A.R.M علي كرسي الاعتراف

اهلاااااا اهلاااااا يا احمد بيك ع الكرسي


يلا بقي اسبوع يتعمل فيك اللي اتعمل فيا


وياااااااااااااارب تقوم منه بالسلامة


وبالهنا والشفا

ايه ده معقول حد يقول ان ده كابووووووس

كده يا ندى ................تعمليها فيا كده برده

حسبي الله ونعم الوكيل وربنا عالظالم ياشيخة



انت بتطلع اللي اتعمل فيكي عليه
حرااااااااااااااااااااااااااااااااام يا ناااااااااااس

...............اهلا بيك يا احمد ..............ان شاء الله كرسى مريييييييييييييح وربنا ما يجيب كوابيس
..................................

يا اهلا وسهلا بيك يا احمد على كرسى الاحتراااااااف
نورت الكرسى
وانا برحب دلوقت وبعدين هسال

اهلا بيك مرة كمان ع الكرسي يا احمد

وبما ان انا اللي حطيتك ع الكرسي

ف حبيت اكون اول واحدة تسال

وانا المرادى هسال سؤال واحد بس مركب شوية

السؤاااااااااااال بيقول

اوصف نفسك من وجهة نظرك

واوصف نفسك ف عيون الناس

وقولنا لو انت شايف ان في فرق بين انطباعك عن نفسك وبين انطباع الناس عنك

دة نتيجة اييه؟؟؟؟؟

يلا

انا هسيبك تجاوب لحد ما افكر ف السؤال اللي بعده

amal biochem
...............اهلا بيك يا احمد ..............ان شاء الله كرسى مريييييييييييييح وربنا ما يجيب كوابيس
..................................

اهلا وسهلا بيكي نورتي .................ربنا يستر ده الكوابيس هتبقى ارحم
من اللي هشوفه .............دول شكلهم هينتقموا مني

Moon_dream
يا اهلا وسهلا بيك يا احمد على كرسى الاحتراااااااف
welcome welcome
نورت الكرسى
الكورسي منور بيكم
وانا برحب دلوقت وبعدين هسال
طب وليه كده ما نقضيها ترحيب كفاااااية


اعلنها واضحة وصريحة انا جاهز لأي سؤال يا بشر

اهلا بيك يا احمد على كرسى الاعتراف
ندى عملتها فيك انا مسالتش ندى بسبب امتحانات الميد ترم والاعضاء قاموا بالواجب معها بس كويس احنا فضينا خلاص استعد

فى البداية كده يعنى يارب يكون كرسى مريح
وعايزة اقولك مشاركاتك رائعة فى المواضيع
ويلا نبدأ
ماذا ستكتب لنا لتعبر عن حياتك التي عشتها الى الان في كلمات قليلة ؟
هل انت راضي عن نفـسك؟
ماهو أكثر موقف مؤثر مررتِ بيه ؟؟
هل ندمت في حياتك على شي معيّــن ؟؟؟ ما هو؟؟
ايه اللي بتحلم تحققه ونفسك تكون ايه في المستقبل؟
اكتر شخص ممكن تقدم ليه شكر جامد جدا غير الوالد والوالدة؟
اية الحاجة اللى لا يمكن تستغنى عنها؟
لو هتحذف يوم ف حياتك يوم اية واية اللى حصل فية؟
يوم كنت فرحان فية لدرجة انك مش جالك نوم؟
ايه الحاجه الي انت نفسك الناس كلها تعرفها ومش عارف تقولها؟
حاجه في شخصيتك مش عجباك وبتحاول تغيرها ايه هي؟
لو معاك مصباح علاء الدين وطلعلك علاء قصدي المارد هههه
وليك طلب واحد بس ...تحب تطلب ايه؟؟
التجربه التي تتمنى ان تتكرر ؟
ماهو أفضل مكان تتردد إليه ؟
ما رأيك بهذه الكلمات ..
الحب
الحنان
الظلم
الخيانة ..
المرأه..
الصداقة ..
النفاق ..
الغرور..
الكبرياء..
حسيت انك اتظلمت قبل كدا.....ولو اه مين ظلمك؟؟؟
حلم واتحقق هو؟؟؟؟؟
حلم وفشلت ف تحقيقه؟؟؟؟؟
حلم ومازال امل تحقيقه قائم؟؟؟؟؟؟؟
مين من الاعضاء تقول عليه
مثقف
غامض
دبلوماسى
فيلسوف
مجتهد
مرح
متواضع
دحاح
ههههه
ردوده بتعجبك
رومانسى
دمه خفيف
بتحب تشوفه على المنتدى دايما
صورته بتعجبك
توقيعة بيعجبك
ماهو اكثر شئ تخشى منه ؟
ما هو اجمل شيء فقدته ؟
وأعظم جرح دفنته ؟

يارب مكنش طولت عليك ولا ضايقتك باى سؤال
ده تسلية بس كده عقبال ما اجى تاااااااااااانى
لازم نقوم بالواجب معاك
ده انت عضو جديد يعنى معانا

اهلا بيك
يا أحمد ومبرروووووووك
ع الكرسى

ويار ب يكون كرسى مريح
ليك ومايكنش فى اى خسائر
ههههههه

السلام عليكم نبدأ الاسئلة
لو ركبت اله الزمن لتغير شيىء فى حياتك هتغير ايه ؟
ياترى كنت عايز تدخل كلية علوم ولا صدفة الثانوية العامة ؟واذا كانت صدفة الثانوية العامة كنت تحب تدخل كلية ايه؟؟؟
دكتور/ة تحس انه افضل حد فى الكليه (من اعضاء هيئة التدريس) ؟
اقتراحاتك للايام المقبلة عليها مصر لتكون افضل بلد فى العالم ؟
اقتراحاتك لتكون كلية العلوم افضل كلية فى جامعات مصر كلها ؟
برنامجك التليفزيونى المفضل؟
شيخك المفضل ؟
المادة المفضلة؟
اسئلة سهلة ومن المقرر

هجاوب الاول على اسئلة ندى خالد

اهلا بيك مرة كمان ع الكرسي يا احمد
اهلا اهلا ..........انت ليكي عين تسألي

وبما ان انا اللي حطيتك ع الكرسي
اه ما انا عارف............. ربنا يقدرني واردلك جمايلك دي

ف حبيت اكون اول واحدة تسال
وكمااااااان عايزة تسألي ..............اتفضلي يا ستي

وانا المرادى هسال سؤال واحد بس مركب شوية
من اولها كده ............

السؤاااااااااااال بيقول
ايه الحاجة الغريبة دي اول مرة اشوف سؤال بيتكلم
............... عشنا وشفنا ..........

اوصف نفسك من وجهة نظرك

واوصف نفسك ف عيون الناس

وقولنا لو انت شايف ان في فرق بين انطباعك عن نفسك وبين انطباع الناس عنك

دة نتيجة اييه؟؟؟؟؟

يلا

ههههههههههه
ده انا علشان اجاوب ع السؤال ده هقعد من هنا لاخر الا سبوع ف السؤال
ده بس .............علشان كده ممكن اجاوب باختصااااااار كالاتي:

اولا:اصف نفسي من وجهة نظري :
انسان طموح الى حد كبير يعني بحط اهداف كتير قدامي وبحاول على قدر الامكاااان اني احققها
وان بعضها لم يتحقق اواصل طموحي لحد ما تتحقق
بحب اشوف نفسي دايما في مكان مميز وعمري ما توقعت اني اكون غيركده
احب التعامل مع الاخرين طالما مش هيضروني بحاجة بالعكس الواحد بيحاول يستفاد ويفيد
احب الصمت و لا اتكلم كثيرا ، احب اصدقااااائي جدا واحب اعيش حياتي شوية هزل وشوية جدية

اما عن وجهة نظر الناس فيا:
والله بيقولوا عني اني هاااادي وما بزعلش حد وصاادق في تعاملي مع الناس
وبيقولوا اني انطوائي بعض الشيئ و نااااس كتير اوي بتقول اني غريب شوية
لانهم بيشوفوا مني تصرفات غير متوقعة احيانا أو ممكن يكون علشان بعمل حاجات
مش كل الناس بتعملها بس انا طالما مقتنع بحاجة مش بيهمني كلام حد.

وقولنا لو انت شايف ان في فرق بين انطباعك عن نفسك وبين انطباع الناس عنك

دة نتيجة اييه؟؟؟؟؟

هو فعلا فيه فرق بين انطباعي عن نفسي وانطباع الاخرين عني ده ممكن يكون
بسبب اني بضع لنفسي حدود في تعاملاتي مع الناس
يعني مش بتعامل مع الناس كلها بنفس الطريقة
أو لاني مش بقول رأيي لأي حد..

انا هسيبك تجاوب لحد ما افكر ف السؤال اللي بعده
ماااااااااااااااشي............. بس يا ريت مايكونشي سؤال مركب
عادي ممكن تجيبيه مفكك وان اركبه مع نفسي
ههههههههههههه

السلام عليكم ورحمة الله وبركاته
ماذا تمثل لك الدنيا؟
القبر باب وكل الناس داخله.......والموت كأس وكل الناس شاربه
عندما تقرأ شئ عن الموت والاخرة ......هل هذا يجعلك تفكر فى الموت ويقربك من الله ام يرعبك؟
هل انت من النوع اللى بيحب الحفظ ولا الفهم؟وهل انت دحيح ههههههه بصراحة؟
ماهو الدعاء الذى تكرره فى كل سجدة؟
مارايك فى الاعلام المصرى؟ومارايك فى الذين يهاجمون القنوات الدينية؟
كفااااااااااااااااااااااااااااااااية دووووووووووووووووووووووول

نيجي بقى لاسئلة مووون دريم:

فى البداية كده يعنى يارب يكون كرسى مريح
لحد دلقتي تمااااااااااام ربنا يستر من اللي جاي

وعايزة اقولك مشاركاتك رائعة فى المواضيع
الله يخليكي ..........ده بس من ذوقك

ويلا نبدأ
يلااااااااااا

ماذا ستكتب لنا لتعبر عن حياتك التي عشتها الى الان في كلمات قليلة ؟
حياتي بها شوية ذكريات جميلة بعيش بيها على حبة الام نفسي امحيها و بعون الله وشوية تفاؤل بمشيها

هل انت راضي عن نفـسك؟
الى حد كبيييييييير ايوه

ماهو أكثر موقف مؤثر مررتِ بيه ؟؟
مش فاكر دلوقتي

هل ندمت في حياتك على شي معيّــن ؟؟؟ ما هو؟؟
نعم ، لما بعمل حاجة المفروض ما عملهاش

ايه اللي بتحلم تحققه ونفسك تكون ايه في المستقبل؟
نفسي اكون شخص مش عادي و اكون رائد في المجال اللي انا فيه

اكتر شخص ممكن تقدم ليه شكر جامد جدا غير الوالد والوالدة؟
كل الناس اللي اتعلمت منهم واثروا في شخصيتي

اية الحاجة اللى لا يمكن تستغنى عنها؟
اصحابي

لو هتحذف يوم ف حياتك يوم اية واية اللى حصل فية؟
يوم نتيجة تانية ثانوي ، لاني زعلت جدا و مافرحتش خالص
لان نتيجتي كانت 95 في المية وكان الناس كلها قبل كده بتقول
اني هدخل طب او صيدلة عالاقل فكان صدمة ليهم وليه
مع اني ماكنتش بذاكر كويس وكنت حاسس ان ده هيحصل

يوم كنت فرحان فية لدرجة انك مش جالك نوم؟
لما طلعت الاول ع المدرسة ف أولى ثانوي
و لما جبت امتياز الترم الاول

ايه الحاجه الي انت نفسك الناس كلها تعرفها ومش عارف تقولها؟
حاجة كده ف بالي مش ينفع اقولها

حاجه في شخصيتك مش عجباك وبتحاول تغيرها ايه هي؟
حاجات كتير والحمد لله زي مثلا مش عاوز اكون طيب اوي

لو معاك مصباح علاء الدين وطلعلك علاء قصدي المارد هههه
وليك طلب واحد بس ...تحب تطلب ايه؟؟
احب اطلب اني اروح امريكا
هههههههههههههههههههه

التجربه التي تتمنى ان تتكرر ؟
اني اقابل اصحاب ماشفتهمش من زمااااااااان
واني اعيش في القاهرة تاني

ماهو أفضل مكان تتردد إليه ؟
بيتنا

ما رأيك بهذه الكلمات ..
الحب: احساس رائع ومعنى سامي بنحسه كلنا
الحنان: الامن والامان
الظلم : ظلمات يوم القيامة
الخيانة ..ما أقبحها
المرأه.. النصف الاخر للحياة
الصداقة ..اجمل مافي الحياة
النفاق ..ذل ومهانة
الغرور.. لا احبذه
الكبرياء..عزة وثقة في النفس بس ماتزيدش

حسيت انك اتظلمت قبل كدا.....ولو اه مين ظلمك؟؟؟
ابدا .............كل مايحدث لي انا سبب فيه

حلم واتحقق هو؟؟؟؟؟
اني لقيت نفسي

حلم وفشلت ف تحقيقه؟؟؟؟؟
اني الاقي نفسي برده

حلم ومازال امل تحقيقه قائم؟؟؟؟؟؟؟
اني اكون انا
مين من الاعضاء تقول عليه
مثقف: ادمن طبعا
غامض: بنت الاسلام
دبلوماسى : ادمن
فيلسوف: الخل الوفي
مجتهد: بريف هارت بتضيف مواضيع كتير
مرح: احمد منجود
متواضع : مووود
دحاح
ههههه
هههههههههه ودي هعرفها ازاي بقى
اكيد مش انا
ردوده بتعجبك:ندى خالد
رومانسى : انتي
دمه خفيف : محمد سعد
بتحب تشوفه على المنتدى دايما
بحب اشوف كل الاعضاء وخاصة اصحابي
صورته بتعجبك: معنى السكوت
توقيعة بيعجبك:سم تيمز
ماهو اكثر شئ تخشى منه ؟
الفشل
ما هو اجمل شيء فقدته ؟
اللا شئ
وأعظم جرح دفنته ؟
جرح الزمن
يارب مكنش طولت عليك ولا ضايقتك باى سؤال
لا ابدا...........بالعكس انتي اسعدتيني بأسئلتك

ده تسلية بس كده عقبال ما اجى تاااااااااااانى
لازم نقوم بالواجب معاك
ده انت عضو جديد يعنى معانا
هههههههه
ما انتي قايمة بالواجب و زيادة

Eмpεлoл كتب:

Nada khaled كتب:

[ندعوك للتسجيل في المنتدى أو التعريف بنفسك لمعاينة هذه الصورة]

للدرجه
ههههههههههههههه

هههههههههههه

واخد بالك يابو سعد......مش عارف ليه كل الحقد ده
فعلا ان كيدهن عظيم

اسئلة البرنس امبراطور ولاية المنتدى:محمد سعد باشا
احمد ههههههههه
هههههههههههه..........هو انت

واضح انك ايه مستني الكرسي دا بفارغ الصبر
مين اللي قالك هذه الاشاعة المغرضة
حد يروح للموت برجليه
ده انا اتفاجأت وكان هيغمى عليه

اتقل كده يا حبيبي لتفيس منا ف نص الطريق
يامي يامي يامي ............انت بتخوفني ولا ايه طب مش لاعب

اسئلتي ياعم عشان اطلعلك بطاقه ع راي ندي
هههههههه
ههههههههههه....طب ما انا معايا بطاقة ولا بطاقتي مش عجباك يعني
ولا اقوللك ..............اعملي بطاقة ما يضرش يرده تنفع ف الزنقة

ف الاول الاسئله المعتااااااااااااده مني
واكيد لازم تجاوب عليها كلها
انا معنديش حاجه اسمها اختياري
ههههههههههه
هههههههههههه.........وانا ماعنديش حاجة اسمها اجباري

الاول
عرفنا عن شخصيتك شويه
ههههههههههههه............وانت مالك بقى بشخصيتي هي زعلتك ف حاجة
لقد تمت الاجابة عن هذا السؤال ياسيدي من قبل
ثانيا
محل الولاااااااده
محل ايه ودكان ايه هههههههههه................
مركز اطسا – قصر الباسل

ثالثا
محل الاقامه
هههههههههههه.............ايه حكاية المحلات معاك
نفس العنوان السابق.....يعني هاكون هاجرت مثلا
رابعا
المؤهل الدراسي ههههههههه لو مش معاك تقديرك كام ف الثانويه
دا لو لو لو مش معاك مؤهل هههههههه
هههههههههه...............مؤهل لسه اش ا جاي في الطريق
يارب ولد قصدي يارب مؤهل
وليه الاحراج ده بقى 92في المية .........قالوا لي خش طب مارضيتشي
استخسرت فيها المجموع فدخلت علوم تخيل هههههههههههههه
خامسا
المهنه لو يوجد مش هنحسد
هههههههههههههههههه
المهنة .............قاعد على كرسي الاحتراف
يعني .............طلب جامعي يكون هاكون ايه
سادسا
الحياه الاجتماعيه ..؟
ههههههههههههههه
زي الفل كده ............حر طليق عقبالك
سابعا
نوع حزبك الانتخابي ايه
هههههههههههه
حزب العواطلية ..................احنا اكبر حزب ف البلد خلي بالك يعني
لسه ما حددتش صراحة
ثامنا و اخيرا ماذا تتمني ف حيااااااتك
اتمنى اني اخلص كرسي الانحراف ده ........................ هههههههههههههههه
اتمنى ان اعيش حياة كريمة ، وان اخدم وطني وبلدي ، وان اموت شهيدا
شكرا للاستضافه

العفو .......اي خدعة

اسئلة مشكاة الانوار

السلام عليكم نبدأ الاسئلة
وعليكم السلام.............اتفضلي

لو ركبت اله الزمن لتغير شيىء فى حياتك هتغير ايه ؟
بالنسبة للماضي مش هغير حاجة ،
اما بالنسبة للمستقبل هبقى نفسي اشوفه بس برده مش هغيره

ياترى كنت عايز تدخل كلية علوم ولا صدفة الثانوية العامة ؟واذا كانت صدفة الثانوية العامة كنت تحب تدخل كلية ايه؟؟؟
لا بصراحة ربنا يخليلنا الثانوية العامة هي اللي جابتني علوم
بس مش عارف كان عندي احساس كبير اني هدخلها
كان نفسي ادخل طب مش علشان شهرة او فلوس بس لاني كان نفسي احقق الامنية دي
لوالدي و والدتي علشان افرحهم وف نفس الوقت كان نفسي اشارك في تخفيف الالم للمرضى
و اني اكون سبب في شفائهم.............كنت هبقى سعيد لو ده حصل

بس دلوقتي انا فرحان جدا اني دخلت علوم ولو رجعت للثانوية تاني مش هدخل غير علوم لاني حبيتها

دكتور/ة تحس انه افضل حد فى الكليه (من اعضاء هيئة التدريس) ؟
د/ وائل عرفة بتاع الكيمياء لانه شرحه كويس و شخصية محترمة جدا

اقتراحاتك للايام المقبلة عليها مصر لتكون افضل بلد فى العالم ؟
انا متأكد اننا لو اهتمينا بالبحث العلمي زي ما بتهتمم بيه امريكا و اوروبا
ولو بطلنا نقضي وقتنا في تفاهات كتير ، وكل واحد قام بشغله بزمة وضمير
هنكون البلد رقم واحد في العالم.

اقتراحاتك لتكون كلية العلوم افضل كلية فى جامعات مصر كلها ؟
انها تتحط في مكانها المناسب يعني كل الاولويات والانظار تتجه ليها
يعني لو اهتمينا بالتطبيق العملي اكتر ، و الدكاترة شجعوا ع الفهم بدلا من الحفظ والصم
هنعرف نبدع ونبتكر، ولو وضعنا البحث العلمي في المقام الاول، ولو الخريجين بيلاقوا مكانهم
المناسب في الشغل كل على حسب تخصصه

برنامجك التليفزيونى المفضل؟
مش بتابع التليفزيون كتير بس لوفيه برامج وثائقية بحب اتفرج عليها

شيخك المفضل ؟
ممكن اقول عمرو خالد

المادة المفضلة؟
الكيمياء و الرياضة

اسئلة سهلة ومن المقرر
يااااااااااه .........مفيش بعد كده سهولة

بنت الاسلام

السلام عليكم ورحمة الله وبركاته
وعليكم السلام و رحمة الله وبركاته........

ماذا تمثل لك الدنيا؟
الحياة بكل ما فيها و لكن سيأتي الموت ويفنيها
لذلك فهي قنطرة امر عليها لأصل من بداية الى نهاية

القبر باب وكل الناس داخله.......والموت كأس وكل الناس شاربه
عندما تقرأ شئ عن الموت والاخرة ......هل هذا يجعلك تفكر فى الموت ويقربك من الله ام يرعبك؟
لا ده ولا ده ، لأني دائما اعلم يقينا اني ميت ، واعلم ان حسابي جزاء لعملي
و اتوقع ماذا ستكون نهايتي بناء على ما قدمت في دنياي
.........واتعلق دائما بأن الله سيكون ارحم بي من امي التي ولدتني........فمما اخاف

هل انت من النوع اللى بيحب الحفظ ولا الفهم؟وهل انت دحيح ههههههه بصراحة؟
هههههههههههه احب اشكرك اولا على سؤالك
ثانيا: انا ما بكرهش في حياتي اد الحفظ ، ببساطة لاني ما بحبش اتعب نفسي في المذاكرة
و مش بحب المذاكرة كتير ، و غير ده وده لو بحفظ من غير ما افهم اكيد هنسى بسرعة
اما لو فهمت المعلومة كويس مستحيل انساها و لو نسيتها يبقى مش فاهمها كويس
ودي احد الاسباب اللي كانت مخلياني كاره قسم الحيوان قبل ما ادخله علشان كنت حاسس اني
مش هعمر فيه ، لاني مش بذاكر غير في وقت الامتحانات الميد ترم والعملي والنظري
وعلشان كده بشوف ايااام سوداء و انا وحظي يا دخلت الامتحان مخلص المادة يا اما مذاكر نصها
وبتبقى ايام النتيجة ايام رعب بالنسبة لي لاني بعد هشيل كاااااام مادة .
بس الحمد لله ربنا بيسترها دايما معايا ................ وساعات بيكرمني اوي كمااان
وعلى فكرة في ناس اصحابي نفس نظامي بالظبط ولكنهم قليلين جدا
اعتقد كده انك عرفتي اذا كنت دحاح ولا لأ.

ماهو الدعاء الذى تكرره فى كل سجدة؟
يارب استرها عليا في الدنيا والاخرة واكرمني يا كريم

مارايك فى الاعلام المصرى؟ومارايك فى الذين يهاجمون القنوات الدينية؟
الاعلام المصري منافق و مرائي وبيمشي مع التيااااااااااار
اللي بيهاجموا القنوات الدينية منهم لله مش عارف عملتلهم ايه القنوات دي

كفااااااااااااااااااااااااااااااااية دووووووووووووووووووووووول
اوكيه...........................

.....................السلام عليكم............................
بصراحة الناس عامله الواجب معاك يا احمد لدرجة الواحد مش عارف يسال ايه تانى ...............هسأل اسئلة سهلة اوىمن دماغى...............
لو حد من صحابك اتخانق وانت معاه هتعمل ايه؟
لو شفت واحد بيسرق حد فى مكان ما هتعمل ايه؟
بتحب المغامرة؟
ايه رأيك فى عمل المرأة؟
هل اتخدعت من حد ؟ وهو مين؟
ساعت ب تكذب ولا عمرك؟
......قولى امنية بتتمناها دلوقتى.............................

Amal biochem

.....................السلام عليكم..............................
وعليكم السلام و رحمة الله وبركاته................

بصراحة الناس عامله الواجب معاك يا احمد لدرجة الواحد مش عارف يسال ايه تانى ...............
...................اهلا بيكي ................

هسأل اسئلة سهلة اوىمن دماغى
مفيش مانع...................

لو حد من صحابك اتخانق وانت معاه هتعمل ايه؟
هشوف الاول اذا كان صاحبي ده له الحق و لا لأ
لو له الحق هقف جاره واتخانق معاه طبعا
ولو ملهوش حق هحاول اهدي الموقف و افض الخناقة
ولو معرفتش هقف معاه برده لاني مش ممكن اشوف صحبي
بيضرب واقف اتفرج.

لو شفت واحد بيسرق حد فى مكان ما هتعمل ايه؟
انا ممكن اكون اتعرضت للموقف ده كتير لاني بركب مواصلات على طووووول
هحاول اتصرف بطريقة طبيعية خالص علشان الحرامي مش يحس بحاجة
وفي نفس الوقت هحاول انبه الشخص اللي بيتسرق منه بطريقة او بأخرى
او اني اقول مثلا بصوت عالي يا جماعة كل واحد يخلي باله من نفسه ومن حاجته
ولو المسروق منه مفهمش هروح قايل ع الحرامي قبل ما يسرق
ده الحرامية دول بياخدوا ضرب ما بيخدهوش حمار في مطلع

بتحب المغامرة؟
ايوه بس لما تكون علشان حاجة تستاهل

ايه رأيك فى عمل المرأة؟
المرأة طبعا لها حق في العمل طالما فيه حدود و ضوابط في العمل ده
بس مينفعش تشتغل في حاجات معينة لأنها بتحكم العاطفة اكثر من العقل

هل اتخدعت من حد ؟ وهو مين؟
لأ ماتخدعتش من حد


ساعت ب تكذب ولا عمرك؟
انا في الغالب مش بكذب ،
لاني مش بحب الكذب

......قولى امنية بتتمناها دلوقتى.............................
دلوقتي بتمنى ان ماحدش يفهمني غلط واني ماكونش زعلت حد

محمد سعد

احمد لمااااااااااااااااااااااااااضه هههههههههههههههههه
حلوة لماااااااااضة دي
طب اعملك ايه ما انت جايب اسئلة غريبة اوي
ما ينفعش فيها غير كده

اقتباس:
لقد تمت الاجابة عن هذا السؤال ياسيدي من قبل

سيدي انتا بتحسسني اني ف عصر الجاهليه
ههههههههههههه
مش عجباك سيدي ليه بس يا محمد يا بن ابي سعد
ده انا بمدحك

عايزين نشعلل شويه الاسئله
اكتر من كده هتولعها ناااااااار

ماشي معاك التدريح اهون
اما نشوف

تلاقي نفسك ازاي؟
الاقي نفسي لو بعمل حاجة بحبها

بتقدر تواجه
نفسك بحقيقه غلطك ؟ ولا بتهرب؟
بواجه نفسي علشان اقدر اصلح غلطي

ايه رايك ف الحب ؟
حاجة مش بايدينا بتحصل دون توقع
لانه حاجة بتحصل بين القلوب

علاقتك
اهلك ازاي؟
الحمد لله تمام
مين
اقرب صديق ليك؟
عبد الهادي

اكتر
مكان بتلاقي
راحتك فيه؟
المكان اللي بلاقي فيه
ناس بحبهم و يحبوني

لونك
المفضل؟
مش بتفرق معايا كل الالوان زي بعض

هل انت اناني؟
مش عارف بجد

هل انت طموح بالقدر الكافي؟
بالنسبة لي ايوه

بتسعى ازاي
لتحقيق
احلامك؟
بستعين بالله واخد بالأسباب اللي توصلني لتحقيق حلمي

وخليك مرتاااااااااااااح ع الاخر واصبر ع المشوي اللي جي
ههههههههه هتيجي منين الراحة ..........وانت مش عاتقني

هههههههههه
ولسه فيه تاني
انت محوشهم و لا ايه

السلام عليكم ورحمة الله وبركاته و رجعنا تانى
ترتيبك بين اخوتك ؟
ما هى هواياتك؟
ناوى تعمل دراسات عليا ولا دبلومة التحاليل ولا حاجة تالتة خالص؟
كلمة توصف بها كل عضو من الاتى اسمائهم :
بريف هارت
مون دريم
بنت الاسلام
مشكاة الانوار
امل
سم تايمز
محمد سعد
الادمن
الخل الوفى
مين قدوتكـ بالحياة؟؟
كلمة توجهها لادارة المنتدى ؟
مادة بتكرهها ونفسك تولع فيها؟
بيت شعر دائما تكرره؟
حكمة تؤمن بها؟
تعليق فى اقل من سطرين على ما يمر به الوطن العربى هذه الايام ؟
اسفة على الاطاله
واظن انها اسئلة سهله برضو من المنهج كعادة امتحاناتى ههههه

السلام عليكم

منور يا احمد
وواضح انك هتشوف اسبوع تماااام
ربنا معاك

فى كام سؤال
يارب مابكون بتقأل عليك


اذا كانت عندك ورقه فاضيه شو اكثر شي تحب ترسمه عليها؟ وليه ؟

قطار حياتك الى اين يتجه ؟

صف نفسك فى بكلمة واحدة ؟

شخص في حياتك تحس انه مظلوم ؟

حقيبة اسرارك عند من تودعها؟

احد علماء النفس قال ذات مرة : أنه باستطاعة الانسان العيش من دون اصدقاء فما رايك أنت ؟

أين تأخذك ذروة الغضب و كيف تعبر عنه ؟

ما أجمل شيء حبيته فـي المنتدى ؟

متى يعاندك النسيان ؟

هل حدث أن انتصرت على نفسك يوما وأحصيت عيوبك ؟


هل تعتقد انك مقصرة فى حق حد قريب منك ؟

متى يقسو قلبك؟

في زمن البحث عن المادة عن ماذا تبحثين أنت؟


- حكمة تؤمن بها كثيرا ؟

دولة تتمنى ان تسافر اليها ؟

- ماهي الوظيفة التي تتمناها لنفسك؟


- مواد دراسية تكرها كثيرا؟

- ماهي احب المراحل الدراسية الى نفسك؟


- سنة دراسية تعد هي الأجمل في حياتك؟


- عضو تعلمت منه الكثير ؟

- عضو تتمنى ان تراه شخصيا؟

- عضو لا تتمنى ان يغيب ابدا ؟

- عضو مشاغب ؟

- عضو يعتبر مميز في نفسك ؟

- عضو يثير اهتمامك ؟

- عضو تعرفه خارج المنتدى ؟

- عضو تكونت لديك علاقة صداقة ومعرفة به عن طريق المنتدى ؟

- عضو اكتشفت مؤخرا انك لم تعامله باهتمام ؟

- عضو ترى ان لديه امكانيات كبيرة ولم يقدمها حتى الآن ؟

آسفة ع الاطالة
أتفضل جاوب
الاسئلة اختيارية
وجاوب براحتك

مشكاة الانوار

السلام عليكم ورحمة الله وبركاته و رجعنا تانى
وعليكم السلام ورحمة الله وبركاته

ترتيبك بين اخوتك ؟
اكبرهم

ما هى هواياتك؟
الكمبيوتر والنت و مشاهدة الافلام الاجنبية و قراءة يعض المجلات العلمية

ناوى تعمل دراسات عليا ولا دبلومة التحاليل ولا حاجة تالتة خالص؟
ان شاء الله ناوي اشتغل في شركة كويسة وبعد كده لما يكون معايا moneyهافكر في الدراسات العليا ودبلومة التحاليل

كلمة توصف بها كل عضو من الاتى اسمائهم
:
بريف هارت: محترمة جدا
مون دريم : طيبة اوي
بنت الاسلام : خجولة جدا
مشكاة الانوار: على طبيعتها ودي صفة عجباني اوي
امل : من احسن الشخصيات في المنتدى
سم تايمز: لسه ماكونتش فكرة عنها يصراحة
محمد سعد : صاحب صحبه و جدع
الادمن: من احسن اصحابي اللي قابلتهم و قلبه طيب عالاخر
الخل الوفى : حبيب قلبي شخصية زي العسل

مين قدوتكـ بالحياة؟؟
ناس معينة عجباني طريقة تفكيرهم اوي

كلمة توجهها لادارة المنتدى ؟
نفسي يبقى فيه اهتمام اكتر من كده

مادة بتكرهها ونفسك تولع فيها؟
اي مادة بتعتمد كليا على الحفظ
زي الفلسفة مثلا

بيت شعر دائما تكرره؟
مفيش

حكمة تؤمن بها؟
من يزرع الشوك لا يجني به العنب

تعليق فى اقل من سطرين على ما يمر به الوطن العربى هذه الايام ؟
الوطن العربي هذه الايام بدأ يطالب بالحرية ويقوم على الظلم ويثور عليه
لكنه لا يزال تحت الركود واللهو وفي ذيل الامم من حيث التقدم علميا

اسفة على الاطاله
لا مفيش اطالة ولا حاجة اسئلتك بتكون في الصميم دايما وان بشكرك عليها

واظن انها اسئلة سهله برضو من المنهج كعادة امتحاناتى ههههه
ايوه سهلة جدا بس يا ترى هنجح فيها ولا لأ هههههههه

الامبراطور

مقوله انا طلعتها دلوقتي
طموحك طريق لحملك

انتا رايك ايه؟

قصدك طموحك طريقك لحلمك
كلام مظبوط جدا و صح الصح

وماهي طموحك ؟
وماهي احلامك؟

عايز اوضح حاجة بس الاول في ناس كتير بيبقى طموحها وحلمها يقتصر على الدراسة فقط لاغير
يعني يبقى اقصى طموح مثلا انه يبقى معيد مثلا او انه يطلع الاول مثلا وهكذا وده حقها وانا ماعنديش اعتراض
بس انا طموحي اكبر من كده بكتير انا طموحي اني مابقاش زي اي حد نفسي اعمل حاجة تفيد البلد و تساعد في
ان احنا نتقدم في المجال اللي انا هاشتغل فيه لان هو ده اللي بيعمله الغرب و بيتقدم عنا بكده

وانتظر المزيد
اوكيه

اقتباس :

بنت الاسلام : خجولة جدا

هههههههههههههههههههههه
هههههههههههههههههههههه
ههههههههههههههههههههه
انا خجولة....خااااااااااااااااااااااااااااااااااااااااااااااااااااااااااااااااااالص
بالعكس انا اجتماعية جداااااااااااااااااااااااااااااااااااااااا لاقصى درجة

Brave heart

السلام عليكم
وعليكم السلام

منور يا احمد
ده نورك انتي و الاعضاء كلهم منورين المنتدى

وواضح انك هتشوف اسبوع تماااام
ههههههه ........ما خلاص شفت اهون

ربنا معاك
يا رب

فى كام سؤال
يارب مابكون بتقأل عليك
ابدا...........اسئلي براحتك خالص

اذا كانت عندك ورقه فاضيه شو اكثر شي تحب ترسمه عليها؟ وليه ؟
احب ارسم حقول خضراء وشمس ساطعة وراجل قاعد تحت الشجرة أو النخلة بيشرب شاي
لأني بحب المنظر ده اوي لانه بيدل على جمال الطبيعة ولأني بشوفه في بلدنا كتير

قطار حياتك الى اين يتجه ؟
الى محطة نفسي اوصلها من زمااااااااان

صف نفسك فى بكلمة واحدة ؟
هادي
شخص في حياتك تحس انه مظلوم ؟
مش عارف بس اعتقد مفيش

حقيبة اسرارك عند من تودعها؟
عند اقرب اصدقائي

احد علماء النفس قال ذات مرة : أنه باستطاعة الانسان العيش من دون اصدقاء فما رايك أنت ؟
مش موافق خالص انا عن نفسي ماقدرش اعيش دون اصدقاء

أين تأخذك ذروة الغضب و كيف تعبر عنه ؟
الى ذروة السكوت ، تبو ملامح الغضب على وجهي ولا اتكلم لفترة طويلة

ما أجمل شيء حبيته فـي المنتدى ؟
اني بتعرف على شخصيات جديدة بعرف ارائها واستفيد منها و اني بتواصل مع اصحابي

متى يعاندك النسيان ؟
عند قلة التركيز

هل حدث أن انتصرت على نفسك يوما وأحصيت عيوبك ؟
في عيوب كتير انا عارفها و الحمد لله واكيد في عيوب كتير برده مش عارفها

هل تعتقد انك مقصر فى حق حد قريب منك ؟
الصراحة كل اقاربنا ، لاني مش بزورهم الا فين وفين
متى يقسو قلبك؟
لما احس ان حد عايز يضحك عليا أو بيتجاهلني

في زمن البحث عن المادة عن ماذا تبحث أنت؟

عن الحب و الألفة بين الناس ,وراحة البال

- حكمة تؤمن بها كثيرا ؟
قلتها قبل كده

دولة تتمنى ان تسافر اليها ؟
انجلترا أو امريكا

- ماهي الوظيفة التي تتمناها لنفسك؟
صاحب شركة كبيرة

- مواد دراسية تكرها كثيرا؟
المواد الادبية

- ماهي احب المراحل الدراسية الى نفسك؟
ابتدائي واعدادي و اولى ثانوي

- سنة دراسية تعد هي الأجمل في حياتك؟
اولى ثانوي

- عضو تعلمت منه الكثير ؟
كل عضو اتعلمت منه حاجة مختلفة عن التاني

- عضو تتمنى ان تراه شخصيا؟
كل الاعضاء اللي مش عارفها نفسي اشوفها

- عضو لا تتمنى ان يغيب ابدا ؟
اصحابي كلهم

- عضو مشاغب ؟
مووووووود او محمد علي
بيحب يفضحنا دايما

- عضو يعتبر مميز في نفسك ؟
ادمن او احمد الحداد

- عضو يثير اهتمامك ؟
اعضاء كتير بيجيبوا مواضيع بتعجبني

- عضو تعرفه خارج المنتدى ؟
كل اصحابي وبعض الاعضاء غير اصحابي

- عضو تكونت لديك علاقة صداقة ومعرفة به عن طريق المنتدى ؟
لأ مفيش ، ممكن اكون عرفت اعضاء جديدة بس ماكونتش معاهم صداقة

- عضو اكتشفت مؤخرا انك لم تعامله باهتمام ؟
اعتقد مفيش بس فيه عضو فهمته غلط بس الحمد لله فهمته بعدكده صح

- عضو ترى ان لديه امكانيات كبيرة ولم يقدمها حتى الآن ؟
ممكن نقول ندى خالد و جاست ذا بيست

آسفة ع الاطالة
لا ولا يهمك

أتفضل جاوب
جاوبت اهون

الاسئلة اختيارية
وجاوب براحتك
يا سلاااااااااام ........شوفوا الناس

Bent eleslam كتب:

اقتباس :

بنت الاسلام : خجولة جدا

هههههههههههههههههههههه
هههههههههههههههههههههه
ههههههههههههههههههههه
انا خجولة....خااااااااااااااااااااااااااااااااااااااااااااااااااااااااااااااااااالص
بالعكس انا اجتماعية جداااااااااااااااااااااااااااااااااااااااا لاقصى درجة

هههههههههههههههههه
خلاص يا ستي انتي ناوية تضربيني ولا ايه
الحقوني يا ناااااااااااااااااس

السلام عليكم ورجعنا بعد الفاصل
ندى حطتك فى وقت رائع قبل امتحانات العملى كويس نسأل بقى
كم جزء تحفظ من القران؟
هل انت مسجل فى منتديات اخرى وما اسمائها؟
لو جلست على كرسي عمادة كلية العلوم ماذا ستغير فيها؟
ايه اللى نفسك تغيريه في جامعتنا ؟
لو اصبحت رئيس وزراء مصر من من الاعضاء ستاخذهم ليتولوا مناصب وزارية وما هى هذة الوزارات؟ بدون مجاله
لو منحت ربع ساعة مباشرة مع الشعب المصري ايه اللى نفسك تقوله ليهم؟
نفسك تستضيفي مين في كلية العلوم؟
هدف تحقق واخر لم يتحقق وثالث قد يتحقق؟
قول لنا اكتر 3 حجات بيثيروا غضبك ؟
نفسك تقول ايه لاعضاء المنتدى؟
ايه اللى مش راضي عنه في المنتدي؟
اذكر اسماء كل الاعضاء اللى تعرفهم داخل المنتدى وخارجه؟

كفاية كده دلوقتى ويارب منكونش ازعجناك
اسئلة متسربة بمعنى ان اعضاء اتسألوها قبل كدة اظن بقى مفيش امتحانات زى كده

مبروك يا احمد عالكرسي واختيار في محله ............ انا شايف الناس مش راحمينك اسئلة وانا للاسف النت هيرجع عندي تقريبا الاحد ان شاء الله فربنا رحمك من اسئلتي عالعموم لو فيه سؤال أكلني - هههههه حلوة أكلني دي - .........المهم هبقى اسأله
وايه حكاية مثقف ودبلوماسي اللي لزقت في دي ؟؟؟!!!! وشكرا على الكلام الكويس وانت من افضل الشخصيات اللي عرفتها و بحبك في الله جداااااااااااااااااا

اقتباس :

- عضو يعتبر مميز في نفسك ؟
ادمن او احمد الحداد

شكرا جدا على كلامك الجميل

مشكاة الانوار

السلام عليكم ورجعنا بعد الفاصل
وعليكم السلام و رحمة الله وبركاته

ندى حطتك فى وقت رائع قبل امتحانات العملى كويس نسأل بقى
فعلا وقت كويس أوي لولا كده كنت هعتذر طبعا

كم جزء تحفظ من القران؟
انا كنت حافظ جزئين زمان بس الحمد لله دلوقتي مش فاكر منهم اي حاجة

هل انت مسجل فى منتديات اخرى وما اسمائها؟
ايوه بس مش كتير منتيات علمية و فيه منتديات خا صة بالالكترونيات بس مش بتابعهم كتير

لو جلست على كرسي عمادة كلية العلوم ماذا ستغير فيها؟
هغير نظام التعليم في الكلية الى الافضل و هعمل على تطوير المعامل وتزويده بالامكانيات والاجهزة اللازمة لكل قسم ، وهعمل تمييز خاص للطلبة الفائقين ، وهالزم الدكاترة بتخفيض اسعار الكتب و هامشي الدكاترة اللي مش بتشرح كويس للطلبة وغير كل ده و ده هخلي كل طالب يخش القسم اللي بيحبه علشان يبدع ويبتكر فيه

ايه اللى نفسك تغيره في جامعتنا ؟
نفسي ادي كل كلية حقها من حيث المباني والاقسام و بصراحة احسن كلية واخدة حقها هي كلية الزراعة
لان كل المباني المطلوبة موجودة ، واقل كلية واخدة حقها هي كليتنا ازاي كلية العلوم مش يبقى ليها غير مبنى واحد ، يعني انا رحت جامعة القاهرة الاجازة اللي فاتت وشفت كلية العلوم هناك حاجة رهيبة ،لكل قسم في كلية العلوم مبنى لوحده يعني تمشي شوية تلاقى مبنى كبير اسمه قسم الحشرات وتمشي شوية كمان تلاقي مبنى اسمه
قسم النبات وهكذا ، ونفسي تبقى كفاءة التعليم في جامعتنا عالية علشان تبقى معترف بيها زي جامعة القاهرة وعين شمس

لو اصبحت رئيس وزراء مصر من من الاعضاء ستاخذهم ليتولوا مناصب وزارية وما هى هذة الوزارات؟ بدون مجاله
وزير الشباب والرياضة ابو تريكة, وزيرالنقل والمواصلات محمد سعد علشان له في المكن هههههههه،
وزير الزراعة الحداد علشان له في المزارع هههههههههه، وزيرة الاعلام ندى خالد علشان بتطلع عالتليفزيون
ههههههههه، وزير الخارجية الخل الوفي علشان بتهمه قضايا الوطن العربي ، وزير المالية موووود كفاية كده

لو منحت ربع ساعة مباشرة مع الشعب المصري ايه اللى نفسك تقوله ليهم؟
هقولهم مصر امانة في ايديكم اوعوا تضيعوها ، واحذروا الفتن والشائعات اللي عاوزة تفرق شملكم و خاصة الفتنة الطائفية اللي اعدائنا بيدمرونا بيها ، و ماتضيعوش مجهود الثورة واقضوا عالفساد اللي لسه باقي واتقنوا عملكم وتفانوا فيه علشان نبقى من احسن الامم

نفسك تستضيف مين في كلية العلوم؟
دكتور احمد زويل

هدف تحقق واخر لم يتحقق وثالث قد يتحقق؟
معظم اهدافي لم تحقق لسه

قول لنا اكتر 3 حجات بيثيروا غضبك ؟
لما حد يسخرمني أو لما حد بيتجاهلني ، او لما حد بيرفع صوته وهو بيكلمني

نفسك تقول ايه لاعضاء المنتدى؟
شدوا حيلكم الفترة اللي جاية مش محتاجة لعب خالص

ايه اللى مش راضي عنه في المنتدي؟
ساعات المجاملات الكتير بين الاعضاء بتضايقني ، وفيه مواضيع كتيرة شبه بعضها مش عجباني
ونفسي نرد عالمواضيع بكل صراحة دون مجاملات لاحد و في نفس الوقت يكون الرد بطريقة لطيفة
ونفسي نكتر الموضوعات العلمية اكتر وتبقى فيه مكتبة ضخمة جدا فيها اقسام لكل الفرق

اذكر اسماء كل الاعضاء اللى تعرفهم داخل المنتدى وخارجه؟
الادمن ، محمد سعد ، الخل الوفي ، مووووود ، حازم، محمد صبري ، شريف جمال ، ابو تريكة ، احمد منجود، اسماعيل أو سيمو ، بريف هارت ، ندى خالد، بنت الاسلام ، معنى السكوت ، موون دريم ، تيرس اوف موون، امل بيوكيم بس كده

كفاية كده دلوقتى ويارب منكونش ازعجناك
ابدا مفيش ازعاج ولا حاجة

اسئلة متسربة بمعنى ان اعضاء اتسألوها قبل كدة اظن بقى مفيش امتحانات زى كده
لأ بصراحة اسئلة عشرة على عشرة

انا جايه اسلم عليك بس و اقدمكلك التهااااااااانى

هههههههههههههههه

بس واضح ان الاعضاء قايمين بالواجب سواء ندى

او مون دريم
او العضوempenon(شوف لنا ليك اسم بالعربى اسهل عشان نعرف ننطقه )

المهم
كل الى عاوزه اسئله

ايه اخبار نفسيك و انته عمال تتسئل كده و احنا فى جو الامتحانات

و يا ترى انته من النوع الى بيذاكر و لا لاء

والكلمات دى بتعبر عن ايه

البحر

القمر
الشمس

البرج بتاعك ايه


بتقرى جرايد و لا

موقف حصل معاك خلاك تموت من الضحك

و التانى خلاك تمون من العياط

و كده كفايه و ربنا يوفئك

بس هجيلك تااااااااااااانى

وبعد طووول غياب رجعلنا الحدااااااد

مبروك يا احمد عالكرسي واختيار في محله ............
الله يبارك فيك عقبالك بس مش شايف انها جاية قبل اوانها شوية ههههههههه

انا شايف الناس مشراحمينك اسئلة
مش عارف ليه الناس مبقاش عندها رحمة اليومين دووول هههههههه

وانا للاسف النت هيرجع عندي تقريبا الاحد ان شاء الله فربنا رحمك من اسئلتي
ده من حظي الكويس انت هتقولي على اسئلتك اللي مش بتقل عن 30 او 40 سؤال
ولا عصام اللي بيقولي هاجمعلك الاسئلة كلها اللي سئلتها من ساعة ما اتعمل كرسي الاعتراف
بس الحمد لله شكله ربنا هداه ورجع لعقله

عالعموم لو فيه سؤال أكلني - هههههه حلوة أكلني دي - .........المهم هبقى اسأله
هههههههههه ...........هههههههههه بس لو السؤال أكلك انت هتسأل ازاااي؟
شكله السؤال جعاااااان اوي ههههههههه عالعموم لو السؤال مش أكلك اسأل براحتك

وايه حكاية مثقف ودبلوماسي اللي لزقت في دي ؟؟؟!!!!
اعتقد ان ده مش كلامي لوحدي الناس كلها عارفة كده و دي مش حاجة جديدة يعني وانت عارف كده
وكده او كده انت بتحب كده علشان كده انا بقول كده عندك اعتراض ف كده ههههههههههه

وشكرا على الكلام الكويس
العفو يا كبير ده اقل واجب

وانت من افضل الشخصيات اللي عرفتها
ما انا عارف ..........هههههههههههه
ربنا وحده يعلم اللي في القلوب

و بحبك في الله جداااااااااااااااااا
احبك الذي احببتني فيه وجمعني بك وبكل احبتنا تحت ظل عرشه

اقتباس:
- عضو يعتبر مميز في نفسك ؟
ادمن او احمد الحداد

شكرا جدا على كلامك الجميل
لا شكر على واجب يا برنس

ابو سعد

A.R.M كتب:


محمد سعد : صاحب صحبه و جدع

الحمد لله ع الكلام دا
ودا مش معناه اني ارحمك من الاسئله

هههههه


لأ كده انا ممكن ارجع في كلامي
ههههههههه
A.R.M كتب:

طموحك طريق لحملك

قصدك طموحك طريقك لحلمك


فرقت معاك الكاف مثلا
لأ ما فرقتشي الكاف خالص بس اللي فرقت كلمة حملك اللي انت كاتبها دي..... دي معناها ايه؟؟؟؟؟؟؟
انا قلت انت اكيد قصدك حلمك وليس حملك
بس انا قصدي طريق وليس طريقك
هههههههههههههههههه
مين فينا بقى اللي فرقت معاه الكاف

ندخل بقي العمق ونسال اكتر
ف العمق .......هو لسه فيه ف العمق امال اللي فات ده كان ايه
ماذا ستكتب لنا لتعبر عن حياتك التي عشتها الى الان في كلمات قليله ؟
حياة بدأت بفترة مليئة بالبراءة و الاطمئنان بعدهاجاءت فترة كلها حيوية ونشاط ورضى بعدهاجاءت
فترة كلها خوف و ضعف و انكسار بعدها فترة قليلة الفرح كثيرة الالم بعدها الفترة الحالية قليل من الالم كثير من الفرح بس الحمد لله على كل شيء
.
. اذا اردت ان تبكي الان , فعلى من تبكي؟
على نفسي

من ستختار ليمسح دموعك ؟
امسحها بنفسي

لو خيروك بين حبيبك وبين اعز صديق فمن تختار ؟
لما يبقالي حبيب هبقى اقولك .........مش عارف بصراحة

.ماهو تقييمك لهذا المنتدى بصراحه ؟
مش بطاااااااال

.من يسكن قلبك؟
هههههه .........حد قالك اني فاتح قلبي شقة
كل الناس اللي بحبهم

.هل تعتقد ان حظك سيئ؟
لأ

.هل هزمك حزنك في يوما من الايام؟
للأسف ايوه


.((مستحيل انساك)) لمن تقولها
لناس معينة
.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟
اذا اردت ان اوجه هذه العبارة لنفسي هاقصد اني مش هاوقف حياتي علشان فرصة كانت في ايدي وضيعتها
او علشان شخص ما او شيء ما ولن اندم على اي شيء حدث بالماضي ولكني سأتطلع الى تغيير كل ما هو سيء

.(( انت كل شيء بحياتي )) لمن تقولها ؟
مفيش حد هاقوله كده علشان حياتي مش هاتقف علشان حد معين
متى اخر مره بكيت؟
في شهر رمضان اللي فات

اي الدول تتمنى ان تزورها ؟
نفسي ازور الدول الاجنبية وخاصة الولايات المتحدة

هل انت راضي عن نفسك ؟
ايوه الحمد لله

‏قدوتك ف الحياة مين؟
الناس اللي بيساعدوا في تقدم البشرية

.هل تؤيد الزواج العاطفي ام الزواج التقليدي ؟ ولماذا ؟
اؤيد الزواج العاطفي لأنه بيقوم على اساس من التفاهم و معرفة الشخصيات و الصفات
فبيريح بعد كده من مشاكل كتير ، اما الزواج التقليدي عامل زي ضربة حظ وانت وحظك يا معلم

.ايهما اهم شهادتك الجامعيه أم الزواج ممن تحب ؟
الاتنين اهم من بعض

.هل انت مدمن تفكير؟
انا بفكر كتير بس مش لدرجة الادمان

.من هو اكثر شخص تفكر فيه؟
مفيش حد بفكر فيه باستمرار

.اذا تم تعيينك ملكا لجميع البلاد العربيه فما اول قرار ستتخذه ؟
انشاء جيش عربي مشترك، يعني هاخد من كل دولة عربية جيش و اكون جيش عربي مشترك ضخم يتصدى للدفاع عن اي هجوم خارجي على اي بلد عربية

.هل تكره شخص بشده في حياتك ؟
لأ مش بكره اشخاص بس ممكن اكره صفات في اشخاص

.ما هو اقتراحك الذي تتمنى ان يحدث في هذا المنتدى ولم يحدث الى الان ؟
انشاء مكتبة ضخمة لكل الفرق والقسام تشمل جميع انواع الكتب مش زي مكتبتنا المتواضعة
.هل ملابس الشخص امامك تؤثر فيك لتأخذ عنه انطباع ؟؟
نعم بس بيبقى انطباع مؤقت وليس مؤكد الى ان اتأكد من صحته

.ماالذي يلفت انتباهك بسرعه في الشخص لكي تعجب به ؟
طريقة الكلام و طريقة التعامل

اذا احببت شخصا في الوقت الخطأ وفي المكان الخطأ فماذا تفعل ؟؟
يولع الشخص ده

.حكمة تؤمن بها جدا؟؟
فيه حكمة قلتها قبل كده وفيه حكمة افتكرتها دلوقتي:
وما نيل المطالب بالتمني ولكن تؤخذ الدنيا غلابا

.عاده تفعلها دائما تتمنى ان تتركها ؟
ساعات بيكون في حد بيتكلم معايا وانا بسرح في حاجات تانية خالص بس بيبقى غصب عني

ماهو اجمل اسم لولد واجمل اسم لبنت من وجهة نظرك؟
حسام ، حلا

إيه الصفه اللي عايز تغيرها ف نفسك؟
ان ثقتي بنفسي تزيد

.ماذا تفعل اول شيء اذا ربحت مليون ؟
هاعمل مشاريع تفيد الخريجين اللي مش لاقيين شغل و تحسن اقتصاد البلد

.هل انت من لديهم رغبة حب التملك واذا تملك الشيء اصابه الملل منه ؟
مش فاهم قصدك بالظبط ، بس انا بحب امتلك حاجات على قد اني احقق اهدافي

.اعتذار تريد ان تقدمه لمن؟
لأي حد انا عاملته بطريقة مش كويسة او ضايقته من غير ما اقصد

ايه السؤال اللى عاوز تتسأله؟
مفيش سؤال معين

لو رجع بيك الزمن هتعمل ايه؟
هغير طريقة حكمي على ناس معينة

ايه رائيك في كلية العلوم؟
هي اساس التقدم والتطور بس لو ليها اهتمامها و مكانتها و أولويتها

تجربه تتمنى تكرارها؟
جاوبت قبل كده

متي بتكذب ؟
جاوبت قبل كده

ايه رايك ف الاعضاء دى


.1 بريف هارت.......نشيطة
2 مون دريم.........رومانسية
3 معني السكوت.........واقعية
4 الدكتوره
5 بيور هارت
6 سم تايميز
7 جاست ذا بيست........ناقدة
8بنت الاسلام.......................متدينة، مش خجوولة خالص و اجتماعية لاقصى درجة ههههههههه
9 تريس اوف مون
-10 الادمن..................محرك المنتدى
11 احمد منجود..............فكاهي
12 موود.....................مشاااااااااغب
13 اخيرا انااا................لذيذ و رايق وعايش حياتك
اما الاعضاء اللي مقولتش رأيي فيهم ف ما شفتش ليهم مواضيع او ردود كتير


وظف الصفات دي للاعضاء
جرئ.............بريف هارت
رومانسى...........محمد سعد و موون دريم
متواضع..............ادمن
هزاره تقيل...........هههههههه اكيد انت حرام عليك كل دي اسئلة
اجتماعى.............بنت الاسلام
مواضيعه حلوة...........ندى خالد

أكمل
*العضو/ة اللي تتمنى تشوف شكله هو ........
*العضو/ة اللي نفسك تعطيه كف بتهريج ........
*العضو/ة اللي نفسك تعطيه كف مش بتهريج ........
*عضو/ة تحس انه تخييين ........
*عضو/ة تحس انه حلو ........
*عضو/ة رومانسى ........
*عضو/ة مثقف ........
هههههههههههههههههههههه
ايه الاسئلة الغريبة دي
في اسئلة جاوبت عنها قبل كده و في اسئلة مايتجاوبشي عليها
انت عايزني اتطرد من المنتدى ولا ايه
أختر
*أكتر سنة حبتها فالكلية..... (1/1 - 1/2 - 2/1)
1/3
أيه رأيك فيا .... (جدع - كويس - جدع وكويس*
انت لا جدع ولا كويس .................انت جدع وكويس

*مواضيعى ..... (حلوة - جامدة - جميلة)؟
مواضيعك .............حلوة وجامدة

بلاش جميلة مش عايزين نجيب في سيرة حد

واضح اني وصلت متأخرة بس ما علينااااا
هنسال كده سؤالين علي السريع


ناوي تعمل ايه بعد التخرج؟
شايف نفسك ازاي بعد 10 سنين
ايه رائيك في ثورة 25 ينايروتأثيرها؟
ايهما تفضل الشمس ام القمر وليه؟
رائيك ايه في كليتنا وتتمني تشوفها ازاي بعد كده
كفاية الشوية دول وممكن يكون في مرة كمان

السلامـ عليكمـ

معليش جتلك وخري شوي
مش هسأل كتير عشان بقى وقتي وأنت عارف

1.أكتر يوم أسعدك السنة دي؟؟
2.إيه تأثير الثورة على شخصيتك؟؟
3.رشح 3 أشخاص ع الأقل لكرسي الرئاسة. (مش شرط يكونو مرشحين، ومش شرط يكون هتنطبق عليهم الشروط)
4. تعليقك يوم 28 يناير على الثورة؟؟ وتعليق انهارده على أعتصام بكرة (الجمعة 27 مايو)؟؟
5.أنواع الكتب اللي بتحب تقراها؟؟ مؤلفين؟؟
6.أكتر مادة (من مواد الحيوان اللي درسناهم) بتحبها؟؟
7.شايف نفسك بعد خمس سنين إ ش ا تكون إزاي؟؟
8.سورة بتحب تقرائها دايماً؟؟ آية بتكررها دايماً؟؟ دعاء؟؟
9.أوصف الطالب المثالي لـ علوم من وجهة نظرك؟؟
10.أقوى قرار أخدته؟؟

بـ كفاية ـس
سلامـ

العضوة سلمى

انا جايه اسلم عليك بس و اقدمكلك التهااااااااانى

هههههههههههههههه

الله يسلمك و يبارك فيكي .........و اهلا بيكي نورتي المنتدى

بس واضح ان الاعضاء قايمين بالواجب

هما فعلا قايمين بالواجب و زيادة

سواء ندى

او مون دريم

او العضوempenon(شوف لنا ليك اسم بالعربى اسهل عشان نعرف ننطقه )

ههههههههههه ............ممكن اصحح لحضرتك الاسم ، هو اسمه emperor
وليس empenon يعني بدلا من حرف n حطي مكانه حرف r ومعلهش ممكن يكون
حصل لخبطة معاكي علشان حرف r لما بيتكتب بالرقعة في الانجليزية بيبقى شبه حرف الn و الكلمة دي معناها بالعربي الامبراطور يعني حضرتك ممكن تقولي كلمة
الامبراطور دي بدلا من emperor كل ده بعد اذنك طبعا يا محمد سعد

المهم
كل الى عاوزه اسئله

اتفضلي اسئلي براحتك خالص

ايه اخبار نفسيك و انته عمال تتسئل كده و احنا فى جو الامتحانات

والله قلقان اوي و عموما اول ما بيدخل جو الامتحانات ببدأ اخاف أوي

و يا ترى انته من النوع الى بيذاكر و لا لاء

بذاكر بس في الامتحانات بس

والكلمات دى بتعبر عن ايه

البحر :الحياة و تقلباتها

القمر: الامل ف بكرة

الشمس :نور الحرية

البرج بتاعك ايه

انا عامة مش بحب الابراج
ولا بصدقها بس لو عايزة تعرفي انا
برج ايه فانا برج الحمل

بتقرى جرايد و لا

لأ، لو فيه خبر عايز اقرءه بقررءه من ع النت

موقف حصل معاك خلاك تموت من الضحك

في مرة كنت ماشي مع اتنين من اصحابي و عمالين نتكلم مع بعض و فجأة لمحت راجل شكله غريب كان ماشي جارنا واحنا ماشيين عادي وفجأة ببص كده لقيت الراجل ده كان عاوز يمسك فيا بس انا بعدت عنه بسرعة علشان كنت واخد بالي منه و راح لصاحبي الاولاني بس برده معرفش يمسكه ، جه لصاحبي التاني فراح ماسكه و قعد يشد فيه و اقعد يحب في دراع زميلي فصاحبي ده جاله زهووووول ايه اللي بيعمله الراجل ده معااااااااااه فرحت انا وصاحبي الاولاني علشان نتعارك معااااه لقيناه بص لينا و اقعد يضحك و يهزر عرفنا انه
راجل مجنووووووووون ومتنا على نفسنا من الضحك اليوم ده واقعدنا نضحك على زميلنا
اللي اتمسك

و التانى خلاك تموت من العياط

فيه موقف افتكرته وهو ساعة ما كنت بقرأ في قصة واسلامااااااه اللي خدناها في تالتة ثانوي في نهاية القصة ساعة ما بيبرس قتل قطز و هو كان اعز اصحابه و قطز عفى عنه و ما رضيش يقتله وكمان خلاه حاكم مصر بعده ..................الموقف ده كنت كل ما اجي عنده اتخيله و اقعد اعيط ياجي ساعة عالاقل والاقي دموعي بتنزل لوحدها
كان موقف مؤثر جدا

و كده كفايه و ربنا يوفئك

يارب ............امين

بس هجيلك تااااااااااااانى

خلاص قربنا نشطب........ههههههههههه

الدكتورة

واضح اني وصلت متأخرة بس ما علينااااا

اهلا بيكي و لا يهمك

هنسال كده سؤالين علي السريع

اسئلي براحتك

ناوي تعمل ايه بعد التخرج؟
هابحث عن شركة كويسة اشتغل فيها

شايف نفسك ازاي بعد 10 سنين
شايف نفسي اني بحقق احلامي و ان مستقبلي ببنيه بايدي

ايه رائيك في ثورة 25 ينايروتأثيرها؟
ثورة على الظلم والفساد .........ذات تأثير ايجابي جدا على الشعب
و بداية نحو التغيير الى الافضل

ايهما تفضل الشمس ام القمر وليه؟
كلاهما ضروريان مش ينفع افضل احدهما عن الاخر بس بفضل الشمس ساعة ما يكون عندي نشاط وحيوية وبفضل القمر ساعة السكون والهدوء

رائيك ايه في كليتنا وتتمني تشوفها ازاي بعد كده
كلية العلم والعلماء ............اتمنى انها تبقى بتخرج علماء يغيروا في تاريخ البشرية
وده لو كل الاعين والاهداف اتجهت نحوها

كفاية الشوية دول وممكن يكون في مرة كمان

اوكيه.......................خلااااااااااص بنفنش علشان النهارده اخر يوم

الخل الوفي

السلامـ عليكمـ

وعليكم السلام

معليش جتلك وخري شوي
خلاص يا عم انت هاتعيض ............ههههههههه

مش هسأل كتير
يبقى احسن بردو..........ههههههه

علشان
بقى وقتي وأنت عارف
هههه............ما انا عارف وقتك من ذهب بتقضيه عالفيس

أكتر يوم أسعدك السنة دي؟؟
يوم نتيجة الترم الاول كان مفاجئة غير متوقعة بالمرة أنا قعدت حوالي شهر بعدها مش مصدق خالص

إيه تأثير الثورة على شخصيتك؟؟
خلتني اكتر ايجابية مش بشوف حاجة غلط بتحصل واسكت عليها ولو سكت ببقى متغاظ جدا وحاسس اني ضعيف اوي

.رشح 3 أشخاص ع الأقل لكرسي الرئاسة. (مش شرط يكونو مرشحين، ومش شرط يكون هتنطبق عليهم الشروط
انا عن نفسي مش عايز ارشح شخص معين وبالذات الناس اللي مرشحة نفسها اليومين دووول ، انا نفسي ارشح شخص يكون عايش وسط الشعب عارف همومهم
و مشاكلهم و مش تبع اي تيار سياسي او ديني يكون همه حماية البلد والحفاظ عليها
وعلى شعبها .

تعليقك يوم 28 يناير على الثورة؟؟ وتعليق انهارده على أعتصام بكرة (الجمعة 27 مايو)؟؟
بصراحة انا في الاول كنت من الناس اللي معارضة للثورة كنت حاسس ان دول مش
بيعبروا عن شعب مصر و انهم جماعات لهم اهداف سياسية واجندات خارجية بس بعد كده اتاكدت ان ده عبارة عن بركان غضب وانفجر في وش الظلم والفساد وايدت الثورة

واللهي انا رأيي ان احنا نحاول نهدى ونفكر بعقلانية شوية و نفكر في احوال ومصلحة البلد وفي نفس الوقت مش نسكت عن حقنا وحق الشهدا اللي ماتوا بس نحط كل حاجة في الوقت الصح والمكان الصح ربنا يكون ف عون دكتور عصام شرف

أنواع الكتب اللي بتحب تقراها؟؟ مؤلفين؟؟
كتب التفكير و العقل زي مثلا كتب توني بوزان و كتب معينة في علم النفس تعتمد على دراسة الشخصية من ناحية علمية و كتب عن الكمبيوتر والنت وكتب الكتور مصطفى محمود كلها


.أكتر مادة (من مواد الحيوان اللي درسناهم) بتحبها؟؟
كانت مادة سهلة جدا جدا مش بتاخد وقت في المذاكرة وكانت شيقةmarine biology جدا انا كنت حاسس اني بعوم في المحيط وبشوف الكائنات والاسماك الغريبة

شايف نفسك بعد خمس سنين إ ش ا تكون إزاي؟؟
اكون شغال في شركة كبيرة ، وممكن اكون بعمل ابحاث في مجال معين

سورة بتحب تقرائها دايماً؟؟ آية بتكررها دايماً؟؟ دعاء؟؟
سورة الذاريات _ اية : يوم هم على النار يفتنون ذوقوا فتنتكم هذا الذي كنتم به تستعجلون _دعاء: سيد الاستغفار

.أوصف الطالب المثالي لـ علوم من وجهة نظرك؟؟
انه يكون بيفكر اهم حاجة علشان هي دي اللي هتفرقه عن طالب اي كلية تانية _
انه يكون بيحاول يفيد البلد بالعلم اللي خده ____انه بيحكم على كل الظواهر بطريقة عقلانية مش بيصدق اي كلام وبيكون عنده الحس النقدي _ويكون مش كسوووول

أقوى قرار أخدته؟؟
لما سكنت المدينة وياريتني ما سكنت سبتها بعد شهرين بالعافية بس كنت بعاند نفسي

بـ كفاية ـس
سلامـ

سلاااااااااام

خبر هااااااااااااااااااااااااااااااااااااااااااااااااااااااااااااااااااااااااااااااااااااااااااااام يا يشر
النهارده اخر يوم ليا على كرسي الاعتراف ما اعتقدش ان في حد تاني هيسأل
ترقبوا العضو سعيد الحظ اللي امه داعية عليه وهيقعد بعدي ع الكرسي
ترقبوووووووووووووووووووووووووووووووووووووا بعد قليل

نحن بانتظاااااار العضو الجديد

يسم الله الرحمن الرحيم

اولا: احب اشكر كل الناس اللي سألوني على كرسي الاعتراف و اتمنى اني كنت ضيف خفيف عليهم

ثانيا:ارائي في الاعضاء كانت نتيجة مواضيع او ردود شفتها ليهم جايز تكون صح و جايز تكون مش صح
فارجو ان مفيش حد من الاعضاء يزعل مني سواء على كرسي الاعتراف او غيره لاني اكيد
مش قصدي ازعل حد

ثالثا:طبعا لظروف الامتحانات في الوقت الحالي العضو اللي هياجي بعدي على الكرسي من حقه يعتذر عنه لو
مش هيقدر يقعد دلوقتي بس يحدد الوقت اللي هيكون قادر انه يقعد ع الكرسي بعد كده

رابعا: بدعي ربنا يكرمنا كلنا في الامتحانات و يوفقنا كلنا قولوا اميييييييييين وشدوا حيلكم في المذاكرة


والله الموفق



ودلوقتي جه الوقت اللي هعلن فيه اسم العضو او العضوة
اللي هحطه ع كرسي العذاب قصدي كرسي الاعتراف هو













































































رحبوا معايا بالعضوة اللي هتنورنا اسبوع بحاله على كرسي الاعتراف

العضوة معنى السكوت
يا الف مرحب بيكي يا معنى السكوت

وأخيرا احمد
خلص الكرسى بسلام
وبدون اى خسائر

ومبروووووك يا معنى السكوت
بس انا خايفة ان معنى السكوت
مش تأجل الكرسى علشان الامتحانات
دى ممكن تعتذر اصلا

عموما انتى منورانا يا معنى السكوت
حتى من غير ما نسألك ع الكرسى

اهلا بيكى يا معنى السكوت وكرسى سعيد ان شاء الله

اها
يا خسارة
طبعا كلنا بنعذر معنى السكوت وا ش ا تطون فى فرصة قريبة معانا
ومستنين العضو او العضوة الجديدة اللى هينورنا او هتنورنا