههه
_اكتر موقف محزن مريتي بيه ؟
موقف حسيت ساعتها ان كل حاجه ضاعت من ايديا اما اتصدمت فى شخصية معينة
9_موقف مفرح ؟
مواقف كتير بس مثلا لما جبت نتيجة 3 اعدادى كنت فرحانة واما احس انى عملت اى حاجه تبسط الحد اللى قدامى وتريحه دى بتبقى مواقف تفرحنى ولما حد يكون عزيز عليا ويكون فرحان بتبقى دى مواقف تفرحنى
10_موقف مضحك عمرك ما هتنسيه ؟
صحبتى اللى انا ببقى معاها دايما كنا ف يوم مروحين واليوم ده حصل معانا مواقف كتير غريبة وكان يوم ملغبط خالص ولغبطنا مواعيد السكاشن خالص ونسينا الكتب فى التاكس والكتب مكنتش بتاعتنا كانت بتاع اصحابنا فكان يوم بجد مضحك رغم كل اللى فيه بس الراجل بتاع التاكس الحمدلله رجع الكتب لحد البيت ربنا يكرمه وموقف تانى مقدرش انساه وانا فى اعدادى واحدة من اصحابنا جات تقعد فى الديسك معانا وقع بينا بس بصراحه كان موقف فظيع والاستاذ كان واقف قدامنا
ياخوفى لاحسن اقع انا من الكرسى ده ربنا يستر هههه
ويصفر الحكم عبدالسميع بانتهاء الشوط الاول والنتيجة 1_0 ليه....................
نو النتيجه لحد دلوقت تعاااااااااادل
سي سو فاصل اعلاني ونرجع تانييييييييييييييييييييييييييييييييييييي
ميرسى ليييك

مبسوطة ف علوم؟
الحمدلله مبسوطة

اكتر قسم بتحبيه ف الكلية؟

اكيد قسم بيولوجى

ميرسى لمرورك

ههههههههههههههههههه سؤال علي الماشي
ايه الاخبار في امتحانات الميد ترم ؟
يعنى ماشى الحال
اكيد فيه نفخ في الاسئله
ههههههه
يعنى ربنا يستر
وربنا معانا كلنا

السلام عليكم ورحمة الله وبركاته
ان شاء الله كرسى مريح
هى صورة حضرتك بتقول ان الحزن صديق عزيز لديك؟لماذا كل هذا الحزن؟
قوليلنا بقى خمس قرارات هتاخديهم لو جلستى على كرسي سيادة العميييد؟
نفسك تقولي ايه لطلبة كلية علوم؟
شايفه جامعة الفيوم ازاى؟
شخصية استفدتى منها كتير؟
هوايات حضرتك
وسام التميز تعطيه لمن من دكاترة الكليه؟
وكفايه كده قوى النهارده

ازيك يا مون دريم يا حبيبتي منورةا لكرسي جدا

كنت مستنية انك تقعدي من زماااااااااااااااااااااان ههههههههههههه انتي عارفة بقي بحبك اد ايه عشان كده مش تخافي هسألك شوية اسئلة صعبة اخر حاجة لعلي ارد شوية من جمايلك يا بيبتي
اياكي تفوتي سؤال والاسئلة من المقرر وكالعادة صعبة




باقة ورد لمن تهديــــــــــــــها

باقة شوك لمـــــــــن تهديــــــــــها

قطعة فحم صغيرة وجدار نظيف ماذا سترسم عليه وماذا ستكتب تحت الصورة ؟

كلمة توصفيني بيها

نصيحة تحبي تقدميهالي

اكتر قسم بتحبيه في المنتدي؟

اكثر 5 اعضاء عجبوكي ؟ وما الصفة المميزة لكل عضو ؟


اذا تدخلت اعزصديقاتك بخصوصياتك العاطفية ..هل هتسمحيلها تتدخل ولا هتمنعيها ..ولماذا..

:ماهو المهم عندك (الصديق؟)..او (الحبيب؟).



كان لكي صديقة عزيزة ولكن تصرفاتها لم تعجبك ..هل ستخبريها وانتي عارفة انها هتزعل من كده ولا هتسكتي ومش تقوليلها؟

هل تتوقع ان صدقات النت راح تطول وامكن تتطور .. .؟


الشعر اللي انتي بتكتبيه غالبا يسوده الحزن ما هو سر هذا الحزن؟



بتفضلى البحر فى الغروب ولا فى الشروق

لو طلبت منك ، تفتحي موضوعاً إجتماعياً للنقاش ، ماذا سيكون موضوع النقاش؟

ما الفرق بالنسبة ليكي بين الكبرياء و الغرور و الثقة بالنفس؟

أغمضي عينيكي لدقائق لو سمحتي ، و تخيلي أنك تقفي الآن أمام باب السلام للكعبة المشرفة ،
و تحملي في يديكي كوباً من ماء الزمزم المباركة ، ما هو الدعاء الذي ستبدأي به ؟


كلمه تهديها لباباكي ومامتك ولأخوكى ولأعز صديقه ؟

آصعب لحظه بحيآتك ؟

اوصفي نفسك في سطرين؟

لمن تلجأي في ضيقتك لتفضفضي له؟

اعتذار تقدميه لمين

كلمة شكر لمين تقدميها

شخص مش تحبي تشوفي دموعه؟

العضو اللي تحسي انه غامض؟

جائزة العضو النشيط تهديها لمين؟


جائزة أحسن أخلاق لمن تعطيها ؟


جائزة أحسن أسلوب فكاهى تهديها لمين؟

احسن رحلة رحتيها وعمرك ما تنسيها؟

لو بكرة اخر يوم في العالم تحبي تعملي ايه النهاردة ؟

من وجهة نظرك هل طيبة الإنسان تكون أحياناً مصدر لتعاسته؟


ما رأيك بحب التملك عند بعض الأشخاص، بهدف تملك الآخرين فقط؟



بيت شعر مقرب منك جدا /آية قرآنية تردديها دائما ؟


هل ندمتي في حياتك على شي معيّــن ؟


اخر كلمة تحبي تقوليها بعد ما جاوبتي علي الاسئلة


واخير بعد كل الاسئلة دي لو شفتيني دلوقتي هتعملي فيا ايه؟

السلام عليكم ورحمة الله وبركاته
وعليكم السلام ورحمة الله وبركاته
ان شاء الله كرسى مريح
يارب
هى صورة حضرتك بتقول ان الحزن صديق عزيز لديك؟لماذا كل هذا الحزن؟
لا عادى هى الصورة عجبتنى
قوليلنا بقى خمس قرارات هتاخديهم لو جلستى على كرسي سيادة العميييد؟
اولا معامل كلية علوم لازم تتغيييييييييييييير للاحسن تتطور بمعنى اصح وخاصة معامل الكيميا
ثانيا طريقة التدريس
ثالثا كمان تقديرات الاقسام مش شرط ان القسم يكون بتقدير معين
رابعا نوسع مجلات العمل لكلية العلوم
خامسا مواعيد الكلية والجداول والمعامل اللى بتستمر اربع وخمس ساعات متواصلة
كل دى حاجات لازم تتغير لصالح الطالب وفى اكتر
نفسك تقولي ايه لطلبة كلية علوم؟
ربنا يخرجنا من الكلية على خييييييييييير
شايفه جامعة الفيوم ازاى؟
مش فاهمه يعنى ايه شايفة الجامعة ازاى من ناحية ايه بالظبط؟؟؟
شخصية استفدتى منها كتير؟
بابا
هوايات حضرتك
كتابة الشعر والرسم بس مش فى كل الاوقات
وسام التميز تعطيه لمن من دكاترة الكليه؟
دكتور صبرى خليل
وكفايه كده قوى النهارده
ميرسى ليك

ازيك يا مون دريم يا حبيبتي منورة الكرسي جدا
اه ه ه ه ه اهلا ربنا يستر هههه انا الحمدلله تمام

كنت مستنية انك تقعدي من زماااااااااااااااااااااان ههههههههههههه انتي عارفة بقي بحبك اد ايه عشان كده مش تخافي هسألك شوية اسئلة صعبة اخر حاجة لعلي ارد شوية من جمايلك يا بيبتي
اياكي تفوتي سؤال والاسئلة من المقرر وكالعادة صعبه

اللى عملته فيكى شكله هيطلع عليا ههه ربنا يستر

باقة ورد لمن تهديــــــــــــــها
اهدى الباقة دى لكل اعضاء المنتدى كل حد ياخد وردة

باقة شوك لمـــــــــن تهديــــــــــها
مش لحد خالص

قطعة فحم صغيرة وجدار نظيف ماذا سترسم عليه وماذا ستكتب تحت الصورة ؟
اها هبقى اقولك هرسم ايه واكتب ايه بس لما اشوفك بقى هههه

كلمة توصفيني بيها
طيوووووووووووووبة كتيييير

نصيحة تحبي تقدميهالي
نصحيتى فعلا مش عايزاكى تتسرعى فى اى قرار

اكتر قسم بتحبيه في المنتدي؟
قسم الابداعات

اكثر 5 اعضاء عجبوكي ؟ وما الصفة المميزة لكل عضو ؟
الاعضاء كلهم كويسين

اذا تدخلت اعز صديقاتك بخصوصياتك العاطفية ..هل هتسمحيلها تتدخل ولا هتمنعيها ..ولماذا

بتقولى اعز اصدقائى اكييييد اسمحلها وعموما التدخل هيكون فى حدود انى استفيد برايها فى حاجه معينة ربما تكون شايفة حاجة انا مش شايفاها وعامة اللى بيبقى بره الموضوع بيعرف يحكم اكتر من اللى عايش الموضوع نفسه ولا خاب من استشار

:ما هو المهم عندك (الصديق؟)..او (الحبيب؟).
...............................

كان لكي صديقة عزيزة ولكن تصرفاتها لم تعجبك ..هل ستخبريها وانتي عارفة انها هتزعل من كده ولا هتسكتي ومش تقوليلها؟

اكيد لازم اوضحلها التصرف اللى بيزعلنى منها ولو حتى بطريقة لطيفة والاهم كمان انى مش ازعلها

هل تتوقع ان صدقات النت راح تطول وامكن تتطور .. .؟
مش عارفه بصراحة

الشعر اللي انتي بتكتبيه غالبا يسوده الحزن ما هو سر هذا الحزن؟
السسسر
السر

فى بييييييييير مخرووووووووم هههه انتى مش بتقولى سر طيب هقوله ازااااااى؟.


بتفضلى البحر فى الغروب ولا فى الشروق

بحب البحر فى كل الاوقات بس افضل الغروب

لو طلبت منك ، تفتحي موضوعاً إجتماعياً للنقاش ، ماذا سيكون موضوع النقاش؟

هفتح موضوع يخص تطور كلية العلوم

ما الفرق بالنسبة ليكي بين الكبرياء و الغرور و الثقة بالنفس؟
الكبرياء
إن الكبرياء لا يستحقه غير الله
الغرور
صفة لابد الابتعاد عنها
الثقة بالنفس صفة جميلة بس اهم حاجه انها تبقى فى حدود معقولة لان لو زادت عن حدها احيانا بتكون غرور

أغمضي عينيكي لدقائق لو سمحتي ، و تخيلي أنك تقفي الآن أمام باب السلام للكعبة المشرفة ،
و تحملي في يديكي كوباً من ماء الزمزم المباركة ، ما هو الدعاء الذي ستبدأي به ؟
يارب ادخلنى واهلى و كل اعضاء المنتدى اللى معانا الجنة

كلمه تهديها لباباكي ومامتك ولأخوكى ولأعز صديقه ؟
بحبكم

آصعب لحظه بحيآتك ؟
خلاااااااااص بقى بلاش حزن

اوصفي نفسك في سطرين؟
اكيد انتى عارفانى بس عموما وباختصار اصحابى بيقولولى انى حنينة وحساسة
وصريحة ومعرفش بجد اوصف نفسى ولا اتكلم عليها اكتر من كده نخلى الوصف ده ليكم انتم

لمن تلجأي في ضيقتك لتفضفضي له؟
لشخصية او صديقة برتاح فى الكلام معاهم

اعتذار تقدميه لمين
لشخص ما

كلمة شكر لمين تقدميها
اكيييييد ل ماما

شخص مش تحبي تشوفي دموعه؟
ماما

العضو اللي تحسي انه غامض؟
الغموض ده حاجه احددها من خلال التعامل مع الشخصية مش شرط من خلال الردود بس عشان كده مش هقدر اوصف اى عضو بالغموض

جائزة العضو النشيط تهديها لمين؟
لمشرفين المنتدى كلهم بناء على اشرافهم فى المنتدى ومجهودهم وطبعا فى اعضاء كتيييييير يستحقوا جائزة العضو النشيط مش عايزة انسى حد

جائزة أحسن أخلاق لمن تعطيها ؟
لكل اعضاء المنتدى

جائزة أحسن أسلوب فكاهى تهديها لمين؟
هههههه انتى مصممة بقى عموما اهديها لاعضاء كتييييييير فى المنتدى لان مواضعهم والردود فكاهيه

احسن رحلة رحتيها وعمرك ما تنسيها؟
رحلة اسكندرية

لو بكرة اخر يوم في العالم تحبي تعملي ايه النهاردة ؟

ياااااااااه هعمل حاجات كتييييير اوى
واهم حاجه مش هخلى حد خاالص زعلان منى فى اى حاجه

من وجهة نظرك هل طيبة الإنسان تكون أحياناً مصدر لتعاسته؟

بصى الطيبة عامة لازم تكون فى حدود المعقول
وفعلا الطيبة لو زيادة عن حدها ممكن تكون سبب لتعاسته وحاجات تانية كتير

ما رأيك بحب التملك عند بعض الأشخاص، بهدف تملك الآخرين فقط؟
حب التملك مش فى كل حاجه كويس

بيت شعر مقرب منك جدا /آية قرآنية تردديها دائما ؟
ربنا اتنا فى الدنيا حسنة وفى الاخرة حسنة وقنا عذاب النار
اما بيت شعر .....

هل ندمتي في حياتك على شي معيّــن ؟

لا الحمدلله ربنا يستر

اخر كلمة تحبي تقوليها بعد ما جاوبتي علي الاسئلة
هو فى حاجه اقدر اقولها كمان بعد كل ده ههههههه

واخيرا بعد كل الاسئلة دي لو شفتيني دلوقتي هتعملي فيا ايه؟
ههههههههههههههههههه بالحضن طبعااااااااااااااا
هههههه
نورتينى يا قمر بالاسئله ميرسى لييييييييكى
وده بقى ورد ليكم اعتبروها باقة ورد

اقتباس :

يارب ادخلنى واهلى و كل اعضاء المنتدى اللى معانا الجنة

يـــــــــــــا ســـــــــــــــــــــــــــــــــــــــــــــــــــــلام

الدبلوماسية مطلوبة بس مش للدرجه دي




ممكن تذكري لنا سبب التسمية (مون دريم) ؟
ممكن تقوللنا ايه السؤال اللي نفسك تتسئليه وبعد كده جاوبي عليه؟(لو في)
ايه هي المحاضرة المفضلة لكي الترم ده؟
ايه المحاضرة الغير مفضلة لكي الترم ده؟( أنصحك ماتجوبيش)

وشكرا

انا مش جاي اسأل انا جاي اعلق بس على حاجة


ايه الدبلوماسية الشديدة في الردود دي
احنا كنا عايزين صراحة اكتر من كدة مش دبلوماسية مفرطة.........ههههههههههههههههههههههههه


معلش تقبلي مروري

اولا ميرسى ليك طبعا
ثانيا ايه الدبلوماسية فى الدعوة؟
بصراحه مش شايفة دبلوماسية فيها خالص
ده لمجرد انى اتسالت السؤال فى المنتدى فانا فعلا ده اللى جه فى عقلى وقتها مش اكتر

ممكن تذكري لنا سبب التسمية (مون دريم) ؟
مفيش سبب بس الاسم عجبنى
ممكن تقوللنا ايه السؤال اللي نفسك تتسئليه وبعد كده جاوبي عليه؟(لو في)
والله ده انا خايفة اقول حاجه تقولوا دبلوماسية
ايه حاضرة المفضلة لكي الترم ده؟
د\عبدالكريم
ايه المحاضرة الغير مفضلة لكي الترم ده؟( أنصحك ماتجوبيش)
هههه وانا هعمل بالنصيحة
وميرسى ليك

انا مش جاي اسأل انا جاي اعلق بس على حاجة

تنور
ايه الدبلوماسية الشديدة في الردود دي

هههههههه اسمحلى اقولك انت اخر واحد تتكلم عن الدبلوماسية لانك فى اجاباتك كنت دبلوماسى جداااااااااااااااااااااااااااااااااااااااااااااا
متزعلش يعنى بس بجد كنت دبلوماسى اوى

احنا كنا عايزين صراحة اكتر من كدة مش دبلوماسية مفرطة.........ههههههههههههههههههههههههه

عموما انا كنت صريحة لو شايفين انها دبلوماسية مفيش مشاكل
معلش تقبلي مروري
ميرسى ليك

ماشاء الله علي الاجابات
انتي عسل بجد يا مووووووووون انا هسـألك سؤال بس كده علي الماشي ومش هطول
ناوية تتخصصي ايه في تالتة وليه؟؟؟؟؟؟؟؟
بتحبي ايه من المواد اللي بتاخديها؟؟؟؟؟؟
الحب موقعه ايه في حياة موووون دريم؟؟؟؟
الخيانة بتمثلك ايه؟؟؟؟
اخر سؤال وده اختياري\ لو احد زملائك قالك انه معجب بيكي وبشخصيتك هيكون رد فعلك ايه (طبعا مع الاخذ في الاعتبار انك ممكن تقتليه هههههههههههههه)
السؤال اختياري يا مووووووون اوك

هههههههههههههههه
يا اعضاء كلكم عليها في الاجابات و لا ايه
هو فعلا الكل بيجواب اللي بيجي في العقل ساعتها
فالباقي بيعتبره اجابه دبلوماسيه
مش عايز حد يضايق من اجاباتي دا مجرد رأي

بالمناسبه جوابي علي سؤال كده علي الماشي
وبلاش دبلوماسيه هههههههههههههههههههههه

ايه الصفات اللي تحبي تغيريها فيكي
والصفات اللي عايزها تبقي فيكي؟

وايه راي في الناس الايام دي ...؟
اكتر المواقف اللي ندمانه عليها..؟

دي برده اسئله اختياريه

ماشاء الله علي الاجابات
انتي عسل بجد يا مووووووووون انا هسـألك سؤال بس كده علي الماشي ومش هطول
ربنا يخليكى انتى والله اللى عسل
ناوية تتخصصي ايه في تالتة وليه؟؟؟؟؟؟؟؟
باذن الله قسم حيوان لانى شايفة انه هيكون افضل بالنسبالى
بتحبي ايه من المواد اللي بتاخديها؟؟؟؟؟؟
الكيمياء
الحب موقعه ايه في حياة موووون دريم؟؟؟؟
ما انا جاوبت على السؤال قبل كده.
الخيانة بتمثلك ايه؟؟؟؟
اصعب حاجه فى الدنيا ودى الحاجة الوحيدة اللى مش ممكن اسامح فيها
اخر سؤال وده اختياري\ لو احد زملائك قالك انه معجب بيكي وبشخصيتك هيكون رد فعلك ايه (طبعا مع الاخذ في الاعتبار انك ممكن تقتليه هههههههههههههه)
ههههههه والله على حسب الشخصية لو انا حاسة انى مرتاحة للشخصية مفيش مشكلة
اما لو مش فى دماغى ممكن اعتذر بطريقة لطيفة واوضح مثلا انه زى اخويا
السؤال اختياري يا مووووووون اوك
تمام جاوبتك
ميرسى ليكى

هههههههههههههههه
يا اعضاء كلكم عليها في الاجابات و لا ايه
شوفت بقى هههه

هو فعلا الكل بيجواب اللي بيجي في العقل ساعتها
فالباقي بيعتبره اجابه دبلوماسيه
مش عايز حد يضايق من اجاباتي دا مجرد رأي

تمام وده بالظبط اللى انا شايفاه ميرسى ليك

بالمناسبه جوابي علي سؤال كده علي الماشي
وبلاش دبلوماسيه هههههههههههههههههههههه

ههههه حاضر هجاوب بس بدبلوماسية هههههههههههههه

ايه الصفات اللي تحبي تغيريها فيكي
من الصفات اللى احب اغيرها فيا وفعلا والله بحاول مش ازعل نفسى على حاجات بسيطة لان كده الواحد ممكن يتعب نفسه

والصفات اللي عايزها تبقي فيكي؟
من الصفات اللى عايزاها تبقى فيا انى ابقى صبورة اكتر من كده والحمدلله على كل شئ

وايه راي في الناس الايام دي ...؟

الناس ياااااااااه الناس انواع فى منها الكويس وفى منها الوحش
والله بقيت بحاول اخد بالى من التعامل مع اى حد لاول مره اتعامل معاه لان خلاص الناس مش زى بعضها وللاسف انا بطمن للناس بسرعة شوية وده غلط ممكن يسبب مشاكل
وحاجه بصراحة بتزعلنى فى ناس كتير انها ممكن مش تراعى احساس الشخص اللى قدامها حتى وان كان الشخص اللى قدامها حساس شوية زيادة بس الواحد لازم يعدى للناس لان كل واحد له اسلوبه فى التعامل هو اصلا متعود عليه

اكتر المواقف اللي ندمانه عليها..؟

انا قولت قبل كده لا
لانى فعلا مش فاكرة موقف دلوقت

دي برده اسئله اختياريه

نورتنى وميرسى جدا ليك

انا مش لاقية حاجة اقولها هما قامو بالواجب وانتى اتهريتى اسئلة
بسلم عليكى كفابة

انا مش لاقية حاجة اقولها هما قامو بالواجب وانتى اتهريتى اسئلة
بسلم عليكى كفابة

الله يسلمك
ميرسى ليكى

ازيك يامون دريم اكيد الكرسي متعب جدا ..................

ياله نبداء الشوط التاني وخلي بالك انا كنت فايز الشوط الاول 1-0

ويصفر الحكم عبد السميع من جنب موقف مصر القديم لنطلاق الشوط التاني من مبارة القمه..........

1_وظفي الاعضاء دول في مناصب في المنتدى ؟ ....بس من غير رشوه....هههههههههه
الادمن
الدكتور علي
انا (ابوتريكة)
ابوسعد
الدكتوره
بيور
أمة الله
مشكاة الانوار
Me.And.You
h_engineer
2_ماتعليقك على الاعضاء دول اي اوصفيهم بكلمة ؟
الادمن
الدكتور علي
انا (ابوتريكة)
ابوسعد
الدكتوره
بيور
أمة الله
مشكاة الانوار
Me.And.You
h_engineer



ويصفر الحكم عبد السميع من جنب موقف مصر القديم بانتهاء المباراه طبعا لصالحي 10000000000000_0.........ههههههههههههههههههههههههههههههههههه عشان تعرفي الكبيييييير كبير...........

Moon_dream كتب:

انا مش جاي اسأل انا جاي اعلق بس على حاجة

تنور
ايه الدبلوماسية الشديدة في الردود دي

هههههههه اسمحلى اقولك انت اخر واحد تتكلم عن الدبلوماسية لانك فى اجاباتك كنت دبلوماسى جداااااااااااااااااااااااااااااااااااااااااااااا

متزعلش يعنى بس بجد كنت دبلوماسى اوى

احنا كنا عايزين صراحة اكتر من كدة مش دبلوماسية مفرطة.........ههههههههههههههههههههههههه

عموما انا كنت صريحة لو شايفين انها دبلوماسية مفيش مشاكل
معلش تقبلي مروري
ميرسى ليك

ياريت ابقى دبلوماسي جدااااااااااااااااااااااااا دي حاجة تفرحني علشان مش أزعل حد هههههههههههههههه
بس انا فعلا بستخدم الدبلوماسية في بعض الاجابات علشان محدش يزعل لكن 75% كنت صريح وبرمي اللي في قلبي وده المطلوب في نظري
ونفسي بس اكون صادق مع نفسي وده اهم من أي حاجة



لا انا مش زعلان خالص بس شكلك في ردك بترديهالي بسبب تعليقي ههههههههههههههههههههههههههههههههه

ان بعض الظن اثم
ههههههههههههههههههههه

ازيك يامون دريم اكيد الكرسي متعب جدا ..................

الحمدلله تمام

ياله نبداء الشوط التاني وخلي بالك انا كنت فايز الشوط الاول 1-0

ههههه ماشى لالا كان تعااااااااادل

ويصفر الحكم عبد السميع من جنب موقف مصر القديم لنطلاق الشوط التاني من مبارة القمه..........

1_وظفي الاعضاء دول في مناصب في المنتدى ؟ ....بس من غير رشوه....هههههههههه
الادمن الادمن والعاقل
الدكتور علي صاحب العقل والردود الرائعة
انا (ابوتريكة) الرومانسية
ابوسعد الرومانسية وخفة الدم
الدكتوره برنسيس المنتدى وردة المنتدى
بيور الرقيقة
أمة الله صاحبه مواضيع وافكار جميلة
مشكاة الانوار الردود الجميلة
Me.And.You
العاقل
h_engineer
الردود الجميلة والبسيطة
2_ماتعليقك على الاعضاء دول اي اوصفيهم بكلمة ؟
تسمحلى يا ابو تريكة الوصف فى كام كلمة مش كلمة واحدة ههههههه
الادمن من غير زعل احيانا رده بيبقى عنيف شوية وكمان العاقل
الدكتور علي تعليقاته بتعجبنى
انا (ابوتريكة) رومانسى وشخصية اجتماعية
ابوسعد ذوق جدا فى ردوده ورمانسى ودمه خفيف
الدكتوره عسوووووووووووووووووولة جدا كل حاجه بتعجبنى ردودها وكله برنسيس المنتدى فعلا زى ما قالت بريف

بيور رقيقة فى ردودها
أمة الله بحس انها شخصية هادية
مشكاة الانوار تعليقاتها حلوة
Me.And.You
تعليقاته كويسة
h_engineer
تعليقاتها بسيطة وجميلة
ويصفر الحكم عبد السميع من جنب موقف مصر القديم بانتهاء المباراه طبعا لصالحي 10000000000000_0.........ههههههههههههههههههههههههههههههههههه عشان تعرفي الكبيييييير كبير....

ههههههههه
لالالا النتيجه 1:1
ميرسى ليك

ياريت ابقى دبلوماسي جدااااااااااااااااااااااااا دي حاجة تفرحني علشان مش أزعل حد هههههههههههههههه

ايوة طبعا الدبلوماسية حاجه جميلة الدبلوماسية مطلوبة ولكن مش مفرطة وده اعتقد من كلامك

بس انا فعلا بستخدم الدبلوماسية في بعض الاجابات علشان محدش يزعل لكن 75% كنت صريح وبرمي اللي في قلبي وده المطلوب في نظري
ونفسي بس اكون صادق مع نفسي وده اهم من أي حاجة

يارب وده اكتر حاجة الواحد يتمناها

لا انا مش زعلان خالص بس شكلك في ردك بترديهالي بسبب تعليقي
ههههههههههههههههههههههههههههههههه

اكيد عقلنا مش صغير يا ادمن عشان توصل ان احنا نرد لبعض الردود واللى انا قولته ده اللى انا شايفاه فى اجاباتك مش اكتر

تقريبا كدة براءة ممكن تختاري حد بعدك على الكرسي
ثانيا ياريت متكونيش زعلتي خالص ده مجرد هزار

الدكتوره عسوووووووووووووووووولة جدا كل حاجه بتعجبنى ردودها وكله برنسيس المنتدى فعلا زى ما قالت بريف


ربنا يخليكي يا مووون والله انتي الاحسن دايما كده رافعة معنوياتي

ميرسي ليكم كلكم
واتمني أكون مزعلتش حد فيكم
واتشرفت بيكم وبالأسئلة
وهختار بعدي امة الله