شوية فضفضة !!

فيه يوم كنت طالع من البيت ورايح الكلية عادي زي كل يوم و كعادتي مبتسم و بادئ اليوم في غاية السعادة وعلى فكرة ده وانا داخل كدة الكلية و ببص على كلمة كلية العلوم اللي بشوفها كل يوم في اليوم ده حصلت لي حاجات ضايقتني ... عادي طبيعي
يوم تاني بعده كنت طالع من البيت و بردو كعادتي مبتسم و بادئ اليوم في غاية السعادة في اليوم ده حصلت لي حاجات فرحتني جدا .... بردو عادي طبيعي

المغزى
غريبة يعني لما الابتسامة مأثرتش في اليوم ليه لا نبتسم !!!
و لا سعادتي واقبالي على اليوم أثرت ليه لا أقبل على اليوم بسعادة !!!

تاني حاجة .... الايام فيها اللي يفرحك و اللي يضايقك و الحياة صعبة عالكل مش عليك انت بس .... دي اشياء مفروغ منها
لكن اللي يحسبها صح
لما ييجي ليه اللي يفرحه يشكر ربنا و يعيش الفرحة لآخرها
ولما ييجي ليه اللي يضايقه
يفتكر الحاجات دي
- ان كل حاجة قضاء و قدر
- وان الجزع مش هيرد القضاء
- وان اللي انت فيه اخف من اللي اكبر منه (يعني كان ممكن يحصل اللي اكتر من كدة )
- وانه ان اتاخد منك حاجة وده سبب ضيقك فاللي اتبقى ليك اكتر من اللي اتاخد منك
- وان لكل قدر حكمة لو عرفتها هتعرف ان المصيبة او اللي ضايقك هو عين النعمة
- وأن كل مصيبة للمؤمن لا تخلو من ثواب ومغفرة أو تمحيص أو رفعة شأن أو دفع بلاء و ما عند الله خير و أبقى

و يقول رسول الله صلى الله عليه وسلم : ( عجبا لأمر المؤمن إن أمره كله خير وليس ذاك لأحد إلا للمؤمن ، إن أصابته سراء شكر فكان خيرا له وإن أصابته ضراء صبر فكان خيرا له )
ويقول الله تعالى : ( ولئن شكرتم لأزيدنكم )
وهو ده اللي يحسبها صح
الحديث والآية دول محتاجين وقفة اوي

عند السراء افرح و اشكر
عند الضراء اعلم و اصبر

افرح لآخر بسمة عندك
واشكر ربك عاللي عندك
اعلم ال6 حاجات
واصبر على البلاءات

اللهم اجعل ايامنا سعيدة وأدم علينا نعمة السعادة
اللهم لا تجعل مصيبتنا فى ديننا و فرج همنا و كربنا

توبيك جميل يا احمد
ويدعو للتفاؤل
انا لسه شايفة برنامج من كام يوم
لمعز مسعود فيه نفس الافكار دى
وفرق معايا جدا

اقتباس :

اللهم اجعل ايامنا سعيدة وأدم علينا نعمة السعادة
اللهم لا تجعل مصيبتنا فى ديننا و فرج همنا و كربنا

آمين

اقتباس :

توبيك جميل يا احمد
ويدعو للتفاؤل
انا لسه شايفة برنامج من كام يوم
لمعز مسعود فيه نفس الافكار دى
وفرق معايا جدا

انا متفرجتش عليه بصراحة
دي مجرد فضفضة من دماغي
مفيش الا الـ 6 حاجات هي اللي اساسيات كنت عارفها
شكرا جدا لمرورك

اقتباس :

عند السراء افرح و اشكر
عند الضراء اعلم و اصبر

افرح لآخر بسمة عندك
واشكر ربك عاللي عندك

جميل جداا الواحد يفرح لاخر بسمه عنده
والاجمل
انه يشيل جزء من البسمه دى لوقت ضيقته
اه الصبر والاعتماد على ربنا ف وقت الضيق مهم جدا
بس لو من جوايا مخلتش الحزن يوصل لقلبي اصلا... هيبقى افضل بكتير

شكرا جدا ع التوبيك ده يا احمد

موضوع فى غااااااااااااااااية الرووووووووووعة

وجه فى وقته
الدنيا مش مستاهلة اى دمعة او حزن اويأس
والانسان فعلا لو بدأ يومه بابتسامه هيبقى افضل
واكيد فى حاجات فى الدنيا بتزعل الناس وبتضايقهم فنحاول بقدر الامكان نبعد اى زعل او حزن
ودى انشودة جميييييلة جداا عشان نبقى فى رضا ع طول

تمااااام وموضوع ممتاز
شكرا يا ادمن

شكرا جدا لمرورك يا خل
وبلاش ادمن

اه صحيح انا ادمن زيك