معلش هصدعكم شوية
استكمالا لشوية الفضفضة اللي فاتوا
كلنا يكاد يكون اللي مرينا بيه من مشاعر شبه بعض .... ممكن نختلف في المواقف لكن مشاعرنا شبه بعض
الحاجة اللي بتخلينا شبه بعض بشريتنا ..... كلنا بشر
اجمل احاسيس حسينا بيها ....
- الحب
- و التميز
- و لذة الطاعة
- و الفرج
- و الاخلاص
( اجمل احساس لما تحس انك مخلص في حاجة منعت نفسك عنها مثلا
مثلا مخلص لربك مخلص لزوجتك مخلص لعملك مخلص لأولادك مخلص للي بتحبهم )
- و اهتمام اللي حواليك ....
- و اجمل احساس لما تدون في مذكراتك كل يوم ضاقت عليك الدنيا بيه او قابلتك مشكلة او خفت من المستقبل فيه او بمعنى اصح خفت (على ) المستقبل فيه
كمثال بسيط خالص يوم امتحان مش حليت فيه كويس لا قدر الله وحسيت انك هتشيل المادة ... هتشيلها لا محالة ...لا قدر الله يعني
فــ دعيت ربنا انه يعديك من المادة دي و كتبت في مذكراتك ده
وبعد النتيجة تلاقي ربنا استجاب لدعوتك و عديت من المادة باعجوبة ...... من اجمل الاحاسيس لما تيجي جنب اللي كتبته وتكتب ... ربنا استجاب لدعائي و الحمد لله عديت من الموقف بفضله
وفيه من ده كتير ..... بس ...... الانسان ......... !!
- و لما تبقى حاسس اوي .... بيبقى اجمل احساس ..... حاسس باللي جواك ...... حاسس بغيرك ........ ( و بصراحة قليل لما اشوف حد حاسس بغيره اووووي غير الام )
- و لما تقول اللي في قلبك و انت حاسس بيه أوي .....
- ولما تبقى صادق مع نفسك وصادق مع الناس
- .... لما تكون شفاف
- و اجمل احساس لما تطلع من بيتك وتسلم على كل واحد تقابله ( السلام عليكم ) مع ابتسامة و كلمتين
تحسس نفسك انك عارف البلد كلها و البلد عارفاك
..... الناس هتحبك .... ومين مش بيدور على حب الناس !!
- و لما تلاقي نفسك بتدعي للي بتحبهم و تحس بدعواتهم ليك بردو
- و لما تقابلك مشكلة وتعبر منها .. وتحس بانتصارك
- واجمل احساس لما تبتسم اجمل ابتسامة اللي من القلب او ترسم ابتسامة على وش حد
- و لما بتسامح ....
- و انك تحس انك اسعدت حد
- و اجمل نفس بتتنفسه و انت رايح تصلي الفجر .... تحس بنقاء رهيب وغريب في الهوا ... وتقضي يومك وانت عارف انك في معية الله
- و حاجة بتميز ........... الاخلاق والمبادئ ....... الشخصيات و استقلالها
مش نهاية العالم انه حد يجرحك
مش نهاية العالم انه حد يخدعك
مش نهاية العالم انك متلاقيش الاهتمام
مش نهاية العالم انك تدي ثقة لحد ويخزلك
مش نهاية العالم انك تخطئ
مش نهاية العالم انه العالم حتى كله يقف قصادك
لسة معاك ..
..
..
..
.
.
..
الله
انا قررت اني مش هندم على حاجة عملتها من قلبي و عقلي كان رقيب عليها
هكمل للآخر
ويا اما آخد سعادة من الناس الكويسين
او تجربة من الناس السيئين
او درس من الناس الأسوأ
وذكريات جميلة من احسن ناس
قررت مش هخلي أي آفة من آفات الحب تدمر اي حب في قلبي ابداااااااااا
و .....
اللهم انت اعلم بي من نفسي
وانا اعلم بنفسي منهم
اللهم اجعلني خيرا مما يظنون
واغفر لي ما لا يعلمون
ولا تؤاخذني بما يقولون
اللهم اني استودعك قلبي
فاحفظه من كل سوء
فعندك لا تضيع الودائع
احمد الحداد