عاجل :- السفير الاسرائيلى يغادر القاهرة

فى خبر عاجل ورد الآن فى وسائل الاعلام
توجه السفير الاسرائيلى لمطار القاهرة
فى انتظار طائرة خاصة تقله لتل ابيب
بعد أن استدعته تل أبيب
والاخيرة قد عقدت لجنة للتشاور فى الامر



الاحداث انهاردة كتيرة جدا ومتلاحقة
عايزة اسمع رأيكم

عاجل :-

الرئيس الامريكى أوباما
يطالب مصر باحترام اتفاقياتها الدولية

ومن قبل صرحت واشنطن

بان على مصر حماية السفارات
وفقا لاتفاقية فينا

في داهية

و رأيي ان شاء الله خير أياً كان

بس فيه بعض الحاجات اللي حصلت مش موافق معاها تماماً حسيت بالهمجية في بعض السلوكيات بصراحة

وادعوا ربنا

طيب ماهو فى داهية طبعا
والباب اللى يودى
وكل الكلام ده

بس اللى بيحصل ده
غلط
فى تصرفات مالهاش مبرر

ربنا يستر

اقتباس :

بس اللى بيحصل ده
غلط
فى تصرفات مالهاش مبرر

آه طبعا ما هو ده اللي انا بقوله
ومش عايز اقول زيادة عن كدة ........

اقتباس :

ربنا يستر

يا رب

من شبكة رصد
فيه تصويت على سؤال
رصد | هل أنت مع احداث السفارة الاسرائيلية التى تمت اليوم 9-9 ؟
حتى الآن

353 صوت ......... لا
69 صوت ........... نعم

ربنا يستر بس انا شايف انن مش لازم نخاف

الله ينور عليك
والله نفس اللي قلته من شوية عالفيس

مش لازم نخاف ابدا بس لازم نحذر

اكيد مش لازم نخاف ابدا او يحسو بكده بالعكسلازم ديما يتاكدو ان احنا اقوى منهم
وبعدين متنسوش ان احنا داخلين منحدر باتجاه تحالف اقتصاد وعسكرى وسياسي مع انقره
هيقوى موقفنا ويضعفهم فا منخفش وانشاء الله ربنا ينصرنا

ان شاء الله
يارب

الشعب المصرى اشترى حريته ونسى الكتالوج .... فـــ عمال يلعب فى كل الزراير

كنت عايز اعملك لايك على الكومنت الى فات معرفتشبس حلو فانا هاكتبلك لايك

thanks

فى مقولة كنت لسة قرياها لفهمى هويدة عجبتنى جدااا

الشجاعة حين تمارس بالمجان بعد سقوط النظام فأنها لاتحسب فضيلة بأى حال ..وقد تكون قرينة علا الجبن والانتهازية...ولكن اختيارها الحقيقى يكون حين تتبدى اثناء وجود النظام وفى ظل جبروتة وهو مافعلة نفر قليل الذين نجحوا بجدارة فى ذلك الاختبار ودفعوا ثمن موقفهم بصورة او بأخرى .............


ولاتختبر المروئة حين تتوافق مع من تحب لكنها تختبر حقا حين يدب الخلاف بينك وبين من تكرة


مشكلتنا ان احنا اتعودنا لما نتخانق او نزعق مع شخص مابنقبلوش يبقى احنا كدة تمام التمام وشجعان ....بس مش كل الناس مدركة انة الاشجع الصبر على من تكرة لان اكييييييييييييييد يومة قرب جدااا والتعامل بحكمة مع الامور دى ....

دعا الرئيس الامريكي باراك اوباما مصر لحماية السفارة الاسرائيلية من المتظاهرين واجرى اتصالا هاتفيا مع رئيس الوزراء الاسرائيلي بنيامين نتنياهو.


واعرب اوباما عن "قلقه العميق" من احداث القاهرة واوضح الخطوات التي سترد بها ادارته ومنها مطالبة مصر بالتزام بتعهداتها وحماية السفارة الاسرائيلية في القاهرة.


وجا في بيان للبيت الأبيض أن اوباما "استعرض الاجراءات التي تتخذها الولايات المتحدة على جميع المستويات للمساعدة على ايجاد حل لهذا الوضع بدون عنف اضافي كما دعا الحكومة المصرية الى الوفاء بالتزاماتها الدولية لناحية تأمين حماية السفارة الاسرائيلية".


ومن جهته أجرى وزير الدفاع الاسرائيلي ايهود باراك اتصالا هاتفيا بوزير الدفاع الاميركي ليون بانيتا وطلب منه المساعدة لحماية السفارة الاسرائيلية في القاهرة.


كما أدان رئيس الوزراء البريطاني ديفيد كاميرون بشدة الهجوم على مقر السفارة الإسرائيلية في القاهرة ودعا السلطات المصرية إلى تحمل مسؤوليتها عن حماية المقار الدبلوماسية بموجب معاهدة فيينا.


وتجتاز العلاقات بين مصر واسرائيل مرحلة حساسة بعد مقتل خمسة من رجال الشرطة المصريين في الثامن عشر من أغسطس/آب الماصي بينما كانت القوات الاسرائيلية تلاحق اشخاصا تتهمهم بارتكاب هجمات على اسرائيليين في ايلات في جنوب اسرائيل قرب الحدود مع مصر.


ومصر هي اول بلد عربي يوقع اتفاقية سلام مع إسرائيل في 1979.


والتظاهرة امام السفارة الاسرائيلية اعقبت تجمعا لالاف الاشخاص في ميدان التحرير بوسط القاهرة في تظاهرة حاشدة للمطالبة بتطبيق مزيد من الاصلاحات والديمقراطية بعد سبعة اشهر على سقوط نظام الرئيس حسني مبارك وتسلم الجيش مقاليد الحكم.

وهى كمان امريكا دخلت فى الموضوع

اقتباس :

وبعدين متنسوش ان احنا داخلين منحدر باتجاه تحالف اقتصاد وعسكرى وسياسي مع انقره
هيقوى موقفنا ويضعفهم فا منخفش وانشاء الله ربنا ينصرنا

فعلا كويس جدا التحالف مع تركيا وهيفدنا كتير
بس ف حاجة لازم ناخد بالنا منها جدا
احنا مش زى تركيا سواء اقتصاديا او سياسيا
يعنى اذا كانت تركيا خدت قرار قطع العلاقات الدبلوماسية مع اسرائيل
ف ده لانها دولى ليها كلمة اقوى واعلى منا


والسبب ف كده ان غالبا بتكون مواجهة اسرائيل مبتبقاش لوحدها
دايما معاها دول كبيره بتساندها وده طبعا بيخدم مصالحهم الاقتصادية والسياسية


انا رايي ان كل حاجه ليها وقتها واننا لازم نكون مستعدين جداااا لاى خطوة قبل مانعملها ونكون حاسبين ابعدها صح


والله اعلم

اقتباس :

الشعب المصرى اشترى حريته ونسى الكتالوج .... فـــ عمال يلعب فى كل الزراير

صح جداا

فى اكتر من دوله يا ندى من مصلحتها انها تساندك ضد اسرئيل على راسها ايران وتركيا
ورسيا فموضوع الاستعدادات بيتم بسرعة وهنصمد قدامهم اكيد مش قول ما هيكون فى حرب هنلاقيهم دخلو القاهه يعنى وربنا يستر
وبعدين يا حداد (انا مصمم) اعملك لايك مش عارف ليه

اقتباس :

فى اكتر من دوله يا ندى من مصلحتها انها تساندك ضد اسرئيل على راسها ايران وتركيا
ورسيا فموضوع الاستعدادات بيتم بسرعة وهنصمد قدامهم اكيد مش قول ما هيكون فى حرب هنلاقيهم دخلو القاهره يعنى وربنا يستر

اقتباس :

وبعدين يا حداد (انا مصمم) اعملك لايك مش عارف ليه

طيب اكتب like وخلاص ههههههههههه
اجيب like انا منين دلوقتي في المنتدى هههههههه