ماليــــــــــــــــــــــــــــــــــــــــــــــــــــــــــــــــش فى السياسة :: بقلمى

السلام عليكم في الاول

ثانيا بقى

هقولك ليه سمعتي كتير كلمة(ماليش في السياسة)
لان السبب وانتي قولتيه جهل الشعب بيها فعلا ودة مكنش غلطهم دة غلط وكلنا عارفين دة النظام السابق
لانه عودهم ان اللي ليه في السياسة دة يعني ليه في السجون وواخد عليها
واللي مستغني بقى عن نفسه وعن ولاده وشغله اللي هو مصدر رزقه الوحيد اللي بيوكل منه ولاده يهتم بيها وباللي يحصل في البلد ده سبب
والسبب التاني انه كان حاطط المواطن المصري في طاحونة ورابطه فيها (انا آسفة في اللفظ) والطاحونة دي اللي هيا غلاء الاسعار والدروس الخصوصية اللي ناتجة عن سوء التعليم في المدارس واللي بتاخد نص مرتب البيت وعن الهدوم اللي عايز يجيبها لولاده والاكل والجواز وووووووووو................ وغيرها فطبعا مكنش فايق للسياسة وقرفها ولانها مش هتوكله عيش ولا ترفعله مرتبه ولا هتنزل الاسعار ........النظام خلى المواطن يبقى ماشي في الشارع بيكلم نفسه من كتر الضغوط اللي عليه واللي مطلوب منه تحقيقها فخلاصة القول ده مش ذنبه انه كان جاهل بالسياسة.........

اما الشق التاني انك قولتي انه ميعرفش كل الاحزاب اللي موجودة في البلد واللي بيتعدى عددها التلاتين حزب وده لسببين اوله ان الاحزاب الكويسة اللي فيها النظام السابق موتها وموت نشاطها وحماسها فخلاص الشعب هيسمع عنها منين
والاحزاب الي مش كويسة برده كان مضغوط عليها وفي نفس الوقت مصداقيتها ضايعة لان الشعب عارف انها مصلحجية وعايزة الوصول للسلطة وخلاص
وانا شايفة ان الاحزاب الموجودة دلوقتي واللي معروفة زي الوفد وغيره من الاحزاب اللي ركبت الثورة وبتحاول تنسب نجاح الثورة ليهاعشان تضمن اصوات تمكنها من الوصول للسلطة ودة هو غرضها بس على العموم هي ليها حق الترشح والشعب ليه الاختيار بس بصراحة انا شايفاهم مستغلين الموقف
اما الاحزاب اللي طلعت جديد فاهلا بيها بس برده راكبين الثورة وعمالين نفسهم خبراء في شئون البلاد ومن الناس اللي بتحاول سرقة الثورة ونسبها لنفسها وفي ناس اصلا مكنش ليها في السياسة خالص وعملت ليها حزب وقررت الاشتراك

بس انا برحب بيها لان كتر الاحزاب هيخلق جو من التنافس بينها والشعب هو المستفيد والدولة برده


وعايزة اقولك ان الثورة لسة منجحتش اه احنا عملنا الجزء الصعب بس اللي جي ميقلش صعوبة عن اللي فات وبصراحة الله يكون في عون الرئيس اللي جي للبلد لانها بجد في حالة صعبة في كل المجالات سياسة واقتصاد وتعليم وثقافة ومحتاجة اعادة التالق في المجلات دي من تاني واللي بيبدأ بالتثقيف والتعليم وفهم الدين صح


وفي النهاية انا بشكرك جدا ومعلش انا عارفة ان انا طولت كتير بس اعمل ايه موضوعك اللي حلو وهو اللي خلاني اتكلم

وتقبلي مروري

طبعا اللى يقول كدة يبقى غلطان جدا

بس انا للأسف

ما ليش فى السياسة مش بحبها ههههههههه

biochemist كتب:

طبعا اللى يقول كدة يبقى غلطان جدا

بس انا للأسف

ما ليش فى السياسة مش بحبها ههههههههه

...حضرتك احنا مش بنقول نكون خبراء سياسيين ولا محللين سياسين ...بس على الاقل نعرف الحاجت اللى تخص كل مواطن مصرى علشان يعرف حقوقة وواجباتة فى بلدة ومايحصلش فينا اللى حصل قبل كدة

وانا بحب السيـــــــــــــــــــاسة جداااااا

اقتباس :

وانا بحب السيـــــــــــــــــــاسة جداااااا

وانا بحب السياسه جدااااا

تقولى ايه لواحد مش بيصدق كلام اى حزب من الاحزاب
ولا كلام اى مرشح من المرشحين مش بيثق فى حد يعنى
لأن فى الغالب ده كله بيبقى كلام الهدف منه المصلحة الشخصية
ليس الا وانا بكره السياسة عشان ماتقدرش تحكم فيها حكم منطقى
لانها لا تخضع للمنطق ممكن اللى الناس شايفينه حلو دلوقت بعد
ما يترشح يبقى وشح وممكن العكس وممكن اللى احنا نبقى شايفين
انه فى مصلحة البلد يبقى مش فى مصلحتها والعكس

اقتباس :

...حضرتك احنا مش بنقول نكون خبراء سياسيين ولا محللين سياسين ...بس على الاقل نعرف الحاجت اللى تخص كل مواطن مصرى علشان يعرف حقوقة وواجباتة فى بلدة ومايحصلش فينا اللى حصل قبل كدة

فعلا افهم السياسة بالمعنى ده متفهمهاش بأي معنى تاني هههههههههه

مفيش حاجه ف الدنيا تقدر تحكم فيها احكام مطلقه ونهائيه
الا الاحكام الشرعيه

بعد كده اى حاجه فا هى محل اجتهاد
علينا اننا نجتهد و يا اما نخطئ او نصيب

واكيد لما نخطء بنتعلم من احكامنا دى


يعنى اه حقك متثقش ف راى حد
بس واجبك انك لازم تفترض الثقه ف حد

[quote="Admin"]

اقتباس :

طيب تمام الحمد لله حد اتفق على اهيمة السياسة

فعلا افهم السياسة بالمعنى ده متفهمهاش بأي معنى تاني هههههههههه

وذى ما الادمن بيقول ....مع انى مش عارفة معانى تانى ليها

للأسف ما فيش حد على الساحة دلوقت يتوثق فيه مهما قال من كلام
لان الكلام ده سمعناه قبل كدة ميت مرة وفى الاخر مش بيتنفذ


وانا اصلا ما فيش حد مترشح عاجبنى اقوم افترض الثقة فى حد وخلاص ؟

ههههههههههههههه
الحمد لله
ههههههههههههههههههههههههههههه

ردا عليكى يا جاست

يمكن يكون فيه ناس زى حضرتك وندى والادمن بيفهموا فى السياسة
ويعرفوا مين الحلو ومين الوحش لكن انا ماليش فيها لانى ماقدرش احدد
مين الكويس ومين اللى مش كويس بس فاحنا ناخد باراءكم انتوا

وربنا يسترها بقى هههه

...............ربنا يسترها ........

بس على فكرة لو حصلت لينا حاجة مش كويسة لسمح الله

هاخلى الشعب كله يدعى عليكم ههههههههه

Nada khaled كتب:

مفيش حاجه ف الدنيا تقدر تحكم فيها احكام مطلقه ونهائيه
الا الاحكام الشرعيه

بعد كده اى حاجه فا هى محل اجتهاد
علينا اننا نجتهد و يا اما نخطئ او نصيب

واكيد لما نخطء بنتعلم من احكامنا دى


يعنى اه حقك متثقش ف راى حد
بس واجبك انك لازم تفترض الثقه ف حد

احم احم ....وذى ماقالت ندى هى اراء ممكن تخطئ وممكن تصيب ومافيش ثقة مطلقة وربنا يسترها ومايحصلش حاجة