semo252 على كرسي الاعتراف

اولا وقبل اي كلام سلام عليكم جميعا وسلام خصوصي لضيفنا الجديد ع الكرسي
الضيف او العضو اللي مش بيطقني خاااااااااااااااالص
وواخد موقف من الناس بتوع النبات مااعرفش ليه مع اننا طيبين والله ههههههه
اللي مش بينورنا كتير ف المنتدى
*وبصراحة كويس انه مش بيدخل عشان بيشفط الاكسجين ههههههههه
على فكرة بهزر ومافيناش من زعل

منورناااااااااااااااااااااااااااا جدا يااسماعيل ومنور الكرسي
ويارب يبقى على مقاسك وتجاوب على كل الاسئلة
وكل سنة وانت طيب بمناسبة عيد اللحمة وكل اهل الجروب والمنتدى الجميل ده بخير

ويلا ياجماعة اللي عنده اي اسئلة لاسماعيل يتفضل
عايزة تقطيع بقى ههههههههههههههههههههه

اولا وبعد السلام عليكم وبغض النظر عن موقفى من قسم النبات او انهم شريرين ولا لأ وبغض النظر برضه عن نظرية شفط الاكسجين.....احب اقولكم كل عام وانتم بخير ويارب يكون عيد سعيد علينا كلنا.....ومتنسوش يا جماعه اننا دفعه واحده او اخوكم الصغير ..يعنى بالراحه وبلاش اسئله بره المنهج!!!

وعليكم السلام ورحمة الله وبركاته وكل سنة وانت طيب وان شاء الله عيد سعيد عالكل منور الكرسي يااسماعيل والله وان شاء الله كرسي يكون مريح ومن ناحية الاسئله متخافش هنا الاسئله كلها من دااااااخل المنهج وربنا معاك

ما هى حكاية جوه المنهج دى برده مشكله اصلى مش بذاكــــــــــــــــــــــر....هههههههههه

ههههههههههههههههههههههههههههههههههههه متقلقش هنغششك ده الكرسي سهل وجميل وخاصة روان هتسألك أسهل اسأله انت عارف أكيييييييييييد

[ندعوك للتسجيل في المنتدى أو التعريف بنفسك لمعاينة هذه الصورة]

حبيبي اللي جي كتير وكل سنه وانتا طيب

مبروك الكرسي عليك
وهيبقي عيد سعيد عليك انشالله

ومتخافش من الاسئله
حتى لو من بره المنهج انت مبيفرقش معاك الحاجات دى
Very Happy

بيعدي صح ؟!

هتحل بلارزااااااااااااااااااااااااااااق
ودوس يا معلم

عيد سعيد عليك باذن الله
و مبروك الكرسي يا اسماعيل

semo252 كتب:: اولا وبعد السلام عليكم وبغض النظر عن موقفى من قسم النبات او انهم شريرين ولا لأ
ايون ليه واخد موقف منهم وليه اما موقفك من ناس معينة تعممه ع الباقي والنبي ده حرااااااااام
وبغض النظر برضه عن نظرية شفط الاكسجين
ماقولنا هزار ومافيناش من زعل شكلك كده قلبك اسود وبتشيل
.....احب اقولكم كل عام وانتم بخير ويارب يكون عيد سعيد علينا كلنا.....ومتنسوش يا جماعه اننا دفعه واحده او اخوكم الصغير ..يعنى بالراحه وبلاش اسئله بره المنهج!!!
وانت طيب وبخير وعيد سعيد عليكم جميعا
وياجماعة براحتكم خالص اللي عنده سؤال ينطلق هههههههههه
ربنا معاك يااسماعيل

ايون زي ماهوب قالت انا اسئلتي سهلة خاااااااالص
لاني اساسا مش بعرف اسأل

سوري ياجماعة اتأخرت بالاسئلة لان النت كان فاصل
وللمرة المليون منور يااسماعيل الكرسي واتفضل شوية اسئلة ع الماشي كده

-اولا :عرفنا بنفسك
اسمك وعمرك وهواياتك واي حاجة تيجي ع بالك
-اصحابك بينادولك ايه؟
-اجمل سنة او مرحلة عمرية عشتها؟
-هل انت شخص عصبي ؟ وايه اكتر حاجة ممكن تعصبك وتستفزك؟ولو اتعصبت بتعرف تتحكم في نفسك ولا ممكن تخسر حد من اصحابك بسببها؟

-اكتر شهر بتحبه ف السنة؟واكتر فصل من فصول السنة ؟ وليه؟
-ايه الحلم اللي نفسك تحققه؟واللي كان نفسك تحققه وماعرفتش ؟وتفتكر ليه ماعرفتش تحققه؟
- اكتر مقرئ بتحب تسمعه
-برنامجك المفضل
0مطربك المفضل
-لونك المفضل
-اكلتك المفضلة
-مين قدوتك ومثلك الاعلى؟وليه الشخص ده بالذات؟
-اجمل مكان زورته في حياتك؟
- بلد نفسك تزورها
- اوصف المكان اللي تحب تكمل فيه عمرك اللي جاي
-اكثر حكمة بتؤمن بيها
-ايه اكتر حاجة ممكن تخليك متضايق من نفسك؟
- اكتر حاجة ممكن تزعلك ؟ وامتى بتزعل من اصحابك او اي حد تاني؟
-افضل شخصية من وجهة نظرك .عاملة ازاي؟
-من وجهة نظرك في حاجة اسمها صداقة بين بنت وولد؟ وليه؟
-ايه هيا الحاجة اللي عملتها وندمت عليها؟
- شئ او شخص غير مجرى حياتك ؟وغيره ازاي؟
- ايه هو رأيك ف الحب ؟وهل انت شخص رومانسي؟
- ايه الصفة اللي تتمنى انها تكون في الانسانة اللي هترتبط بيها؟
والصفة اللي ماتتمناش انها تبقى موجودة فيها؟
-مواصفات البنت اللي ممكن ترتبط بيها؟
- اكتر واحد من اصحابك قريب ليك؟
- ايه رايك في عمل المرأة مؤيد ام معارض؟وهل تقبل ان يكون رئيسك ف العمل امرأة؟
-اكتر اسم ولد وبنت بتحبهم؟
-اوصف نفسك في كلمتين وبس
-اكتر موقف بكيت فيه ده لو لاقدر الله بكيت يعني هههههه
-موقف صدمك ومش ممكن تنساه
-بتحكم ع الناس من الوهلة الاولى على اي اساس؟ وهل حكمك بيتغير بعد كده ؟
-كلمة تحب تسمعها؟
-بيت شعر بتحبه وتحب تهديه لمين؟
-باقة ورد لمن تهديها ؟ ومين تحبه يهديهالك؟
- اكتر هدية جاتلك وعجبتك ولسة محتفظ بيها ايه ومن مين؟
-لو رايح حفلة وليك الحق في دعوة شخص واحد معاك تاخد مين؟
-حلم ماتقدرش تحققه؟وهل انت مؤمن ان في احلام صعبة المنال وعليه مابتحاولش تتعب عشان تحققها؟
-ايه رايك في مرشحي الرياسة لحد دلوقتي؟
- قولنا رأيك باختصار عن حال مصر من الثورة لحد دلوقتي؟
- ايه البرنامج اللي لو نزل بيه مرشح هتصوتله ع طول او تصور للبرنامج ده؟
-تتمنى مين يحكم بلدنا ؟
-شخص بتكنله كل تقدير واحترام؟
-ايه رأيك ف الاسئلة ؟وسوري لو طولت بس هارجعلك تاني عشان اكمل الاسئلة

الله اكبر

ههههههههههههههههههههههههههههههههههه كفايا عليك بقي اسألة رواااااااااااااااااااااااان هههههههههههههههههههههههههه

اوووب اوووب اووب
اضرب ع الاسئله وهي سخنه الكل يدخل بالتقل كله مره واحده

. ماذا ستكتب لنا لتعبر عن حياتك التي عشتها الى الان في كلمات قليله ؟

. اذا اردت ان تبكي الان , فعلى من تبكي؟

من ستختار ليمسح دموعك ؟

لو خيروك بين حبيبك وبين اعز صديق فمن تختار ؟

.ماهو تقييمك لهذا المنتدى بصراحه ؟

.من يسكن قلبك؟

.هل تعتقد ان حظك سيئ؟

.هل هزمك حزنك في يوما من الايام؟

.((مستحيل انساك)) لمن تقولها ؟

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

.(( انت كل شيء بحياتي )) لمن تقولها ؟

متى اخر مره بكيت؟

اي الدول تتمنى ان تزورها ؟

هل انت راضي عن نفسك ؟

‏قدوتك ف الحياة مين؟

.هل تؤيد الزواج العاطفي ام الزواج التقليدي ؟ ولماذا ؟

.ايهما اهم شهادتك الجامعيه أم الزواج ممن تحب ؟

.هل انت مدمن تفكير؟

.من هو اكثر شخص تفكر فيه؟

.اذا تم تعيينك ملكا لجميع البلاد العربيه فما اول قرار ستتخذه ؟

.هل تكره شخص بشده في حياتك ؟

.ما هو اقتراحك الذي تتمنى ان يحدث في هذا المنتدى ولم يحدث الى الان ؟

.هل ملابس الشخص امامك تؤثر فيك لتأخذ عنه انطباع ؟؟

.ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

.حكمة تؤمن بها جدا؟؟

.عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

إيه الصفه اللي عايز تغيرها ف نفسك؟

.ماذا تفعل اول شيء اذا ربحت مليون ؟

.هل انت من لديهم رغبة حب التملك واذا تملك الشيء اصابه الملل منه ؟

.اعتذار تريد ان تقدمه لمن؟

ايه السؤال اللى عاوز تتسأله؟

لو رجع بيك الزمن هتعمل ايه؟

ايه رائيك في كلية العلوم؟

تجربه تتمنى تكرارها؟

متي بتكذبي ؟

ايه رايك ف الاعضاء دى

1 بريف هارت
2 مون دريم
3 معني السكوت
4 الدكتوره
5 بيور هارت
6 سم تايميز
7 جاست ذا بيست
8 بنت الاسلام
9 تريس اوف مون
10ندي خالد
11شيماء
12شهرزاد
13Shaimaa Hdeb
14 الادمن
15 احمد منجود
16 موود
17شريف
A.R.M18
biochemist19
20 اخيرا انااا

وظف الصفات دي للاعضاء
جرئ
رومانسى
متواضع
هزاره تقيل
اجتماعى
مواضيعه حلوة

أكمل
*العضو/ة اللي تتمنى تشوف شكله هو ........
*العضو/ة اللي نفسك تعطيه كف بتهريج ........
*العضو/ة اللي نفسك تعطيه كف مش بتهريج ........
*عضو/ة تحس انه حلو ........
*عضو/ة رومانسى ........
*عضو/ة مثقف ........

أختر
*أكتر سنة حبتها ف الكليه..... (1 - 2- 3) ؟
[ندعوك للتسجيل في المنتدى أو التعريف بنفسك لمعاينة هذه الصورة] *أيه رأيك فيا .... (جدع - كويس - جدع وكويس) ؟

لا دي لسه هتكمل استمري ياروان ده تاااااااااااااااااار كبير هي حاجه بسيطه؟؟؟؟؟؟؟؟؟؟؟؟
هههههههههههههههههههههههههههههههه ربنا معاك يااسماعيل الاسئله كلها انت لسه مراجعها في الملزمه الصغيرة دي

ههههههههههههههه ايه ياجماعة دول اسئلة خفيفة كده يتسلى فيهم لحد مانجهز بالتقيل
هههههههههههههههههه

ايه يامحمد كاتب اسئلة ع كل الاعضاء وناسي اللي حطته ع الكرسي
ولاالاسئلة كوبي وبيست

ههههههههههههههه

ههههههههههههههههههههه ع يدك ياهوب ده تااااااااااار واعر جوي

شدي حيلك ياروااااااااااااااااااااااااان

شكلها كده مفهاش عيد السنادى

ربنا معاك

روان كتب:: ايه يامحمد كاتب اسئلة ع كل الاعضاء وناسي اللي حطته ع الكرسي
ولاالاسئلة كوبي وبيست

ههههههههههههههه

اهو دا كوبي بيست اجمل حاجه
تعكنن الواحد
زبالذات ولو لاقي سؤال يتكرر
ههههههههه ما احنا مش بنعمل كده و خلاااص

يا حراااام

ده هيتخض خضة اول ما يدخل ...... ههههههههه

ههههههههههههههههههههه برافو يامحمد

ههههههههههههه معلش ياادمن بقى لازم نقوم معاه بالواجب
ولا مانكرمش الضيف ويقولوا علينا بخلاااااااااااا

سعد انت حافظ مش فاهم ؟؟هعرف منين الناس دى كلها انا مش بدخل عالمنتدى ...عموما خلى اسئلتك فوقتها...تاجى منك يا صاحبى؟؟؟
وشكرا يا ندى بس الاسئله مش ذى اسئله الدراسه ...وشكرا يا هوب ...والله يسامحك يلى فبالى...
نبدء بئى عشان الموضوع طويل اوى...
بسم الله الرحمن الرحيم ..وبه نستعين والصلاة والسلام على اشرف المرسلين سيدنا محمد وعلى اله وصحبه اجمعين...

النهارده نوينا بكره الرد انشاء الله.....هههههههههههه

ههههههههههههههههههه يااااااااااارب يسامح اللي في بالك

الحمد لله رد براحتك المهم النية

-اولا :عرفنا بنفسك
اسمك وعمرك وهواياتك واي حاجة تيجي ع بالك..
...اسمى ..اسماعيل سيد اسماعيل احمد عثمان الخولى...هو اكيد فى تانى بس ده اللى حافظه!!
..السن :انشاء الله 18_12 القادم هكون 21.
..هواياتى:يعنى اى حاجه بعملها مع اصحابى بتبقى بالنسبه ليا ممتعه بس ممكن لعب كورة القدم.واوقات الرسم بس بالرصاص.واخيرا على يد كيشو لعب البنج..
اى حاجه على بالى ..نفسى اخلص الكرسى ونفسى انام عشان بكره فحت..

هههههههههههههههههه اسماعيل انت هتنقطنا سؤال سؤال؟

-اصحابك بينادولك ايه؟
..فابتدائى كانو بينادونى سمعهاو سمسم..فاعدادى وثانوى سيمو وبرضه فالكليه بس فى منجود وكيشو بينادونى سماع وجود بينادينى برده سمسم...ما اخترتش ولا اسم من الاسماء عشان حد ينادينى بيها..ومش بحب ازعل حد يعنى اللى يقولى احمد محمد دكتور عادى برضه برد...

الناس اللى بستعجلنى دى انا بحب التركيز ولو مش عاجبكم خلاص يلاش اروح...

الناس !!!!!!!!!!!!!!!!!!!!!!!! semo252 على كرسي الاعتراف 75682

هزولت .مش بستعجلك ياابني ياابني انا اقصد هتجاوب ع سؤال سؤال
جاوبهم مرة واحدة وع بعض بعض وعلى اقل من مهلك

ههههههههههههههههههه

semo252 على كرسي الاعتراف 918476

حتى انت ياادمن ههههههههههههههههه

هو انا اتكلمت ؟!!
انا بضحك عـــــــــــــــــــــــــــــــــــــــــادي هههههههههههههه

ههههههههه عادي جدااااااااااااا

وعشان معطلكومش يلا خليها سؤالين...
-اجمل سنة او مرحلة عمرية عشتها؟
-هل انت شخص عصبي ؟ وايه اكتر حاجة ممكن تعصبك وتستفزك؟ولو اتعصبت بتعرف تتحكم في نفسك ولا ممكن تخسر حد من اصحابك بسببها؟

......اجمل سنه هما كانو اتنين اولى ثانوى ودى كانت رائعــــــه ..واولى جامعه ودى احسن ما فيها الاصحاب الجداد بس قلبت بضلمه فاخرها..والحمد لله.
...انا ما اعرفش اذا كنت شخص عصبى ولا لأ؟دى حاجه الناس هيا اللى بتحكم عليك فيها من تصرفاتك معاهم وفنفس الوقت هى مش ميزه(ليس القوى بالسرعه انما القوى هو من يملك نفسه عند الغضب)بس برضه وجودها ضرورى اوقــــــات..
اكتر حاجه تعصبنى هي الحاجه اللى انا ببقى شايفها غلط..ز(فى حاجات كتير اوى).
فى حالات ممكن متقدرش تمسك فيها اعصابك ولو السؤال مقتصر عالصحـــــــاب فدى نادر انا مش بحب اخسر اصحابى بسهوله..(لكل قاعده شواذ).ولو قصدك عموما فالتحكم فاعصابك بيبقى نتيجه للشخص اللى ادامك ودى بيحكمك بطريقه الحوار يعنى فرق السن نبرات الصوت ونظرات العين.

-اكتر شهر بتحبه ف السنة؟واكتر فصل من فصول السنة ؟ وليه؟
السؤال ده ملوش عندى اجابه..بس عموما اكتر شهر بحبه كل الشهور عندى عادى واكتر فصول السنه ..الصيف طبعا يعنى بيقبى احسن فاللبس والخروج والجــــــو الحر ممكن تتغلب عليه بس الشتا صعب.

وعشان معطلكومش يلا خليها سؤالين...

والله متشكرين لكرم اخلاق حضرتك

......الحلم اللى كان نفسى احققه يكون عندى شركة ادويه..اللى كان نفسى احققه ومعرفتش ادخل كلية الصيدله..معرفتش احققه عشان ربنا عاوز كــــــده ...والحمد لله.
....اكتر مقرئ بحب اسمعله ..الشيخ محمد جبريل والشيخ احمد بن على العجمى...ولو انى للاسف مش مواظب.
...برنامجى المفضل للاسف مفيش عشان مش بحب اتفرج عالتليفزيون ولا على كدب وفتى برامج التوك شو..بس برتاح لبرامج عمرو خالد وبرامج ناشونال جغرافى.
...انا مش بحب مغنى معين (لانه يحشر المرء مع من احب ).بس بحب اسمع اى اغنيه بفهم كلماتها وخصوصا الكلاسيك.
...لونى المفضل بحب الاسود بدرجاته والازرق.
..اكلتى المفضله انا باكل تقريبا كل حاجه بس معظم اكلى بره البيت تيك اوى..
.....قدوتى طبعا الرسول صلى الله عليه وسلم.وخالى الله يرحمه.يعنى طبيعى انى احب الرسول بس انا بحب الشخصيات القياديه عموما زى عمرو بن الخطاب وخالد ابن الوليد.

والله متشكرين لكرم اخلاق حضرتك...
.......دى العادى بتاعى........

انا مش بحب مغنى معين (لانه يحشر المرء مع من احب )

اقصد اكتر مطرب بتحب تسمعله وسوري عشان صيغة السؤال ماكانتش مظبوطة

دى العادى بتاعى...

لا ومتواضع كمان ربنا يزيدك ياااااااااااارب هههههههه

......اجمل مكان زورته ممكن حديقة الازهر وبحب النيل اوى ...بس انا مقتنع ان المكان جماله فالاشخاص اللى بيكونو معاك فيه .
.....بلد نفسى ازورها ..طبعا مصر ام الدنيا بس بجد نفسى اروح فلسطين او السعوديه عشان خاطر الحاجه.
...المكان اللى احب اكمل عمرى اللى جاى ..يعنى انا مش عاوز يبقى عندى قصر وعربيه و.و.و.كل اللى بتمناه من ربنا اعيش فبيت صغير حوليه جنينه صغيره مع الانسانه اللى هحبها واعيش عمرى كله عشان احاول اسعدها واحافظ عليها وعلى كرامتها ذى ما هتحافظ عليا وعلى كرامتى وطبعا انشاء الله 4 اولاد لانى مش هكرر مأساه الابن الوحيد...ويا سلام بئى لو كمان 10او50 مليون جنيه كده يبقى نعمه....هههههههههههههه..بجد والله انا مش مؤمن ان الفلوس هى كل حاجه بس وجودها ضرورى واهم حاجه القناعه والرضا.
....اكتر حكمه بؤمن بيها هى اكتر من حكمه بصراحه فاكر منها دلوقتى...عامل الناس بمثلما تحب ان يعاملوك به..القناعه والصداقه كنوز لا تفنى..العمر واحد والرب واحد ولو ربنا كاتبلك تموت هتموت لو اتشنكلت فنمله ولو كاتبلك تعيش هتعيش لو داسك قطر..بس فى تانى انا مش فاكرهم حاليا...
...اكتر حاجه ممكن تخليك متضايق من نفسك..فعلا سؤال جميل !!(اكيد حد قالك عليه)بس الحاجه بتضايقنى من نفسى لما ابقى عاوز اوصل لحد شعور او معنى وببقى مش عارف اوصلهوله ولما حد يبقى فاهمنى غلط ومش عارف اوضحله وجهة نظرى.

اقصد اكتر مطرب بتحب تسمعله وسوري عشان صيغة السؤال ماكانتش مظبوطة.
انا هراجع الاسئله وراك ولا ايه؟لا ركزى يا تجيبى حد كبير يسال.
المهم هما كتير بقولك اى كلمات اغنيه بتعجبنى بسمعها..عموما ممكن وائل جسار ومروان خورى وطبعا حليم وتامر حسنى وعمر دياب و.و.و................لا ومتواضع كمان ربنا يزيدك ياااااااااااارب هههههههه.
الحمد لله هذا من فضل ربى وبعدين كل اجابه هتعلقى عليها كده مش هنخلص عاوز انام..

فعلا سؤال جميل !!(اكيد حد قالك عليه

اخص ده رأيك يعني شكرا

انا هراجع الاسئله وراك ولا ايه؟لا ركزى يا تجيبى حد كبير يسال.

لااله الا الله ياابني هو انا فوق راسك ولا هو شكل للبيع وخلاص
وبعدين بقى انا سالت وقولت مطربك المفضل وواضح من صيغة السؤال يعني المطرب اللي بتحب تسمعله
يعني الصيغة صح من الاساس

بعدين كل اجابه هتعلقى عليها كده مش هنخلص عاوز انام.
ياسيدي انا حرة مش انا اللي سألت اعلق براحتي ونام هو كان حد ماسكك يعني سبحان الله

-..اكتر حاجه ممكن تزعلنى..هى زى ما قلت لما اكون شايف حاجه غلط ومش عارف اغيرها او لما يبقى حد فاهمنى غلط....وبزعل من اصحابى لما تقل ثقتهم فيا...(والحمد لله ده لسه محصلش)
...افضل شخصيه من وجهة نظرى عامله كده affraid

بس هو يعنى ما فيش شخصية مثاليه الكمال لله وحده...بس افضل شخصيه طبعا اللى تعرف تتعامل مع كل الناس وبكل الطرق.ودى ممكن حد غيرك يلاحظها عليك يعنى على اد اللى حوليك ومعاملتهم ليك دى بيبقى دليل على شخصيتك.
...صداقه ما بين ولد وبنت ..سؤال صعب بس من وجهة نظرى دى يبقى صعب يعنى لو هيحافظ عليها ويحترمها زى اخته ممكن بس بصعوبه لانه لو عاملها زى اخته مش هيقبل حد يكلم عليها ربع كلمه فالبالتالى مش هيصاحبها اساسا موضوع صعب ممكن نمشيها ثقه متبادله....وليه؟لو ليا اخت مش هقبل عليها كده مش قلة ثقة فالبنت بس انعدام ثقه فالناس اللى حوليهم.(كما تدين تدان والديان لا يموت)دايما الحاجه تسمعهالى.بجد انا نفسى محتار فيها بالرغم انى معنديش اخوات بنات مش عارف ممكن يكون ده سبب رايى؟؟
...حاجه عملتها وندمت عليها ...رحلة كنت طلعتها مع اصحابى وبعض الناس خلونى لحد دلوقتى ندمان انى طلعتها لانها لحد دلوقتى مسببه لينا مشاكل.بس الحمد لله اتعلمت.

ونام هو كان حد ماسكك يعني سبحان الله.
ايه ده هو انا نسيت اكتبها لا تؤجل عمل اليوم الى الغد ...ههههههههههههه بس بصراحه مش فكل حاجه.......
اقولك حاجه مش قايل حاجه..خلينا فالاسئله.

- شئ او شخص غير مجرى حياتك ؟وغيره ازاي؟
...فمره وقفت ادام حجر فالطريق فجى شخص غريب لابس ابيض فاسود وحط ايده على كتفى وقالى خلى بالك لا تقع تتعور قولتله شكرا يا عم الحاج...غيره ازاى بئى دخلت من جنب الحجر ده يمين...ههههههههههههه.لا بجد مش هينفع اجاوب عليه محتاج تفكير.....فعلا عندك حق انا انام دلوقتى وربنا يسهل ...

ما اسهلك انك تاخد اقتباس وتجاوب بدل ماتطلع للاسئله كل شوية

» الحداد علي كرسي السعاده قصدي كرسي الاعتراف
» A.R.M علي كرسي الاعتراف
» محمد سعد على كرسي الاعتراف مرة اخرى