yahya elgohry على كرسي الاعتراف

أهلا بيك عالكرسي
ومحمد رجب أحسن الاختيار
واتمنى متكونش عضو جديد وبس
وتكون عضو داااااااااااااائم ونشيط معانا عالمنتدى
وربنا يوفقك عالكرسي وشد حيلك

كرسى سعيييييييد باذن الله
نورت الكرسى

ثاااااااانكس ع الاختيااااااار من محمد رجب واشاء الله اجاوب ع كل اسئلتكم

اناا مستعد يلا لما نشووووف

طيب نبدأ كدة تسخين على خفيف

- موقف محرج مريت بيه؟

- شخص أثر في حياتك؟

- موقف مؤثر مريت بيه؟

اوك نبدأ بالموقف المحرج

كنت شغال ف القاهره من حوالي شهر وانا واقف ادام الشغل بتاعي عدت واحده شبه بنت خالي بالظبط روحت جريت عليها وماسك ايدها وقعدت اقولها ازيك وحشتيني يابت بس ايه ده احلويتي وبقيتي زي القمر كده ليه يخربيت كده هههههههههههه
والمصيبه ده كله وهي بتبص وساكته وف الاخر راحت رافعه ايديها وطخ مش لازم اكمل بقي هههههههه

شخص اثر في حياتي انسانه اتعرفت بيها كان عندها مشكله مع حبيبها ولجأت ليا والحمد لله طلعتها منها ومن ساعتها لحد ناو بتتصل بيا وبتسأل عليا والكلام ده من حوالي سنتين فبجد اخلاصها اثر فيا

اكتر موقف مؤثر مريت بيه

كان خلال ثوره 25 يناير

كانت علي ما افتكر يوم جمعه الغضب لما ضرب النار بدأ علينا كان في واحد اسمه اسامه جنبي من اول اليوم وحوالي العصر جاتله طلقه في ظهره من ظابط جبان مش قدر يواجهنا فضرب نار علينا من ورا بس قبل ما ننقله المستشفي وعدته اني اخد حقه قبل ما اليوم يعدي وفعلا دورت عليه لحد ما لقيته واخدت منه بندقيه بتضرب رصاص مطاط وضربته طلقتين ف ظهره بس هو ده الموقف وصاحبنا اسمه خف الحمد لله وبقي كويس

any question elseeeeeee

اولا مبروك الكرسى
ويارب يكون مريح ليك

any question elseeeeeee
لا اللى جاااااى اكتر

معايا كام سؤال مش كتيير

بس الاول عرفنا بنفسك ؟
وداخل علوم عارفها وحبيبها ولا التنسيق ؟
مين قدوتك فى حياتك ؟
ترتيبك فى الاسرة ؟
ايه رائيك فى الصداقة بين البنات والولاد ؟
رائيك فى الفيس بوك ؟

كله من المنهج
والجاي اكتر من اللى راح
اتفضل جاوب

منوراني يا Brave heart والله هههههههههه اوك نبدا بالتعريف بس هناخد وقت شويه فمحدش يزهق

انا يحيي السيد ابوالقاسم ابراهيم الجوهري
تاريخ ميلادي 7ابريل 1993
من قريه النزله مركز يوسف الصديق الفيوم

انا انسان عادي خالص بدات حياتي زي كل الناس بس كان اول مشوار التفوق بتاعي حصولي ع المركز الاول علي الاداره والتالت ع المحافظه في الصف السادس الابتدائي ثم اشتراكي بعدها في مسابقه قران كريم وفقه وحصولي علي المركز التالت ع الجمهوريه وفي بدايه الصف الاول الاعدادي انضمامي لمشروع منظمه اليونيسيف في تطوير النشء وكان ده بدايه انفتاحي علي العالم روحت اماكن كتير وشوفت ناس اكتر وافكار اكتر وعرفت اكتر روحت مع المنظمه اسكندريه ودمياط وبورسعيد والاقصر واسوان وبعدها منظمه اليونسكو عملت برنامج شبيه ببرنامج اليونيسيف ولقيتهم باعتين ليا وطبعا مكدبتش خبر برضه روحنا محافظات كتير والاجمل كانت المحاضرات والناس ال استفدنا منها طبعا ده كان علي مدار 3 سنين ثم حصلت علي المركز الاول علي الاداره في الصف الثالث الاعدادي ودخلت الثانويه وانا تقريبا شخص الي حد ما مثقف يدري بكل ما حوله في كافه المجالات ........
اترشحت لرئاسه اتحاد الطلاب 3 سنين وغيرت كتير في المدرسه واتجاهات رموزها .........
حصلت علي مجموع 93.55% في تانيه ثانوي وكان صدمه للاهل لان الكل كان متوقع اني مش هقل عن 98% ودخلت ثالثه ثانوي وانا مصمم اني اعوض الل فاتني وفعلا من اول يوم ف الدراسه وانا كنت مجتهد بجد لحد نهايه السنه لكن اثناء الامتحانات وخصوصا امتحان الفيزيا لقيت نفسي دايخ ومش شايف ادامي وحاجات غريبه بتحصل وخرجت من اللجنه مش عارف انا كتبت ايه ؟! والكل اكد لبابا اني مش اكمل الامتحانات السنه دي لاني حتي بعد الفيزيا كنت بذاكر ومش عارف انا بذاكر ايه؟! ولا عارف احل حاجه من الاسئله؟!
المهم مش رضيت استسلم للواقع وكملت امتحانات دخلت امتحان الراضيات وانا مش فاكر حاجه جبت 37 من 50 وباقي المواد كانت درجاتها زفت بس لحد ما ظهرت النتيجه المجموع الكلي للسنتين 90.3%
اول كلمه قولتها والله الحمد لله قدر الله وماشاء فعل......................

ده كان ملخص عن حياتي العلميه

انا بصراحه كان نفسي في هندسه من صغري بس مش لحقت مرحله اولي
بس وقدمت في المرحله التانيه لحقت علوم يعني التنسيق بس سواء كده او كده انا مش اتعودت ادخل مجال وافشل فيه فان شاء الله هقدر اثبت نفسي في علوم واكتر كمان من هندسه

قدوتي في حياتي ناااااااس كتير قابلتها واستفدت منها في حياتي بس دول بيأتوا طبعا بعد
1/ الرسول صلي الله عليه وسلم
2/والدي العزيز

اما الباقي فهم اشخاص مختلفون اثرت بهم وتأثروا بي لذلك فكل منهم يعتبر قدوه لي في جزء معين من شخصيتي

ترتيبي في الاسره انا الثاني بعد عبدالله
بس عبدالله الحمدلله مش كامل عقليا فمش في المدرسه وهو اكبر مني ب سنتين ونصف
ويوجد بعدي محمد وضحي وهبه واحمد

رأيي في الصداقه بين البنت والولد انها زي اي صداقه وبالعكس كمان ممكن تكون احسن وافضل لان كل من الطرفين هيخاف علي مشاعر التاني وبيكون الاحترام فيها اكتر من الاولاد وبعضهم او البنات وبعضهن
وبصراحه اكتر انا معظم صداقاتي بنات مش اولاد لاني وجدت معاهم معاني افتقدتها في كثير من الاولاد زي الاخلاص والخوف ع جرح المشاعر والوقوف معي في الازمات
لكن ده رأي مش معني كدا ان الولاد وحشين بس جايز انا ال اتوجدت في ظروف جعلتني اثق في البنت عن الولد وربنا يوفق الجميع

بصي الفيس زي اي تكنولوجيا جديده بتظهر سلاح ذو حدين ممكن يكون مفيد جدا وممكن يكون ضار جدا
اما بالنسبه ليا
انا شايف انه مفيد جدا عرفني علي ناس كتيير وعملت صداقات يمكن اقوي من صداقاتي في الحياه العاديه علاوه علي ذلك هو نوع من تبادل الثقافات بين الشعوب وبعضها وبين ابناء الشعب الواحد بالاضافه الي انه اصبح مصدر ثقافه بالنسبه الي كمان ناشئ عليه 3 جروبات وبستطيع ان انشر كلماتي للاخرين بالاضافه اني عامل بيدج
بصي حاجات كتير لو هقعد افتكرها مش هنخلص ده بالنسبه للايجابيات
اما السلبيات فكلنا عارفينها وبيني وبينك مش عايز اكتبها
لاني ماشي بقاعده الشيخ الشعرواي رحمه الله قال:
لو تحدثنا فيما نتفق فيه لما وجدنا وقت لنتحدث فيما نختلف فيه.

اظن كده جاوبت ع كل الاسئله ها
any question elseeeeeeeee

ايه يا جمااااااعه فين الاسئله

انت مستعجل ليه
دة لسا اسبوع بحاله

ااااااااادى شوية اسئلة

1-ايه هواياتك
2-ايه اهم الصفات ف شخصيتك
3-اكتر حاجة بتقضي فيها وقتك
4-نفسك تشتغل ف اى مجال انشاءالله بعد ما تتخرج
5-ايه الفكرة اللى مكونها من دلوقتى عن الكلية
6-عرفت المنتدى ازاى
7-يا ترى ايه اول انطباع اخدته عن المنتدى , وبرده كونت انطباع عن حد من الناس ع المنتدى ولا لسا؟
8-اكتر قسم عجبك ف المنتدى
9-مين اكتر حد بتحبه ف الدنيا
10-هل انت شخص اجتماعى ولا لأ
11-ايه اكتر حكمة بتؤمن بيها ف الحياة

واخيرا
سوال رخم شوية
انت ليه بتجاوب على كل سؤال ف مساهمة وحده
هههههههههههههه

يلا جاوب واستنى لسا فى كتير

أممممم
كرسسسى مريح شكله
انا هاجى اسال بس برحب فى ااالاول كده
بس انت على فكره تقدر تعمل اقتباس من على الجانب للاسئلة اللى هتجاوب عليها
وتجاوب على كل الاسئلة فى مره بدل ما تتعب وتجاوب كل سؤال لوحده
انا بس حبيت اوضح والله مش قصدى حاجه
وكرسسسسى سعيييد
وانا هااااااجى ا شا تاااانى عشاااان اسال
yahya elgohry على كرسي الاعتراف 841271

ازيك يا يحيى منور المنتدى والكرسى والكليه هتنور بيك ان شاء الله lol!

بص بقى يا معلم انت اللى جبته لنفسك مش انت عايز اسئله خد عندك بقى
نبدا بقى عشان شكلك سخن وعايز تتسال كتييييييييييييييييييييير
بسم الله الرحمن الرحيم
1. اوصف نفسك باختصار
2. ماهى طموحاتك اما تخلص الكليه ان شاء الله
3. ما هو اجمل او احسن موقف فى حياتك
4. ماهو اصعب موقف مريت بيه في حياتك
5. ايه رايك في الثوره المصريه .وهل الثوره غيرت او عملت حاجه.
6. اكتر حاجه بتحبها فى المنتدى ايه
7.ايه اكتر اكله بتحبها؟
8.اكتر موقف فرحك فى حياتك؟
9.ايه اكتر مشروب تحب تشربه؟
10.اكتر اغنية ممكن تغنيها وانت مع نفسك؟
11.هل انت شخصية قياديه ولا لا؟
12.عضو عاجبتك صورته الشخصيه وتوقيعه ؟
13.عضو نشيط... ؟
14.عضو داخل مزاجك ... ؟
15.عضو مثقف ... ؟
16.عضو دمه خفيف ... ؟
17.عضو نفسك تغير اسمه ... ؟
18.عضو رومانسى .... ؟
19.آخـــر شخـــص تتـــذكــــره قبـــل أن تنـــــام؟!؟
20.ايه أكتر صفة بتحبها فى نفسك؟
21.ايه أكتر صفة بتكرهها فى نفسك وماغيرتهاش ليه؟
22.مين اقرب اصدقاءك؟
23.ايه اكبر احلامك؟
24.امتى بتتعصب اوى؟
25.ايه اكتر حاجة بتقضى فيها وقتك؟

كفايه عليك كده المره دى وان شاء الله هنكمل المرات اللى جايه و ما تقلقش خير ربنا كتيرررررررررر

ورمضان كريم وكل سنه وانت طيب

هههههههههه انتو كلكو عليا ولا ايه ؟؟؟؟؟

اتفضل ياعم

any thing else

sherif gamal كتب:: اتفضل ياعم

any thing else

هههههههه اسئلة وانجليزى كمان اهو مش حارمين حد من حاجه
Very Happy

بص بقى خد دى كمان

yahya elgohry على كرسي الاعتراف 203187

with my bestwishes

any servise

sherif gamal كتب:: بص بقى خد دى كمان

with my bestwishes

any servise

لالالالالا يا شريف خاااااااف على نفسك من الحسد شوية
تتحسد تتحقد ولا حاجه ههههههههه
انت كليه علوم ولا اى ههههه؟؟؟؟؟

Nada khaled كتب:: انت مستعجل ليه
دة لسا اسبوع بحاله

ااااااااادى شوية اسئلة

1-ايه هواياتك
2-ايه اهم الصفات ف شخصيتك
3-اكتر حاجة بتقضي فيها وقتك
4-نفسك تشتغل ف اى مجال انشاءالله بعد ما تتخرج
5-ايه الفكرة اللى مكونها من دلوقتى عن الكلية
6-عرفت المنتدى ازاى
7-يا ترى ايه اول انطباع اخدته عن المنتدى , وبرده كونت انطباع عن حد من الناس ع المنتدى ولا لسا؟
8-اكتر قسم عجبك ف المنتدى
9-مين اكتر حد بتحبه ف الدنيا
10-هل انت شخص اجتماعى ولا لأ
11-ايه اكتر حكمة بتؤمن بيها ف الحياة

واخيرا
سوال رخم شوية
انت ليه بتجاوب على كل سؤال ف مساهمة وحده
هههههههههههههه

يلا جاوب واستنى لسا فى كتير

نجااااااااااااااوب بقي
هواياتي كتابه الشعر والجلوس في صمت للتامل في السماء بيني وبينكم الافكار بتيجي من كده ههههههه كمان بحب استمع لاي حد بيتكلم علشان استفاد ولو بكلمه اما باقي الحاجات فعاديه يعني كنت بلعب كوره زمان وبروح النادي والحاجات بتاعت الشباب دي

بصي انا مش اقدر اذكر صفاتي لاني اكيد هذكر الصفات الايجابيه بس
لكن اقدر اقولك صفه بتتقالي كتير اني اجتماعي وصفه سلبيه اني عصبي

حاليا بقضي وقتي في الكتابه ثم قراءه القران ثم الفيس ثم النادي

والله انا طموحي اشتغل ف مكان اقدر اطلع فيه كل امكانياتي وافيد مصر لانها محتاجه لينا الفتره ال جايه جدا يعني اي مجال استغل فيه نفسي صح

بصي انا كل ال يكلمني عن علوم يقولي دي كليه صعبه دي كل ال دخلها حول ههههههه حسيت اني داخل معتقل بس الفكره ال ف دماغي انها كليه بتعتمد ع الفهم ومن الاخر ال بيقول صعبه جايز يكون مش قدر يلاقي نفسه وبصراحه اكتر انا بحب التحديات يعني ايه المانع صعبه بس اجتهد فيها واابقي حاجه كويسه بعد كده

بكل سهوله انا بحب لما اكون رايح مكان جديد مش احس اني تايه جواه فبالتالي ببدأ اكون صداقات بالناس ال موجودين ف المكان ده علشان مش احس انه حاجه جديده عليا وبعدين قولت اتعرف علي الناس الاكبر مني الاول علشان لما اروح اكيد هستفاد منهم وهينصحوني بالصالح بس ياندي روحت داخل ع جوجل سيرش وكتبت منتدي علوم الفيوم ظهر

هو المنتدي في حد ذاته فكره جميله ان الناس تتجمع هنا لكن بصراحه لسه ناقصه اقسام كتير لكن بأمانه عجبني جدا اما ال مش عجبني عدم اهتمام الاعضاء بقسم الابداعات يعني انا اكتب ويطلع عيني ومحدش يرد علي مواضيعي دي سلبيه مزعلاني جدا اما بالنسبه للناس فمفيش اكتر من انكم قبلتوني ابقي واحد منكم وكنتوا معايا بجد روعه دي الفكره العامه اما عن حد معين فلسه بدري وانا من النوع ال مش احكم علي حد من غير ما اقابله واشوفه ع الطبيعه

والله المنتدي كله كويس لكن عجبتني اقسام العلوم الاربعه يعني حاجه جميله جدا انك تلاقي حد يفيدك في الماده العلميه

بعد الله ورسوله والوالدين طبعا حد كده سوري مش هقدر اقول عليه سوري باس السؤال ده

هم بيقولوا اجتماعي بس الله واعلم دي انتوا ال تقرروها مش انا ولا ايه؟

بالنسبه للحكم كتير لكن في مقوله دايما حاططها قدامي

- على المرء أن ينتظر حلول المساء ليعرف كم كان نهاره عظيماً
و
هناك ثمة وقت في حياة الإنسان إذا انتفع به نال فوزاً ومجداً، وإذا لم ينتهز الفرصة أصبحت حياته عديمة الفائدة وبائسة

اما بالنسبه للسؤال الرخم
فبصراحه انا مليش في موضوع المنتديات ده ولا عمري دخلت منتدي فمش عارف اقتبس زيكم ههههههههههههه

وبس

سوري مش هقدر ارد علي باقي الاسئله ناو بس انشاء الله بكره اوكشن يلا باي

السلام عليكم ورحمة الله وبركاته
اهلا وسهلا بيك على كرسى الاعتراف
اولا احييك على صبرك وعزيمتك......ومن الواضح كده ماشاء الله انك شخصية صبورة ومجتهدة جداااااااااااااااااااااااااااااااااااااااااااااااااااا ومثقف.
واللى حصلك فى ثانوى ده قضاء وقدر واكيد ربنا مقدرلك الخير فى علوم
وتأكد مية فى المية انها الخير ليك..........انا اختى برده كانت فى ثانوى السنة دى وزى ماانت عارف الامتحانات كانت سهلة جداااااااا وهى الحمدلله حلت كويس جدا وكانت مبسوطة جدا من الامتحانات وقولنا لو قلت اوى هتدخل صيدلة لكن سبحان الله فوجئنا بدرجات غريبة وجابت94 ودخلت علوم..........وهى الحمدلله صبرت وتأقلمت وبرده ده الخير ليها.
بس ساعات ربنا بيكون عايز يختبر الانسان شوية وكل حاجة ربنا يجيبها خير
واحسن حاجة ملاحظاها برده انك ماشاء الله اجتماعى جداااا فان شاء الله تتأقلم بسرعة مع الناس اللى فى علوم وتثبت نفسك فيها وربنا يوفقك للخير.
وتأكد انك فى احسن كلية فى العااااااااااااااااالم.

هسألك شوية اسئلة......................
اكتر امنية بتتمناها؟
ناوى ان شاء الله تتخصص ايه فى الكلية؟
اكتر شخص تحب تشكره اوووووووووووووى؟
ايه اللى اتغير فى مصر بعد الثورة من وجهة نظرك؟
ايه نوعية الكتب اللى بتحب تقرأها؟ واحسن كتاب قرأته ايه؟
صفة نفسك تغيرها فىشخصيتك؟
اكتر المشايخ والدعاه بتحب تسمعهم؟
السعادة من وجهة نظرك..؟
لاتبكى على المفقود حتى لاتفقد الموجود.......... لمن تقولها؟
كفااااية دول

sherif gamal كتب:: ازيك يا يحيى منور المنتدى والكرسى والكليه هتنور بيك ان شاء الله
بص بقى يا معلم انت اللى جبته لنفسك مش انت عايز اسئله خد عندك بقى
نبدا بقى عشان شكلك سخن وعايز تتسال كتييييييييييييييييييييير
بسم الله الرحمن الرحيم
1. اوصف نفسك باختصار

بصراحه موضوع وصف نفسي ده مش بحبه لان ما بيشكرش في نفسه الا ابليس فبعتذر ع السؤال

2. ماهى طموحاتك اما تخلص الكليه ان شاء الله

طموحي اني اشتغل في مجالي مش ابقي خريج علوم واشتغل سباك

3. ما هو اجمل او احسن موقف فى حياتك

بصاحه مش متذكر لكن ال موجود في ذهني ناو هو
لما اتخانقت مع بابا وماما في البيت علشان اروح التحرير وفعلا روحت وحضرت الثوره لحد التنحي وشوفت بعيني معني التضحيه بجد والوفاء للبلد دي

4. ماهو اصعب موقف مريت بيه في حياتك

علشان مش اكون بكدب انا هذكر موقف صعب بس مش اصعب موقف لانه خاص شويه سوري

كان يوم امتحان الفيزيا السنه دي لما دخلت اللجنه ومسكت ورقه الاسئله ولقيت اني دايخ ومش شايف الاسئله وبعد ما روحت البيت وبدأوا يقولوا اني محسود ومش هدخل المواد ال جايه كنت حاسس ان كل حاجه بتتهد قدامي ومش عارف ايه السبب؟

5. ايه رايك في الثوره المصريه .وهل الثوره غيرت او عملت حاجه.

بص الثوره كانت حاجه عظيمه بجد ومش اعتقد ان في شعب او امه في العالم هتقدر تعمل ثوره بحجم الثوره بتاعتنا كان فيها جميع طوائف الشعب بجد ظر فيها معادن الشعب المصري اما بالنسبه لانها غيرت فمش اعتقد ان هو ده الوقت المناسب لسؤال زي ده لان عمر الثوره مابتغير في يوم وليله بل بتستمر المرحله الانتقاليه لسنوات عديده وافتكر ان في فرنسا استمرت 15 سنه فلازم نتحلي بالصبر شويه لكن اقدر اقولك ان احنا بدأنا المشوار يعني مثلا من التغير ال محدش كان متوقع انه يحصل ازاله رءوس الفساد ومحاكمتهم وزياده انتاج القمح السنه دي بمايعادل الثلث وشراء سمير رضوان 200 فدان لزراعتهم قمح للاستغناء عن المعونه الامريكيه والتحرر من التبعيه كل دي اعتقد تغييرات جذريه في حياه الانسان المصري

6. اكتر حاجه بتحبها فى المنتدى ايه

الاعضاء ال في المنتدي وردودهم يوم عن يوم بكون فكره عن كل عضو وبلاحظ ان هناك اختلاف بين شخصياتهم

7.ايه اكتر اكله بتحبها؟

بص انا مليش في موضوع الاكل احب حاجه معينه لان كلها نعمه من ربنا يعني باكل اي حاجه وكل حاجه زي مابيقولوا سمك لبن تمر هندي

8.اكتر موقف فرحك فى حياتك؟

يوم تنحي الرئيس واحنا في الميدان حسيت بالفرحه بجد ومش لوحدي حسيت اني اول مره افرح وعدد بالحجم ده يفرح معايا

9.ايه اكتر مشروب تحب تشربه؟

الــبيبســــي

10.اكتر اغنية ممكن تغنيها وانت مع نفسك؟

انا عشقي ليك عشق القمر والنجمه والليل والسهر
لصابر الرباعي

11.هل انت شخصية قياديه ولا لا؟

بصراحه بحب القياده والدليل تمسكي بمنصب امين اتحاد الاداره 3 سنين وفيهم انجزت حاجات كتير جدا بس لازم تكون القياده دي تفويض من الجماعه وليس قهرا كمان احيانا بلاقي ان القياده مش صالحه في موقف من المواقف فبضطر اتراجع

12.عضو عاجبتك صورته الشخصيه وتوقيعه ؟

لالالالا كده هندخل في حته الاحراج ومش ينفع اذكر عضو عن عضو لكن اقدر اقول والله كل الاعضاء انا شايف ان توقيعتهم بتدل علي مدي ثقافتم وبجد كلها توقيعات وصور جميله جدا

13.عضو نشيط... ؟

هههههههه دي هغشها من علي يمين الصفحه وهقولك افضل الاعضاء ادمن وبريف هارت وندي خالد.........الخ

14.عضو داخل مزاجك ... ؟

كلكم داخلين مزاجي ههههههههههههه

15.عضو مثقف ... ؟

لسه بصراحه الصوره مش كملت علشان احكم علي ضو بمدي ثقافته فاستني عليا شويه

16.عضو دمه خفيف ... ؟

برضه لسه

17.عضو نفسك تغير اسمه ... ؟

ادمن ههههههههههههه شوفته في موضوع زهقان من اسم ادمن ده هههههههه

18.عضو رومانسى .... ؟

ياعم ماقولنا لسه هههههههه اصبر عليا خميس وجمعه وهاجي السبت زي الفل هههههه

19.آخـــر شخـــص تتـــذكــــره قبـــل أن تنـــــام؟!؟

الرسول صلي الله عليه وسلم لاني قبل ما انام بقول اذكار النوم وتقريبا بنام اول ما اخلصها

20.ايه أكتر صفة بتحبها فى نفسك؟

يمكن اني مش بحب ازعل حد

21.ايه أكتر صفة بتكرهها فى نفسك وماغيرتهاش ليه؟

اني عصبي وبجد بحاول اغيرها بس لما بتحط في موقف مش كويس بتعصب غصب عني

22.مين اقرب اصدقاءك؟

حاليا مفيش لكن اوعدك يبقي في بعد كده

23.ايه اكبر احلامك؟

اني اخلص كليه واتخرج واشتغل وابني مستقبلي ومستقبل بلدي معايا
واتـــــــــــــــــــــــــجـــــــــــــوز بقي ههههههههههههههه اكمل نص ديني ياجدع

24.امتى بتتعصب اوى؟

لما حد يتهمني بحاجه مش عملتها ولما اكون بخانق مع حد ولما بشوف حد بيضايق حد من غير سبب ولما بيكون في شخص ممل عمال يتكلم ويهري في حاجه تافه وعاجبه موضوعه وعامل فيها زويل ببقي عايز اخنقه وحاجات كتير اوي

25.ايه اكتر حاجة بتقضى فيها وقتك؟

سبق الاجابه عنه انظر اعلي الصفحه ههههههههه

كفايه عليك كده المره دى وان شاء الله هنكمل المرات اللى جايه و ما تقلقش خير ربنا كتيرررررررررر

ورمضان كريم وكل سنه وانت طيب

وانت طيب ياجميل ورمضان الجاي اشوف معاك العروسه تقعد بالعافيه باي

Bent eleslam كتب:: السلام عليكم ورحمة الله وبركاته
اهلا وسهلا بيك على كرسى الاعتراف
اولا احييك على صبرك وعزيمتك......ومن الواضح كده ماشاء الله انك شخصية صبورة ومجتهدة جداااااااااااااااااااااااااااااااااااااااااااااااااااا ومثقف.
واللى حصلك فى ثانوى ده قضاء وقدر واكيد ربنا مقدرلك الخير فى علوم
وتأكد مية فى المية انها الخير ليك..........انا اختى برده كانت فى ثانوى السنة دى وزى ماانت عارف الامتحانات كانت سهلة جداااااااا وهى الحمدلله حلت كويس جدا وكانت مبسوطة جدا من الامتحانات وقولنا لو قلت اوى هتدخل صيدلة لكن سبحان الله فوجئنا بدرجات غريبة وجابت94 ودخلت علوم..........وهى الحمدلله صبرت وتأقلمت وبرده ده الخير ليها.

ربــــــــــنا يوفقها يارب واشوفها دكتوره في الجامعه بس اكيد مش هتدرسلي هههههههه

بس ساعات ربنا بيكون عايز يختبر الانسان شوية وكل حاجة ربنا يجيبها خير
واحسن حاجة ملاحظاها برده انك ماشاء الله اجتماعى جداااا فان شاء الله تتأقلم بسرعة مع الناس اللى فى علوم وتثبت نفسك فيها وربنا يوفقك للخير.
وتأكد انك فى احسن كلية فى العااااااااااااااااالم.

يسمع من بقك ربنا يابنوته الاسلالالالالالام

هسألك شوية اسئلة......................
اكتر امنية بتتمناها؟

سبق الاجابه انظر اعلي الصفحه

ناوى ان شاء الله تتخصص ايه فى الكلية؟
لسه مش حددت لكن لسه لما ادخل واخد فكره الاول عن جميع الاقسام وبعد كده اقرر يعني سيبوني اخد وقتي

اكتر شخص تحب تشكره اوووووووووووووى؟

احب بجد اشكر والدي لانه دايما معايا اكتر من الصديق وهو كان من الاسباب الرئيسه ال خلاني اتخطي المحنه ال مريت بيها اثناء الامتحانات

ايه اللى اتغير فى مصر بعد الثورة من وجهة نظرك؟

ال اتغير مفهومنا عن الحريه بعض الناس فهموها صح والبعض اعتبروها حريه مطلقه ده غلط كمان قبل الثوره كان موجود حوالي 70% من الشعب المصري امي سياسي لكن بعد الثوره بدأ بعض الشباب بتكوين جمعيات لتوعيه الشباب الامي والكبار فبصراحه شايف ان ده التغيير بجد لان مقياس الشعوب الان بقي بمدي ثقافتها السياسيه

ايه نوعية الكتب اللى بتحب تقرأها؟ واحسن كتاب قرأته ايه؟

بحب اقرأ في جميع انواع الكتب سواء رومانسيه سياسيه خيال علمي فقه تفسير كل الفروع دحاح يعني ههههههه

يمكن كتب كتير استفدت منها لكن في كتب عجبني طريقه سردها للاحداث زي صناعه الهولوكست لهتلر وروايات شكسبير يعني دول جامدين بجد

صفة نفسك تغيرها فىشخصيتك؟

سبق الاجابه عنه

اكتر المشايخ والدعاه بتحب تسمعهم؟

بصراحه لحد قبل الثوره كان الشيخ محمد حسان لكن بعد الثوره وبالتحيديد بعد الاستفتاء بتاع الماده رقم 2 وظهوره علي الفضائيات واقراره بان من يقول نعم يرضي الله ورسوله ومن يقول لا فهو اثم
كان شئ غير متوقع منه لان المفروض اذكي من كده وكمان بسبب تصريحه ده ع الاقل جعل حوالي 10مليون من محبينه يختاروا نعم بدون ابداء رأيهم او احكام عقلهم في الاستفتاء وحاجه تانيه عايز اقولها الاقباط في مصر نسبتهم حوالي 9% لوكلهم اختاروا نعم برضه مفيش حاجه هتتغير لان الماده 2 مفيش جدال عليها اصلا بس فده ال زعلني منه لكن غير كده فهو شيخ من اجمل الدعاه في الوطن العربي

السعادة من وجهة نظرك..؟

السعاده هي راحت البال

لاتبكى على المفقود حتى لاتفقد الموجود.......... لمن تقولها؟

اقولها لنفسي ولاختك ولكل من اجتهد ولم يوفقه الله
كفااااية دول

واي خدمه نورتي يابنوته

ها ياجماعه هل من منافس هل من سؤال اخر

اقتباس :: غير كده فهو شيخ من اجمل الدعاه في الوطن العربي

like like like
yahya elgohry على كرسي الاعتراف 194717

انا قولت دي جايه وجايبه معاها شنطه اسأله مش جايه تقتبس ههههههههه

هو سؤال واحد عالماشي ....... بدل ما ادخل ايدي فاضية والله كنت عايز اقول السؤال ده في موضوع تاني بس سبحان الله مش افتكرته الا بعد ما جيت الموضوع ده يعني جه من حظك ونصيبك هههههههههه

- لو المحكمة في قضية الرئيس السابق حكمت ليه بالبراءة ياترى هيبقى موقفك او بمعنى اصح رأيك ايه؟

هقول اللهم لا اعتراض وحسبي الله ونعم الوكيل وان لله وانا اليه راجعون في نزاهه القضاء المصري

اهلا وسهلا بيك على كرسى الاعتراف
شوية اسئلة كده
من ستختار ليمسح دموعك؟
ايه هى اكتر قناة بتابعها؟ واكتر برنامج بتحبه؟
لو قالولك اوصف كلية علوم بكلمتين ----هتقول ايه؟
باقة ورد لمن تهديها؟
اكبر جرح دفنته؟
تقول ايه لاعضاء المنتدى؟

crazy cat كتب:: اهلا وسهلا بيك على كرسى الاعتراف
شوية اسئلة كده
من ستختار ليمسح دموعك؟
ايه هى اكتر قناة بتابعها؟ واكتر برنامج بتحبه؟
لو قالولك اوصف كلية علوم بكلمتين ----هتقول ايه؟
باقة ورد لمن تهديها؟
اكبر جرح دفنته؟
تقول ايه لاعضاء المنتدى؟

اسألتك حساسه جدا ياكريزي وكلها بتمس الناحيه العاطفيه هههههههههه بس حاضر من عنيا هجاوبك

انت ماشى كويس
وتمام بس حاول تكون رأى سريع عن الاعضاء

علشان لازم توصف الاعضاء وتجاوب
على الاسئلة الخاصة بأعضاء المنتدى

ده اختيارى مش اجبارى على فكرة
ههههههه

مش عايزة اتقل عليك واسئلك
خليها بعديييين

وسلام

سؤال ( او اكتر ) نفسك حد يسألهولك ؟؟؟ وجاوب عليه

السلامـ عليكمـ

أولاً أهلاً بيكـ فـ علوم الفيوم وفـ المنتدى ومنور الكرسي

ثانياً كام سؤال كده دلوقت ويمكن اجيلك تاني ا ش ا ..
بما انك شاركت فالثورة
1. إيه اللي غيرته الثورة فـ شخصيتك؟؟
2.ايه اول يوم شاركت فيه؟؟ وكنت متوقع ايه نتيجة كده؟؟
3.حدد نسبة نجاح الثورة حتى الآن.
4.أرسم ثورة لمصر 2012.
5.بيت شعر كتبته لـ مصر.
6.آي الاحزاب تؤيد الآن ؟؟ وآى المرشحين ستؤيد؟؟
7.أطلق حكم على الرئيس الساقط واسرته وحكومته (نفر نفر).
8.رمضان السنة دي بالنسبالك مختلف ولا زي كل سنة؟؟
9.ايه الصفات اللي وجدتها فـ اصدقائك البنات ومفتقدها فـ اصدقائك الولاد؟؟
10.حدد بعض الاهداف تود تحقيقها داخل علوم.

الاسئلة طبعا اختياري
مع السلامة

crazy cat كتب:: اهلا وسهلا بيك على كرسى الاعتراف
شوية اسئلة كده
من ستختار ليمسح دموعك؟

شريكه حياتي مستقبلا

ايه هى اكتر قناة بتابعها؟ واكتر برنامج بتحبه؟

طبعا ف الاول ساعات بتابع قناه الرحمه وشويه قنوات دينيه اما بالنسبه للقنوات التانيه فمش بحب العربي دايما بتابع ال mbc 2 & actoin& fox movies يعني زي كده

لو قالولك اوصف كلية علوم بكلمتين ----هتقول ايه؟

اقول منبع للعلم

باقة ورد لمن تهديها؟

اهديها الي كل شخص اتعرفت عليه في حياتي سواء قابلته ام لم اقابله

اكبر جرح دفنته؟

سوري بعتذر عن الاجابه

تقول ايه لاعضاء المنتدى؟

اقول لهم اتشرفت بجد بمعرفتكم وهتشرف اكتر لما اقابلكم لانكم بجد احلي اخوات ف الدنيا

الخل الوفي كتب:: السلامـ عليكمـ

أولاً أهلاً بيكـ فـ علوم الفيوم وفـ المنتدى ومنور الكرسي

ثانياً كام سؤال كده دلوقت ويمكن اجيلك تاني ا ش ا ..
بما انك شاركت فالثورة
1. إيه اللي غيرته الثورة فـ شخصيتك؟؟

غيرت جوايا مجموعه من المفاهيم والاسس اللي كانت راسخه مش جوايا بس لا بل جوا كل انسان مصري كفايه تغير مفهوم الحريه بداخلي وعدم السكون ع الحق بص اقولك ع حاجه بعد الثوره انا اتولدت من جديد

2.ايه اول يوم شاركت فيه؟؟ وكنت متوقع ايه نتيجة كده؟؟

كان يوم اربعاء اتجمعت مع مجموعه من الشباب اتفقنا ع الفيس ونزلنا كلنا

بصراحه توقعنا اننا فشلنا ومش هنغير حاجه ومحدش هيسال فينا وكنا ناويين نمشي من الاخر اصبنا بالاحباط

3.حدد نسبة نجاح الثورة حتى الآن.

في وجهه نظري 60%

4.أرسم ثورة لمصر 2012.

مش هتختلف كتير عن دلوقتي لكن يمكن الانتاج في كافه المجالات يبدأ يتحسن لكن مش بالصوره ال كلنا متخيلنها لسه بدري لازم نصبر اكتر من كده

5.بيت شعر كتبته لـ مصر.
بصراحه مش كتبت لاني كنت في حاله تقدر تسميها ذهول مكنتش عارف ايه ال بيحصل وايه ال هيحصل لكن كنا بنردد الشعر الحلمنتيشي كتير وبالذات اخر بيت ال بيقول
يامصر انا لم يأخذني للثوره حب الاكي

6.آي الاحزاب تؤيد الآن ؟؟ وآى المرشحين ستؤيد؟؟

لسه مش مؤيد اي حزب لاني شايف اعداد مهوله بتظهر لكن اقدر اقولك اني مش مؤيد للعداله ده اكيد اما تاييدي هيكون لحزب ناشئ بحيث يكون لي صوت في الحزب

لسه مش اخترت حد لاني مش اطلعت الا علي جزء ضئيل من برامجهم

7.أطلق حكم على الرئيس الساقط واسرته وحكومته (نفر نفر).

مقدرش اطلق لاني مش قاضي ولا عمري هكون كذلك فهسيب الحكم لهيئه القضاء المصري وانا واثق في نزاهته

8.رمضان السنة دي بالنسبالك مختلف ولا زي كل سنة؟؟

لا بصراحه مش مختلف

9.ايه الصفات اللي وجدتها فـ اصدقائك البنات ومفتقدها فـ اصدقائك الولاد؟؟

يمكن الثقه الخوف ع المشاعر جدا الامانه الوقوف معايا في المواقف الصعبه جدا لدرجه اني كنت ساعات ببقي مذهول ازاي بنت وتقف معايا في مواقف زي كده

10.حدد بعض الاهداف تود تحقيقها داخل علوم.

التفوق في المجال ال هتخصص فيه والخروج انشاء الله بتقدير عالي كل سنه

الاسئلة طبعا اختياري
مع السلامة

لسه في ناس مش سالت انا مستنيها

ههههههههههههههههههههه
فرفش كده يا ابو يحيي
واستريح
يلا انا اول مره هسألك
زاسئلتي ظريفه جداو
وان شاء الله نتعرف غليك ف الدراسه
دا لو تسمح يعني

اسئلتي يا برنس
. ماذا ستكتب لنا لتعبر عن حياتك التي عشتها الى الان في كلمات قليله ؟

. اذا اردت ان تبكي الان , فعلى من تبكي؟

من ستختار ليمسح دموعك ؟

لو خيروك بين حبيبك وبين اعز صديق فمن تختار ؟

.ماهو تقييمك لهذا المنتدى بصراحه ؟ [ندعوك للتسجيل في المنتدى أو التعريف بنفسك لمعاينة هذه الصورة]

.من يسكن قلبك؟

.هل تعتقد ان حظك سيئ؟

.هل هزمك حزنك في يوما من الايام؟

.((مستحيل انساك)) لمن تقولها ؟

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

.(( انت كل شيء بحياتي )) لمن تقولها ؟

متى اخر مره بكيت؟

اي الدول تتمنى ان تزورها ؟

هل انت راضي عن نفسك ؟

‏قدوتك ف الحياة مين؟

.هل تؤيد الزواج العاطفي ام الزواج التقليدي ؟ ولماذا ؟

.ايهما اهم شهادتك الجامعيه أم الزواج ممن تحب ؟

.هل انت مدمن تفكير؟

.من هو اكثر شخص تفكر فيه؟

.اذا تم تعيينك ملكا لجميع البلاد العربيه فما اول قرار ستتخذه ؟

.هل تكره شخص بشده في حياتك ؟

.ما هو اقتراحك الذي تتمنى ان يحدث في هذا المنتدى ولم يحدث الى الان ؟

.هل ملابس الشخص امامك تؤثر فيك لتأخذ عنه انطباع ؟؟

.ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

.حكمة تؤمن بها جدا؟؟

.عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

إيه الصفه اللي عايز تغيرها ف نفسك؟

.ماذا تفعل اول شيء اذا ربحت مليون ؟

.هل انت من لديهم رغبة حب التملك واذا تملك الشيء اصابه الملل منه ؟

.اعتذار تريد ان تقدمه لمن؟

ايه السؤال اللى عاوز تتسأله؟

لو رجع بيك الزمن هتعمل ايه؟

ايه رائيك في كلية العلوم؟

تجربه تتمنى تكرارها؟

متي بتكذبي ؟

ايه رايك ف الاعضاء دى

1 بريف هارت
2 مون دريم
3 معني السكوت
4 الدكتوره
5 بيور هارت
6 سم تايميز
7 جاست ذا بيست
8 بنت الاسلام
9 تريس اوف مون
10ندي خالد
11شيماء
12شهرزاد
13Shaimaa Hdeb
14 الادمن
15 احمد منجود
16 موود
17شريف
A.R.M18
biochemist19
20 اخيرا انااا

وظف الصفات دي للاعضاء
جرئ
رومانسى
متواضع
هزاره تقيل
اجتماعى
مواضيعه حلوة

أكمل
*العضو/ة اللي تتمنى تشوف شكله هو ........
*العضو/ة اللي نفسك تعطيه كف بتهريج ........
*العضو/ة اللي نفسك تعطيه كف مش بتهريج ........
*عضو/ة تحس انه تخييين ........
*عضو/ة تحس انه حلو ........
*عضو/ة رومانسى ........
*عضو/ة مثقف ........

أختر
*أكتر سنة حبتها ف الثانوي..... (1 - 2- 3)
*أيه رأيك فيا .... (جدع - كويس - جدع وكويس) ؟
*مواضيعى ..... (حلوة - جامدة - جميلة ) ؟

و استني بقي ادور ع اسئله تانيه
تحرم تعرفي بعديها
هههههههههههههههههههههههه
نورت والله المنتدي

انا مش هسال كفايه عليك سعد هههههههههههههههههههههه

واضح اللى انت استفزيته قابل بقى

اممم دول شوية اسئلة بسيطة كده
باقة ورد لمن تهديها ...؟؟
شخص لاترفض له طلبا ..؟؟
من هو توأم روحك ...؟؟
كلمة تود سماعها كل يوم؟!؟
اي الدول تتمنى ان تزورها ؟
اى المراحل الاتية تحبها جدا وتتمنى ترجعلها بالزمن
( ابتدائى - اعدادى - ثانوى - ) ولماذا ؟
لو بتكون متضايق جدا بتروح فين او بتكلم مين فى الوقت ده ؟
تدى لنفسك كام من عشرة فى:
الثقة بالنفس ---------
حب الذات ------------
التفاؤل ---------------
التشاؤم -------------
الحب ----------------
الحنان----------------
القسوة --------------
الصداقة -------------
اللباقة ---------------
التعاون مع الاخرين ----------------
يلا ربنا معااااك
ودى اسئلة بسيطة خالص
يابخت من زار وخفف بقى هههههه
وانا مش عايزة اتقل فى الاسئلة
وكرسى سعيد

اهلا بيك يا يحي على الكرسى وانا صراحة مش
عندى اسئلة اكتر من الاعضاء سألوها هما قايمين
بالواجب وزيادة

Eмpεлoл كتب:: ههههههههههههههههههههه
فرفش كده يا ابو يحيي
واستريح
يلا انا اول مره هسألك
زاسئلتي ظريفه جداو
وان شاء الله نتعرف غليك ف الدراسه
دا لو تسمح يعني

ياسلام اسمح ده انا ليا الشرف ياقمر طبعا اكيد هنتعرف وهشرب ع حسابك حاجه ساقعه وحاجه سخنه وحاجه مظبوط كمان

اسئلتي يا برنس
. ماذا ستكتب لنا لتعبر عن حياتك التي عشتها الى الان في كلمات قليله ؟

حياه بسيطه ليست معقده مرحه الي حد ما اجتماعيه بشهاده الجمهور هههههه والسلام عليكم ورحمه الله وبركاته

. اذا اردت ان تبكي الان , فعلى من تبكي؟

ابكي علي رسول الله صلي الله عليه وسلم لاني بجد تمنيت كثيرا ان اراه

من ستختار ليمسح دموعك ؟

هجاوبك تاني مع اني جاوبت فوق بس اوك

اختار الانسانه التي ستشاركني حياتي

لو خيروك بين حبيبك وبين اعز صديق فمن تختار ؟

في مقوله بتقول "لكل مقام "
مش ينفع اختار بين الصديق والحبيب لان بالنسبه ليا الحياه تقف بدونهما

.ماهو تقييمك لهذا المنتدى بصراحه ؟

اقدر اقول جيد لكن مش ممتاز انت ال قولت بصراحه لو اتضربت هحملك المسئوليه ههههههههههه

[ندعوك للتسجيل في المنتدى أو التعريف بنفسك لمعاينة هذه الصورة]

.من يسكن قلبك؟

الله ورسوله والوطن

.هل تعتقد ان حظك سيئ؟

بصراحه مش متمسك اوي بكلمه حظ يعني شايف ان الانسان هو ال يقدر يتحكم بالحظ ده بناء علي عطاءه في الحياه هياخد وكما قال
نعيب زمننا والعيب فينا
وما لزماننا عيب سوانا

.هل هزمك حزنك في يوما من الايام؟

مفتكرش لاني ماشي بمبدأ بيقولوا عليه الضربه ال مش تكسرك تقويك

.((مستحيل انساك)) لمن تقولها ؟

سوري اعتذر عن الاجابه

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

حلمي بدخولي كليه هندسه

.(( انت كل شيء بحياتي )) لمن تقولها ؟

سوري اعتذر عن الاجابه

متى اخر مره بكيت؟

كتيييييييير تقريبا النهارده بيقولوا دمعتي قريبه ههههههههههه

اي الدول تتمنى ان تزورها ؟

فرنسا

هل انت راضي عن نفسك ؟

بصراحه لا

‏قدوتك ف الحياة مين؟

سبق وجااااااااوبت السؤال مكرر يرجي الحذف ههههههههههههه

.هل تؤيد الزواج العاطفي ام الزواج التقليدي ؟ ولماذا ؟

اكيد العاطفي اما التقليدي ده بيبقي بصراحه تخلف حتي ولو استمر فين المشاعر فين الاحاسيس في فتره الحب والخطوبه والدنيا ربيع والجو جميل فين كل ده؟!!!!!!

.ايهما اهم شهادتك الجامعيه أم الزواج ممن تحب ؟

الزواج ممن احب قولتها قبل كده لناس كتير اديني قلب يحبني واحبه ويفضل معايا طول حياتي واعيش حتي ولو في عشه لان الارزاق دي بتاعت ربنا ومحدش بيموت من الجوع لكن كتير بيموت من عذاب الفراق

.هل انت مدمن تفكير؟

مش ادمان بس مش باخد خطوه الا لما بفكر فيها وده شايف انه مش غلط

.من هو اكثر شخص تفكر فيه؟

سوري اعتذر عن الاجابه

.اذا تم تعيينك ملكا لجميع البلاد العربيه فما اول قرار ستتخذه ؟

اعاده الترابط بين جميع الدول العربيه ولو بالقوه

.هل تكره شخص بشده في حياتك ؟

لا عمري ما كرهت حد حتي الناس ال بزعل منها بيبقي في الموقف بس لكن بعد كده خلاص

.ما هو اقتراحك الذي تتمنى ان يحدث في هذا المنتدى ولم يحدث الى الان ؟

الاهتمام بقسم الابدااااااااعااااااااااات
اضافه اقسام اخري غير موجوده

.هل ملابس الشخص امامك تؤثر فيك لتأخذ عنه انطباع ؟؟

عمري مافكرت بالطريقه دي ولا هفكر انا ليا شخصيه قدامي اقدر اتفاعل معاها واخد انطباع عنها لكن المظاهر دي مش ف حساباتي ابدا

.ماالذي يلفت انتباهك بسرعه في الشخص لكي تعجب به ؟

حاجات كتير يعني كلامه ذكائه احساسه مشاعره تفاعله بالناس ال حواليه كدا يعني

اذا احببت شخصا في الوقت الخطأ وفي المكان الخطأ فماذا تفعل ؟؟
اذا احببته واحببني هستمر ف الحب ده لانه لا ذمبي ولا ذنبه يبقي اكمل لحد ما الظروف تتحسن

.حكمة تؤمن بها جدا؟؟

سبق وجاوبت انظر اعلي الصفحه

.عاده تفعلها دائما تتمنى ان تتركها ؟

اول ما اصحي من النوم بفتح التلاجه ليه معرفش حتي لو مش هجيب منها حاجه هههههههههههه

ماهو اجمل اسم لولد واجمل اسم لبنت من وجهة نظرك؟
الولد: كل ما حمد وعبد مثل محمد واحمد
البنت كتير مقدرش اختار لان كل اسماء البنات رقيقه

إيه الصفه اللي عايز تغيرها ف نفسك؟

العصبيه

.ماذا تفعل اول شيء اذا ربحت مليون ؟

عندنا مسجد بيتبني ومش لاقيين تبرعات ابني المسجد ده
بعد كده ممكن ابص لنفسي يعني اجهز نفسي طبعا هههههههه واتجوز
ممكن اعمل نشروع بحيث اشتغل واشغل معايا مجموعه من الشباب ال قاعد ع القهاوي عندنا ف البلد

.هل انت من لديهم رغبة حب التملك واذا تملك الشيء اصابه الملل منه ؟

لا مش فيا خالص الموضوع ده

.اعتذار تريد ان تقدمه لمن؟

لكل شخص زعل مني من غير ما اقصد

ايه السؤال اللى عاوز تتسأله؟

مفيش هو انتو خليتوا حاجه هههههههههههه

لو رجع بيك الزمن هتعمل ايه؟

مش هقدر اعمل اكتر من ال عملته يعني برضه هتبقي حياتي هي هي

ايه رائيك في كلية العلوم؟

لسه مش دخلتها علشان اقول رايي فيها

تجربه تتمنى تكرارها؟

الذهاب لمعسكرات تاني علشان اتعرف باصدقاء وافكار اكتر

متي بتكذب ؟

مش بحب الكذب لانه ضعف وانا مش بحب اكون ضعيف

ايه رايك ف الاعضاء دى

1 بريف هارت

انسانه محترمه وجميله ده احساس والله اعلم شايف انها بتميل للرومانسيه احيانا مش بشكل دائم حساسه كتير والله اعلم برضه

2 مون دريم

انسانه محترمه وكويسه جدا مع كل ال حواليها علشان كده محبوبه من ناس كتير مهتمه بنفسها وبكليتها كتير مش عارف ده ال حاسه

3 معني السكوت بصراحه مش اعرفه/ها علشان اقول رايي

4 الدكتوره

مش اعرفها سوري

5 بيور هارت

مش اعرفها سوري

6 سم تايميز

سوري

7 جاست ذا بيست

سوري

8 بنت الاسلام

انسانه رقيقه وحساسه وبتاخد ع خاطرها بسرعه متدينه والله اعلم

9 تريس اوف مون

مش افتكر اني اعرف حد بالاسم ده من ساعه ما دخلت المنتدي
سوري

10ندي خالد

انسانه محترمه وجميله ورقيقه وحساسه ورومانسيه والله اعلم

11شيماء

بصراحه شيماء مشاركتها قليله خالص بس الواضح انها انسانه بتميل للرومانسيه كتير

12شهرزاد

سوري مش اعرفها

13Shaimaa Hdeb

انسانه كويسه ومحترمه اكيد بس مش بتشارك كتير فمش عارف اقول ايه بصراحه؟!!!!!

14 الادمن

ده البيج بوس بتاع الجروب اكيد انسان زي العسل ومحترم ومؤدب واب ناس ........الخ الخ هههههههه
لا بجد هو انسان زي العسل وعايز اقوله بجد استمر والمنتدي ده هيكون احلي منتدي في مصر وانا معاك يابوب

15 احمد منجود
نو اعرفه ههههههههه

16 موود
نو اعرفه

17شريف

لا شريف ده بقينا اصحاب واتفقنا نتقابل السبت الجاي ف الكليه بعد ما اقدم اوراقي وياريت اشوفكم كلكم معاه
بس اياك مش يخلع وينام اصله هيبقي الساعه 11 الصبح

A.R.M18

بصراحه مش شوفته ف المنتدي خالص من ساعه ماجيت

biochemist19

مش عارف بس من اسمه اكيد واد دحيح ومن اوائل الدفعه انا مش بأر لا بحسد بس ههههههه

20 اخيرا انااا

اكيد زي العسل بس اكتشفت او بدأت اكتشف انك بتحب الرخامه دي كلها اسأله ده انا صوابعي ورمت من الكتابه روح ياشيخ وتعالي بسرعه هههههههه

وظف الصفات دي للاعضاء
جرئ

لسه مش اعرفها بس ف الكليه اكيد هعرف

رومانسى

بريف هارت ودريم مون وندي خالد وبنت الاسلام وادمن وشريف وانا وانت وسمعني سلام ال ملوش كبير يشاريله كبير

متواضع والله كلكم متواضعين وبعدين من تواضع لله رفعه

هزاره تقيل

لسه مجربتش ايد حد فيكم بس اكيد هجرب عامل حسابي ههههههههه
بس متبقوش تتغابوا اوي

اجتماعى

ادمن والا مكنش قدر يلم الاعضاء دي كلها

مواضيعه حلوة بريف هارت

أكمل
*العضو/ة اللي تتمنى تشوف شكله هو .....الجميع بلا استثناء...
*العضو/ة اللي نفسك تعطيه كف بتهريج .....انت هههههههه...
*العضو/ة اللي نفسك تعطيه كف مش بتهريج .....مفيش حد ...
*عضو/ة تحس انه تخييين ......هههههههه A.R.M..
*عضو/ة تحس انه حلو .....بريف ومون وندي ...
*عضو/ة رومانسى ..ندي وبريف ومون وبنت الاسلام ......
*عضو/ة مثقف .......يمكن ادمن الاكتر
أختر
*أكتر سنة حبتها ف الثانوي...2.. (1 - 2- 3)
*أيه رأيك فيا ...ولا واحده هههههههههه لالالالا اكيد كويس لكن جدع دي استني لما استلف منك حاجه واشوف هههههه. (جدع - كويس - جدع وكويس) ؟
*مواضيعى ....جميله. (حلوة - جامدة - جميلة ) ؟

و استني بقي ادور ع اسئله تانيه
تحرم تعرفي بعديها
هههههههههههههههههههههههه
نورت والله المنتدي

Moon_dream كتب:: اممم دول شوية اسئلة بسيطة كده
باقة ورد لمن تهديها ...؟؟

لكا اعضاء المنتدي

شخص لاترفض له طلبا ..؟؟
والديا ماما وبابا

من هو توأم روحك ...؟؟

مفيش حد

كلمة تود سماعها كل يوم؟!؟

بحبك

اي الدول تتمنى ان تزورها ؟

فرنسا

اى المراحل الاتية تحبها جدا وتتمنى ترجعلها بالزمن
( ابتدائى - اعدادى - ثانوى - ) ولماذا ؟

ثانوي
ااتعرفت فيها علي ناس كويسه جدا وقضينا مع بعض اجمل ايام حياتي

لو بتكون متضايق جدا بتروح فين او بتكلم مين فى الوقت ده ؟

بقعد لوحدي وابص للسما واتكلم معاها

تدى لنفسك كام من عشرة فى:
الثقة بالنفس ------10---
حب الذات -------2-----
التفاؤل -------9--------
التشاؤم -------1------
الحب ---------10-------
الحنان--------8--------
القسوة -----2---------
الصداقة -----9--------
اللباقة --------8-------
التعاون مع الاخرين -------9---------
يلا ربنا معااااك
ودى اسئلة بسيطة خالص
يابخت من زار وخفف بقى هههههه
وانا مش عايزة اتقل فى الاسئلة
وكرسى سعيد

اقتباس :: ياقمر

اعتبر انها مش ليا
ههههههههههههههههههههههه

اقتباس :: سوري اعتذر عن الاجابه

وايه السبب
سبب لا تريد تذكره ولا محرج و لا ايه ؟

اقتباس :: بدأت اكتشف انك بتحب الرخامه

ههههههههههههه
بكره هتعرف و تشيلها
هههههههههه

اقتباس :: العضو اللي نفسك تعطيه كف بتهريج .....انت

لا يا راجل
اعتبرها مش ليا برده

واستني اسئله ف القريب العاجل

» الحداد علي كرسي السعاده قصدي كرسي الاعتراف
» A.R.M علي كرسي الاعتراف
» pure heartعلى كرسي الاعتراف