هل نحن جيل فاشل ادخل و قول الى فى نفسك

كثير ما نسمع هذه الايام الناس يقولون ان:

الزمن تغير ولم يعد مثل اول... ياريت ايام زمان ترجع...

كانوا الناس اخوان... وكل شيء كان له طعم...

الكلام كثير نسمعه في مجالس الكبار ويرون ان هذا الجيل لا يصلح لتحمل

المسوؤليه...

وان زماننا في كل اطرافه زمان لا يصلح للمعيشه وانه زمن الاتكال على الغير

نسمعهم يتحسرون على ايامهم الماضيه..

ويصفوننا ويصفون زماننا بامور غريبه..

فهل نظرتهم صحيحه ام انها خاطئة ؟؟

وهل هم دوما محقين فيما يذهبون اليه..؟؟

وهل يخلو عصرنا من كل شيء جميل لهذه الدرجه التي يرونها؟؟

اريد ان اسمع ارائكم بعقلانيه

فهل نحن جيل فاشل؟؟؟

أنتظر أرائكم

السلام عليكم و رحمه الله و بركاته
صلي الله علي النبي الأمي وعلي امه الاسلام أجمع
أما بعد
هذا الموضوع كبير جدا جدا جدا
و اختلف فيه العلماء و الخبراء
وانقسموا الي مجموعتين
المجموعه الاولي تقول ان هذا الجيل هو جيل الانحلال واللهو و اللعب
استخدام الاشياء الاستخدام المضر للفرد و الجماعه

المجموعه الثانيه تقول ان هذا الجيل هو جيل لم يجد من يوجه الي الطريق الصحيح
وانه جيل في غايه من الذكاء و عطاء في العمل ومع التكنولوجيا الموجوده الان هذاالجيل سوف يصل للامه الي اسمي درجه من النجاح ولكن مع التحلي بأسس الدين

و سلملي علي المجموعه الاولي هههههههههههههههههههههههههههههههه
Laughing

الموضوع جميل جدا فعلا بس احنا مش جيل فاشل ولا حاجة انا شايفة كده يعني ااحنا فعلا روشين وبنحب اللعب وحاجات كتير فاضية بس يعني المفروض اننا بنجاري العصر والاحداث واكيد مش الناس كلها زي بعضها وكل جيل ليه عيوبه ومميزاته ممكن يكون زمان بيتميز بحاجات حلوة لكن احنا كمان في عصر التقدم في كل حاجة وبردو جيلنا في حاجات حلوة كتير ده رايي

انا بقول رائ فى الموضوع ان احنا مش جيل فاشل بدليل اننا تطورنا و قدرنا نفكر و نخترع و نطور لحد ما قدرنا نوصل الناس لاقل و ساائل التعب ووفرنا باختراعتنا كل سبل الراحه بس المفروض اننا مع اختراعتنا الى بتتغير مش لازم نتغير لان الرسول قال انتم اعمل بامور دنياكم بس مش قال غيروا من مبادئكم و اتخلوا عن عاداتكم و تقاليدكم

لا طيعا احنا مش جيل فاشل
العصر الي احنا فيه عصر النهضه والتكنولجيا والتطور والتقدم بالامة كلها
صعب كلمة زي ديه تتقال على عصر النت والحضارة بس للاسف استخدام اكثر الشباب لكل وسائل التطور بصورة سيئه جعلت معظم العلماء يقولوا على جيلنا اننا جيل فاشل
والواجب علينا نثبتلهم غير كده

عندكم حق فى كل كلمه بس الموضوع لما شوفته فى المنتتدى الى قريته عليه الناس الكبار كانت شايفانا فاشلين من نحيه اننا سيبنا العادات و التقاليد

بس مش كل العادات والتقاليد الي نشأنا عليها لازم متتغيرش
لان كل حاجة حوالينا بتتغير وكل يوم مختلف تماما عن اليوم الي قبله
بس انا متفقه ان في اصول مش هقول عادات وتقاليد لازم كلنا نلتزم بيها مهما تعاقبت الاجيال

صحيح الزمان الى احنا فية بئا صعب والماديات طغت على كل حاجة وان ايام زمان كانت أحسن من الايام دى لكن مازالت هناك حاجات كتير حلوة فى حياتنا موجودة بيننا وبنلتمسها ومش هنحس بيها الا لما تفوت وتعدى وتصبح ماضى ونتذكرها وقتها ونقول ياريت الايام دى ترجع تانى ونعيشها ولو للحظات....................وكمان مش لازم نحكم على كل الجيل بالفشل لكن هناك الفاشل فعلا الى مش لائى حد يوجهة وفية الناجح الى عرف طريقة صح ومشى فية وفية الى بيحاول .............................واخيرا عاوز اقول لكم ............................عيشوا كل لحظة فى حياتكم كانها أخر لحظة....عيشوا بالحب لكل الناس....عيشوا بالكفاح...عيشوا بالأمل ...عيشوا بالايمان .زوقدروا قيمة الحياه

الموضوع بصراحة حلو اوى يا احمد بس احنا بالتأكيد مش جيل فاشل احنا فينا مميزات كتير كويسة زى كل زمن كل جيل له مميزاته واساليبه فى التعامل مع الواقع اللى بيعيشه
احنا بنقدر نستخدم كل وسائل التكنولوجيا فى سبيل راحتنا بنقدر نتعامل مع الناس بطرق حديثة وباساليب ممكن نقول عليها شوية علمية

بس اكيد فيه مننا الفاشل وفيه برده مننا الناجح وفيه ناس بتحاول انها تنجح فى عصر كله ماديات بس برده لسه عندنا مشاعر نقدر نساعد بيها بعضنا والدليل الجمعيات الخيرية اللىبيقوم بكل ادوارها وانشطتها شباب زى اى واحد فينا
وبخصوص العادات والتقاليد فيه عادات وتقاليد لو فكرنا فيها شوية هنحس ان فيها حاجات مش صحيحة او بتفرض قيد لكن لازم فى الاساس نحكم ديننا فى كل امور حياتنا ونحافظ على مبادئنا ونوجه نفسنا لاهداف ونحاول تحقيقها واكيد اللى بيقول علينا جيل فاشل هيقتنع بينا فى النهاية
تقبلوا مرورى

طبعا لازم نتقبلوا بعد الكلام الجميل ده شكرا ليكى

طيب تيجوا نتكلم فى الموضوع
بعد 25 يناير
والشباب الفاشل
عمل ثورة علمت العالم كله

ليا رائى احنا مش فاشلين
ومش مكبريين دماغنا
بس بنعمل كده قدام الناس
بس فى وقت الجد
بيبان معدنا الحقيقى
والناس معادن
ههههههه

شكرا ليك يا احمد
ع الموضوع
وتقبل مشاركتى المتواضعة

كلامك جميل يا بريف
وانا معاكى واضيف على كلااااااامك
احنا مش فاشلين
ومش مكبريين دماغنا
بس بنعمل كده قدام الناس
بس فى وقت الجد
بيبان معدنا الحقيقى

ان احنا مصريييين
ودى حاجه فى طبعناااااااااا
بنقف وقفة رجاله يعنى فى اوقات الشده

نايس توبيك

ومين قال اننا كنا فاشلين قبل الثوره
بالعكس وانا بتكلم عن نفسي
اللي كنت عايز اعمله بعمله

ولا بخاف من فلان ولا علااااااااااااان
اهم حاجه احقق طموحي و هدفي

احنا مش فاشلين
احنا شعب بيحب المرح والفكاهه
بس وقت الجد فعلا زي ماقالت مون
رجاااااااااااااله
والمواقف ف دا كتير

احنا مش جيل فاشل بس مفيش حد حاسس بقيمتنا ومش عارفين يستغلونا صح واسلوب التعليم هو اللى فاشل لانه جعل الشباب مش عارف ميوله ايه طبعا مش كله بس كتير يعنى كام واحد منا اهله كانوا رسمين له انه يدخل علمى وهو دخل ويمكن دخل طب كمان بس عندها ووقف لانها مش ميوله بس مجرد انه مشى وراء كلام ناس تانية وكام واحد اخذ شهادة ومفيش شغل فنسى اللى اتعلمه مشكلتنا ان مفيش حد عارف قيمتنا بس لو يصححوا مفاهيمهم عن الشباب ونغير بقى اسلوب التعليم وننسى حكاية علمى وادبى دى وكلهم امام اولياء الامور سواء كنا اتغيرنا كتير

انا رايى اننا مش فاشلين كل الحكاية اننا عايزين فرصة بجد

» فاكر نفسك عندك قوة ملاحظة .... طيب ادخل
» دعاء طالب فاشل
» اختبر نفسك