اســيــر على الكرسى الــمــثــيــر "كرسى الأعتراف"

السلام عليكم ورحمة الله وبركاته
يسعدنا ويشرفنا ان يكون معنا الفتره القادمه على كرسي منتدانا الموقر السيد العضو صاحب البصمة التى هزت قلوب الاعضاء والتى احدثت صخبا عارما في الاوساط العربيه (1) والاجنبيه(2) حتى ان مراسلونا وصفوا الوقع الصارخ على مسامع المشاهدين ليس فقط لانه سطر بيديه خبر وفاته ولكن ايضا لنثره قصته المشهورة (تحياتى لمن دمرت حياتى)ذلك ان المشاهدين الكرام انتابتهم حالة من الياس جراء الاحداث التى غيرت مسار القصة ونحن في انتظار باقى ابداعاته .




معنا على الكرسي السيد العضو / أسير الخطايا



خالص تمنياتنا بقضاء وقت ممتع على كرسي منتدانا وننتقل الان الى بطاقة تعريفكم
نبدا كده بسؤال عااااااام


تخيل نفسك داخل مقابلة شخصية واتسالت السؤال ده: عرفنا بنفسك ؟؟



اقعد كده و وخد راحتك ونرجعلك بعد الفاصل
(1) كليتنا
(2) الكليات الاخرى

ههههههههههههههه على فكره ده كان نص المقدمة اللى كنت محضرها وكنت لسه بضغط لكن انت الاسبق بدقيقه واحده

السلام عليكم ورحمة الله

اهلا اهلا اهلا سيد عصام الكرسي منور
اسئلة خفيفة كده عالسريع والتقيل اكيد هييجي في السكه
اكمل
اسمك ثلاثى :
السن :
الهوايات :
ناوى اتخصص:
مجموعى في ثانوى:


احساسك بعد استلام الكرسي مع انى متاكد انك كنت متوقع جلوسك عليه بعدي؟

عملت ايه في الاجازة من بدايتها لحد دلوقتى ؟

كم ساعة تجلسها على النت ؟ مع ذكر المواقع اللى حضرتك مسجل فيها.

ما مدى تاثرك بوفاة جارك الشاب الذى توفي اثر صدمه قلبيه؟ وهل ترى انك استفدت منها بمعنى هل تغيرت؟
النتيجة عالشبابيك ايه توقعاتك؟
سمعت عن معسكرات اعداد القاده؟اشتركت فيها لو اشتركت قول هتروح فين؟

كنت ناوى تدخل كلية ايه؟ وكبف استقبلت نبا دخولك علوم؟
ايه رايك في كليتنا ؟ وطبعا الدكاتره والطلبه ؟

احسن دكتور من وجهة نظرك؟ وليه؟
احسن معيد؟وليه؟
شخص استفدت منه في حياتك؟
اكتر موقف محرج حصل ليك في الجامعه ؟
اكتر سؤال محرج اتسالته في حياتك؟


كفايه عليك كده دلوقتى ,خالص تحياتى
السلام عليكم ورحمة الله

اهلا بيك ويارب يكون الكرسى مريح يا استاذ عصام
او اسير الخطايا او الخل الوفى اسمائك كترت

احيك على مقدمتك الجميلة وشكلها بداية موفقة لك
وتعليقا على طالب فى سنة ثالثة علوم
يسمع منك ربنا ان شاء الله بس بعد النتيجة نقول كده

بحضرلك الاسئلة فاصل وهسأل
انت بس جهز نفسك
تقبل مرورى وربنا يكون فى عونك

السلام عليكم ورحمة الله
و عليكمـ السلامـ و رحمة الله
اهلا اهلا اهلا سيد عصام الكرسي منور
أهلا ً بيك ،، الكرسى هينور أن شاء الله بمشاركتك أنت وباقى الأعضاء
اسئلة خفيفة كده عالسريع والتقيل اكيد هييجي في السكه
أتفضل برحتك ،، طبعا ً ياعم مأنت يومك عدى
اكمل
اسمك ثلاثى : عصام محمد محمد
السن : 18 "سؤال ذكاء ده ،، ماهى مكتوبة يابنى فـ البيانات!!"
الهوايات : القراية "شعر و قصص وحاجات من دى" - التطلع و المعرفة - الأبداع - الرياضة وحاجات تانية
ناوى اتخصص: حيوان أن شاء الله لو مجاش حيوى
مجموعى في ثانوى: مش بتفرق دلوقتى ،، كلنا فـ الهوا سوا


احساسك بعد استلام الكرسي مع انى متاكد انك كنت متوقع جلوسك عليه بعدي؟
اها كنت متأكد مش متوقع ،، ومع ذلك أتفاجئت وتعبت مـ المفاجأه ونزلت دمعتى
عملت ايه في الاجازة من بدايتها لحد دلوقتى ؟
يعتبر بدأت حفظ قرآن - مشترك فـ جمعية للأعمال الخيرية - العلاقات بين قرايبى وبعض صحابى قربتها أكتر - هبدأ icdl قريب أن شاء الله - ومقضيها بقى تلفزيون ونت ولعب وخروج وسفر واحتمال الأسبوع الجاى مصيف بأذن الله
كم ساعة تجلسها على النت ؟ من 6 لـ 8 تقريبا ً
مع ذكر المواقع اللى حضرتك مسجل فيها. أكتر مواقع بزورها (طريق الأسلام) و (قرآن mp3) و (فونكات) و (عرب سيد) وغيرهم كتيييير ،منتديات زى (ماى آيجى) و (أصحاب كوول) وغيرهم...

ما مدى تاثرك بوفاة جارك الشاب الذى توفي اثر صدمه قلبيه؟
كان قبل آخر أمتحان الترم التانى سنة أولى والله ماكنت بعرف أذاكر كلمة ولا أنام لحظة
وهل ترى انك استفدت منها بمعنى هل تغيرت؟
أكيد طبعا ً بقيت متوقع الموت فآى لحظة
النتيجة عالشبابيك ايه توقعاتك؟
مش حاطتها فـ دماغى آوى بصراحة ،، مش ثقة والعياذ بالله ههههه .. ربنا يسترررررر أدعيلى
سمعت عن معسكرات اعداد القاده؟ آه أكيد
اشتركت فيها لو اشتركت قول هتروح فين؟ لأ كنت هشترك بس ملقتش اللى يشجعنى

كنت ناوى تدخل كلية ايه؟ كنت حاطت فـ دماغى علوم من ثانوى قبل ماعرف حتى حاجة عنها
وكبف استقبلت نبا دخولك علوم؟ الحمد لله
ايه رايك في كليتنا ؟ كلية علوم بوجه عام أحسن كلية ، لكن علوم فيوم محتاجة تنظيم وأمكانيات
وطبعا الدكاتره والطلبه ؟ الدكاترة فيهم و فيهم ،، الطلبة الأغلبية مهملين وأنا أكترهم

احسن دكتور من وجهة نظرك؟ وليه؟ د/ نجلاء ،، لأن عندها مصلحة الطالب أولا ً
احسن معيد؟وليه؟ معيدين الكميا الرجالة "د/حسين و د/ نادر ود/سيد" ،، لأن شرحهم ممتاز
شخص استفدت منه في حياتك؟ الرسول "صلى الله عليه وسلم" أولا ً ثم علماء المسلمين وناس كتييييييييييييييييييرة جدا ً
اكتر موقف محرج حصل ليك في الجامعه ؟ متحرجنيش بقى طبعا ً مش ينفع أصيح لـ نفسى قدام الناس كده
اكتر سؤال محرج اتسالته في حياتك؟ ههههه ،، دانت مصر تحرجنى بقى ،، مش هقوله طبعا ً ومعتقدش أن حد هيسألهونى..


كفايه عليك كده دلوقتى ,خالص تحياتى
أوك ،، تحياتى ليك
السلام عليكم ورحمة الله
وعليكم السلام

اهلا بيك ويارب يكون الكرسى مريح يا استاذ عصام
او اسير الخطايا او الخل الوفى اسمائك كترت
أهلا ً بيكى ،، وأن شاء الله مريح ،، لأ اسير أفضل

احيك على مقدمتك الجميلة وشكلها بداية موفقة لك
وتعليقا على طالب فى سنة ثالثة علوم
يسمع منك ربنا ان شاء الله بس بعد النتيجة نقول كده
لييييييييييييه بس أحبطينى!!! أن شاء الله خيييييييير ،، لازم نحسن الظن

بحضرلك الاسئلة فاصل وهسأل
أوك برحتك ع الآخر

انت بس جهز نفسك
أنا جاهز

تقبل مرورى وربنا يكون فى عونك
أسعدنى مرورك ،، يارب

السلام عليكم ورحمة الله
وعليكم السلام

بمناسبة كتر الفواصل في المنتدى انا جاية ابارك على الكرسي والاسئلة بعد الفاصل ههههه
ههههه الله يباركلك ،، أوك تيك يور تايم

وان شاء الله كرسي مريح
يارب ،، شكرا ً ليكى

فااااااااصل أنا قمان أشمعنى

السلام عليكم ورحمة الله
ازيك يا بنى عامل اى (بما انى لم اراك منذ اسبوعين)
بعد السلام والذى منه نخش فى االاسئلة على طول|

1-هل انت محافظ على الصلاة فى جماعة؟والفجر؟

2-متى اخر مرة ختمت القرآن؟

3-مين اقرب الناس ليك فى البيت بعد الوالدة طبعا؟فى الحى؟فى الدفعة معانا؟

4-هل انت انانى ؟

5-مين الشخص اللى صاحبته وندمت على صحبته؟

6-اى الحاجة اللى عملتها وندمت عليها؟

7-اى الحاجة اللى كان نفسك تححققها ومقدرتش؟

8-اخواتك اى فى حياتك؟

9-مين الشخص اللى بتكره فى الله؟

10-انت مبتسألش عنى لي؟ وما تقولش مشاغل لانى اخر مرة اتصلت بيك وكمل الباقى انت...................


س.............لا......................م

السلام عليكم ورحمة الله
وعليكم السلام

ازيك يا بنى عامل اى (بما انى لم اراك منذ اسبوعين)
بعد السلام والذى منه نخش فى االاسئلة على طول|
الحمدلله تمام طول ما سيدتك تمام

1-هل انت محافظ على الصلاة فى جماعة؟والفجر؟
للآسف معظم الصلاة بتكون فردى وفـ البيت، الفجر الحمد لله فـ الأجازة بصليه حاضر وأحيانا ً فالمسجد جماعة

2-متى اخر مرة ختمت القرآن؟
رمضان اللى فات

3-مين اقرب الناس ليك فى البيت بعد الوالدة طبعا؟فى الحى؟فى الدفعة معانا؟
فـ البيت اخويا اللى فبلى علطوول - فالحى اعز اصحابى ببقى معاهم معظم اليوم فى كذا واحد كدا قريبين منى وكل هذارى وكلامى معاهم - فالدفعة أنت و محمود مع أنى دايما ً بنتقد تصرفاته بس بعزه جدا ً وباقى صبيان الدفعة والله كويسين وجدعين جدا ً

4-هل انت انانى ؟
فـ الأغلب لأ ،، وكتير باجى على نفسى عشان غيرى واللى يعرفنى كويس يشهد بكده

5-مين الشخص اللى صاحبته وندمت على صحبته؟
واحد كان من أعز أصدقائى فـ أعدادى ،، ربنا يسامحه ويسامحنى بقى

6-اى الحاجة اللى عملتها وندمت عليها؟
انى دايما ً بهمل وأضيع وقت خصوصا ً فـ مذكرتى

7-اى الحاجة اللى كان نفسك تححققها ومقدرتش؟
لأ مش مقدرتش ،، أنا اللى محطتهاش فـ دماغى آوى ومعملتش ليها بجد معنى عاوزها جدا ً

8-اخواتك اى فى حياتك؟
أزاى؟؟!!

9-مين الشخص اللى بتكره فى الله؟
كل اليهود والكفار و آى ظالم أعتدى ع الأسلام أو الرسول " عليه أفضل الصلاة واتم التسليم"

10-انت مبتسألش عنى لي؟ وما تقولش مشاغل لانى اخر مرة اتصلت بيك وكمل الباقى انت...................
مشااااااغل
هشترك فـ العرض وهبقى أعبرك ههههه

س.............لا......................م
مع السلامة

السلام عليكم ورحمة الله و بركاته
ان شاء الله تكون اسئلتي من المقرر:

ما اسم الداعية المفضل لك؟
ما رأيك بنظام التريس في الجامعة؟
لو اصبحت رئيسا لهذه الجامعة ماذا سيكون اول قراراتك؟
نفس السؤال بس على كلية علوم؟
حضرتك جاوبت وقلت انك كنت ناوي على علوم من الاول:اشمعنى؟

السلام عليكم ورحمة الله و بركاته
وعليكمـ السلامـ

ان شاء الله تكون اسئلتي من المقرر:
مش هتفرق ،، أتعودنا خلاااااااااص ،، برحتك طبعا ً

ما اسم الداعية المفضل لك؟
الشيخ محمد حسان ،، الشيخ عبد الله كامل ،، وغيرهم كتير

ما رأيك بنظام التريس في الجامعة؟
لأ مجربتش غير نظام التدريس فـ كليتنا بس ،، زى مابيقولو كل شيخ وليه طرقته ،، فى دكترة كويسين و...

لو اصبحت رئيسا لهذه الجامعة ماذا سيكون اول قراراتك؟
هحل قضية الحجاب"ع الأقل أن المنقبات ينعزلوا فـ لجن خاصة"

نفس السؤال بس على كلية علوم؟
هظبط المعامل - وفى دكتور كدا هرفده ههههه

حضرتك جاوبت وقلت انك كنت ناوي على علوم من الاول:اشمعنى؟
عشان كنت بحب العلوم "كميا وفزيا واحياء"

وطبعا الدكاتره والطلبه ؟ الدكاترة فيهم و فيهم ،، الطلبة الأغلبية مهملين وأنا أكترهم
شكراااااا ده انت شوهت صورينا على الفضائيات والمنتدى هههههههه

وتعليقا على طالب فى سنة ثالثة علوم
يسمع منك ربنا ان شاء الله بس بعد النتيجة نقول كده
لييييييييييييه بس أحبطينى!!! أن شاء الله خيييييييير ،، لازم نحسن الظن

ان شاء الله تنجح يا اسير وتعزم المنتدى كله بورطك

والبقاء لله فى صاحبك اللى توفى ربنا يرحمه ويغفر له

شوية اسئلة ع الماشى

. ماذا ستكتب لنا لتعبر عن حياتك التي عشتها الى الان في كلمات قليله ؟

. اذا اردت ان تبكي الان , فعلى من تبكي؟

من ستختار ليمسح دموعك ؟

لو خيروك بين حبيبك وبين اعز صديق فمن تختار ؟

.ماهو تقييمك لهذا المنتدى بصراحه ؟


.هل تعتقد ان حظك سيئ؟

.هل هزمك حزنك في يوما من الايام؟

.((مستحيل انساك)) لمن تقولها ؟

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟

.(( انت كل شيء بحياتي )) لمن تقولها ؟

متى اخر مره بكيت؟

اي الدول تتمنى ان تزورها ؟

هل لديك الجرأه ان تقول عمرك أمامنا ؟

هل انت راضي عن نفسك ؟

.هل تؤيد الزواج العاطفي ام الزواج التقليدي ؟ ولماذا ؟

.ايهما اهم شهادتك الجامعيه أم الزواج ممن تحب ؟

.هل تعترف بشيء اسمه الصداقه بين الرجل والمرأة ؟

والبقية تأتى والاسئلة اختيارية اتفضل جاوب

وطبعا الدكاتره والطلبه ؟ الدكاترة فيهم و فيهم ،، الطلبة الأغلبية مهملين وأنا أكترهم
شكراااااا ده انت شوهت صورينا على الفضائيات والمنتدى هههههههه
ههههه والله انا كدا بمدح قـ الطلاب ،، كمان أنا قولت أنا أولهم ،، بس دا ميمنعش أن فى طلبة مجتهدين جدا ً وأغلبهم بنات وفى طلبة عباقرة

وتعليقا على طالب فى سنة ثالثة علوم
يسمع منك ربنا ان شاء الله بس بعد النتيجة نقول كده
لييييييييييييه بس أحبطينى!!! أن شاء الله خيييييييير ،، لازم نحسن الظن
ان شاء الله تنجح يا اسير وتعزم المنتدى كله بورطك
الحمد لله نجحت ،، بس مفيش عزومات ،، لأن كله ناجح أن شاء الله

والبقاء لله فى صاحبك اللى توفى ربنا يرحمه ويغفر له
يارب

شوية اسئلة ع الماشى
أتفضلى..

. ماذا ستكتب لنا لتعبر عن حياتك التي عشتها الى الان في كلمات قليله ؟
حياتى فيها الحلو وفيها الوحش، يوم فرحان ويوم زعلان، فيها طفولة بريئة وشقاوة عيال وطيش شباب، احسن ايام كانت وانا صغير لأن مكنش فى مسئولية زى دلوقتى، من 1 ابتدائى لحد 3 اعدادى كنت شقى جدا ً ومتفوق جدا ً وليا أيد فـ كل مكان، من ثانوى لحد دلوقت أتغيرت بقيت دايما ً فحالى مهمل من الناحية الدراسية، معنديش أنشطة كتير بس أن شاء الله هتتعدل..

. اذا اردت ان تبكي الان , فعلى من تبكي؟
نفسى

من ستختار ليمسح دموعك ؟
نفسى

لو خيروك بين حبيبك وبين اعز صديق فمن تختار ؟
احاول انى احافظ ع الأتنين ،، لكن لو حكم الأمر هضحى بــ حبيبتى

.ماهو تقييمك لهذا المنتدى بصراحه ؟
أفضل منتدى لأن فيه أعز اصحابى

.هل تعتقد ان حظك سيئ؟
غالبا ً لأ

.هل هزمك حزنك في يوما من الايام؟
اه

.((مستحيل انساك)) لمن تقولها ؟
ناااااس كتير راحت ومستحيل انساها

.(( اللي راح راح وماتفيد كلمة ياريت ))
إذا أردت ان توجه هذه العباره لنفسك, فماذا تقصد بها ؟
تقصيرى فـ المذاكرة

.(( انت كل شيء بحياتي )) لمن تقولها ؟
كل فرد فـ العيلة ،، واقرب صحابى

متى اخر مره بكيت؟
على ما أعتقد الأسبوع اللى فات

اي الدول تتمنى ان تزورها ؟
السعودية "بيت الله الحرام" - اسبانيا - فرنسا

هل لديك الجرأه ان تقول عمرك أمامنا ؟
مش فاهم آوى!!

هل انت راضي عن نفسك ؟
إطلاقا ً

.هل تؤيد الزواج العاطفي ام الزواج التقليدي ؟ ولماذا ؟
العاطفى ،، بس التقليدى غالبا بتنشأ فيه برده حب بين الطرفين اثناء فترة الخطوبة ،، العاطفى لأن الشخص بيكون ربنا جمعه للشخص اللى اتمناه طول حياته فاكيد العلاقة هتكون افضل

.ايهما اهم شهادتك الجامعيه أم الزواج ممن تحب ؟
الشهادة لو أشتغلت بيها كويس هتتحققلى كل اللى بتمناه

.هل تعترف بشيء اسمه الصداقه بين الرجل والمرأة ؟
أطلاقا ً

والبقية تأتى والاسئلة اختيارية اتفضل جاوب
أوك ،، منتظر باقى الأسئلة

الف الف مبروووووووووووووووووووووووووووووووووووووووووووووووووووووووووووووك نجاحك ويارب كل الاعضاء نسمع عنهم اخبار كويسه وكل الطلبه




بس ياعصام انتا اصبحت غامض مرة واحده كده ليه ؟
الحقيقة مش كنت متوقع ده خااااااالص

بلاش غموض ياعم الحج لو سمحت

الف مبرروووووووك يا أسير الخطايا
وشكرا لاجابتك

ومافيش اسئلة دلوقتى اسيبك
تفرح بنجاحك شوية وتانى الف مبروووووك
وياريت باقى الاعضاء يطمنونا على نتيجتهم

الف الف مبروووووووووووووووووووووووووووووووووووووووووووووووووووووووووووووك نجاحك ويارب كل الاعضاء نسمع عنهم اخبار كويسه وكل الطلبه
ربنا يبارك فيك ،، يــــا رب ،، أنت طمنا عليك



بس ياعصام انتا اصبحت غامض مرة واحده كده ليه ؟
الحقيقة مش كنت متوقع ده خااااااالص
سؤال ده!!
اطلاقا ً والله يابنى ،، انا اللى للآسف محدش فاهمنى

بلاش غموض ياعم الحج لو سمحت
حاضر هحاول ابطل غموض وهبقى رعب
هو انا غامض ازاى ،، وضح؟؟!!

الف مبرروووووووك يا أسير الخطايا
وشكرا لاجابتك
ربنا يبارك فيكى ومبروك ليكى ولكل الدفعة ،، الشكر لله

ومافيش اسئلة دلوقتى اسيبك
تفرح بنجاحك شوية وتانى الف مبروووووك
ههههه ،، الكرسى بتاعى ا ش ا وشه حلو ع الجميع أهوه
فأنتظار باقى الأسئلة

اه تقريبا وشك حلو على كل الدفعة وكل الاعضاء
شكرا على ذوقك فى ردودك وربنا يوفقنا كلنا
فى التخصص وفى السنتين الجايين

باب من أعمالكم سلط عليكم




طبعا دى شوية اسئلة من اسئلتك الحلوة اللى شرفتنى بيها عى الكرسي هكذا الدنيا يوم ويوم
اما اسئلتى انا فلسة شوية كده



أيهما تفضل ولماذا..؟
*أن تكون رئيس دولة أم رئيس جامعة؟؟
*نظامنا القديم ولا اللايحة الجديدة؟؟
ايه الفرق بين الخل الوفى واسير الخطايا؟
.أكتر عضو خايف أسئلته ؟
.سؤال خايف حد يسألهولك؟؟

.شئ بتفخر بيه "غير كونك مسلم"؟؟شئ تستعار منه؟؟
.لو أنت عملت حاجة وتعبت فيها اوى "وليكن كتاب" هتديه للناس بدون اى مقابل عشان الجميع يستفيد وكدا؟؟ولا هتعوض تعبك دا ازاى؟؟
.موصفات زوجة المستقبل أن شاء الله؟؟


.نفسك تضيف ايه للمنتدى؟؟ نفسك تغير ايه فالمنتدى؟؟
..أعترف بــ
*أكبر غلطة فـ حياتك؟؟
*أكبر جرح فـ حياتك؟؟
*أخطر عيب فيك؟؟
*شئ بيحسسك بالأحراج؟؟
.لو فرض عليك قرار بس أنت رفضه وكل اللى حوليك موافق بشدة، هتوفق زيهم وخلاص ولا هتصر على رفضك؟؟
ماذا تنقم علىّ؟؟؟
15.تحب تغير إيه فـ
*شخصيتك؟؟
*أصحابك؟؟
*كليتنا؟؟
*دولتنا؟؟
*دنيتنا؟؟
.أتعلمت إيه من الحياه؟؟

من ترشح لرئاسة الجمهورية ولماذا؟



خالص تحياتى لك بالتوفيق

يا هلا يا هلا بأسير الخطايا

ايه الكرسى الحلو ده داانت مدلع نفسك ههههه

انا برحب بس النهارده وبعدين ابئى اسئل اوكيييييه

brave*heart كتب:

اه تقريبا وشك حلو على كل الدفعة وكل الاعضاء
شكرا على ذوقك فى ردودك وربنا يوفقنا كلنا
فى التخصص وفى السنتين الجايين

طبعا ً طبعا ً ،، وكويس انها مظهرتش فـ الأسبوع بتاع العشيرى
شكرا ً ليكى ،، يا رب آمين
فأنتظار الأسئلة...

باب من أعمالكم سلط عليكم
ههههه ،، بتمسكنى من دماغى اللى بتوجعنى يا عشيرى!!

طبعا دى شوية اسئلة من اسئلتك الحلوة اللى شرفتنى بيها عى الكرسي Very Happy Very Happy هكذا الدنيا يوم ويوم
أتفضل ،، آس يو لايك بروو

اما اسئلتى انا فلسة شوية كده
ههههه ،، جيت ع الجرح

أيهما تفضل ولماذا..؟
*أن تكون رئيس دولة أم رئيس جامعة؟؟ بصراحة محبش آى منصب فيه مسئولية كبيرة زى كدا ،، رغم ذلك أفضل رئيس دولة و هعمل اللى عليا بقدر الإمكان فـ ظبط احوال البلاد واهلها ،، وإذا سئلت امام الله فـ هقول انى عملت اللى عليا ،، لأن ممكن يجى شخص تانى يدمر البلد

*نظامنا القديم ولا اللايحة الجديدة؟؟ انا كنت بسئل للأستفسار ،، انا عن نفسى معرفش اللايحة الجديدة قوى لكن شوفت فيها مواد لذيذة احنا مدرسنهاش ،، لكن بفضل النظام القديم فـ أن كل تخصص وحديه.

ايه الفرق بين الخل الوفى واسير الخطايا؟ اسماء مستعارة لشخص واحد

.أكتر عضو خايف أسئلته ؟ الد/على ربنا يرجعه بالسلامة بعد مخلص

.سؤال خايف حد يسألهولك؟؟ السؤال المحرج

.شئ بتفخر بيه "غير كونك مسلم"؟؟شئ تستعار منه؟؟ انى مصرى ،، بستعار من تآخر مصر فـ حاجات كتير و موقفها من بعض القضايا الدولية

.لو أنت عملت حاجة وتعبت فيها اوى "وليكن كتاب" هتديه للناس بدون اى مقابل عشان الجميع يستفيد وكدا؟؟ولا هتعوض تعبك دا ازاى؟؟ هوصله للناس بسعر رمزى كدا عشان الجميع يستفاد

.نفسك تضيف ايه للمنتدى؟؟ نفسك تغير ايه فالمنتدى؟؟ هضيف أن شاء الله قريب ،، احب اغير الشكل و المدير مدام مبيدخلش

..أعترف بــ
*أكبر غلطة فـ حياتك؟؟ تقيصرى فـ حق ربنا و فـ الدراسة
*أكبر جرح فـ حياتك؟؟ كان جرح فإيدى اليمين أخدت فيه 3 غورز
*أخطر عيب فيك؟؟ الأهمال و الكسل والخجل

*شئ بيحسسك بالأحراج؟؟ الكذب

.لو فرض عليك قرار بس أنت رفضه وكل اللى حوليك موافق بشدة، هتوافق زيهم وخلاص ولا هتصر على رفضك؟؟ لو متأكد انى صح هصر

ماذا تنقم علىّ؟؟؟ "ما المقصود بتنقم؟؟ انتقم يعنى!! :"lol!:
15.تحب تغير إيه فـ
*شخصيتك؟؟ عيوبى
*أصحابك؟؟ عيوبهم
*كليتنا؟؟ عيوبها
*دولتنا؟؟ النظام
*دنيتنا؟؟ الناس
.أتعلمت إيه من الحياه؟؟ أعمل لدنياك كأنك تخلد ابدا وأعمل لآخرتك كأنك ستموت غدا

من ترشح لرئاسة الجمهورية ولماذا؟
مش هرشح حد ،، لأنى معرفش سياسة حد

خالص تحياتى لك بالتوفيق
الله الموفق..

هههههههههههههههههه
اللي في بالك حصل يا اسير
معلش تعيش وتاخد غيرها
ههههه ،، مش قولتلك ياودع دع

معلش جيت متاخر شويه بس نقول ايه هنلحق نسأل كام سؤال كده هما معرفين بس نعمل ايه
هو دا حال الدينا يا ابني
الدنيا دي عامله زي الخياره يوم في ايديك و اليوم تاني ..........؟
كمل انت بقي
ههههه ،، نايس سؤال
بسم الله الرحمن الرحيم ،، الأجابة.. و ويوم فإيدك التانية

اسئلتي يا نجم النجوم
اتفضل يا فنان

والاسئله المعتاده و هي.............؟
ياخوفى من الأعادة

بتلاقي نفسك ازاي؟ طب قووووووول أنت بقى
بتقدرتواجه نفسك بحقيقه غلطك ؟ ولا بتهرب؟ بواجه نفسى ،، وبديها بالجز...

اخبار الحب معاكي يا عاطفي ههههههههه؟
معاكى!!!!! لااااااااااحظ ان كلامك جااااااااااارح
إمممم ،، نقدر نقول حب من طرف تالت

علاقتك
اهلك عموما ازاي؟ مع أمى عااااادى كأنى أبنهم ،، مع اخواتى عاااادى كأنى أخوهم ،، بقات العيلة بقى عاااااااادى كأنى اقربهم " العلاقات الحمد لله كويسة يعنى"

مين اقرب صديق ليك؟ زملاتى بتوع الحى

اكترمكان بتلاقي راحتك فيه؟ غالبا ً لوحدى "ألن"

لونك المفضل؟ فالكتابة هنا الأزرق و الأحمر و الأسود ،، فالطبيعة الأصفر و الروز

هل انت اناني؟ إطلاقا والله

هل انت طموح بالقدر الكافي؟ مش آوى ،، بيبقى فدماغى أهداف بس مش دايما ً بسعلها

بتسعى ازاي لتحقيق احلامك؟ جيت ع الجرح

وايه
اخبااااااااااااااااااااااااااااااااااار
الدنيا
الحلوه دي معاك؟ ماشى الحال

دي
برده
اسئله
اختياريه
وجاوب
علي الاسئله براحه و بهدوء وبالسينس او بالحب ينفع برده
آى خودعة ياعم ،، جاوبت كله اهوه
فأنتظار المزيد...

shaymaa كتب:

يا هلا يا هلا بأسير الخطايا

ايه الكرسى الحلو ده داانت مدلع نفسك ههههه

انا برحب بس النهارده وبعدين ابئى اسئل اوكيييييه

ااااااااه ،، ما عشان دوركوا عدى تشمتوا برحتكوا بقى
أوك برحتك ،، فانتظار الأسئلة

مساء الخير او صباح الخير
على حسب التوقيت عند حضرتك

انت ماشى كويس جداا واجاباتك دمها خفيف بس بتهرب من اسئلة
بقولك ايه ما تحاولش الهروب


.من هو اكثر شخص تفكر فيه؟


.اذا تم تعيينك ملكا لجميع البلاد العربيه فما اول قرار ستتخذه ؟

.هل تكره شخص بشده في حياتك ؟

.هل ملابس الشخص امامك تؤثر فيك لتأخذ عنه انطباع ؟؟

.ماالذي يلفت انتباهك بسرعه في الشخص لكي تعجب به ؟

اذا احببت شخصا في الوقت الخطأ وفي المكان الخطأ فماذا تفعل ؟؟

.حكمة تؤمن بها جدا؟؟

.عاده تفعلها دائما تتمنى ان تتركها ؟

ماهو اجمل اسم لولد واجمل اسم لبنت من وجهة نظرك؟

.ماذا تفعل اول شيء اذا ربحت مليون ؟ طبعا حلم

.هل انت ممن لديهم رغبة حب التملك واذا تملك الشيء اصابه الملل منه ؟

.اعتذار تريد ان تقدمه لمن؟

جاوب على راحتك خالص
وشويتين و جارى التحميل لباقى الاسئلة

السلام عليكم ورحمة الله

انا قرأت اجاباتك يا اسير واسمحلى بتستخدم الطريقه المرحة فى الهروب

وايه فهلوه كمان ....... اوعى تزعل بس انا مش عارفه اقول غير الصراحة


اتفضل سؤالين عالماشى

اولا علق على .......من ستختار ليمسح دموعك ؟
نفسى
وضحلى اكتر مش بتحب حد يشوف دموعك ولا ماحدش قريب منك للدرجة
انك تخليه يشوف المك ولا ايييييييه؟


قولى حافظ اد ايه من القرآن ؟

صا حبك اللى مات طبيعى ولا حادث ؟ انا مش عايزة اضايقك لو مش عاوز
تجاوب بلاش

ايه موقفك من عمل المرأه ؟

لفت نظرى ان حضرتك والعشيرى متضايقين من موضوع النقاب
واللى بيحصل مع المنتقبات كان موقفك ايه لما دخلوا اللجنه وطلبوا منهم يخلعوه؟

كده ان شاء الله حضرتك هتدخل قسم ابه؟

فاصل ونواصل

مساء الخير او صباح الخير
على حسب التوقيت عند حضرتك
الساعة دلوقتى 7 مساءاً يعنى صباح النور

.من هو اكثر شخص تفكر فيه؟
أعز شخص عندى

.اذا تم تعيينك ملكا لجميع البلاد العربيه فما اول قرار ستتخذه ؟
هوحد جيش عربى للبلاد ،، و الويل لمن يتعرض لشبر من آى بلد شقيقة

.هل تكره شخص بشده في حياتك ؟
ممكن اضايق من حد فترة ،، لكن مش توصل لدرجة الكره

.هل ملابس الشخص امامك تؤثر فيك لتأخذ عنه انطباع ؟؟
اها ،، اكيد طبعا ً

.ماالذي يلفت انتباهك بسرعه في الشخص لكي تعجب به ؟
اخلاقه ،، اسلوبه فـ الكلام والتعامل ،، تدينه ،، مظهره

اذا احببت شخصا في الوقت الخطأ وفي المكان الخطأ فماذا تفعل ؟؟
مش فاهم آوى

.حكمة تؤمن بها جدا؟؟
لكل مجتهد نصيب

.عاده تفعلها دائما تتمنى ان تتركها ؟
الكسل و الإهمال

ماهو اجمل اسم لولد واجمل اسم لبنت من وجهة نظرك؟
عمرو و يوسف - شهد و اسماء

.ماذا تفعل اول شيء اذا ربحت مليون ؟ طبعا حلم
اول حاجه هخرج جزء لله ،، بعد كده اعمل مشروع انمى بيه الفلوس ممكن معمل تحاليل ،، وفالآخر صحيت من النوم

.هل انت ممن لديهم رغبة حب التملك واذا تملك الشيء اصابه الملل منه ؟
احيانا ً مش دايما ً

.اعتذار تريد ان تقدمه لمن؟
لكل حد غلط فـ حقه

جاوب على راحتك خالص
وشويتين و جارى التحميل لباقى الاسئلة
أوك ،، وايييتن...

السلام عليكم ورحمة الله
وعليكم السلام

اتفضل سؤالين عالماشى
تحت أمرك..

اولا علق على .......من ستختار ليمسح دموعك ؟
نفسى
وضحلى اكتر مش بتحب حد يشوف دموعك ولا ماحدش قريب منك للدرجة
انك تخليه يشوف المك ولا ايييييييه؟
لاااا ،، مش احب حد يعرف جروحى و آلامى مهما كان قريب منى

قولى حافظ اد ايه من القرآن ؟
يعنى حافظ جزء مـ الآخر و كام سورة كدا من النص " زى الكهف وطه ومريم و... " وحاليا ً بكمل من النص سورة الأنبياء

صا حبك اللى مات طبيعى ولا حادث ؟ انا مش عايزة اضايقك لو مش عاوز
تجاوب بلاش
ولا يهمك ،، هو مات بأزمة قلبية دون مرض ،، ومن حوالى 3 سنين كان ليه اخ قدنا مات بنفس الطريقة

ايه موقفك من عمل المرأه ؟
فى حاجات مصرح بها وحاجات لأ ،، زى مثلا ً محبش المرأة تكون وكيلة نيابة

لفت نظرى ان حضرتك والعشيرى متضايقين من موضوع النقاب
واللى بيحصل مع المنتقبات كان موقفك ايه لما دخلوا اللجنه وطلبوا منهم يخلعوه؟
للآسف ،، مكنتش اقدر اعمل حاجة ،، بس عجبنى موقف المنقبات لما رفضوا قلع النقاب بشدة ،، وضايقنى العميد لما اصر انهم يقلعوه

كده ان شاء الله حضرتك هتدخل قسم ابه؟
احتماااال كبيييير ك.حيوان

فاصل ونواصل
تيك يور تايم...

brave*heart كتب:

انت ماشى كويس جداا واجاباتك دمها خفيف بس بتهرب من اسئلة
بقولك ايه ما تحاولش الهروب

shaymaa كتب:

انا قرأت اجاباتك يا اسير واسمحلى بتستخدم الطريقه المرحة فى الهروب

وايه فهلوه كمان ....... اوعى تزعل بس انا مش عارفه اقول غير الصراحة

يا جماعة انا مش بتهرب ،، انا من حقى انى اجاوب ع اللى عايزه وبس ،، انا بدل ما اسيب مكان فاضى بخروج من السؤال بطريقتى

شكرا ع الطريقة المرحة فى الهروب
ولكل شيخ طريقة
ولو مش عاوز تجاوب اى سؤال ما تجاوبش ومش هنزعل عادى
بتحصل فى أحسن العائلات

لفت نظرى ان حضرتك والعشيرى متضايقين من موضوع النقاب
واللى بيحصل مع المنتقبات كان موقفك ايه لما دخلوا اللجنه وطلبوا منهم يخلعوه؟
للآسف ،، مكنتش اقدر اعمل حاجة ،، بس عجبنى موقف المنقبات لما رفضوا قلع النقاب بشدة ،، وضايقنى العميد لما اصر انهم يقلعوه

احييك على رأيك وموقفك

كده ان شاء الله حضرتك هتدخل قسم ابه؟
احتماااال كبيييير ك.حيوان

انت زعلان لانك هتتخصص حيوان ولا ايه

والتحميل لباقى الاسئلة اوشك على الانتهاء

brave*heart كتب:

شكرا ع الطريقة المرحة فى الهروب
ولكل شيخ طريقة
ولو مش عاوز تجاوب اى سؤال ما تجاوبش ومش هنزعل عادى
بتحصل فى أحسن العائلات

brave*heart كتب:

لفت نظرى ان حضرتك والعشيرى متضايقين من موضوع النقاب
واللى بيحصل مع المنتقبات كان موقفك ايه لما دخلوا اللجنه وطلبوا منهم يخلعوه؟
للآسف ،، مكنتش اقدر اعمل حاجة ،، بس عجبنى موقف المنقبات لما رفضوا قلع النقاب بشدة ،، وضايقنى العميد لما اصر انهم يقلعوه

احييك على رأيك وموقفك

ههههه ،، هو انا كدا عملت حاجة !! بس والله لو بايدى حاجة كنت عملت

brave*heart كتب:

كده ان شاء الله حضرتك هتدخل قسم ابه؟
احتماااال كبيييير ك.حيوان

انت زعلان لانك هتتخصص حيوان ولا ايه

لا اطلاقا ،، انا اصلا ً بحب معظم مواد الحيوان

brave*heart كتب:

والتحميل لباقى الاسئلة اوشك على الانتهاء

اوك ،، على أقل من راحتك

اهلا اهلا يا اسير
ازيك اخبارك اييييييه

جااوب بقى الله يكرمك و بلاش غموووووووض

لو ربنا كرمك ومسكت رئيس وزراء هتاخد ممين من الاعضاء فى وزراء وهتمسكهم وزارات ايه؟

كيف تعبر عن غضبك تجاه ما يحدث في بلدك؟

سؤال نفسك تتساله؟
لو منحت 30 دقيقة على الهواء مباشرة هتقول ايه للشعب المصرى؟

نفسك تستضيف مين في كليتنا؟

كم مرة لم تكتم دموعك؟
كم مرة حسيت انك ملكش لازمه في الحياة وايه هي المواقف دي؟
هدف وضعته وتحقق واخر لم يتحقق وثالث قد يتحقق؟
زرت اى محافظة من محافظات مصر قبل كده ؟
خرجت خارج مصر من قبل؟
اذكر 3 حجات بيثيروا غضبك؟؟
في نفسك حاجه تحب تقولهالى؟؟
امسك الاعضاء عضو عضو وصفهم لنا؟
معك مسدس فية 5 طلقات اذكر خمس نقاط لتصويب الخمس طلقات؟

باقى اسئلتك بتصرف:
وجه رسالة الى كل من:
الرئيس
وزير التعليم العالى
رئيس جامعة الفيوم
محافظ الفيوم
واخيرا سيادة العميد

احسن موضوع فـ منتدانا "بعيدا ً عن المواضيع الأسلامية"؟؟ احسن توقيع؟؟ أحسن صورة؟؟ أحسن عضو؟؟

[quote="اسير الخطايا"].

ا

اقتباس :

يه الفرق بين الخل الوفى واسير الخطايا؟ اسماء مستعارة لشخص واحد

انا بسأل عن الفرق مش وجه الشبه

.

.

اقتباس :

شئ بتفخر بيه "غير كونك مسلم"؟؟شئ تستعار منه؟؟ انى مصرى ،، بستعار من تآخر مصر فـ حاجات كتير و موقفها من بعض القضايا الدولية

هات مثال على قضية منهم

.

اقتباس :

..*أكبر جرح فـ حياتك؟؟ كان جرح فإيدى اليمين أخدت فيه 3 غورز

ههههه فى فرق بين جرح في حياتك وجرح في جسمك
الجرح اللى في جسمك بيعالجه دكتور بشري اما جرح الحياة بيعالجه دكتور الحياة اللى بيتخرج من مدرسة الحياة ويحضر دراسات عليا عشان يدخل كلية الحياة ويبقى دكتور فيها
عالعموم الف سلامه لاديك اليمين بس كده الشمال تزعل


*

اقتباس :

15.تحب تغير إيه فـ
*شخصيتك؟؟ عيوبى
*أصحابك؟؟ عيوبهم
*كليتنا؟؟ عيوبها
*دولتنا؟؟ النظام
*دنيتنا؟؟ الناس

هههه اكيد طبعا هتغير عيوبهم بلاش تقولنا عيوبك بس على الاقل قولنا عيوب الكلية

اسير الخطايا كتب:

brave*heart كتب:

انت ماشى كويس جداا واجاباتك دمها خفيف بس بتهرب من اسئلة
بقولك ايه ما تحاولش الهروب

shaymaa كتب:

انا قرأت اجاباتك يا اسير واسمحلى بتستخدم الطريقه المرحة فى الهروب

وايه فهلوه كمان ....... اوعى تزعل بس انا مش عارفه اقول غير الصراحة

يا جماعة انا مش بتهرب ،، انا من حقى انى اجاوب ع اللى عايزه وبس ،، انا بدل ما اسيب مكان فاضى بخروج من السؤال بطريقتى

ههههههه لا عداااك العيييييب انتا مش عارف اننا لو عايزين ....... هن...... (ده سؤال اكمل ) اسئلة الزنقات كتيييييييييييييرة بس احنا اللى بنتجنبهاااااااااا هههه

منور يا اسير علي الكرسي
الحقيقة انا بأسف جدا علي التأخير بس كان في ظروف كده ربنا يستر

خلينا بقي في المهم شوية اسئلة كده علي خفيف
انا استشفيت من الاجابات انك الحمدلله نجحت قولنا تقديرك ايه وليه عايز تدخل قسم جيوان مع ان المعظم بيبقي متمسك جدا بحيوي؟
ايه اهدافك بعد التخرج؟
ايه اكتر مادة بتحبها في الكلية؟
اخبار الدنيا معاك ايه؟
لو بعد الشر غرفتك ولعت ايه اكتر حاجة هتاخدها من الغرفة؟
ماهو رائك في هؤلاء الاعضاء
محمد سعد
احمد
ادمن
العشيري
مي اند يو
اسير الخطايا (انت يعني
بريف هارت
المهندسة اتش
دكتور علي
some times
واخيرا انا

ماذا تمثل لك هذه الكلمات//
البحر
الحب
الخيانة
الليل
الشمس
الرومانسية
العلم

هل تؤيد قيادة المرأة للسيارة؟
ايه رائيك في زمن سي السيد وتتمني ان يعود ام لا؟
مين مطربك المفضل؟
ممثلك المقضل؟
فيلمك والاغنية امقضلة؟
لمن توجه هذه الكلمات؟
مش عايز اشوفك
شكرا ليك
ليه لتعمل كده
عاول تصلح من نفسك
انت اناني
بحبك كتير
نظرك كان كام قبل الكلية واصيح كام بعد الكلية
بتفكر في ايه دلوقتي؟
كفاية عليك كده جاوب وسنعود مرة اخري

اهلا اهلا يا اسير
اهلا ً بيك يا كبير

ازيك اخبارك اييييييه
تمااااام طول ما حضرتك تمام

جااوب بقى الله يكرمك و بلاش غموووووووض
غموض فـ ايه وضح؟؟!!

لو ربنا كرمك ومسكت رئيس وزراء هتاخد ممين من الاعضاء فى وزراء وهتمسكهم وزارات ايه؟
وانا همسك الأعضاء بناء ً على إيه؟؟!! معتقدش ان فى حد منا دلوقتى مؤهل لآى وزارة

كيف تعبر عن غضبك تجاه ما يحدث في بلدك؟
ههههه ،، بالكلام وتوضيح وجهة نظرى اما بالتحدث مع زملاتى او على منتدى ،، ولو فى حاجة عملية اقدر اعملها مش هتردد

سؤال نفسك تتساله؟
مفيش اسئلة فـ دماغى دلوقت

لو منحت 30 دقيقة على الهواء مباشرة هتقول ايه للشعب المصرى؟
هحاول افهمهم ان عشان البلد تتغير لازم نغير نفسنا الأول ،، ولازم كل واحد يبدأ بنفسه ،، وقبل مانلقى اللوم ع البلد نشوف احنا ادينالها حقها ولا

نفسك تستضيف مين في كليتنا؟
الشيخ محمد حسان

كم مرة لم تكتم دموعك؟ "هى الحاجات دى بتتعد!!"
كتير آوى

كم مرة حسيت انك ملكش لازمه في الحياة وايه هي المواقف دي؟
لم بحس ان الدنيا كلها ضدى ومحدش جنبى فـ الوقت ده بكره اليوم اللى اتولدت فيه ،، مش فاكر موقف معين

هدف وضعته وتحقق واخر لم يتحقق وثالث قد يتحقق؟"اكيد فيه كتيير ،، انا هذكر اللى فاكره"
كلية العلوم ،، كلية الطب ،، اتخرج من علوم

زرت اى محافظة من محافظات مصر قبل كده ؟
خارج الفيوم روحت القاهرة "والجيزة وحلوان" طبعا ً و بنى سويف و السويس وشرم الشيخ

خرجت خارج مصر من قبل؟
لأ

اذكر 3 حجات بيثيروا غضبك؟؟ "أكيد فى كتير بس هقولك اللى جه على بالى دلوقت"
لما أكون بكلم حد واحس انه مش بيسمعلى ،، لما حد يخدعنى فـ حاجة تخصنى ،، لما حد يكلمنى بأسلوب مش كويس ودا مش حقه

في نفسك حاجه تحب تقولهالى؟؟
احب اعرف انت مضايق منى فـ حاجة؟؟ وعايز اعرف انت طالع معسكر الأعداد امتى وفين؟؟

امسك الاعضاء عضو عضو وصفهم لنا؟
لأ طبعا ً ،، انت تذكر الأعضاء اللى عاوزنى اوصفهم وانا هوصفهم حسب

معك مسدس فية 5 طلقات اذكر خمس نقاط لتصويب الخمس طلقات؟
أكتر 5 اشخاص مفسدين

باقى اسئلتك بتصرف:
وجه رسالة الى كل من:
الرئيس؟؟ أتقى الله فى رعاياك ،، ستحاسب عن كل فرد
وزير التعليم العالى؟؟ عايزين نطور يا عم
رئيس جامعة الفيوم؟؟ اتقى الله فـ المنتقبات
محافظ الفيوم؟؟ ياعم بدل متعقد تهد وتبنى فـ الطرق وفر فرص عمل للشباب ،، استغل المساحات الفاضية فالبلد
واخيرا سيادة العميد؟؟ عايزين معامل نضيفة تليق بمستويتنا

احسن موضوع فـ منتدانا "بعيدا ً عن المواضيع الأسلامية"؟؟ احسن توقيع؟؟ أحسن صورة؟؟ أحسن عضو؟؟
آى موضوع مفيد ،، صم تايمز ،، h ،، كل الأعضاء مية مية

العشيري كتب:

انا بسأل عن الفرق مش وجه الشبه

الأختلاف بس فـ معانى الأسماء ،، وأظن واضحين

العشيري كتب:

هات مثال على قضية منهم

ممكن نقول قضية فلسطين

العشيري كتب:

ههههه فى فرق بين جرح في حياتك وجرح في جسمك
الجرح اللى في جسمك بيعالجه دكتور بشري اما جرح الحياة بيعالجه دكتور الحياة اللى بيتخرج من مدرسة الحياة ويحضر دراسات عليا عشان يدخل كلية الحياة ويبقى دكتور فيها

تصدق مكنتش اعرف ،، نايس معلومة ،، توشكر ع الأفادة

العشيري كتب:

هههه اكيد طبعا هتغير عيوبهم بلاش تقولنا عيوبك بس على الاقل قولنا عيوب الكلية

مفيش حاجة او حد خالى مـ العيوب وانا قولت بعض عيوبى قبل كدا ،، عيوب الكلية بأختصار "المعامل - بعض الدكاترة - نظام التعليم"

العشيري كتب:

ههههههه لا عداااك العيييييب انتا مش عارف اننا لو عايزين ....... هن...... (ده سؤال اكمل ) اسئلة الزنقات كتيييييييييييييرة بس احنا اللى بنتجنبهاااااااااا هههه

لو تعرف تـ... أتفضل وقوام بقى عشان قربت أقوم
ههههه ،، ياعم برحتك ربنا بيسترها

[quote="اسير الخطايا"]اهلا اهلا يا اسير
اهلا ً بيك يا كبير

ازيك اخبارك اييييييه
تمااااام طول ما حضرتك تمام

جااوب بقى الله يكرمك و بلاش غموووووووض

اقتباس :

غموض فـ ايه وضح؟؟!!

هروبك بطريقتك زي ام حضرتك بتقول هروبك ده كتر اوووووى

اقتباس :

احب اعرف انت مضايق منى فـ حاجة؟؟ وعايز اعرف انت طالع معسكر الأعداد امتى وفين؟؟

ابدا والله ياعصام انا بحبك لله في لله يارب انتا بس متكونش زعلان شكلك انتا اللى زعلان واذا كان على النقاش اللى بينا ده فانا شايفه ولاا حاجه خااالص

بالنسبة للمعسكر
النهارده كان عندي معسكر حلوان واتصلت قولتلهم هجيلكم بالليل عشان عندى مشوار مهم بس مش عارف هقدر اروح ولا لا شكلى مش هفضى

ان شاء الله 6/8 اسكندرية
انتا بقى اخبار المعسكرات ايه معاك؟؟؟؟؟

منور يا اسير علي الكرسي
حضرتك اللى نورتى

الحقيقة انا بأسف جدا علي التأخير بس كان في ظروف كده ربنا يستر
ولا يهمك ،، وان شاء الله خيييييييييييير

خلينا بقي في المهم شوية اسئلة كده علي خفيف
اتفضلى برحتك

انا استشفيت من الاجابات انك الحمدلله نجحت قولنا تقديرك ايه وليه عايز تدخل قسم جيوان مع ان المعظم بيبقي متمسك جدا بحيوي؟
آه الحمد لله ،، التقدير الشعبى طبعا ً "جيد" ،، لأنى بصراحة شايف ان مفيش فرق كبير بين حيوان و حيوى وبحب مواد الحيوان اكتر وتقديرى اصلا مش هيجيب حيوى

ايه اهدافك بعد التخرج؟
اشتغل شغلانة محترمة ،، اما شركة ادوية أو معمل تحاليل "ا ش ا"

ايه اكتر مادة بتحبها في الكلية؟
فسيولوجى

اخبار الدنيا معاك ايه؟
ماشى الحال

لو بعد الشر غرفتك ولعت ايه اكتر حاجة هتاخدها من الغرفة؟
الموبايل
هسحب الدرج اللى فيه المستلزمات الخاصة وهولى

ماهو رائك في هؤلاء الاعضاء
محمد سعد..راجل بجد
احمد..بتاع مقالب
ادمن..جدع جدا ً
العشيري..شخصية محترمة ومتدين
مي اند يو..مثقف
اسير الخطايا (انت يعني)..انسان عادى
بريف هارت..مساهمتها تماااااام
المهندسة اتش..شخصية محترمة ومتدينة
دكتور علي..ناااااااااقد كبييييير
some times..مواضيعها رقيقة
واخيرا انا..طابة متفوقة وعضوة اساسية

ماذا تمثل لك هذه الكلمات//
البحر..الذكريات
الحب..مصدر السعادة
الخيانة..أصعب شئ
الليل..الجروح
الشمس..نبع الحياة
الرومانسية..احساس رائع
العلم..نور الحياة

هل تؤيد قيادة المرأة للسيارة؟
مفيش مشكلة

ايه رائيك في زمن سي السيد وتتمني ان يعود ام لا؟
ياااا رب عودها ايام

مين مطربك المفضل؟
عمرو دياب

ممثلك المقضل؟
نوو وان ،، الأفلام حرام

فيلمك والاغنية امقضلة؟
نوو فيلم ،، قصاد عينى

لمن توجه هذه الكلمات؟
مش عايز اشوفك.. نوو وان
شكرا ليك.. أمى
ليه لتعمل كده.. لـ واحد ظااالم "حسبى الله ونعم الوكيل"
عاول تصلح من نفسك.. واحد صاحبى نفسى بجد يتغير
انت اناني.. فيش حد
بحبك كتير.. حبيبى اللى بحبه

نظرك كان كام قبل الكلية واصيح كام بعد الكلية؟؟
ههههه لييييييييه الفضايح دى!! مش عرف بجد ،، بس اكيد اتحسن لأنى مبفتحش كتاااب

بتفكر في ايه دلوقتي؟
فـ اللى هيستلم الكرسى

كفاية عليك كده جاوب وسنعود مرة اخري
أوك ،، بس بسرعة عشان باقى من الزمن ساعات محدودة

العشيري كتب:

هروبك بطريقتك زي ام حضرتك بتقول هروبك ده كتر اوووووى

دا مش هروب ،، أعتبره رفض للأجابة

العشيري كتب:

ابدا والله ياعصام انا بحبك لله في لله يارب انتا بس متكونش زعلان شكلك انتا اللى زعلان واذا كان على النقاش اللى بينا ده فانا شايفه ولاا حاجه خااالص

ههههه ،، لأ اطلاقا ً لسه معرفتكش كويس عشان اضايق

العشيري كتب:

انتا بقى اخبار المعسكرات ايه معاك؟؟؟

اسكندرية ا ش ا بس مش عارف يوم 30 ولا 6

ممثلك المقضل؟
نوو وان ،، الأفلام حرام [ندعوك للتسجيل في المنتدى أو التعريف بنفسك لمعاينة هذه الصورة]


ههههههههههههههههههههه يعني بتسمع عمرو دياب ومش بتشوف افلام


وظف اعضاء المنتدي

رومانسي/
يصلح مدير المنتدي طبعا مع احترامي للادمن//
عصبي
دقيق
مثقف
ردوده رائعة
تعليقاته تعجبك
موضوعاته رهيبة
شوية اسئلة بقي كده شخصية شوية جاوب علي اللي يعجبك منها//
ايه الحاجة اللي بتخوفك اوي
امتي بتحس انك قوي جدا
شايف نفسك ازاي بعد 10 سنين
لو بنت زميلتك انت معجب بأخلاقها وبشخصيتها تفضل انك تقولها ولا هتتصرف ازاي؟
لو اختلفت في يوم من الايام انت وخطيبتك وهي متمسكة برأيها جدا وانت متمسك برأيك هتتصرف ازاي في الحالة دي؟
ناوي ترشح مين علي الكرسي؟
ايه رائيك في البكاء ضعف ولا ندم ولا ايه؟
مين اهم شخص في حياة عصام؟
لما بتزعل جدا من حد معين ممكن تسامحه وتنسي ولا مش بتسامح اوي؟
لمن تقول انا اسف بشدة علي كل شي
ايه اكتر اسم ولد تحب تسميه لابنك واكتر اسم بنت لبنتك؟؟؟

ايهما اكتر طريقة لتوصيل معلومة او كلمة
هل لغة العين
الصمت
الكلام
يقول الفيلسوف العظيم انا طبعا مش فاكرة اسمه
انا اتكلم اذن انا موجود
ما موقع الجملة دي في حياة عصام


كفاية كده وكرسي سعيد ونتمني نراك مرة اخري علي الكرسي

وظف اعضاء المنتدي

رومانسي// sometimes و mood و ابوتريكة22 MR
يصلح مدير المنتدي طبعا مع احترامي للادمن// هو Admin وبس "دى تثبيتة دى"
عصبي// Dr.A.L.A.S.M احيانا ً
دقيق// غالبا ً العشيري
مثقف// غالبا ً Me.And.You
ردوده رائعة//h_engineer و معظم الأعضاء
تعليقاته تعجبك// brave*heart و Ψ MoHaMmEd SaAd Ψ
موضوعاته رهيبة// غالبا ً Ψ MoHaMmEd SaAd Ψ

شوية اسئلة بقي كده شخصية شوية جاوب علي اللي يعجبك منها
أوكيز

ايه الحاجة اللي بتخوفك اوي؟؟
المعاصى عامة

امتي بتحس انك قوي جدا؟؟
لما بغلب هوايا بحس انى قوى على نفسى

شايف نفسك ازاي بعد 10 سنين؟؟
لأ مش بسرح بخيالى لبعيد كدا

لو بنت زميلتك انت معجب بأخلاقها وبشخصيتها تفضل انك تقولها ولا هتتصرف ازاي؟؟
لأ استحى اكلمها بس هحاول اوصلها مشاعرى

لو اختلفت في يوم من الايام انت وخطيبتك وهي متمسكة برأيها جدا وانت متمسك برأيك هتتصرف ازاي في الحالة دي؟؟
حسب الحاجة دى ،، لو متستاهلش هعديها المرة دى لكن المرة الجاية

ناوي ترشح مين علي الكرسي؟؟
هتعرفى بكره ان شاء الله

ايه رائيك في البكاء ضعف ولا ندم ولا ايه؟؟
احيانا ضعف واحيانا ندم واحيانا خوف واحيانا فرحة واحيانا حزن واحيانا كذب وتمثيل حسسسسسسسسب

مين اهم شخص في حياة عصام؟
اللى ممكن اتغير عشانه

لما بتزعل جدا من حد معين ممكن تسامحه وتنسي ولا مش بتسامح اوي؟؟
لا انا دايما ً بسامح ومش بشيل من حد خالص

لمن تقول انا اسف بشدة علي كل شي؟؟
لنفسى

ايه اكتر اسم ولد تحب تسميه لابنك واكتر اسم بنت لبنتك؟؟
عمرو أو يوسف ،، شهد أو اسماء أو جنا

ايهما اكتر طريقة لتوصيل معلومة او كلمة
هل لغة العين
الصمت
الكلام؟؟
الكلام و لغة العيون معا ً ،، لأن الكلام وحده أو لغة العيون وحدها مش هتوصل المعلومة كاملة واسرع والصمت غالبا ً بيكون مش مفهوم

يقول الفيلسوف العظيم انا طبعا مش فاكرة اسمه
انا اتكلم اذن انا موجود
ما موقع الجملة دي في حياة عصام؟؟
مفروض انا افعل اذن انا موجود ،، لأن الفعل بيثبت وجود الشخص اكتر من الكلام

كفاية كده وكرسي سعيد ونتمني نراك مرة اخري علي الكرسي
أوك أبقى قابلونى
* * * * *
يلا يا جماعة باقى من الزمن ساعات محدودة اللى عايز يسأل يتفضل بسرعة

بص اجاباتك كلها مقنعة وعجبانى طريقتك فى
عرض وجهة نظرك
وميرسى على كلامك الذوق عنى
وأحيك لرأيك فى قسمنا مستقبلا قسم حيوان

واسفة ع التأخير
وخد شوية اسئلة

مش غريبة شوية انك بتسمع اغانى
وبتحب عمرو دياب وبتقول الافلام حرام
انا معاك ان الافلام حرام بس ايه التناقض ده !!؟

_ما رأيك بهذه الكلمات ..
الخيانة ..
المرأه..
الصداقة ..
النميمة ..
النفاق ..
الوفاء....
الاخلاص....
الوعد....

شكلك انسان طموح بس
ازاى الانسان الطموح مش سارح بخياله وشايف
نفسه بعد عشر سنين

مش عاوزة اتقل عليك يا أسير
ربنا معاك بس قلت الحقك قبل ما تقوم
وقولنا هترشح مين بعدك وايمتى


تحياتى بريف هارت

بص اجاباتك كلها مقنعة وعجبانى طريقتك فى
عرض وجهة نظرك
ربنا يعلم أنا قد إيه كنت صادق معاكم فـ كل كلمة كتبتها عنى ،، وبجد آسف لو ماجوبتش على سؤال حد بس انا فى حاجات احب احتفظ بيها أو محبش اقولها على الملأ كدا

وميرسى على كلامك الذوق عنى
مرسى على إيه!! دى الحقيقة

وأحيك لرأيك فى قسمنا مستقبلا قسم حيوان
طويب ربنا يستر

واسفة ع التأخير
وخد شوية اسئلة
نفر مايند ،، أتفضلى

مش غريبة شوية انك بتسمع اغانى
وبتحب عمرو دياب وبتقول الافلام حرام
انا معاك ان الافلام حرام بس ايه التناقض ده !!؟
ههههه لأ أنا كنت بهذر بس ،، عارف أن الأتنين حرااااامـ بس فعلا ً مش بتفرج على أفلام

_ما رأيك بهذه الكلمات ..
الخيانة .. أصعب حاجة
المرأه.. نصف المجتمع
الصداقة .. سلاح ذو حدين
النميمة .. حاجة وحشة جدا ً ومش ارضاها عى نفسى ولا على غيرى
النفاق .. أعوذ بالله سبب فساد كل شئ
الوفاء... افضل صفة للصديق
الاخلاص.... زى الوفاء
الوعد.... دَين

شكلك انسان طموح بس
ازاى الانسان الطموح مش سارح بخياله وشايف
نفسه بعد عشر سنين
مش طموح آوى يعنى ،، بس مش بحب أفكر فالمستقبل البعيد لأن الله أعلم ايه ممكن يحصل بكره

مش عاوزة اتقل عليك يا أسير
ربنا معاك بس قلت الحقك قبل ما تقوم
وقولنا هترشح مين بعدك وايمتى
لأ بالعكس دانا سعيد بمرورك

تحياتى بريف هارت
تحياتى ليكى