محتاجة رايكوااااااا بسرعة

االسلام عليكم
اازيكم كلكم عاملين ايه

بصراحه كنت عايزه اخد رايكوا فى موضوع الدبلومه
لانى سالت ناس كتير قالولى ملهاش لزمه ومضيعه للوقت

وبصراحه خايفه اقدم واكون فعلا ضيعت وقتى
فياريت اى حد يعرف عنها اى حاجه ميبخلش عليا

ياريت تفيدونى بسرعه لان وقت الحجز قرب ينتهى

ااسفه على الاطالة

بصى يا روز
انا هقولك حاجه يعنى انا سمعت ناس بتقول ان موضوع الدبلومة مالوش لازمة بمعنى انك مش تقدرى تكتبى اسمك على معمل لو فتحتيه وكده
لكن انا مش عارفه ده صح ولا لا
مش هقدر افيدك اوى لانى مش عارفه التفاصيل كويس
فا ياريت حد يوضح بس لو فعلا مش هيديكى الحق
انك تفتحى معمل وكل حاجه تبقى باسمك كـ دكتورة عادى
يبقى مش ليها لازمه لانك هتبقى زيك زى اى فنى واقف

وانا بصراحة مش عارفه زيك بس ده اللى بسمعه
وياريت حد يوضح

انا اللى سمعته ان بعد الدبلومه تقريبا بسنه نتخدى ترخيص لفتح معمل
طبعا بعد رفع القضيه
والله اعلم

شكرا ع ردك يا مون

ماشى ما انتى افتحى معمل عادى بس باسسسسسمك؟
ولا لا ما هى دى اللى بنسال عليها؟

اهلا رووووووووووووووووز انا عايز اقولك مافيش حاجة اسمها مليهاش لازمه
انا اخدت الدبلومه من المنوفيه بنصحك تقدمى هناك هى غاليه بس احسن ليك فى شويه حجات كدة اوضحهالك بعدين
اما بالنسبه لموضوع المعمل باختصار كده على السريع
1-اول لما بتاخدى الشهادة بتطلعى على النقابه بتعتنا في نص ساعة تاخديى تصريح مزاوله مهنة التحاليل
2-كده ممكن تشتغلى فى معمل دون مساله قانونيه ولكن طبعا مش باسمك عشان تصريح مزاوله المهنة لما بتقدمى بيه فى وزاره الصحه بيدوكى مزاوله مهنه تحت اشراف طبى
طبعا الكلام ده كله مش بياخد وقت
3 - بقى والمهم انتى عايزه معمل تكتبى اسمك عليه كاخصائيه صح هو ده المهم
تاخدىالورقه الى اختيها من وزاره الصحة وتطلعى على اقرب محامى بيرفعلك قضيه عشان يشيل من تصريح المزاوله كلمه تحت اشراف طبى
وده وفقا للقانون هى دى بتاخد وقت شويه بس نستحمل
يعنى من الاخر انا ككميائى من حقى افتح معمل باسمى وفقا للقانون مش عارف كام لسنة كام
بس موضوع الاشراف الطبى ده قرار وزاره الصحة مش عارف برضه كام لسنه كام
فى النهايه المحامى بيعتمد انه القرار لا يلغى القانون واسوه بزملائك الكميائيين
واحب اقولك ان الكميائيين مستوليين على تحاليل الفيوم كلها تقريبا ماعدا د/امجد الحكمة بطري & د/ عبدالله الشريف بشرى وشكرا
والبيطريين مستوليين عليها فى بنى سويف
من الاخر كدة البشريين اخر من يعلم

دى كده نبذه عن الموضوع باختصار يارب تكونى استفدتى ووصلك حاجة من الكلام الكتير ده
ويارب مكونش جيت متاخر وبالتوفيق

بس يا جماعة ما هما بيقولوا ان طب كسبت القضية اليي كانوا رفعينها علينا

تاب كدة هيبقي موقفنا ايه احنا ؟؟؟؟؟؟؟؟؟ انا مش عارفة والله مجتااااااااارة جدا من امر

ومش عاررفة اعمل ايه

شكرا ع ردك يا دكتور على
بس بصراحه انا هقدم ف عين شمس لانى سمعت ان المنوفية اتلغت السنه دى
ورينا يسهل

يا موونه احنا نقدم بقى وربنا معانا

هو انا بصراحه مش متابع موضوع القضيه كويس بس معتقدش ده موضوع بعيد

وبالنسبه للمكان انا مش عارف عين شمس اخبرها ايه بس المهم متكونش اسماعليه عشان اسنه الى فاتت تقريبا صعبوها شويه ومنجحوش ناس كتير المهم تشدو حيلكم وربنا معاكم

اقول لحضرتك حاجة .....خديها ومش هتخسرى اى حاجة

الاحوال بأذن الله هتستقر قريب وهيجى رئيس جديد وان شاء الله يكون كويس ....
والاوضاع هتختلف اكيد ان شاء الله

وحتى ولو هتكونى استفدتى منها فى شغل المعمل لما تيجى تشتغلى مش زى حد ما اخدهاش ..ولا اية
وبعدين صلى صلاة استخارة واللى ربنا يهديكى لية اختارية

وربنا يوفق حضرتك للخير ان شاء الله

شكلى جيت متأخرة بس هقولك
الدبلومة مفيدة وزى ماقال على بالظبط هيحصل
هو سيناريو مافيش فيه جديد

بالنسبة للاسماعيلية اه كانت السنة اللى فاتت
صعبة شويةانا اعرف ناس شالوا مواد
وعين شمس لسه فاتحة ربنا يوفقك
بس المنوفيه اسهل واحسن دبلومة بس سمعت انها مافتحتش السنة دى

ربنا يوفقك يا روز

brave*heart كتب:: شكلى جيت متأخرة بس هقولك
الدبلومة مفيدة وزى ماقال على بالظبط هيحصل
هو سيناريو مافيش فيه جديد

بالنسبة للاسماعيلية اه كانت السنة اللى فاتت
صعبة شويةانا اعرف ناس شالوا مواد
وعين شمس لسه فاتحة ربنا يوفقك
بس المنوفيه اسهل واحسن دبلومة بس سمعت انها مافتحتش السنة دى

ربنا يوفقك يا روز

ان شاء الله المنوفيه هتفتح الدبلومه وتبدا تانى