brave heart على كرسى الأعتراف

السلام عليكم أزيك يا brave heart

اسمحيلى يا آنستى ان اجلسكى على كرسى الآعتراف الخاص بمنتدانا

وان اطلب منكى ان تعرفينا بنفسك اكثر ؟



ok

يا مساء الخير والنور يا شوشو
ليه كده ما انا والله هعرفك بنفسى بره المنتدى
لازم تحطينى فى خانة الليك
اوك عاوزة اسئلة بقى عشان اجاوب عليها
يالوا قبل ما ارجع فى كلامى ويارب أكون ضيفة خفيفة عليكم الاسبوع ده :)

أبدأ أنا
- بتحبى القراءة وأى نوع منها وأفضل الكتب الى قرأتيها ؟؟؟؟
-بتحلمى ب؟ بعد التخرج؟؟؟؟
-اى سر أختيارك لاسمك فى المنتدى(Brave Heart)؟؟؟؟
-بتحبى الكلية فعلا ولا بتحاولى تحبيها لانها قدرك ولا بتكرهيها؟؟؟؟
-لو رجعت بيكى الأيام تانى للوراء وعندك قرار أخدتية ومحتاجة تعدلية أو تغيرية,ياترى ما هو القرار وما هو تعديلة الجديد؟؟؟؟
-أكتر حاجة ندمتى عليها (حتى وان كنتى مش من النوع الى بيحب يندم على حاجة)؟؟؟؟

-اية رايك فى المنتدى بكل صراحة؟؟؟؟

-تحياتى لكى
prison break

[quote="shaymaa"]السلام عليكم أزيك يا brave heart

وعليكم السلام

اسمحيلى يا آنستى ان اجلسكى على كرسى الآعتراف الخاص بمنتدانا

ولا يهمك شئ يشرفنى جدا

وان اطلب منكى ان تعرفينا بنفسك اكثر ؟

أنا brave heart طالبة بالفرقة الثانية قسم بيولوجى

-----------------------------------------------------------------------------------------------------------------------
--------------------------------------------------------------------------------

+
----
-أبدأ أنا
- اوك
ابتحبى القراءة وأى نوع منها وأفضل الكتب الى قرأتيها ؟؟؟؟
اه طبعا بحب القرأة فى علم النفس والعلوم بشكل عام
-بتحلمى ب؟ بعد التخرج؟؟؟؟
بحلم بحاجات كتير جداااااااا
-اى سر أختيارك لاسمك فى المنتدى(Brave Heart)؟؟؟؟
تعرفوا فيلم بريف هارت طبعا أنا بحب الفيلم ده جدااا
-بتحبى الكلية فعلا ولا بتحاولى تحبيها لانها قدرك ولا بتكرهيها؟؟؟؟
لا انا بصراحة بحبها وبحترم علوم بس نفسى هيا تحترمنا وتبطل بهدلة فينا

-لو رجعت بيكى الأيام تانى للوراء وعندك قرار أخدتية ومحتاجة تعدلية أو تغيرية,ياترى ما هو القرار وما هو تعديلة الجديد؟؟؟؟

قسيت على نفسى جداااااا وصبرت كتيرررررررر لو رجع بيا الوقت مش هاجى على نفسى كده

-أكتر حاجة ندمتى عليها (حتى وان كنتى مش من النوع الى بيحب يندم على حاجة)؟؟؟؟

صداقة بدأتها وندمت عليها وهيا الحاجة الوحيدة اللى ندمت عليها لانى مش بندم على اى حاجة بعملها

-اية رايك فى المنتدى بكل صراحة؟؟؟؟

رائع جدا وبجد بشكر كل المشرفين وخاصة ادمن ومحمد سعد

-تحياتى لكى
prison break
تحياتى لك وشكرا

اهلا بيكي بريف منورانا والله وسعدنا جدا بمشاركتك معانا
نسال بقي شوية
لخصي شخصيتتك في كلمتين؟؟؟؟؟؟
ايه اكتر اكلة بتحبيها واكتر مشروب؟؟
ناوية تتخصصي ايه في تالتة وليه؟؟؟؟؟؟
مجموعك كام في ثانوي؟؟؟؟؟؟؟
ايه الحاجة اللي نفسك تعمليها لكن مترددة؟؟؟؟؟؟
لو في يوم بقيتي مدير المنتدي هتعملي ايه؟؟؟؟؟
ترتيبك كام بين اخوتك؟؟؟؟؟؟
لو المنتدي غرق طبعا بعد الشر والمفروض تنقذي 3 اعضاء مين هما التلاتة؟؟؟؟؟؟؟
عملتي ايه في النتيجة؟؟؟؟؟
كفاية كده دلوقتي ولنا عودة

[
mohammed saad]الف شكرا علي رايك فينا انا و ادمن وبأذن الله هنكون عند حسن الظن
العفو
معلش بقي بعد الكلمتين الحلوين دوله هاغلس
ولا يهمك اسأل

خدي شويه الاسئله المعتاده دي
تلاقي نفسك ازاي؟
مش فاهمة سؤالك قوى بس لو تقصد الحاجة اللى بعملها وبلاقى نفسى فيها هيا الشعر

بتقدرتواجهي نفسك بحقيقه غلطك ؟ ولا بتهربي؟
اه طبعا بواجه نفسى وبعمل كشف حساب لنفسى مش بقدر اهرب منها
اخبار
الحب معاكي؟
متوقف (خارج التغطية)

علاقتك بمامتك وباباكي ازاي؟

كويسة جداااااااا بس احيانا بنختلف عادى

مين اقرب صديق ليكي؟
الحمد لله اصدقائى كتير جدا ربنا يخليهم ليا بس
(س.ح ) هيا اقرب صديقة ليا فى الدنيا

اكتر
مكان بتلاقي راحتك فيه؟
أمام البحر أو اوضتى

لونك المفضل؟
بينك والاحمر

هل انتي انانيه؟
لا اطلاقا

هل انتي
طموحه بالقدر الكافي؟
اه الحمد لله جداا لابعد حد

بتسعى ازاي لتحقيق احلامك؟
بعمل اللى عليا وبحاول اجتهد وربنا يوفقنى ويوفقنا كلنا

دي برده
اسئله اختياريه
جوابي علي اللي انتي عايزه
ولا يهمك يا د\ محمد جاوبتلك على كل الاسئله ولا يهمك
----------------------------------------------------------------------------------------------------------------------------------------
analytical_doctor

-اهلا بيكي بريف منورانا والله وسعدنا جدا بمشاركتك معانا

ميرسى كتيييير ليكى انتى اللى نورتينى وميرسى لتواجدك

نسال بقي شوية
اتفضلى يا قمر

لخصي شخصيتتك في كلمتين؟؟؟؟؟؟
مرهفة الاحساس

ايه اكتر اكلة بتحبيها واكتر مشروب؟؟
المكرونة الباشمل و عصير المانجو

ناوية تتخصصي ايه في تالتة وليه؟؟؟؟؟؟
حابة اتخصص حيوان بس حاسة انه صعب وممكن حيوى لسه بجد لم اكرر بعد

مجموعك كام في ثانوي؟؟؟؟؟؟؟
95.5% يا خسارة بقى

ايه الحاجة اللي نفسك تعمليها لكن مترددة؟؟؟؟؟؟
نفسى اكلم واحدة صاحبتى بس بقلنا فترة متخانقين وهيا غلطت فيا ولم تعتذر بج نفسى اكلمها بس مترددة

لو في يوم بقيتي مدير المنتدي هتعملي ايه؟؟؟؟؟
ليه ادمن منور المنتدى وهو مدير ناجح جدا

ترتيبك كام بين اخوتك؟؟؟؟؟؟
الوسطى

لو المنتدي غرق طبعا بعد الشر والمفروض تنقذي 3 اعضاء مين هما التلاتة؟؟؟؟؟؟؟
كل المنتدى لان بجد اتعلقت كتير بكل الناس اللى فيه

عملتي ايه في النتيجة؟؟؟؟؟
الحمد لله نجحت وانتى طمنينى عليكى يا رورو

كفاية كده دلوقتي ولنا عودة
فى انتظار عودتك و متشكرة لانك نورتينى يا دكتورة

السلام عليكم
كرسي مريح ان شاء الله....
نبداء نسخن بشوية اسئله رزلين ......
1_حفظه كم من القراءن ؟
2_بتحبي الزي الاسلامي (الحجاب) واللى الزي العادي ؟
3_ايه رائيك في الحكومه المصريه وما أل اليه حال الشعب المصري ومن ترشحي للرئاسه (الريس _ البرادعي) ولماذا ؟ .......انا غير مسوؤل عن الاجابه ومعرفكش..........هههههههههههههه
4_النادي المفضل ليك ؟
5_ماذا تعني لك هذه الكلمات .....
البحر
الليل
القمر
الحب
الخيانة
الغرور
التواضع
الصداقة
الكذب
الانانيه


وبس كفايه عليك دول ..........زفاصل ونعود...........سي يوووووووووووو

السلام عليكم

ازيك يا بريف هارت بردوا ما ريحتينيش وعرفت انتى مين
بس اهم حاجة انى مبسوطة بوجودك معانا

بس كنت عايزه اعرف على الاقل عرفتينى منين وازاى؟

منين عرفتى بالمننتدى ؟

وعايزه اقدملك نصيحة لو سمحتيلى لو صا حبتك اللى انتى زعلانه معاها دى
عزيزة عليكى وفعلا هتفتقديها يبئى روحيلها بنفس صافية وعاتبيها بالراحة
وارجعوا تانى اصحاب واذا نجحتى فده خليها تدخل تشاركنا عالمنتدى وادعيلى

قوليلى كمان شكلك كده بتحبى الشعر جدا بتسمعيه ولا بتألفى ؟ لو بتألفى ورينا
وامتعينا بس ايه يكون شعر رومانسى عشان النوع ده اللى انا بحبه اتفقنا ؟


اخبار المطبخ ايه ست بيت شاطرة ولا نقفل عالموضوع ونقول ان جوزك ان شاء الله
هياكل بيض بس؟

قوليلى كمان فى حد مضايقك فى حياتك يعنى عايزه تقوليله ابعد عنى مش عايزه اعرفك؟

وايه سر صداقاتك الكتير زى مابتقولى انا عايزة اتعلم ؟

اخيرا بئى عايزة تعليق صريح وواضح عليا بما انك عرفتى كتير عنى؟واهم حاجة بجد عايزة
اعرفها العيوب اللى انتى استشفيتيها من اجاباتى وبدون مجاملة ؟؟؟؟؟؟؟؟؟؟؟؟

يلا يا ستى مبسوطة مش هثقل عليكى وقبل ماسيبك قولى ورايا
سبحان الله وبحمده سبحان الله العظيم كام مرة كده
وكمان اغرسيلك نخلتين فالجنة وقولى سبحان الله والحمد لله ولا اله الا الله والله اكبر ولا حول ولا
قوة الا بالله العلى العظيم

شكرااااااااااااااااا ليكى

رايك ايه فالفيس بوك؟رايك ايه ف الصداقة بين البنت والولد؟

[quote="ابوتريكة22 MR"]السلام عليكم
وعليكم السلام
كرسي مريح ان شاء الله....
ان شاء الله اكون ضيفة خفيفة عليكم

نبداء نسخن بشوية اسئله رزلين ......
ولا يهمك

1_حفظه كم من القراءن ؟
جزئين تقريبا

2_بتحبي الزي الاسلامي (الحجاب) واللى الزي العادي ؟
الزى الاسلامى

3_ايه رائيك في الحكومه المصريه وما أل اليه حال الشعب المصري ومن ترشحي للرئاسه (الريس _ البرادعي) ولماذا ؟ .......انا غير مسوؤل عن الاجابه ومعرفكش..........هههههههههههههه
الحكومة زى الفل والريس ربنا يخليه لينا----- ماشى يا محمد عاوز تورطنى مش هتعرف

4_النادي المفضل ليك ؟
طبعا طبعا طبعا الاهلى مش محتاجة كلام

5_ماذا تعني لك هذه الكلمات .....
البحر------------------------------------------ الهدوء والعمق
الليل ----------------------------------------- تتابع الافكار والمشاعر
القمر ------------------------------------------- الجمال والغموض
الحب ------------------------------------------- اجمل شعور و الامان
الخيانة ------------------------------------------ اصعب احساس
الغرور ---------------------------------------------- اقبح الصفات
التواضع --------------------------------------------- متعة السعادة
الصداقة ------------------------------------------ اجمل علاقة
الكذب -------------------------------------------- لا ينجى
الانانيه -------------------------------------------- سلاح ذو حدين


وبس كفايه عليك دول ..........زفاصل ونعود...........سي يوووووووووووو
بس كده اسالتك سهلة خالص ونورتنى و تحياتى ليك

[quote="shaymaa"]السلام عليكم
وعليكم السلام يا جميل

ازيك يا بريف هارت بردوا ما ريحتينيش وعرفت انتى مين
بس اهم حاجة انى مبسوطة بوجودك معانا
انا مين مش مهم كتير وباذن الله هحاول اشوفك بكرة بالكليه ولا يهمك -- وانا كمان مبسوطة متيير بوجودى معاكم بس اسالتكم قليلة

بس كنت عايزه اعرف على الاقل عرفتينى منين وازاى؟
اوك هقولك بعدين ماشى

منين عرفتى بالمننتدى ؟
من مدير المنتدى الدكتور ادمن زميلنا فى القسم وعرفنا منه المنتدى بس كده , ومن ناس كتير لان بجد المنتدى رائع واثبت وجوده وانتشر ومن هنا حابة اشكر كل المشرفين ع المنتدى

وعايزه اقدملك نصيحة لو سمحتيلى لو صا حبتك اللى انتى زعلانه معاها دى
عزيزة عليكى وفعلا هتفتقديها يبئى روحيلها بنفس صافية وعاتبيها بالراحة
وارجعوا تانى اصحاب واذا نجحتى فده خليها تدخل تشاركنا عالمنتدى وادعيلى
ميرسى ع النصيحة

قوليلى كمان شكلك كده بتحبى الشعر جدا بتسمعيه ولا بتألفى ؟ لو بتألفى ورينا
وامتعينا بس ايه يكون شعر رومانسى عشان النوع ده اللى انا بحبه اتفقنا ؟
انا بحب الشعر سواء كتابة او سماع وطبعا طبعا الرومانسي وممكن انزل ع المنتدى حاجة من كتاباتى اوعدك فى اقرب وقت


اخبار المطبخ ايه ست بيت شاطرة ولا نقفل عالموضوع ونقول ان جوزك ان شاء الله
هياكل بيض بس؟
المطبخ شغال وست بيت بس يعنى ايه مش هفشر عليكو مش بروفيشنال قوى يعنى

قوليلى كمان فى حد مضايقك فى حياتك يعنى عايزه تقوليله ابعد عنى مش عايزه اعرفك؟
لا مش محتاجة اقول لحد ابعد عنى

وايه سر صداقاتك الكتير زى مابتقولى انا عايزة اتعلم ؟
الحمد لله شخصيتى اجتماعية جداااااااا ودودة محبة للناس اصدقائى كتير والله مش بحب اشكر فى نفسى بس هو للموضوع ده مميزات كتير وكمان له عيوب

اخيرا بئى عايزة تعليق صريح وواضح عليا بما انك عرفتى كتير عنى؟واهم حاجة بجد عايزة
اعرفها العيوب اللى انتى استشفيتيها من اجاباتى وبدون مجاملة ؟؟؟؟؟؟؟؟؟؟؟؟
لا والله انتى انسانة جميلة جدا وحساسة جدا وهبقى ابعتلك تحليل لكل اجاباتك اللى جاوبتيها ممكن لانى ادعى انى لى فى التحليل النفسى اوك

يلا يا ستى مبسوطة مش هثقل عليكى وقبل ماسيبك قولى ورايا
سبحان الله وبحمده سبحان الله العظيم كام مرة كده
وكمان اغرسيلك نخلتين فالجنة وقولى سبحان الله والحمد لله ولا اله الا الله والله اكبر ولا حول ولا
قوة الا بالله العلى العظيم

جزاكى الله خيرا
شكرااااااااااااااااا ليكى
انا اللى بشكرك لوجودك وفى انتظار اسالة تانية

[امة الله"]رايك ايه فالفيس بوك؟
الفيس بوك ممكن يكون كويس بس انا مش بتواجد عليه الا قليل جدا وبصى كل شئ فيه الصح والغلط اهم حاجة تكونى عارفة انتى داخلة ليه او عاوزة ايه بس

رايك ايه ف الصداقة بين البنت والولد؟
والله انا من رايى ما فيش حاجة اسمها صداقة بين الولد والبنت بس فى نفس الوقت فى زمالة دراسة او زمالة عمل او فى جيرة او ممكن فى اخوة فى علاقات كتير ممكن تكون جيدة جدا وبشرط طبعا الا تغضب الله وان تكون امام الناس ده رايى المتواضع جداااا

وشكرا لوجودك امة الله اسألتك عجبتنى ومستنية اسألتك كمان وكمان
نورتينى ولكى منى ارق الكلمات واجمل التحيات والسلام عليكم

ايه اكتر موقف فرحك ف حياتك واكتر موقف ضايقك؟لو فوجئتى ان حد بيحبك هتتعاملى معاه ازاى؟ايه رايك ف الكلمتين دول (فاشلة _انانية )ولو اتقالو لك هتردى بايه؟

شكرا على الكلام الكويس
واتمنى انه المنتدى يكون فيه تواصل اكتر وكل الناس اللي فيه تعرَّف اصحابها اللي بيدخلوا على النت عن المنتدى نفسي بجد المنتدى يتطور اكتر واكتر
المهم اتفضلي شوية اسئلة صغنتتين خالص

مكان بتلاقي راحتك فيه؟
اكتر شخص اثر في حياتك؟
اكتر دكتور او دكتوره عندنا بيشرح بضمير؟الدكتور المثالي بمعنى اصح؟
كفاية

مبروووووووووووووك وانا الحمد لله جيبت امتياز

نكمل اسئلة
ايه اكتر مادة بتحبيها؟؟؟؟؟؟؟؟؟؟
مين اكتر شخصية في المنتدي حاسة انها تقارب شخصيتك؟؟؟؟؟؟؟
لمن توجهي هذه الكلمات
انا اسفة//
سامحني//
ليه كده//
ده ظلم//
الكلمات دي ايه موقعها في حياة بريف هارت
البحر
السماء
الخوف
الخيانة
الحب
شايفة نفسك ازاي بعد 10 سنين
وظفي الاعضاء في هذه الوظائف
رومانسي
عاقل جدا
دمه خفيف
نقده يعجبك
مواضيعه رائعة
توقيعة يعجبك
اوصفي اعضاء المنتدي
ادمن
محمد سعد
احمد
شيماء
مشكاة الانوار
دكتور بريزون
دكتور علي السنراوي
روز
h _engineer
ابو تريكة
واخيرا انا
حلي يا قمر كله من المنهج

يااااااااااااااااااااااااااااه انتو لسه بتسألوا
ربنا يكون في عون brave_
heart
هانت فاضل يومين وترتاحي
ربنا مع الكل
خليني انا فيري النهارده
براءه يا عم

يعني هي كانت جات علي السؤالين اللي هسألهم ياعم محمد
ههههههههههههه

معلش انا اسف
اتفضلووووووووووووووووووووا

اسفة وبعتذر من كل الاعضاء لانى اتاخرت فى الرد بس فاصل وعدنا اخيرا يالوا بسرعة اسألوا
ده اوكازيون اسألة ( والسؤال لغير الله مزلة ) ههههههههههههه

[امة الله"]
ايه اكتر موقف فرحك ف حياتك واكتر موقف ضايقك؟
اكتر موقف فرحنى كان منذ اربع سنوات
اكتر موقف ضايقنى تنسيق الثانوية العامة

لو فوجئتى ان حد بيحبك هتتعاملى معاه ازاى؟ايه رايك ف الكلمتين دول (فاشلة _انانية )ولو اتقالو لك هتردى بايه؟
انا قلت قبل كده انى ماجلة الحب فى حياتى حاليا وقلبى خارج نطاق الخدمة حاليا هعمل ايه هسبه وامشى , فاشلة بتجرحنى وانانية بتعصبنى بس مش هرد بكلام هرد بفعل انى اثبت انى ناجحة واصحابى يثبتوا انى مش انانية واللى يقولى كده يبقى ما يعرفنيش اصلا مش لازم ارد عليه اصلا لانه لو عرفنى مش هيقول كده

نورتينى يا امة الله وبحب اسمك لانه اسم صحبتى وبشكرك ع اسألتك

"Admin"]شكرا على الكلام الكويس
لا شكر على واجب

واتمنى انه المنتدى يكون فيه تواصل اكتر وكل الناس اللي فيه تعرَّف اصحابها اللي بيدخلوا على النت عن المنتدى نفسي بجد المنتدى يتطور اكتر واكتر
ان شاء الله المنتدى هيكبر كتير وهيتوسع اكتر وانتوا بجد عاملين شغل بياخد العقل ربنا يعطيكم العافية

المهم اتفضلي شوية اسئلة صغنتتين خالص
ولا يهمك ع الرحب والسعة

مكان بتلاقي راحتك فيه؟
اما البحر واوضتى

اكتر شخص اثر في حياتك؟
امى والداعية عمرو خالد وناس كتير زى مدرستى فى اولى اعدادى ومدرسى بالثانوية العامة الخ

اكتر دكتور او دكتوره عندنا بيشرح بضمير؟الدكتور المثالي بمعنى اصح؟
دكتور عماد الشريف طبعا لو انت عندك رأى تانى قولنا
كفاية
ولا يهمك يا ادمن بس دول شكرا ليك وميرسى على الرد وربنا يوفقكم

analytical_doctor"]مبروووووووووووووك وانا الحمد لله جيبت امتياز
الله يبارك فيكى ومبروك ليكى طبعا

نكمل اسئلة
اتفضلى يا قمر

ايه اكتر مادة بتحبيها؟؟؟؟؟؟؟؟؟؟
الفسيولوجى ( حيوان)

مين اكتر شخصية في المنتدي حاسة انها تقارب شخصيتك؟؟؟؟؟؟؟
مش عارفة بجد

لمن توجهي هذه الكلمات
انا اسفة// لامى
سامحني// لقلبى
ليه كده// لصاحبتى الانتيم
ده ظلم// لداكترة الكلية طبعا مش كلهم
الكلمات دي ايه موقعها في حياة بريف هارت

البحر -------------الرومانسية والهدوء والغموض
السماء------------- الصفاء والنقاء والشفافية
الخوف ------------- قليل جدا بس بخاف جدا اخسر حبايبى
الخيانة ------------- مش موجودة فى حياتى كتير
الحب---------------- اجمل احساس واصدق شعور فى الكون

شايفة نفسك ازاي بعد 10 سنين
خلصت الكلية واخذت الدبلومة والماجستير وبشتغل فى الدكتوراة ومعايا زوج بيحبنى جدا وبنوتة زى القمر قولى يارب

وظفي الاعضاء في هذه الوظائف------اوك
رومانسي-----------ابو تريكة ومحمد سعد
عاقل جدا----------ادمن طبعا
دمه خفيف---------- محمد سعد واحمد
نقده يعجبك--------- انتى ومشكاة الانوار
مواضيعه رائعة-------- كلكم وخاصة محمد سعد
توقيعة يعجبك--------- بيور هارت

ا وصفي اعضاء المنتدي
ادمن--------------- انسان حساس وعاقل وطموح
محمد سعد -------- دمه خفيف وخياله واسع
احمد ------------- العقل المدبر وخفة الظل
شيماء ------------ حساسة وطموحة ومحبة للحياة
مشكاة الانوار---------- عقلها كبير
دكتور بريزون -------- مواضيع هايلة
دكتور علي السنراوي ---- حاسبها صح
روز ------------------ دمها خفيف وتعليقها جميل
h _engineer ---------- نورت المنتدى
ابو تريكة --------------- حساس وجدع وشهم جدا وبيهيس كتييير
واخيرا انا -------------- انتى زى القمر ونورتينى وبرنسيس المنتدى
حلي يا قمر كله من المنهج
ولا يهمك و تحت امرك يا قمر

[="mohammed saad"]يااااااااااااااااااااااااااااه انتو لسه بتسألوا
ربنا يكون في عون brave_
heart
ميرسى ليك

هانت فاضل يومين وترتاحي
ربنا يخليك

ربنا مع الكل
خليني انا فيري النهارده
براءه يا عم
ولا يهمك مع ان اسالتك كانت بتعجبنى
ميرسى للمرور

ممكن اول حرف من اسمك انا برضو معاكى فى نفس القسم
وشكلنا هندخل حيوان مع بعض
ولو مش عايزة خلاص ولا يهمك

على فكرة انا كمان بجد نفسى اعرف انتى مين وعجبنى ردودك اكيييد
ونورتى كرسى الاعتراف

انا كمان عايزه اعرف
مع اني بنت زيك ومن دفعتك بس معرفتكيش خالص
ونورتي الكرسي ومش هبقى ثقيله واسأل
وهكتفى باني قريت الردود

السلام عليكم
يا جماعة انا ضربت رقم قياسى انا ع الكرسى بقالى اسبوع ونصف
شكلى هدخل موسوعة الارقام القياسية هههه
بنات 2 بيولوجى منورنى كنتوا فين اهو كده الكلام
ميرسى لمشكاة الانوار و moon dream ورغدة لمروركم وهتعرفونى قريب جداااا
وانتظروا ترشيحى للتالى ع كرسى الاعتراف بس راجعوا نفسكم حد يكون عايز يسألنى سؤال كده ولا كده
ركزوا قبل ما أمشى واسيب الكرسى

انا هسأل سؤال واحد بس
ايه اكت رحاجه بتحبيها في الكليه واكتر حاجه بتكرهيها؟؟؟؟؟
سؤال سهل جدااااااااااااااااااا
علشان تعرفي اني طيبه

السلام عليكم ورحمة الله
ياترى الحكم صفر ولا لسه ؟عموما احب اوضح حاجه الاول قبل ما اسال:
ياجماعة انا طالب ولست الدكتور مصطفى العشيري كما يظن الغالبيه بالفعل احنااولاد عم(قرايب يعنى) لكن مش عايز حد ينسب كلام للدكتور مصطفى لم يقال منعا للفهم الغلط اللي ممكن يحصل
ثانيا اسال بقى:ايه السلبيات اللي عادت عليك من صدقاتك الكتير (زي مافهمت من كلامك)؟
طيب محدش سالك لو كنتي على كرسي رئاسة جامعة الفيوم هتعملي ايه؟وكمان عمادة الكلية ؟؟؟
اخيرا نصيحة تقوليها لطلبة كلية العلوووووم؟؟؟ وشكرا جزيلا

اقتباس :

ياجماعة انا طالب ولست الدكتور مصطفى العشيري كما يظن الغالبيه بالفعل احنااولاد عم(قرايب يعنى) لكن مش عايز حد ينسب كلام للدكتور مصطفى لم يقال منعا للفهم الغلط اللي ممكن يحصل

فعلا احنا كنا فاكرين حضرتك د.مصطفى
لكن حضرتك منور المنتدى على اي حال يا
دكتور


سؤالين ع الماشي للقلب الشجاع
مين مثلك الاعلى؟
مين الانسان رقم 1 في حياتك بمعنى هو او هي مودع اسرارك و محور حياتك ؟
ايه هي الحاجة رقم 1 في حياتك اللي بتشغل وقت فراغك ؟

و شكــــــــــــــــــــرا

ازيك يا brave heart
أنا بصراحة اول مره اشارك فى كرسى الاعتراف بس بتابع وعجبانى الاسئله والردود
بما انك اتسالتى اعتقد كل الاسئله اللى ممكن كنت اسالها فا هسالك سؤال كده
كام فى الميه من حياتك دبلوماسيه وكام حقيقى وانتى شايفة ان الدبلوماسيه مطلوبة ولا الصراحه احسن فى كل الاوقات؟

ايه الكرسي عجبك و لا ايه
دا انتي طولتي اوووووووووووووي
ربنا معاكي
ايه مش هتقولي هترشحي مين

اعذروها شكلها عندها امتحانات

بس كده هي فعلا حطمت الرقم القياسي و شوقتنا اننا نعرف مين الشخص المحظوظ اللي بعديها

لو سمحتي بريف هارت تعلني اسم اللي بعدك عشان اللعبة تستمر ان شاء الله

ايوه يا حداد يا صارم
هههههههههههههههههههه

المفروض تعملو اعلاااااااااااااااان ف الكلية



brave_heart wanted

المفروض نجيب مكرفون ونادي حد لقي brave_heart ضايعة ياولاد

طاب اللعبة هتفضل واقفة كده