شخصيات ميكروباصية

اكيــد كلنـا بنقابـلها

مجرد ما تركب الميكروباص تحس انك في فيلم من افلام اللي هي زي الطائرة المفقودة كل واحد جوة بشخصية وحكاية شكل !
... ................................................

الشخصية الاولي : الست التخينة اللي واخدة مكانين :

ودي بتلاقيها في كل ميكروباص ويبقي حظه اسود اللي يركب جنبها بجد
وياسلام بقي لو السواق ركب اربعات ورا تبقي مجزرة..وافضل مكان ليها جنب القزاز بلاش تقعد في النص عشان النفس وكمية الاكسجين المستهلكة .
................................................

الشخصية التانية: "وطي صوت الكاسيت يا اسطي " :

وده بيكون اما بسبب ديني او بسبب انه مصدع شوية وتعبان ومرهق من اليوم فمش فايق للاغاني اللي مشغلها السواق وطبعا بتكون اغاني عن الفقر والغلب والقرف بتاع الحياة عشان السواق يتمزج او بتكون اغاني عن المخدرات بانواعها يعني اكيد مش هيفتحلك celin dion
................................................

الشخصية التالتة: "علي صوت الكاسيت يا اسطي " :

وده طبعا بيكون عايز يعلي عشان بيألس علي ذوق السواق ويقعد يضحك علي اغانيه الهبلة او انه فعلا بيحب هذا النوع المتسرطن من الاغاني او انه عايز يهيس مع هذه الاغاني بس وغالبا بيكون معاه شلة كبيرة في الميكروباص بيشتغلوا السواق ويقولوله "ذوقك عالي يا اسطي" ويرد يقول "الله يكرمك "
................................................

الشخصية الرابعة : اسطورة الشاب ذو السماعات في الودان :

بيكون قاعد جنبك وحاطط السماعات في ودانه طول الطريق تقريبا وحتي ميسمعش اللي بينادي علي الاجرة اصلا الا اما حد يخبط عليه وبيشيل السماعات وهو مستاء جدا
كأنه بيقول للي جنبه "عايز ايه اخلص ! " واول مايدفع الاجرة يجري علي السماعات بسرعة "اديني الحقنة بسرعة ارجوك محتاجه الجرعة "
وده بيتسمى "اسطورة الرجل ذو السماعات في الودان "
................................................

الشخصية الخامسة: الراجل العرقان بالقوي يابا يابا :

وده بيكون عرقان لوحده من غير ما الشمس تلمسه اصلا وكأن جسمه بيتحجج اصلا وكانه هدية قرف للي جنبه بعتهاله الحر والدنيا مع بعض
بيبقى عامل زى الكتكوت المبلول
................................................

الشخصية السادسة : براحة شوية على مهلك يا اسطي :

وبيكون متوتر طول الطريق من السرعة حتي ولو علي 90 بس ويقعد يهز في رجله كأن هو اللي سايق وطول الطريق استر يا رب استر يارب
...............................................

الشخصية السابعة : بسرعة شوية يا اسطي ورانا اشغال :

وطبعا بيرد الاسطي عليه "هي الدنيا هتطير ؟ " وده بيكون متوتر جدا زي اللي فات بس بيبص في الساعة كل 3 دقايق بيكون ميعاده فات او محاضرته فاتت من فترة وهو قاعد علي اعصابه ومش طايق شخصية "براحة شوية يا اسطي"
وغالبا ما يحدث الصراع الكوني بي شخصيتين "بالراحة شوية يا اسطي" و "بسرعة شوية يا اسطي "
وتكون النتيجة ان الاسطي بيقفش علي الاتنين { تييييييييييييييييييييت ..................... ماتيجوا تسوقوا انتو احسن !! }
................................................

الشخصية التامنة : الدحاحة جدا :

بتتهز طول الطريق وهي بتسمع المنهج كله على صوابعها كأننا في كتاب مش تعليم جامعي خالص وتروح تقفل الامتحان في خمس دقايق
ولا تهتم بالجو المحيط حتي ولو الدنيا اتقلبت ع الطريق هي مش هتنتبه برضه ولا تستغرب لان الدح واخد مكانه معاها قوي والكتاب اهم صديق ليها دلوقتي
................................................


الشخصية التاسعة : راجل بيشتم في الحكومة :

وبيكون ماسك جرنان وتانيه مرتين كده ومركز علي مقالة معينة ويبدأ الحوار بضحكة سخرية { هاهه اما اولله العظيم تلاته ياجدع ..... } وكلمة "شوفت او بيقولك"
ويديك صواريخ عن الحكومة ويطلع عنيهم شتايم
...............................................

الشخصية العاشرة : الراجل اللي في حاله :
وده بيقعد جنب الشباك دايما ويبص برة الميكروبص
ومالوش دعوة باللي جوة الا ساعة لم الاجرة........... ده اللي مية مية ...... علشان زيي
................................................

الشخصية الحاديةعشر : فيلسوف الميكروباص اللى بيفتى فى كل حاجة واى حاجة :

وده دايما بيقعد جنب السواق يقعد يناقشه في مشاكل الحياة او يفتي في حاجات عن المرور والرخص والكمين وكده واي قصص واي كلام بيتقال يا عم الحاج قدام واغلبها بتكون فشر واولها بيكون " انا قريبي لواء سابق وبيحكي ويقول ...."
وينتهى بجملة " ادى اللى خدناه من الثورة "
وكلام من النوع ده
................................................

الشخصيه الثانية عشر

الرجل المهم

الي يفضل يتكلم طول السكه في الموبايل و يصدع الناس كلها و ياسلام لوكان بيتكلم في مشكله عائليه تلاقي ال 14 راكب ممكن يقولوله حلول ويردوا معاه
................................................

الشخصيه الثالثة عشر

الراجل اللى بيدخن و لازم نتخانق معاه عشان يطفى السيجارة وبيطفيها طبعا بس بعد ما يخلصها
................................................

الشخصية الرابعة عشر :

راجل بيرخم ويقول مش معايا غير جنية
والأجرة جنية و ربع
وعمال يتخانق مع السواق عشان تمن الاجرة
ويتبرع واحد من الركاب ويدفع بداله الربع جنية عشان السواق ينجز ويمشى بسرعة

ـــــــــــــــــ

اكيد الكل بيشوف الفيلم الهندى ده وهو رايح او راجع من الشغل او الجامعه كل يوم

ههههههههههههههههههههههههههههههههههههههههههههه

بيعجبني في موضوعاتك انها فالصميم بتعيش الواااااااااااقع

اقتباس :

ههههههههههههههههههههههههههههههههههههههههههههه

بيعجبني في موضوعاتك انها فالصميم بتعيش الواااااااااااقع

الله يخليكي
من بعض ما عندكم

ههههههههههههههههههههههههههههههههههههههههه
ميرسي ميرسي
أخجلتم تواااضعنااااا المتواضع جدا

واضح انك بتعانى من الميكروبصات كتيير

نيس توبيك

فيه توبيك زيه كده عن التكسيات
بس برده يهلك من الضحك
ولا ايه يا هوب

اقتباس :

واضح انك بتعانى من الميكروبصات كتيير

اقتباس :

نيس توبيك

وفى واحد كمان اللى بيتخانق مع السواق لما السواق ينزل الركاب ويقولهم اركبو العربيه التانيه دى

بيبقى نفسي اعمل زيه بس بضطر اسكت


نيس توبيك

اقتباس :

وفى واحد كمان اللى بيتخانق مع السواق لما السواق ينزل الركاب ويقولهم اركبو العربيه التانيه دى

بيبقى نفسي اعمل زيه بس بضطر اسكت

اقتباس :

نيس توبيك

اقتباس :

الست التخينة اللي واخدة مكانين

هههههههههههههه
الناس دى المفروض لو ركبوا يدفعوا ثمن 2

اقتباس :

اغاني عن المخدرات بانواعها يعني اكيد مش هيفتحلك celin dion

للاسف دالواحد بقى بيسمع حاجات غريييييييييييييييييبة حتى لو مش مركزين معاها قربنا نحفظها
nice topic

اقتباس :

الناس دى المفروض لو ركبوا يدفعوا ثمن 2

ايوووووون فعلااااا
ده انا مجربهم

اقتباس :

قربنا نحفظها

ههههههههههههههههههههه توبيك رهيب ياادمن ، مع انى مشفتش تلت تربع الفيلم الهندى ده
بس من المنظر العام للكومنتات واضح انه شغال عرض مستمر هههههههههههههههههههه

اقتباس :

مع انى مشفتش تلت تربع الفيلم الهندى ده