الله يسامحكم

مقال الدكتور معتز عبد الفتاح في جريدة الشروق
الله يسامحكم


إلى قطاع من النشطين الإسلاميين والدعاة: بعد أن حولتم الاستفتاء فى جانب منه إلى استفتاء على مادة «الشريعة» التى لم تكن موجودة أصلا فى الاستفتاء كى تنتصروا لرأيكم دون مراعاة لصالح البلاد، الله يسامحكم.


إلى قطاع من الليبراليين واليساريين، بعد أن حولتم «نعم» إلى فزع عام طالبتم بعده بتأجيل الانتخابات على أمل أن تفوزوا بمقاعد أكثر دون مراعاة لصالح البلاد، الله يسامحكم.


إلى قطاع من قيادات الثوار، أعظم ما فعلتموه هو الأيام الثمانية عشر الأولى من الثورة، وبعدها نبل أهدافكم وأداؤكم الثورى واختياراتكم السياسية فى تدهور مستمر، الله يسامحكم.


إلى قطاع من قيادات المجلس الأعلى، بعد أن جعلتم من مسار التحول الديمقراطى عبثا فى عبث وكلفتونا فوق ما نطيق، الله يسامحكم.


إلى قطاع من الإعلاميين، بعد أن بحثتم عن مصالحكم وامتيازاتكم والإعلانات لبرامجكم على حساب صوت العقل والرشاد والمهنية، الله يسامحكم.


إلى قطاع من الكبار، بعد أن صبرتم طويلا على استبداد المستبدين، وعلى فساد المفسدين، وبحثتم لهم عن أعذار وها نحن الآن ندفع الثمن، الله يسامحكم.


إلى كل من يتولون مناصب أو مهام وهم يعلمون أنهم ليسوا مؤهلين لها، الله يسامحكم.


إلى كل من يشوهون الثوار ويتهمونهم بالخيانة والعمالة بلا دليل، الله يسامحكم.


إلى كل من يفرض فهمه للدين على الآخرين ظنا أنه بهذا يخدم الدين، الله يسامحكم.


إلى قطاع من «الثورجية» الذين يرون أن فرض الرأى عنوة يسمو على الديمقراطية، الله يسامحكم.


إلى كل من يصور شريكه فى الوطن على أنه يتبنى أجندة خارجية للقدح فيه والنيل منه دون تثبت، الله يسامحكم.


إلى كل من تسببوا فى استشهاد أو إصابة أى من إخواننا فى الوطن، الله يسامحكم.


إلى كل من يؤخرون أو يتهاونون فى محاسبة كل من أفسد حياتنا الفكرية والأخلاقية قبل السياسية والاقتصادية، الله يسامحكم.


إلى كل من يرون أخطاءهم ولا يتراجعون عنها فى أسرع وقت، الله يسامحكم.


إلى كل من يرون الأخطاء فى الآخرين ولا يحاسبون أنفسهم بنفس المعيار، الله يسامحكم.


إلى كل من ينطق كلامه بما يؤدى إلى تمزيق الوطن والنيل من وحدة أبنائه، الله يسامحكم.


إلى كل من يغلب مصلحته على حساب صالح الوطن، الله يسامحكم.



إلى كل من لا يحترم العلم والعقلانية والتخطيط لصالح العشوائية والارتجالية والعنترية، الله يسامحكم.


إلى كل من لا يأمرون بالمعروف وينهون عن المنكر بالتى هى أحسن، الله يسامحكم.




ربنا يسامحنا على تقصيرنا فى حق وطننا. آمين.

فعلا ربنا يسامحهم
ويسامحنا كلنا

مقال رائع للدكتور معتز
كالعادة ارائه وكتاباته محترمة

مقال رااااااااااااااااائع

اقتباس :

ربنا يسامحنا على تقصيرنا فى حق وطننا.

آمين

بريف واحمد

شكرا جدا لمروركم

معلش يا ندى
ممكن اسال سؤال هنا
عارفة ان يمكن يكون ده مش مكانه الصحيح
بس حابة اسالكم
انتخبتوا فى مجلس الشورى ولا لا ؟
وايه رائيكم فى مجلس الشورى وصلاحياته واهميته الان .

بصراحه عن نفسي منتخبتش

اصل حاسه انه حاجه ملهاش لازمه

يعنى هو اصلا مجلس ملوش سلطات
غير كده 90 من اعضاؤه الريس اللي بيعينهم
يعنى كمان مش هيكمل الا بعد انتخابات الرئاسه

وبعدين ايا كان اللى هيكسب فيه اخوان او سلفيين
_ لان طبيعى مفيش غيرهم ممكن يكسب_
اعتقد النتيجه واحده

دى وجهة نظرى
هذا بالاضافه طبعا الى ان الدنيا برد جداااااااااا والواحد بصراحه مش عايز ينزل و يعيي تانى
انا ما صدقت

انا ما انتخبتش علشان مش كنت فاضي ..... وكنت مكسل ....... وكنت عايز حد ياخدني لحد هناك

اقتباس :

غير كده 90 من اعضاؤه الريس اللي بيعينهم

هما مش كانوا 10 قبل كدة ؟

ههههههههه
الف سلامة عليكى وانا رائى زيك تمام

هو مجلس مالوش لازمة
هيكلف الدولة مليار جنيه معرفش ليه ؟!!

ده حتى المرشحين مش عاملين دعاية بمعنى دعاية
ولا حتى اعرف اى مرشح من اى حزب

ده غير طبعا البرد الجامد اليومين دول

اسبابنا مقنعة مش كده

اقتباس :

هما مش كانوا 10 قبل كدة ؟

لا 10 دول ف مجلش الشعب
اما الشورى 90


واضح ان الاراء والمبررات جماعيه
مش احنا بس على فكره
دى اراء تقريبا كل الناس
والبرد ده فعلا من اهم الاسباب بجد

كويس ان انتخابات الرئاسه مش ف البرد هى كمان!!!!!!!!

انتوا عارفين ان نسبة التصويت
5% او 10%

والله كان اكرملنا لغيناها

اقتباس :

لا 10 دول ف مجلش الشعب
اما الشورى 90

اه دول طلعوا 90 فعلا هههههههه
سوري لجهلي السياسي

اصل المعلومة دي عارفها من زمـــان اوي .... بس الظاهر انها اتقالتلي بشكل غلط ...... او انا اللي سمعتها غلط ... الله اعلم

اقتباس :

كويس ان انتخابات الرئاسه مش ف البرد هى كمان!!!!!

لا دي الواحد هيروحها باذن الله حتى لو بتمطر تلج

اقتباس :

انتوا عارفين ان نسبة التصويت
5% او 10%

والله كان اكرملنا لغيناها

هههههههههههههه
الكومنت اللى سمعته ان عدد الناخبين تقريبا اقل من عدد المرشحين

اهو بقي يمكن ف الدستور الجديد يشوفوله حل المجلس ده
يا يلغوه يا يشوفوله لازمه


واعتقد برده ف المرحله التانيه هتبقي نفس النسبه
الا بقي لو الجو اتعدل ساعتها احتمال تزيد

انتى عارفه ان البرد عامل فى قلة التصويت
بس مش هو الاساس
الاساس ان ماحدش مقتنع بالمجلس ده اصلا
احنا فعلا لو عايزين نكون زى امريكا عندنا مجلسين نيابيين
على غرار مجلش الشيوخ ومجلس النواب

بس مش يكون مجلس الشورى اللى هو اساسا بيشرعه
وبيضع وبيتحكم فى اختصاصته طيب إزااااااااى !!!

ومش عارفه ليه ع قد انه ملوش لازمه
النظام القديم كان متمسك دايما جداااا انه تبقي نسبه الوطنى فيه 100%

يعنى المجلس ده عمره ما دخلو ولا واحد اخوان من يوم ما اتعمل
وواحد بس معارضه هو اللى دخله قبل كده
نفسي اعرف ايه الحكمه يعنى

اهو
كانو تقريبا بيوزعو المناصب ع بعض ف البلد
ربنا رحمنا منهم الحمد لله

انتى عارفه اظرف تعليق
سمعته على مجلس الشورى من يومين
انه مجلس الزعلانين

(انه كان الرئيس بيعين فيه 90 عضو اللى هما
ابن خال الوزير الفلانى او قريب رئيس الوزراء العلانى
او الاقباط وعدد من السيدات يعنى اى حد زعلان
علشان مايزعلش يدخلوه مجلس الشورى )

طيب والله كويس

الراجل مكنش بيحب يزعل حد

قد ايه كان عظيم واحنا مش واخدين بالنا

ههههههههههههههههههههههههه