خبرات وتجارب فى الحياة

بسم الله الرحمن الرحيم

دى فكرة جات فى دماغى ....واتمنى انها تعجبكم

شخصيا انا مقتنعة ان الحياة خبرات وتجارب طبعا لازم الانسان يتعلم بس بردوا مش زى تجربة مر بيها الانسان ...بيكون ليها تأثير اكتر

فأنا خصصت التوبيك دا كل واحد يدخل ويكتب تجربة حصلت لية فى حياتة .......والاهم اية اللى استفادة من التجربة دى

طيب اية علاقة دة بالتنمية البشرية

اقولكم علاقتها اية من وجهة نظرى :اللى بيميز انسان كبير فى السن عن واحد اصغر منة

اكيد الخبرة والتجربة اللى اخدها الانسان الكبير من الحياة اللى هو عاشها
طيب ما احنا ممكن ناخد الخبرات والتجارب دى مش لازم من شخص كبير ممكن ناخدها من بعض
ويكون الانسان عندة حصيلة تجارب يقدر من خلالها انة يساير حياتة ويواجة المشكلات اللى بتقابلة

اتمنى ان الموضوع دة يعجبكم ونستفيد من بعض

اممممم
فكرة حلوة وموضوع جميل

بصراحة انا مش موافق على الموضوع دا
لأن فيه موضوعات شبهوا كتير على المنتدى
وكان ليها نفس الغرض

الموضوع اللى جايز شبهو هو موضوع علمتنى الحياة ولكن ده ممكن يكون اكتر اختلاف او تفاصيل بما انك بتحكى مواااقف يعنى
مش عارفه دى وجهات نظر اكيد
وتشكر جاست ع الموضوع ع اى حال
وعلى مجهودها الكبير فى المنتدى

شكرا جدا ليكي يا جاست على الموضوع

Moon_dream كتب:: الموضوع اللى جايز شبهو هو موضوع علمتنى الحياة ولكن ده ممكن يكون اكتر اختلاف او تفاصيل بما انك بتحكى مواااقف يعنى
مش عارفه دى وجهات نظر اكيد

اكييييييييييييد و أضيف ايضاً كل واحد له الحق في التعبير عن وجهة نظره بما لا يراه يضايق الآخرين

أنا قرأت في الموضوع بتاع علمتني الحياة الكلام ده:

brave*heart كتب:: ع ل م ت ن ى ا ل ح ي ا ة

علمتنى الحياة
هيا فكرة موضوع جه على بالى
الموضوع مش انك تقول حكمة عجبتك فى الحياة
ولا انك تقول موقف مريت بيه فى يوم من الايام
ولكن هنقول حكمة اتعلمناها من موقف شخصى لينا او لحد قريب منا

يعنى يارب الفكرة تعجبكم
وكل حاجة اتعملناها فى حياتنا بيكون لها موقف
لو تقول الحياة علمتك ايه ولو ممكن تقولوا الموقف يكون كويس
او حتى من غير الموقف الموضوع هيمشى برده

انا مقلتش وجهة نظري لكن عرضت الموضوع للنقاش
لو انتوا شايفين انه الموضوع متكرر اوك ............ شايفين انه الموضوع مش متكرر اوك
وانا معاكم في اللي ترتضوه
يارب ما حد يقول علي دبلوماسي هههههههههههههههههههههه

هو فعلا كلامك صحيح بس انا اعتقد ان موضوع
علمتنى الحياة يفي بالغرض وغالبا المواقف المؤثرة
قوى بتبقى صعب تتحكي على المنتدى لان الناس اللي
على المنتدى اغلبهم عارفين بعض فقد يؤدي هذا احراج
دى مجرد وجهة نظر ليس الا

اولا طبعا شكرا ليكى يا جاست
الفكرة جميلة جدا

وانا رايي زى مون
ف علمتنى الحياة احنا بنقول جملة او حكمة خدناها من موقف معين
لكن الموضوع دة ممكن ان احنا فعلا نحكى فيه موقف وكدة
ونحاول ناخد اراء الناس فيها

وااااااااااالله اعلم

biochemist كتب:: بصراحة انا مش موافق على الموضوع دا
لأن فيه موضوعات شبهوا كتير على المنتدى
وكان ليها نفس الغرض

احترم طبعا وجهة نظر حضرتك ....وكل انسان من حقة يقول رأية

بي فعلا انا شايفة فى اختلاف عن علمتنى الحياة .....فهو موضوع ممتاز جدا جدا
بس هو عبارة عن عبارات ....تختلف عن تجربة عشناها

ومش عايزين حد يقول مواقف محرجة
احنا عايزين خبرة ...انا مريت بموقف ما ...واخدت قرار معين فية ....بس كان الافضل انى اخد قرار تانى
حسيت ان ممكن نتعلم منها كتير
دى مجرد وجهة نظر

وعلى العموم زى ماتحبوا بردوا لو حسيتوا انة متكرر الغية

خلاص عادى مادام اغلب الناس موافقين
يبقى عادى استمروا دا كان بس مجرد اقتراح

طيب كدة تمام أوي

أنا كنت عايز أقول تجربة بس ............................. مش قادر اقولها .................. بس هقولها

هو باختصار واحد عمل في موقف بس أنا قلت لنفسي اني انا اللي مخطأ لاني مكنتش معاه في وقت حساس ووقت انتقالي في مراحل حياته ............ تركته لرفقاء السوء .......... بس كان غصب عني والله................ كنت في الوقت ده مش متواجد .............. أيا كان انا علي جزء من الخطأ ولو بسيط ...........

الخلاصة اياك تترك صاحبك وخليك متابعه

Admin كتب:: طيب كدة تمام أوي

أنا كنت عايز أقول تجربة بس ............................. مش قادر اقولها .................. بس هقولها

مشكووور المرور والمشاركة

الخلاصة اياك تترك صاحبك وخليك متابعه

جمييييل فعلا .....اياك ترك الصديق
كلام كتييير اتقال عن الصداقة واهمية الصديق فى الحياة

بس بجد والله وجود صديق جنب الانسان ..كأنة ملك الدنيا

كفاية كمان انة بيكون اوقات كتير مصدر الثقة بالنفس

الكلام كتييـــــــــــــــــــــــــــــــــــر ......