shaymaa على كرسى الاعتراف

السلام عليكم ورحمة الله

بشكركم مشكاة الانوار وh_engineer ,واهلا بيكى عضوة جديدة يا باشمهندسة

اعرفكم بنفسى اسمى شيماء
الفرقة الثالثة /حيوى

*ايه الكلية التي كنتي تتمني ان تدخليها بدلا من كليتك الحالية؟

كنت بتمنى ادخل كلية الطب او بالاحرى دا كان حلم اهلى وحاولت احققه وجبت فالثانوية
96,5% لكن ربنا ما اردش و الحمد لله

*ايه مبدئك في الحياة؟
اعمل ماشئت فكما تدين تدان

*من الداعية الاسلامي المفضل لديكي؟

اكتر حد بحب اسمعله الشيخ محمد حسان اما الداعية الشباب بحس انهم لسه
عايزين علم اكتر فبتجنب سماعهم عشان لو اخطئوا

( انا كده جاوبت على اسئلتكم شكرا ليكم ومفيش رخامة ولا حاجة )

السلام عليكم

ماهو أكثر موقف مؤثر مررتِ بيه ؟؟
هل ندمتِ في حياتك على شي معيّــن ؟؟؟ ما هو؟؟
ايه اجمل ميزه شايفاها فيكِ؟
ايه اكتر عيب بتحاولي تتخلصي منه في شخصيتك ؟
thats enough

سوري جايب معايا شويه اسئله رخمه شويه
بس بأذن الله هتعرفي تجاوبي عليها لو حبيتي
خدي دووووووووول
بتلاقي نفسك ازاي؟
بتقدرتواجهي نفسك بحقيقه غلطك ؟ ولا بتهربي؟
اخبار
الحب معاكي؟
علاقتك بمامتك وباباكي ازاي؟
مين اقرب صديق ليكي؟
اكتر
مكان بتلاقي راحتك فيه؟
لونك المفضل؟
هل انتي انانيه؟
هل انتي
طموحه بالقدر الكافي؟
بتسعى ازاي لتحقيق احلامك؟

دي برده اسئله اختياريه
جوابي علي اللي انتي عايزه
شوفتي راحه اكتر من كده

السلام عليكم ياشيماء
مبروك عليك الكرسي.........
ممكن اسألك شوية اسئله على السريع
1_موقف مفرح مريتي بي؟
2_موقف مضحك مريتي بي مع صحابك؟
3_موقف محزن ؟
4_لو أنتي متحجبه وخياروك بين خلع الحجاب واللى الفصل النهائي من الكليه هتختاري ايه ؟
5_النادي المفضل ليك؟
6_ترتيبك بي اخوتك الكم ؟
7_بتفضلي الحب قبل الزواج واللى بعده ؟
8_ايه رائيك في الحكومه المصريه والريس ربنا يعجلو بشفاء ومن ترشحي للرئاسه (البرادعي _الريس) ؟ماتخافيش على ابو زعبل على طول وانا معرفكش ............ههههههههههه

الاسئله ايضا اختياري....تجوابي عليها براحتك..............


بس كفايه عليك دول وانتظري المزيد...................فاصل اعلاني ونرجع لبعض تاني

1_اكتر شخص اثر ف حياتك؟ 2_موقف عملتيه تتمنى ((لو)) الزمن رجع بيكى مش هتعمليه ؟ 3_انتى ندمانة ان انتى ف علوم؟

السلام عليكم أرد على اسئلة أدمن بالاتى

**ماهو أكثر موقف مؤثر مررتِ بيه ؟؟

المواقف كتير جدا لأن بطبعى بتأثر بسرعة لما بحس بصدق اللى ادامى لكن أقرب موقف حصل
لما سمعت حكاية (واحد كان راكب سيارة فارهه ليموزين عجلاتها بتلمع اكتر من المرايه
وكان لسه بيطلع بعربيته ومر جمبه واحد فقير بعجلة وشايل عيش ومخبوزات على راسه
كان قريب جدا من عجلات عربية الباشا اللى لما لمحه نزل بسرعة وافتكر انه خبط العجل
الراجل الفقير قاله لا يا باشا داانت اللى رجعت فجأة انا ما خبطهاش مسكه ضربة وبهدله
وقاله ازاى دانا اقتلك مكانك وادفع ديتك الراجل فضل يصرخ من الظلم والجبروت وبئى يقطع
فى هدومه وقاله انا هشتكيك لربنا رد عليه الغنى وقاله تيجى اوصلك؟؟؟

**هل ندمتِ في حياتك على شي معيّــن ؟؟؟ ما هو؟؟

ندم ..... مش عارفة بس وانا بفكر دلؤتى مش لاقيه حاجة بس دا لآنى قررت من زماااااان
انى ما عملش حاجة اندم عليها او اخجل منها ابدا ودا طبعا تأثرا باللى حواليه لما بشوفهم
ندمانين على شئ بجزم انى ماعملوش ابدا او ماعملوش بطريقتهم


**ايه اجمل ميزه شايفاها فيكِ؟

يمكن الهدوء والاستقلالية على فكرة بعض الناس معتبراه عيب عندى

**ايه اكتر عيب بتحاولي تتخلصي منه في شخصيتك ؟

قلبى الرهيف نفسى يجمد شوية واتحكم فيه وبتأثر بسرعة ودمعتى تنزل بس ما خبيش عليك ساعات ببئى مبسوطة بده
وكمان مش بعرف اعمل علاقات اجتماعية كتير

شكرا

*سوري جايب معايا شويه اسئله رخمه شويه
ولاااااااااااا يهمك مفيش رخامة ولا حاجة

*بس بأذن الله هتعرفي تجاوبي عليها لو حبيتي
خدي دووووووووول
ان شاء الله هعرف بس استنى لما اجيب حاجة آخد فيها ههههه


*بتلاقي نفسك ازاي؟

لما بشعر بالامان والسلام الداخلى واكون مرتاحة ودا بيحصل لما بقرب من ربنا فعلا


*بتقدرتواجهي نفسك بحقيقه غلطك ؟ ولا بتهربي؟

يااااااااااااا دا هوه دا اللى ان اعرف اعمله مش بعرف اهرب خالص لما بغلط ائئنبها بشدة
ولما بعمل حاجة صح بشجعها طبعا ليا طرقى فالحالتين

***اخبار
*الحب معاكي؟

ياااه اتمنى انى الاقى نصفى التانى واحبه بعد الجواز مش قبل


*علاقتك بمامتك وباباكي ازاي؟
انا وبابا متفاهمين جداااا لكن انا وماما بنختلف حتى فى طريقة التفكير بس الحمد لله
بتفادى اى تصادم معاها ولو حصل بسيبها تنفذ رأيها وببعد عشان ما تغضبش عليا

*مين اقرب صديق ليكي؟
صديقتين من الكلية متفاهمه معاهم جدااااا والحمد لله وفعلا هما الأقرب

***اكتر
*مكان بتلاقي راحتك فيه؟
المكان اللى يحبنى اصحابه دا غير بيتى طبعا

*لونك المفضل؟
الابيض وكل الالوان الزاهية ماعدا الأصفر لا احبه


*هل انتي انانيه؟
ما انكرش شوية

****هل انتي
**طموحه بالقدر الكافي؟
لا مش اوى بس بسعى للاحسن حسب امكانياتى


**بتسعى ازاي لتحقيق احلامك؟
بعمل اللى عليا وبستعين بالله


دي برده اسئله اختياريه
جوابي علي اللي انتي عايزه
شوفتي راحه اكتر من كده

لا طبعا وهشوفها فين هههه شكرا جزيلا

-السلام عليكم ياشيماء

وعليكم السلام ورحمة الله وبركاته

مبروك عليك الكرسي.........
ميرسيه

ممكن اسألك شوية اسئله على السريع
طبعا ممكن اتفضل

1_موقف مفرح مريتي بي؟
لما جبت 96,5 % فالثانوية العامة وكنت فاكره انى هدخل طب او صيدلة


2_موقف مضحك مريتي بي مع صحابك؟
كتيييييييييييير انا بستمتع معاهم


3_موقف محزن ؟
لما قالوا هيخلوهم يقلعوا النقاب فالامتحانات اتضايقت جدا معاهم وعليهم

4_لو أنتي متحجبه وخياروك بين خلع الحجاب واللى الفصل النهائي من الكليه هتختاري ايه ؟
فعلا اختار الفصل وماتفكرش ان دا قرار سهل عليا انا بحب التعليم جدا بس لو مفيش
حل تانى لأ حجابى وكرامتى اهم

5_النادي المفضل ليك؟
ماليش فالكورة بس لما بيبئى المنتخب مع بلد تانيه بهتم شوية

6_ترتيبك بي اخوتك الكم ؟
هههه الاولى تصدق وبلا فخر القدوة

7_بتفضلي الحب قبل الزواج واللى بعده ؟
بعده طبعا عشان نراعى ربنا وما نغلطش وربنا يجازينا بالسعادة فالدنيا والآخرة

8_ايه رائيك في الحكومه المصريه والريس ربنا يعجلو بشفاء ومن ترشحي للرئاسه (البرادعي _الريس) ؟ماتخافيش على ابو زعبل على طول وانا معرفكش ............ههههههههههه
الريس اللى يقعد اكتر من تلاتين سنة والبلد لسه متاخرة يبئى يعد فالبيت احسن ويسيبها لغيرة
لكن مانكرش ان اسرائيل بتعمله حساب عشان كدة هو ينفع يفضل أسد عالغابة اللى عاملها
اما بالنسبة لابو زعبل فامتقلقش لو قلتلهم ان انت اللى قلت هيصدقوا ستات بئى ههههههههه


الاسئله ايضا اختياري....تجوابي عليها براحتك..............

شكرا

_اكتر شخص اثر ف حياتك؟
بالايجاب بابا
وبالسلب عمتى


_موقف عملتيه تتمنى ((لو)) الزمن رجع بيكى مش هتعمليه ؟

انى اتمنى شئ واعلق نفسى بيه اوى زى ما كنت عايزه احقق حلم اهلى وادخل طب
كانت قوة مراهقين لكن لو كنت عرفت من جواية زى دلؤتى كدة انى ماكنتش هاخد غير اللى خدته بالفعل
ماكنش الموضوع ساب اثر سئ فى حياتى لانى حزنت وضعفت كتير وانا بكره ده


3_انتى ندمانة ان انتى ف علوم؟

لآ لأنى عارفة ان ربنا شايلى فيها حاجة حلوة هتريحنى ان شاء الله

السلام عليكم ازيك ياشوشو عاملة ايه
شويه اسئله اتسألتهم قبلك
لو كنت عميدة الكلية او رئيسة الجامعة ايه اللى هتغيريه فى الكلية خاصة وفى الجامعة عموما؟
اكتر مرحلة عمريه حبتيها؟ وليه؟
اكتر دكتور او دكتوره عندنا بيشرح بضمير؟
كفايه كدة دلوقتى سلاااااااااااام

السلام عليكم ورحمة الله

لو التلفزيون المصري سمحلك ب30دقبقه مباشرة مع الشعب المصري ماذا تقولين لهم؟
الناس عموما فئتين:فئه الدين يمثل لهم حكم قضائي واخرى يمثل لهم راي استشارى. ايهما انت؟
ايه اللي مش عاجبك غي الكليه ونفسك تغيريه ؟وايه اللي تشكرى ادارة الكليه عليه؟
لو ربنا كرمك وجلستي على كرسي رئاسة وزراء مصر من سترشحين للوزارات السياديه(اللي هي التعليم والدفاع والداخليه والخارجيه والاعلام)؟مش لازم من الاعضاء
هل بكيتى؟ ومن ابكاك؟
نفسك تقولي ايه لطلبة كلية علوم ولاعضاء المنتدى؟
لو حبينا نجيب شخصية تلقي لنا محاضرة في الكليه من سترشحين؟
بفرض ان الرئيس الليبي ارسل لك دعوة باعتباره المضيق لقمة العرب القادمه ماذا ستقولين في كلمتك؟
نصيحة غاليه وجهت اليكي .ماهي؟ ومن قدمها ؟
التعليم في نظرك (التعليم المصري )محتاج لايه؟
متى احسستى ان التغيير (على المستوى الشخصي)ضروره ملحة؟وهل تغيرتي؟ وكيف؟
تقريبا كده انا افحمتك اسئله وبعتذر عن طول الاسئله بسنصيبك كده

أهلا شو شو منورة الكرسى ويارب يكون مريح فعلا
انا اول مرة معاكم فى كرسى الاعتراف
نبدأ باسئلة خفيفة
لمين تقولى منك لله؟
لمين تقولى شكرا؟
لمين تقولى بعتذر منك؟

ايه معنى الكلمات دى ---
الصداقة
الحب
الامل
الظلم
الخيانة
اليأس
السعادة

ايه أكتر قسم مش بتحبيه فى الكلية؟
ايه طموحك بعد ما تخلصى الكلية؟
مين أكتر حد ساعدك فى الكلية؟
أيه اكتر تحدى قابلتيه فى حياتك؟
ايمتى حسيتى أنك محتاجة تتصالحى مع نفسك؟
كفاية كده يا شوشو
والاسئلة كلها اختيارى مستنية اجاباتك

السلام عليكم ورحمة الله

فعلا يا ادمن حضرت المحاضرة بس اسمحلى دا مش غرور وبس دا كفر والعياذ بالله ربنا يطلعنا من الدنيا دى
على خير

أرد بئى على مشكاة الانوار

**السلام عليكم ازيك ياشوشو عاملة ايه
وعليكم السلام الحمد لله يا مشكاة الانوار بخير فرحتينى بسؤالك مرسيه

**شويه اسئله اتسألتهم قبلك
تماااااام كلنا لها

**لو كنت عميدة الكلية او رئيسة الجامعة ايه اللى هتغيريه فى الكلية خاصة وفى الجامعة عموما؟

ياااااااااه حاجات كتير جدا هقولك اللى جاى على بالى دلؤتى
اولا بالنسبة لكليتى علوم *هرمى كل الاجهزة والمعدات والمواد الكيميائية اللى فيها من اعلى
برج فالفيوم واجيب
غيرها على اعلى مستوى وكل الاجهزة الاخرى الناقصة مش هخلى
للطلبة حجة شغل يعنى شغل بأفضل الامكانيات

* هدى مكافآت للعاملات هناك لانهم بيتعبوا فعلا فالنظافة العامة للمكان
وفى أى وقت ربنا يعينهم وكمان هنظم الجداول واماكن المحاضرات من
اول يوم فالسنة

*هجتمع مع الدكاترة فى كل الاقسام واطلبهم بتغيير المناهج بما يناسب
العصر والتطور يعنى لو بيدرسوا خمس فصول مثلا يبقى اتنين للمعرفة
بالنظريات القديمة اللى نشأ عليها العلم والباقى متطور اكتر

*بالنسبة للطلبة هعمل حلقة للتنافس كل
شهر فكل الاقسام ويشرف عليها الدكاترة بحيث يخرج كل شهر طالب متميز فكل قسم وتكون ليهم مكافأت تشجيعية


أما بالنسبة للجامعة *هدّى الحرية للمنتقبات ومش همنعهم من الدخول والامتحان رغم انى مش منتقبة بس مش عاجبنى اللى بيعملوه معاهم

*ثانيا طقم الحرس ده ياخد تعليمات بعدم مضايقة حد والنساء مع البنات والرجال مع الشباب يسألوهم على الكارنية براحتهم

*النتائج للجامعة كلها فى اوقات محددة مش كده وخلاص يعنى من الآخر هيكون فى نظام مريح للطالب والمدرس


**اكتر مرحلة عمريه حبتيها؟ وليه؟
لما كنت طفلة حبيت اللعب مع الاصحاب من اى حتة وبدون قيود كانوا المدرسين بيحبونى ويحترمونى رغم انى كنت بقعد ساكتة خالص وكالعادة مش بسلم عليهم برة الفصل ولاحتى جواه ببئى خجولة ولحد دلؤتى العادة دى عندى مش عارفةاذا كانت ميزة ولا عيب

ولما كبرت بقيت مسئولة عن تصرفاتى واختياراتى بخطط لحياتى بالطريقة اللى احبها وانجح فيها
اذا لكل مرحلة ميزاتها وعيوبها احيانا بحن للطفولة وكتير بحب اللى انا فيه وبحمد ربنا عالحالتين


**اكتر دكتور او دكتوره عندنا بيشرح بضمير؟
فى قسم الحيوان الدكتورة رجاء كنت بقعد منتبهة طول المحاضرة وكمان ببئى مستمتعة
فى الفيزياء دكتور عبد المحسن / فى الكيمياء كان دكتور صبرى


كفايه كدة دلوقتى سلاااااااااااام
شكرا أهو سلاااااااااااااااااااااااااااااااااااااااااااااااااااااااااااااااام اكبر من بتاعك

السلام عليكم ورحمة الله
وعليكم السلام ورحمة الله اهلا بحضرتك

**لو التلفزيون المصري سمحلك ب30دقبقه مباشرة مع الشعب المصري ماذا تقولين لهم؟

هتكلم عن موضوع هدم الاقصى وهحث الشباب والريس على التقدم للجهاد وتحرير فلسطين
وهطلب منهم وقفة خمس دقايق لارواح الشهداء فى الدول العربية المستعمرة وهسألهم سؤال
هو ممكن اى راجل مسلم يسيب مراته لواحد تانى؟؟؟ طبعا هيجاوبوا بكل استنكار لا طبعا
هرد عليهم واقول امال ليه سايبين الاقصى لليهود خلاص الدم بئى ميه وميه باردة كمان
يعنى كلمتى هتبقى ساخنة شوية واحتمال تودينى فداهية بس تيجى بنتيجة ايجابية

**الناس عموما فئتين:فئه الدين يمثل لهم حكم قضائي واخرى يمثل لهم.راي استشارى ايهما انت؟

راي استشارى


**ايه اللي مش عاجبك غي الكليه ونفسك تغيريه ؟وايه اللي تشكرى ادارة الكليه عليه؟

قلة الامكانيات اللى واصل لدرجة العجز القاتل _______ اشكرهم هفكر فالموضوع ده بعدين


***لو ربنا كرمك وجلستي على كرسي رئاسة وزراء مصر من سترشحين للوزارات السياديه(اللي هي التعليم والدفاع والداخليه والخارجيه والاعلام)؟مش لازم من الاعضاء

للتعليم د.ايهاب بيوكيمسترى جاى من برة وعايز يقدم علم مش كلام فاضى بس مالوش دعوة بالامتحانات / الدفاع راجل قوى وحكيم

الداخلية /الخارجية مش عارفة بس هختار بعناية

الأعلام محمد سعد


**هل بكيتى؟ ومن ابكاك؟
كتييييييييييييييييييييير( حساسة زيادة عن اللزوم ) اكتر حد ابكى قلبى عمتى الله يسامحها

**نفسك تقولي ايه لطلبة كلية علوم ولاعضاء المنتدى؟
بلاش تسموها كلية الهموم وحبوها هتتطور بيكم واجتهدوا عايزين علماء
اما اعضاء المنتدى فشكرا ليكم بجد مش بحس انى غريبة معاكم وبستمتع

***لو حبينا نجيب شخصية تلقي لنا محاضرة في الكليه من سترشحين؟
يا سلااااااااااااااام لو الشيخ محمد حسان او محمود المصرى يبئى انجاز

**بفرض ان الرئيس الليبي ارسل لك دعوة باعتباره المضيق لقمة العرب القادمه ماذا ستقولين في كلمتك؟
ولو قلتلك هبعتلهم رسالة بتقول روحوا على بيوتكم انتوا فاكرين نفسكم قاعدين عالمسطبة بتتساهروا
ربنا يعينا بنى ادمين قاعدين عالكراسى وزى عدمهم المفروض المسئول يسخر السلطة لخدمة الناس مش هو اللى يخدم الكرسى وينسى الناس قمة عرب ايه وانتوا سايبين اخواتكم بيتقتلوا وينتهك عرضهم فى كل لحظة و هعتذر عن عدم الحضور وهذكر السبب ان اخويا بيتخانق هروح اسلك واجيبله حقه لو كان ليه ماعنديش وقت للكلام بدون فعل


**نصيحة غاليه وجهت اليكي .ماهي؟ ومن قدمها ؟
بابا اكتر حد بستفيد من نصايحه فى كل شئ



***التعليم في نظرك (التعليم المصري )محتاج لايه؟
ههههههههه حاجات كتير اولها الغائه واعادة صياغته


**متى احسستى ان التغيير (على المستوى الشخصي)ضروره ملحة؟وهل تغيرتي؟ وكيف؟
لما حسيت انى داخله بتفكيرى وعواطفى على مرحلة سيئة عملت كنترول ورجعتت فورا بدون اى خسائر والحمد لله ودا من فترة

تقريبا كده انا افحمتك اسئله وبعتذر عن طول الاسئله بسنصيبك كده
طول الاسئلة يتبعه طول الاجابة مش اعتراض بس مشفقة عاللى هيقرا بس شكرا ليك

أهلا شو شو منورة الكرسى ويارب يكون مريح فعلا
بنورك بريف هارت بنفسكم معايا

انا اول مرة معاكم فى كرسى الاعتراف
اهلا بيكى
نبدأ باسئلة خفيفة
**لمين تقولى منك لله؟للى يظلمنى

**لمين تقولى شكرا؟لكل اللى ساعدنى ووقف جنبى

**لمين تقولى بعتذر منك؟لمن أخطأت فى حقه مع انى بصلح الموضوع ده اول باول واعتذر عن خطأى

ايه معنى الكلمات دى ---

الصداقة ... علاقة اجتماعية بتعين على الحياة

الحب....شئ جميل يا بخت اللى يلاقيه ويحافظ عليه

الامل... مصباح ينير الظلام

الظلم...اكتر شئ بكرهه

الخيانة.... مجرد ذكر اللفظ بتنرفز

اليأس... ظلام وحجة العاجز

السعادة ... مريحة وممتعة بتساعد على التقدم والحصول عليها صعب

ايه أكتر قسم مش بتحبيه فى الكلية؟
انا مش بحب لا الرياضة ولا الفيزيا من زمان

ايه طموحك بعد ما تخلصى الكلية؟
اشتغل وافتح معمل تحاليل اشغل فيه بنات القسم واكبره لاكتر من فرع

مين أكتر حد ساعدك فى الكلية؟
صحباتى لكن لو تقصد من الدكاترة مفيش اى لينك شخص مابينا

أيه اكتر تحدى قابلتيه فى حياتك؟
لما دخلت علوم وقررت انى هكون حاجة مش خلاص اتركنت على الرف زى ما الناس حسستنى

ايمتى حسيتى أنك محتاجة تتصالحى مع نفسك؟
الحمد لله متصالحة معاها لانى بقةمها اول باول ومفيش حد اقسى على نفسى منى

كفاية كده يا شوشو
والاسئلة كلها اختيارى مستنية اجاباتك
يارب ماكنش طولت عليكى شكرا ليكى

سؤال بسيط جدا
اشمعنه انا في وزاره الاعلااااااااااااااااااااااااام؟
وكفايه عليكي السؤال ده النهارده

شكرا ع الاجابة يا شوشو
بس انتى دبلوماسية كتييييييرررر
كان نفسى تكونى صريحة اكتر
بس ولا يهمك ميرسى وكرسى مريح

السلام عليكم

اولا الاستاذ محمد
سؤال بسيط جدا

اشمعنه انا في وزاره الاعلااااااااااااااااااااااااام؟

اغلب موضوعاتك كوميدية يعنى ممكن تبسط الناس شوية ولو انت مش عايز خلاص هو انا كنت بقيت رئيسة
الوزراء يعنى

وكفايه عليكي السؤال ده النهارده

شكرا

____________________________________________________________________________
ثانيا الاستاذة brave heart
شكرا ع الاجابة يا شوشو
العفو انا عايزه ادلعك انا كمان بس مش عارفة اقول للقلب الشجاع ايه ههه بس عاجبنى الاسم ده
فالاول خمنت اذا كنتى بنت ولا ولد الصورة قالت بنت لكن الاسم قال ولد

بس انتى دبلوماسية كتييييييرررر
كان نفسى تكونى صريحة اكتر
صدقينى انا كتبت اللى حساه فعلا ومقتنعة بيه لانى مش بحب التجمل
بس يمكن انتى عايزه تعرفى حاجة معينة ما وصلتنيش لوقلتيلى عليها اكيد هقولهالك

بس ولا يهمك ميرسى وكرسى مريح
ميرسي ليكى انتى

يا باشا احنا نقدر اي وزاره تحت ايديك حلوه

لالا لا لا شيماء بنفسها علي الكرسي اكيد انا بحلم ولا ايه يا شوشو؟؟؟
اهلا بيكي يا شوشو علي الكرسي والله منورة
ندخل بقي في المهم سؤالين بقي كده علي الماشي علشان نسخن العملية
لخصي شخصيتك في كلمتين يا شيماء؟؟؟؟
ايه رائيك في كلية علوم؟؟؟؟؟؟
شايف نفسك ازاي بعد 10 سنين؟؟؟؟؟؟
عرفتي المنتدي منين يا شيماء؟؟؟؟؟
مين اكتر حد قريب منك ؟؟؟؟؟؟
لما دخلتي حييوي وبعدتي عن اصحابك اكيد طبعا حاس انك لوحدك طيب ودلوقتي لسة حاس نفس الاحساس؟؟؟؟؟
ايه الحاج اللي تتمني انها تحصل في حياتك؟؟؟؟؟؟
هل شخصيتك تتميز بالغموض؟؟؟؟؟؟؟
ايه اكتر اكل بتحبيها؟؟؟
وطبعا اكتر مشروب بتحبيه؟؟؟؟؟
متي احسستي انك ضعيفة جدا؟؟؟؟؟
هل احسستي بالفشل وكام مرة؟؟؟؟؟
لمن توجهي هذه الكلمات
انت حياتي//
انا بكرهك//
ليه كده//
مش عايزة اعرفك تاني//
شكرا ليك//
ما رأيك في هؤلاء الاعضاء
ادمن
محمد سعد
روز
مشكاة الانوار
brave heart
احمد
دكتور بريزون
باربي
واخيرا انا
ايه الشي اللي انتي حاساه انتي بتجاوبي علي الاسئلة؟
وظفي الاعضاء في هذه الصفات
رومانسي
هادي
غامض
نقده جامد
ردوده ائعة
مواضيعه تعجبك
طيب
حزين دائما
ناوية ترشحي مين علي الكرسي؟؟؟؟؟؟
كفاية كده يا شيماء يالا يا ست علشان خاطرك بس

ازيك يا شوشو
ميرسى ع الكلام ده بقى مش عارفه زميلتك
عموما براحتك وبالنسبة للنيك نيم
brave heart فهو اسم عجبنى جدا واتعلقت بيه
وعموما شكرا على دبلوماسيتك بس للعلم بالشئ فقط انا زميلتك
وميرسى على كلمة استاذة بس انا حابة اقولك دكتورة يالا ياستى مش حرماكى من حاجة

شوية اسئلة جامدة بقى ممكن
ايه اسعد لحظة عشتيها بحياتك؟
مين قدوتك فى حياتك؟
ليكى فى الشعر لو ليكى مين اكتر شاعر بتحبى شعره؟
لو ليكى فى الادب مين اكتر حد قرأتيله؟
ما هو اصعب يوم مر عليكى؟
هل صدمتى من قبل فى احد ( صديق - حبيب )؟
ايه هخبار نتيجتك؟ عملتى ايه؟
مين اكتر دكتور بتحبيه فى الكلية عموما غير اللى ادونا؟
مين اكتر محاضرة الترم ده مش بتحبى تحضريها؟

كفايه كده
ومبروك لمحمد سعد ع الوزارة احنا قاعدين نوزع وزارات البلد

يا ريت بعد الاجابة على الاسئلة ممكن تسلمي الكرسي لحد بعدك

السلاااااااااااااام عليكم جميعا
اما نشوف الدكتورة عملت بوصيتى وخفت عليا ولا لا

-لالا لا لا شيماء بنفسها علي الكرسي اكيد انا بحلم ولا ايه يا شوشو؟؟؟
لا يا بنتى انتى صاحية شوفتى اللى يعيش ياما يشوف ايه دنيا

اهلا بيكي يا شوشو علي الكرسي والله منورة
بنورك

ندخل بقي في المهم سؤالين بقي كده علي الماشي علشان نسخن العملية
لخصي شخصيتك في كلمتين يا شيماء؟؟؟؟
هادية وماحدش بينول ثقتى بسهولة

ايه رائيك في كلية علوم؟؟؟؟؟؟
لو الالمكانيات احسن من كدة كانت هتبقى لذيذة

شايف نفسك ازاي بعد 10 سنين؟؟؟؟؟؟
فتحت معمل تحاليل كبير وعايشة مع زوج بحبه

عرفتي المنتدي منين يا شيماء؟؟؟؟؟
منكم فالكلية

مين اكتر حد قريب منك ؟؟؟؟؟؟
صحباتى وبابا

لما دخلتي حييوي وبعدتي عن اصحابك اكيد طبعا حاس انك لوحدك طيب ودلوقتي لسة حاس نفس الاحساس؟؟؟؟؟
كنت زعلانة فالاول جدا بس دلؤتى اتأقلمت خلاص واتعودت عليكم

ايه الحاج اللي تتمني انها تحصل في حياتك؟؟؟؟؟؟
top secret sorry

هل شخصيتك تتميز بالغموض؟؟؟؟؟؟؟
شوية لانى دايما ساكتة

ايه اكتر اكل بتحبيها؟؟؟
الملوخية

وطبعا اكتر مشروب بتحبيه؟؟؟؟؟
عصير القصب

متي احسستي انك ضعيفة جدا؟؟؟؟؟
لما يبقى فى حد عزيز عليا مهموم ومش قادرة اساعده

هل احسستي بالفشل وكام مرة؟؟؟؟؟
لما دخلت علوم لحد دلؤتى مرة

لمن توجهي هذه الكلمات

انت حياتي// لسه مفيش حد ينفع

انا بكرهك// لعمتى الصراحة

ليه كده//ليكى عشان اجبرتينى على الصراحة

مش عايزة اعرفك تاني//لا مفيش

شكرا ليك//كل الاعضاء الحلوين

ما رأيك في هؤلاء الاعضاء

ادمن لما قريت اجاباته على الكرسى حسيت انه لمض وبيحب الجدال اوى دا رايى اوعى تزعل

محمد سعد مرح

روز رومانسية

مشكاة الانوار لطيفة وخفيفة

brave heart طيوبة وودودة بس عايزة اعرف هى مين

احمد موضوعاته قلت اليومين دول مبقاش عالساحة

دكتور بريزون _ عقلانى جدا متهيألى كده مش بيحسبها بعواطفه شوية

باربي _ من الاسم دلوعة

واخيرا انا _ عسولة وفضحانى بس بقيتى عزيزة عليا بجد

ايه الشي اللي انتي حاساه انتي بتجاوبي علي الاسئلة؟
حاسة انى هزعل بعض الناس بصراحتى

وظفي الاعضاء في هذه الصفات

رومانسي روز

هادي مشكاة الانوار

غامض الاعضاء الجدد

نقده جامد ابو تريكة وبالذات فى مواضيع نقد الستات

ردوده ائعة فعلا ساعات كده الموضوع بيستفز الاعضاء بيكتبوا ردود جامدة

مواضيعه تعجبك _ اللى بينزلوا مواضيع ضد الستات بحب افحمهم بالرد

طيب _ انتى وروز

حزين دائما _ ايه مين ؟ مش عارفه

ناوية ترشحي مين علي الكرسي؟؟؟؟؟؟
هخلص اجابات واقولك

كفاية كده يا شيماء يالا يا ست علشان خاطرك بس
اماااااااال مانا عارفة
شكرا يا قمر
_____________________________________________________________________

أهلا يا دكتورة هجاوبك وتقوليلى اول 3 حروف من اسمك ههههه اتفقنا

ايه اسعد لحظة عشتيها بحياتك؟
لما شيلت اخويا طه عنده سنتين دلؤتى ربنا يحميه

مين قدوتك فى حياتك؟
بابا واى حد عنده ميزه مش عندى باخدها واظبطها على شخصيتى

ليكى فى الشعر لو ليكى مين اكتر شاعر بتحبى شعره؟
بحب اسمعه وخصوصا الرومانسى لاى محترف اللى كلامه يلمس القلب

لو ليكى فى الادب مين اكتر حد قرأتيله؟
ما قرأتش كتير بس زمان كنت بقرا سلسلة رجل المستحيل كانت بتعجبنى اوى

ما هو اصعب يوم مر عليكى؟
لما جا التنسيق على علوم فضلت مش مصدقة لحد ما دخلت الكلية

هل صدمتى من قبل فى احد ( صديق - حبيب )؟
ايوة فى صديقة وانا فى الثانوية _

ايه هخبار نتيجتك؟ عملتى ايه؟
الحمد لله جيد جدا بنسبة 80%

مين اكتر دكتور بتحبيه فى الكلية عموما غير اللى ادونا؟
دكتور عبد الكريم شخصية محترمة

مين اكتر محاضرة الترم ده مش بتحبى تحضريها؟
محاضرة واحد يدخل يقرا من الورق ويخرج كأنه بيكلم الحيط


كفايه كده
شكرا يا دكتورة لو مش عاوزة تعرفينى اسمك عالمنتدى براحتك انا هعرف بطريقتى ههههه انا بهذر
بااااااااااااااااااااااااااى

اهلا يا ادمن
-يا ريت بعد الاجابة على الاسئلة ممكن تسلمي الكرسي لحد بعدك

طبعا علم وسيتم التنفيذ يا فندم غدا ان شاء الله

ميرسى ع الاجابات دى والصراحة اللى بدأت تظهر
هتعرفينى فى الوقت المناسب
قوليلنا بقى رشحتى مين للكرسى

مبروك يا شوشو النتيجة وعقبال الترم التاني
brave heart معانا في حيوي ولا؟؟؟؟؟؟؟؟
لو معانا تبقي اكيد تعرفيني

السلام عليكم جميعا

بشكركم ويارب اكون ضيفة خفيفة وبعتذر لأى حد زعلان منى

قبل ماسيب الكرسى كنت عايزه اصحح شئ الدكتور العشيرى كان سئلنى

الناس عموما فئتين:فئه الدين يمثل لهم حكم قضائي واخرى يمثل لهم راي استشارى. ايهما انت؟

انا فهمت السؤال خطأ وما خدتش بالى الا اما راجعت اجاباتى النهاردة

عشان كده اجابتى الصح ان الدين يمثل لى الحكم القضائى طبعا

ان الاوان تعرفوا مين عالكرسى الدكتورة brave heart

مع السلامة

هههههههههههههههههههههههههههههههههههههههههههه
انا مش زعلان على حكاية لمض دي بالعكس انا احترم رايك
واتمنى طبعا اني اكون بحب الجدال دايما (في الحاجة الصح)