Nada khaled على كرسى الاعتراف

تكملة اسئلة محمد سعد


ايه رايك ف الاعضاء دى

1 بريف هارت

ذكية ولماحة
بس غاوية تتعب نفسها


2 مون دريم
طيبة ورومانسية


3 معني السكوت

موجودة ف المنتدى ومش موجودة


4 الدكتوره

ذكية ودمها خفيف


5 بيور هارت

نفسي اعرفها


6 سم تايميز

هادية وشقية ف وقت واحد


7 جاست ذا بيست

جدعة ولسا عندها كتير


8 بنت الاسلام

طيبة وذكية


9 تريس اوف مون

مختفية من المنتدى
بس بموووووووت فيها


-10 الادمن

ذكى ومثقف
وطيب جدااا


11 احمد منجود

جدع وطيب
واحيانا بيبقي مش مفهوم


12 موود

شاعر جميل
هههههههه
بس مظبطكم ع الاااااخر


13 اخيرا انااا

جدع ورومانسي
ودمك خيف


وظف الصفات دي للاعضاء

جرئ

معنى السكوت و مود


رومانسى

انت ومون دريم


متواضع

مشكاة الانوار وشيماء


هزاره تقيل

ههههههه
كل الناس اللي سألتنى كتييير


اجتماعى

جاست ذا بيست و ابو تريكة


مواضيعه حلوة

انت والسنراوى وادمن



أكمل
*العضو/ة اللي تتمنى تشوف شكله هو ....... بيور هارت
.
*العضو/ة اللي نفسك تعطيه كف بتهريج ........
أهو هو دة بقي الهزار التقيل
هههههه
أكيد محدش يعنى


*العضو/ة اللي نفسك تعطيه كف مش بتهريج ........
ههههههههه
وليه كدة يعنى
اكيد عمرها ما هتوصل لكدة


*عضو/ة تحس انه تخييين ........
*عضو/ة تحس انه حلو ........

ع اى اساس يعنى انا ممكن احس بكدة
مش فاهمة
من حجم الكلام يعنى ولا طعمه
هههههههههه
اكيد مش حاسة كدة ف حد اصلا


*عضو/ة رومانسى ........

انت ومون دريم

*عضو/ة مثقف ........

ادمن والسنراوى


أختر
*أكتر سنة حبتها فالكلية..... (1/1 - 1/2 - 2/1)

1\2

*أيه رأيك فيا .... (جدع - كويس - جدع وكويس)

والله يا محمد انا كنت طول عمرى شايفاك جدع وكويس وكل حاجة
انما بقى بعد كل الاسئلة دى
.
.
.
.
.
برده جدع
اعمل ايه يعنى دة انت مهما كان دفعتى يعنى
هههههههه



*مواضيعى ..... (حلوة - جامدة - جميلة)؟

لا راااااااائعة يا محمد
اى خدمة




يعني اظن كده كفايه
يلا شويه اسئله ضغنين تتسلي بيهم لحد اليومين ما يخلثوا
ههههههههههههه


انتظري لو لقيت اسئله تاني
ههههههههههه

خلاص
شطبنا
ااااااااخر يوم

الادمن يواصل اسئلته اللي بيقول انها سهلة

نظرا لانك صعبتي علي ونظرا لأني شايف أنه بقى فيه اسئلة في الصميم ونظرا لضيق الوقت ونظرا لأن الفلاشة بتاعة النت مش جايبة شبكة منها لله ونظرا لأني كررت كلمة نظرا كتير فأنا هسأل سؤالين (كالعادة سهلين)

فعلا زى العاااااادة

شخص مش تقدري ترفضي ليه طلب ما عدا اسرتك وطبعا اخوكي مصطفى ؟

مش قاعدة
يعنى بخلاف اهلي مش في حد معين
بس عموما بيبقي علي حسب غلاوة ومعزة الشخص دة عندى


نسبة الفضول عندك كام في المية في شخصيتك؟

بين 30 و 40 فالمية


الشيخ اللي بتحبي تسمعي القرآن بصوته؟

خالد القحطانى والعفاسي
وخد دى بفي زيادة منى
الشيوخ اللي بحب اسمعها وبقتنع بكلامها
محمد هداية وعلى الجفري ومحمود المصرى
طبعا مع حفظ الالقاب


اول حاجة ممكن تشدك في شخصيات الناس اللي بتتعرفي عليها جديد ؟

غالبا بيبقي اول موقف اتحطيت معاهم فيه واسلوب تصرفهم فيه او اسلوب كلامهم
وكمان مدى احساسي بتقبل الناس دى ليا


اللاعب المفضل في العالم ؟ (طبعا كرة قدم )

كرستيانو رونالدو


الفريق الاوروبي المفضل ؟

مانشستر يونايتد وانتر ميلان


اللاعب المفضل محلياً؟

محمد بركات



حاجة شايفة نفسك مميزة فيها عن كل اللي تعرفيهم في الكلية ؟

علاقتى بالناس والدكاترة


اوصفي بطريقتك كل مما يلي :

* الصداقة

ف حياتى هى اهم حاجة
والمميز ف الصداقة ان انت بتختار بمزاجك الناس اللي انت بتتوافق معاهم
يعنى مش زى الاهل انت بتتولد تلاقيهم من غير ما انت تختار

* الاطفال

طبعا احلى حاجة فيهم البراءة والتلقائية
واعتقد ان مهما الواحد يكبر لازم يحافظ جواه علي جزء من الطفولة دى
وانا كدة
احيانا جوايا بحس ان فيا طفولة لسا


* الحيوانات

عالم غريب
وبحاول أتأقلم معاه من السنادى


* السعادة

سرها هو الرضا والقناعة
والنجاح



ياترى ممكن تحسي بصدق اللي قدامك ؟ وطريقتك في معرفة ده؟

اه اكيد بحس بكدة
ومالهاش طريقة يعنى
هو احساس
والاحساس ملوش طريقة



ايه الحاجة اللي ممكن تعصبك جدا ؟

انا ف العادة مش بتعصب اوى
انما بضايق جدا لما احس ان انا ف مشكلة
ومش عارفة احلها
لان الحل مش ف اديا


اكتر اغنية بتحبي تسمعيها ؟

اغنية احلم معايا اللي انا نزلتها قبل كدة

كفاية كدة
بالذمة عمرك شفتي رحمة زي كدة!!!!!؟؟؟؟؟

هههههههههه
لا طبعا مشوفتش
ولا هشوف

مشكاة الانوار كتب:

انا جاية اقول لك يا ندى بعد السلام والذى منه
ربنا معاكى الاعضاء ماشاء الله شكلهم بيعزوكى اوى مش لاقية اسئلة تانية تتقال
وهانت

يا سلااااام يا مشكاة الانوار لو كل الناس زيك
تدخل تسلم وتطلع
كان هيبقي احسن بكتيييييييييييييير
بدل العذاب اللى انا فيه ده


شكرا ليكى

احمد منجوووووود
اللي كان نايم طول الاسبوع وفاكر يصحى دلوقتى
بس كويس سئل سؤالين قليلين


هل احسستى يوما بالوهم؟

اه

و ان لم تكن لم تحسيه فلماذا ؟
و ان احسستيه فايضا لماذا؟


حسيته لما اديت لنفسي امل ف حاجة مش ف اديا


لو معك مفتاح السعاده و امامك ابواب كثيره ففى اى شى تجدى مفتاح السعاده؟

فى العمل
دة اهم حاجة عندى دلوقتى


اذا وصفوكى بالغرور فماذ يكون ردك؟

انتو مش فاهمينى كويس


و اذا احسستى بالغرور فماذ تفعلى؟

هنسحب

واخيييييييرا واآخراااااا
اخر حد هجاوب عليه
مع ان المفروض ان مكنش حد يسأل انهردة
لان اخر يوم بيبقي للاجابة
بس يلا
مااااااا علينا
اسأل يا موود

* هل سبق لك أن :- الاجابة ب نعم او لا
- تركتي الصلاة لفترة


للاسف اه

- ضربتي حد بالألم

لا
بخلاف هزارى مع مصطفي لان هزارنا تقيل شوووووية

* ماذا تفعلين إذا :-

- نجحتي
1/ امتياز ؟ ............

اكيد هفرح جداا

2/ جيد ؟ ............

وماله
حلوة
هفرح برده


3/ مقبول ؟ ............

اكيد مش عايزاها تحصل
بس برده اسمها نجحت


* تقولي ايه ل:-

admin

حاول توسع دايرة علاقتك بالناس اكتر
بس من غير ما تدى الثقة الكاملة الا للي يستاهلها
فعلا هتستفيد


ahmed

كان نفسي تبقي اخويا فعلا


moon


انا محظوظة ان احنا بقينا اصحاب


brave

انتى غاوية تتعبي نفسك ع الفاضي
الموضوع ابسط من كدة



واخيرا * ماهو الحد الادنى للشراء من معرض الكتاب؟


والله يا محمد دة موضوع هنتناقش فيه كلنا
بس متحلمش
برده هنطبقها عليك يعنى هنطبقها عليك
حتى لو دخلت ف التنظيم

قابل بقي
هههههههه

اااااااااااااالحمد لله

انا مش مصدقة ان انا خلصت الاسبوع دة
اطول اسبوع ف حياتى


ودة اعتراااااااااااااااااااااااااااااااااااااااااف منى

ان في اسئلة مجاوبتهاش
ودة لان في بعضها عايزة احتفظ باجابته لنفسي
او معترضة انى اتسأله
او مش لاقياله اجابة

شفتو الصراحة؟؟؟؟؟؟


وانتظرو معرفة من سيجلس علي الكرسي بعدى

بريف هارت
اللي مفروووووض صحبتى
بس بعد الاسئلة دى كلها
تاكدى
انى هفكر ف علاقتنا تانى مع بعض

ههههههههههههههههه
طيب ماشى
بس أحنا أصحاب
سواء رفضتى أم قبلتى
لا لا ندى بجد أنتى أعز صحباتى
ربنا مايحرمناش من بعض طول العمر

عضو لا تتمنى ان يغيب ابدا ؟


انتى يا بريف
لانى حاسة ان الايام الجاية دى بالذاااااااااات مش هنشوفك

خير اللهم أجعله خير
ليه هو انا مسافرة ولا حاجة !!!

1 بريف هارت

ذكية ولماحة
بس غاوية تتعب نفسها

الأختلاف فى الرأى
لا يفسد لموضوعنا قضية

brave
انتى غاوية تتعبي نفسك ع الفاضي
الموضوع ابسط من كدة

أنتى فهمانى غلط
وأنا حاسة أنى ما بقيتش
فاهمة أى حاااااااااااجة

!!!!!!!!!!!!!!!

وكرسى يفوت ولا حد يموت
هههههههههه
يالا الى اللقاء
فى المرة القادمة
هههههههههه

اممممممم
نقدر نقول اجابات كانت جميلة
وكفاية بس ان انتى اللى على الكرسى لازم يبقى جميل
وخسسسسسسسسارة الاسبوع عدى بسرعة
بنفكر نمد اسبوع كمان
هههههههه

والله نورتينا الاسبوع ده
وميرسى جدا للكلام اللى قولتيه عنى
واكيد انا كمان محظوظة ان احنا بقينا اصحااااب


اسيبك بقى واقعد ارسم شويه ههههه


شوفتى انا مبدعة ازاى انتى عارفه طبعاااااااااااااااااااا
اللى بيترسم ده ليكى وانتى وحظك ههههههههه
يلاااااااااااااااا سلاااااااااااااموز

والله ياندى كنتى منورانا الاسبوع اللى فات
وانتى ع طووووووول والله بتبقى منورة اى مكان موجودة فيه
وعقبال المرة الجاية ان شاء الله

محمد سعد

شكرا ليكي يا ندي
بس ايه دمي خيف دي هههههه عشان تقولوا بكتب غلط


هههههههه
لا يا محمد مش عشان الكتابة غلط
عادى يعنى دمك خفيف ع طول

وفعلا
دفعتنا استاذة ف كل حااااااااجة





مون دريم


والله نورتينا الاسبوع ده
وميرسى جدا للكلام اللى قولتيه عنى
واكيد انا كمان محظوظة ان احنا بقينا اصحااااب



ودى منى انا كمان

بنت الاسلام

والله ياندى كنتى منورانا الاسبوع اللى فات
وانتى ع طووووووول والله بتبقى منورة اى مكان موجودة فيه
وعقبال المرة الجاية ان شاء الله


شكرا ليكى يا بنت الاسلام
انتى اللي منورة والله









والاااااااااااااااااااااااااان

مع الخبر الجديد والمنتظر



سيجلس بعدى ع كرسي الاعتراف












العضو








A R M





ونتمنى له كرسي سعيييييييييد ان شاء اااااااااااالله

كورسى موفق يا ندى خالد بس بجد كان نفسى اسئلك
و ان شاء الله تتعوض فى العضو A,R.M..

بس هوه انا المفروض اسئل فين بالظبط

يعنى اسئل هنا و لا ف مكان تانى

salma كتب:

بس هوه انا المفروض اسئل فين بالظبط

يعنى اسئل هنا و لا ف مكان تانى

اه يا قمر المفروض تكتبى هنا عادى ونورتينا فى المنتدى

اهلا وسهلا بالعضو
A R M

ا ش ا تنور الكرسى
ويكون كرسى مريح

Nada khaled كتب:

والاااااااااااااااااااااااااان

مع الخبر الجديد والمنتظر



سيجلس بعدى ع كرسي الاعتراف












العضو








A R M





ونتمنى له كرسي سعيييييييييد ان شاء اااااااااااالله

ومااااااااااااااااله كرسي يفوت ولا حد يموت
شكرا يا ندى عالتدبيسة الجامدة دي
و مردودالك في الافراح

salma كتب:

كورسى موفق يا ندى خالد بس بجد كان نفسى اسئلك
و ان شاء الله تتعوض فى العضو A,R.M..

يا مرحب بيكي اسألي براحتك

Moon_dream كتب:

اهلا وسهلا بالعضو
A R M

ا ش ا تنور الكرسى
ويكون كرسى مريح

مريح
هههههههههه
ماعتقدشي...........لسه هنشووووف
ميرسي ليكي

Eмpεлoл كتب:

[ندعوك للتسجيل في المنتدى أو التعريف بنفسك لمعاينة هذه الصورة]


اختياااااااااااااااااااااااااار ممتاز

اهلا ب ابو رمضاااااااااااان السكري

هتموت اسئله يا برنس

ههههههههههههههه
يا عم ماتدقش سكري ولا ابو سرة ........اهو كله برتقاااااال
هههههههههههههه
وريني شطارتك انت بس يا بربس

أحمد مبرووووك
الكرسى

واسبوع مريح من غير
أى متاعب

مبروووووووووك

بريف هارت

أحمد مبرووووك
الكرسى

الله يبارك فيكي وعقباااال عندك ا ش ا

واسبوع مريح من غير
أى متاعب

هتيجي منين الراحة ده بيقولي هموتك اسئلة
يعني ربنا يرحمني