"العشيري " على كرسي الإعتراااااااااااف

[b][center]يشرفنا ويسعدنا أن يكون معنا " العشيري " ع كرسي الاعتراف

اتفضل و كرسي مريح إن شاء الله

السلام عليكم ورحمة الله وبركاته

بسم الله الرحمن الرحيم

sometimes كتب:

[b][center]يشرفنا ويسعدنا أن يكون معنا " العشيري " ع كرسي الاعتراف

اتفضل و كرسي مريح إن شاء الله

ههههه ايه هو حد وزاكي عليه ولا ايييييه
ربنا يكملها بالستر وشكرا جزيلا لك some times واسف على التاخير استر علينا يارب


فاصـــــــــــــــــــــــــــــــــــــــــــــــــــــــــــــــل ونبدأ

اهلا اهلا بالعشيرى يارب كرسى مريح واسئلة سهلة وممتعة

shaymaa كتب:

اهلا اهلا بالعشيرى يارب كرسى مريح واسئلة سهلة وممتعة

اهلا وسهلا بييييييييكي shaymaa
يـــــــــــــــــــــــــــــــــــــــــــــــــــــــــــــــــــــــــــــــا رب شكرا جزيلا في انتظار الاسئله

اهلا وسهلا بيك
منور الكرسى ويارب يكون كرسى مريح

مبدأ مش هتقل عليك

مكان تحب تروحه لوحدك؟
لقب تحب اصحابك ينادوك بى ؟
لحظة تمنيت لو لم تمر عليك فى حياتك ؟
كلمات دى تقولها لمين

اسف --------------------------
مش هسامحك --------------
ليه كده -----------------------
شكرا ليك --------------------
ربنا يخليك ليا ----------------
كفاية كده ------------------

وده وصف لاعضاء المنتدى

اوكسجين المنتدى ------------------
وردة المنتدى ------------------------
الامبراطور --------------------------
دمه خفيف ------------------------
كلامه موزون ---------------------
بحب اشوفك او ما ادخل المنتادى --------
مش بيتواجد كتير ---------------
مواضيعه رائعة -------------
هزاره يعجبك ---------------
شخصية مستغربها -------------
حد خايف من اسألته ------------

كفاية عليك كده
والاسئلة اختيارية كلها
وربنا معاك
وتقبل مرورى

ايه ده انا جيت متأخرة ولا ايه شكل الاعضاء قاموا بالواجب
خلاص انا هقول " السلام عليكم ورحمة الله وبركاته"
وسؤالين كده على الماشي:
مين الداعية المفضل لك على التليفيزيون؟
ما الذي لايعجبك في الجامعة بوجه عام وكلية علوم بوجه خاص؟

اهلا وسهلا بيك
اهلا بحضرتك
منور الكرسى ويارب يكون كرسى مريح
انتم جميعا مصدر النور وما نحن الا المرايا نعكس الاشعه
مبدأ مش هتقل عليك
الا عادي خدى راحتك انا وظيفتى اجاوب على اى سؤال
مكان تحب تروحه لوحدك؟
وانا في السعوديه كنت بحب امشي لوحدى في الصحرااااااااء
لقب تحب اصحابك ينادوك بى ؟
مش بحب افرض لقب معين على نفسي لكن لو حد نادانى بلقب اختاره هو خلاص عادي
لحظة تمنيت لو لم تمر عليك فى حياتك ؟
لحظة وفاة اناس له في قلبى مكان لكن هذا قضاء الله فعلينا الرضا بقضاءه
كلمات دى تقولها لمين

اسف ------------- لأى حد مش قادر اساعده-------------
مش هسامحك ---- لكل من مييييييييييييييع دين الله----------
ليه كده ---------------------لدكتور في الكليه--
شكرا ليك ----------لاى انسان قال كلمة حق في الوقت المناسب----------
ربنا يخليك ليا -----لوالدى-----------
كفاية كده ---------لكل صاحب هوى يعلم الحق ويحيد عنه---------

وده وصف لاعضاء المنتدى

اوكسجين المنتدى -- كل الاعضاء النشطين فانعدام مشاركتهم اليوميه تعنى توقف الحياه عن المنتدي----------------
وردة المنتدى ----------- كل الاعضاء الذين تفوح من مشاركاتهم عطووور الاخوه الصادقه-------------
الامبراطور ----------------محمد سعد----------
دمه خفيف --------------------ااسيير الخطايا حاليا والخل الوفي سابقا وعصام دوما :) ----
كلامه موزون --- حازم الادمن الدكتـــــــــــــــوره ------------------
بحب اشوفك او ما ادخل المنتادى - احب اشوف كل الاعضاء في وقت واحد اون لاين-------
مش بيتواجد كتير --------- كل الاعضاء المفعلين والغائبون بمشاركاتهم وطبعا الادمن وكمان مووود-----
مواضيعه رائعة ---------- محمد سعد اســــــير الخطايا الدكتوره---
هزاره يعجبك ----------- الدكتوووووووور على السنراوى----
شخصية مستغربها ------ لأ مفيش حد -------
حد خايف من اسألته ------ مطــــــــــــــــــــــــــــــــــــــــــلقا------

كفاية عليك كده
والاسئلة اختيارية كلها
وربنا معاك
وتقبل مرورى
شكرا جزيلا ولو في اسئله تانيه اتفضلى

ايه ده انا جيت متأخرة ولا ايه شكل الاعضاء قاموا بالواجب

لا مش متاخره ولا حاجه
خلاص انا هقول " السلام عليكم ورحمة الله وبركاته"
وعلـــــــــــــــــــــــــــــــــيكم الســـــــــــــــــلام ورحمة الله وبركاته
وسؤالين كده على الماشي:
اتفــــــــــــــــــــــــــــــــــــــضلى
مين الداعية المفضل لك على التليفيزيون؟

قناة العلامه ابن عثيمين تبث محاضراته رحمه الله ولقاءاته فهى تعطينا علما راسخاااااااااا
قال الامام محمد ابن سيرين ان هذا العلم ديــــــــــــــن فانظروا عمن تاخذون دينكم
ما الذي لايعجبك في الجامعة بوجه عام وكلية علوم بوجه خاص؟

بالنسبه للجامعه لديهم اهتمام بالمظهر دون الجوهر
طريقة تعاملهم مع قضية النقاب
بالنسبه للكليه المناهج محتاجه تتغير والدكاتره اللى بيعتمدوا على الحفظ دون الفهم
مع العلم بان مستقبل الدول يكمن في ما في اذهان ابناءها من العلم

فاصل وهرجعلك يا سيد عصـــــــــــــــــــــــــــــــــــــــــــــــام

ان شاء الله

[b]السلام عليكم ورحمة الله وبركاته

يــــــــــــــــــارب يكون كرسي مريح
انا هسأل شوية أسئله كده ع الماشي وهرجع ان شاء الله....

1/ما اصعب موقف مرى عليك؟

2/ما هى امنيتك فى الحياه؟

3/ما هو اهم شخص فى حياتك؟..اسمه..علاقتك به..؟

4/هل حسيت فى يوم من الايام بالضعف ..؟ولماذا..؟

5/من الشخص اللذى تتمنى ان ياخذ فرحك علشان متشفوش حزين..؟

6/ما هى احلى ذكرى فى حياتك ومستحيل تنساها..؟

7/ ما هي مشكلة العصر في نظرك؟

8/ما هي الطريقه التي تعبر بها عن غضبك..؟

9/ما هي نقطة ضعفك..؟

10/لمن تهدي ثقتك..؟



معلش لو الاسئله كتيييييييير
وجاوب براحتك
وتقبل مروري...........

ربنا معاك يا عشيرى
مش هتخلص من اسئلتهم
ونظرا لذلك مش هسأل دلوقتى
وهأجل اسألتى شوية

ربنا يكون فى العون
ويارب يكون كرسى مريح

-عضو ة ترشحها لمنصب ملكه جمال الروح
shaymaa


شكرا ليك يا على اخجلتم تواضعنا

كنت عايزه اشجعك ماشاء الله حافظ 20 جزء من القرآن يعنى هانت اووووووى
شد حيلك فى الاجازة دى واختم القرآن ان شاء الله دا اهم دلؤتى واجل الكورسات للسنة
الجاية ان شاء الله

استمر ربنا معاكى وان كانلى نصيب هبقى اسئلك بس النت اليومين دول مش حلو خالص

سلامووو عليكووو
عليكم الســــــــــــــــــــــلام ورحمة الله وبركاته
يلا سؤالين وبســـ
اسال اسال ياعم ماهي هييييصه :)
1.قبل متستلم الكرسى، كنت حاسس ان هيبقى دا دورك؟؟ ليه؟؟ وايه احساسك اول ماشوفت نفسك ع الكرسى؟؟
لا_ كنت متوقع some times ختار حد تانى _ قولت حد معين اشار عليها وفي النهايه هي دي الدنيا مش ثابتنه على حال
2.أيهما تفضل ولماذا..
*أن تكون رئيس دولة أم رئيس جامعة؟؟
فعلا الجامعه دوله داخل الدوله لكن افضل الجامعه علشان فيها عدد اقل و شريحه معينه من الشعب يعنى بدل ما تخاطب كل شرائح المجتمع هتخاطب شريحه واحده وكمان بدل ما تتحاسب عن كل افراد الشعب لا حسابك هيكون اقل
اللهـــــــــــــــــــــــــــــــــــــــم يسر حسااااااابنا
*نظامنا القديم ولا اللايحة الجديدة؟؟
اللائحه اللى هتتحط اثناء وجودي فى العماده :) :)
*الخل الوفى ولا اسير الخطايا؟؟
اسير الخطايا تعرف لو واحد اتحط في القبر وهو اساسا كان في غيبوبه وبعدين فاق لقى نفسه لوحده بعد ما يطلع من القبر تخيل هيتصرف ازاى مع الدنيا دي لحد ما يموووت ؟؟؟ اسير الخطايا اقرب شويه للصورة دي بس مش قوى
3.أكتر عضو خايف أسئلته؟؟
اطلاقا قتلت الخوووووف من زماااااااااااان
(4.سؤال خايف حد يسألهولك؟؟ متخفش عن نفسى مش هسأله
خاااااااااالص واللى مش مصدق يتفضل يسال كما يشااااااء
5.هوياتك؟؟
صيــد الاسماااااااااااااااك _مع انى مش اكيل سمك _الكاراتيه _وممارسة الرياضه عموما
6.شئ بتفخر بيه "غير كونك مسلم"؟؟
كنت زماااااان بفخر لكن اتعلمت ان اسلامي مصدر فخرى واعتزازى وان كل ما دون ذلك (قد ) يكون من التكبر
_شئ تستعار منه؟؟ لا استعر من شيء في حياتى الماضيه
7.لو أنت عملت حاجة وتعبت فيها اوى "وليكن كتاب" هتديه للناس بدون اى مقابل عشان الجميع يستفيد وكدا؟؟ولا هتعوض تعبك دا ازاى؟؟
هعمل مقابله شخصيه لكل من يريد الكتاااااااااب اللى هيعدي هياخد الكتاب بدون اى مقااابل واللى مش هيعدي مش هياخد ولو بملاااييين الدنيا
8.موصفات زوجة المستقبل أن شاء الله؟؟
التدين وطبعا على خلق لان التدين يضفي حسن الخلق _غير متعصبه لاى شيئ الا الحق وفقط وياسلااام بقى لو تكون حافظه كتاب الله يبقى الواحد مش هيشيل هم العيال ـ لا تنتمى لاى جماعه من الجماعات اللى حذر منها العلماااااااء
ده اللى على بالى دلوقتى
9.ليه سجلت بأسم العشيرى؟؟
العشيري اســــــــــــــــم العائله اخر اسم في اسمى ومع انى كنت متحير وقت اختيار الاسم لكن انهيت حيرتى وكتبته وشويه اسباب تانيه كده لكن مش منهم انى افتخر بالعائله لان الرسول صلى الله عليه وسلم قال دعوها فانها منتنه صدق رسول الله يقصد التفاخر بالانساب
10.لما بتلاقى حد جنبك مشغل اغانى "أو فـ عربية مثلا ً" هتتصرف ازاى؟؟
لو حنبه ومتاح لى اسيبه وامشى هعملها لكن عموما مش بنصح اى حد الا من اثق في تقبلهم جدا جدا لييه
11.نفسك تضيف ايه للمنتدى؟؟ نفسك تغير ايه فالمنتدى؟؟
نفسي اضيف موضوعات علميه سواء علم شرعى او علم دنيوي زي الفيزياء يعنى الواحد يدخل يلاقى شرح للدوائر الكهربيه مثلا او غيره وكمان يكون في انتقال للخبرات بين الطلاااب واللى عارف يعرف اللى مش عارف وهكذاا المشكله في الوقت لكن ان شاء الله قريب وياريت اللى يقدر يعمل ده يعمله او يساعد
12..أعترف بــ
*أكبر غلطة فـ حياتك؟؟
ساعدت واحد صاحبى في حل مشكله ليه لكن الموضوع في الاخر وصل لحته مكنتش متوقع حدوثها
*أكبر جرح فـ حياتك؟؟
بصراحه مش فاكر دلوقتى بس عموماان واخد قرار انسى
*أخطر عيب فيك؟؟
لو حد عمل حاجه قدامى غلط مش بقوله عليها على طول الا لما اثق في تقبله منى اى نعم الموضوع محتاج حكمه لكن مش بالطريقه اللى فيه دي المفروض ان الحق احق ان يتبع
*شئ بيحسسك بالأحراج؟؟
انا عن نفسي مفيش لكن ممكن الناس تكون شايفه حاجه محرجه من وجهة نظرهم بس مش مشكله
13.لو فرض عليك قرار بس أنت رفضه وكل اللى حوليك موافق بشدة، هتوفق زيهم وخلاص ولا هتصر على رفضك؟؟
لا رفضته يبقى رفضته وخلاص انتهى الموضوع
14.بـــصـــرحـــة رأيـــك فــ (على فكره مش هجامل )
*موضوعاتى؟؟ مواضيع جيده جدا
*ردودى أوتعليقاتى؟؟ مرحه ودسمه
*أسألتى؟؟ شيقه جدااااااااجداااااااااا
*بتؤيد أيه فيا؟؟ أؤيد فيك العواطف الجياشه تجاه دينك لكن تحتاج لعلم شرعى رصييييييييين ـالصراحه ـالاحترام الصدق
*بتنتقض إيه فيا؟؟ هاجل اجابة السؤال حتى يتسنى لى الاجابه لكن اوعدك هقولك قبل ترك الكرسي
15.تحب تغير إيه فـ
*شخصيتك؟؟ احب اغير كل العيوب اللى فيها
*أصحابك؟؟ بعضهم بيسمع اغانى (بعضهم) ومش بيحافظوا على الصلاه في المسجد اهم حاجه حتة في المسجد دي لكن البعض الاخر تمام
*كليتنا؟؟طريقة التلقيين الممله والممييييييييته وبعض المناهج وطبعاا طبعا اشيل المعامل خالص و نجيب معامل نموذجيه
*دولتنا؟؟ الناس اللى فيها عايزين التغيير لكن طريقة الوصو للتغيير خاظئه عايز اغير طريقة الوصول للتغييير المنشود دي وبرده عندهم هوس انتشار الشائعات وكل واحد بيتكلم في الللى ملهوش فيه عندنا 80 مليون وزير و80 مليون محلل كروى و80 مليون حكم مباراه و80 مليون مدير فنى و80 مليون سااخط على مصر وربنا يعافينا
*دنيتنا؟؟ المسلمين اللى فالدنيا محتاجين يعرفوا دينهم ويطبقوه كله بحذافيره مش ياخدوا اللى على هواهم ويتركوا الباقي ده دييييييييين مش لعبه
16.أتعلمت إيه من الحياه؟؟ كتيير ولسه بتعلم وهتعلم لحد ما اموت
هقولك مثلا خمس نقاط علشان الوقت
السير على نهج الحبيب هو الطريق الاوحد للنجاه ـاعمل في صمت ـاننى وقت ما يلبث ان ينتهى فاذا انتهى مت وحوسبت على ما فعلت فالاوقات حزائن الاعمااااال_ لا بكاء على اللبن المسكوب فلا داعى للندم على الاطلااااااااق
الانصات الجيد لمن يتحدث حتى لا انقل عنه نقلا خاطئ


أتفضل جاوب يا معلم كفاية كدا ،، لسه بدرى
لا عادى جدا مستنى المزييييييييد

السلام عليكم ورحمة الله وبركاته
علـــــــــــــــــيكم السلام ورحمة الله وبركاته
يــــــــــــــــــارب يكون كرسي مريح
الحمد لله شكرا جزيلا
انا هسأل شوية أسئله كده ع الماشي وهرجع ان شاء الله....
اتفضلى

1/ما اصعب موقف مرى عليك؟
وفاة صديقى وفي نفس الوقت هو قريبي

2/ما هى امنيتك فى الحياه؟
ان تعود الارض كلها تحت حكم الاسلام كما كانت وواثق انه هيحصل اما على المستوى الشخصى اكون خبير في كل العلووووووم وافيد كل النااااااااااااس

3/ما هو اهم شخص فى حياتك؟..اسمه..علاقتك به..؟
؟؟؟؟؟؟؟؟؟؟؟؟؟؟؟؟؟؟؟؟؟؟

4/هل حسيت فى يوم من الايام بالضعف ..؟ولماذا..؟
اه عندما ركبت الظائره نظرت من خلف الزجاج فوجدت نقاطا سوداء قولت ياااااااااااااااااااااااااه ده ابن ادم ضعييييييف جدا في وسط المخلوقات
واما ركبت السفينه فكرت لو السفينه دي غاصت تحت الماء هتاثر في البحر؟؟؟ اكيد مش هتاثر خالص مع ان السفينه مدينه متحركه

5/من الشخص اللذى تتمنى ان ياخذ فرحك علشان متشفوش حزين..؟
كل الناس اللى اعرفههم حتى لو اخدوا فرحى عادي

6/ما هى احلى ذكرى فى حياتك ومستحيل تنساها..؟
ايام السعوديه وعندما كنت في الحرمين المكى والمدني

7/ ما هي مشكلة العصر في نظرك؟
ان الناس عارفه دينها وعارفه ايه الحلال وايه الحرام لكن المشكله ان مش بياتمروا باوامر دينهم يعنى بياخدوا اللى على هواهم ويسيبوا الباقى مش عارف ده هيتغير ايمته؟ وده هو سبب اللى احنا فيه كمسلمين اليوووم

8/ما هي الطريقه التي تعبر بها عن غضبك..؟
الاستغفاااااااار اساسا اول ما اغضب ايدى من نفسها كده بتروح ورا ضهرى وبمشى رايح جاى استعفر ا و استلقى
دي المظاهر لكن الطريقه طبعا عضلات الوجه بتتقلص مع الضغط على الاسنان مع نظره حارقه هتاكل اللى قدامي
بس للامانه انا فعلا قليل الغضب والحمد لله

9/ما هي نقطة ضعفك..؟
والدى و اخوتى واقربائى

10/لمن تهدي ثقتك..؟ للوالدين وللدكتور محمد سعيد رسلان



معلش لو الاسئله كتيييييييير
لا ابدا خااااااااااالص
وجاوب براحتك
وتقبل مروري...........
شكرا جزيلا في انتظااااااااااااار العوده

شكرا لوصفك ليه الامبراطوووور
ودا لقب هاعتز بيه
لا شكر على واجب يا ابوسعد مجهودك في المنتدى يمنحك المزيد
شكرا وبسبب مدحك شوفك جزاءك
ههههههههههههه
(خيرا تعمل شرا تلقي)ههههه !!
ههههههه لا متخفش واخدين على كده :) :)

اسئله علي الماشي
ماشي ماشي

-جمال الحياة عندك أين
يكمن.؟
في التعاااون
-من دفتر حياتك.. ورقة تتمنى أن تنزعها.؟
هى ورقه انتزعت بالفعل واتنتهى امرها الحمد لله مش لازم بقى نقولها طالما تم نزعها
-ما الهم الذي يؤرق
كيانك.؟

الموووووووووووت
-متى تكون الكلمة مشوهة الإحساس.. مشلولة العواطف ؟

عندما تصدر من مناافق
وشويه اسئله علي
الماشي

الاسئله <<الله يعينكـ (:
يااااااااااارب

2 - كيف تقضي
وقت فراغك؟

معظمه زيارات وشويه نت وشويه رياضه لكن طبعا القراءه ليها وقت معين مش من ضمن اوقات الفراغ

3 - ماهوا طموحكـ في
الحياهـ ؟

اتعلم العلم الشرعى واكون فااااااااااااااهم فيزياااااء ومعظم العلوم

4 - ما هوا افضل كتاب قرئته ؟لقاءات الباب المفتوووووووووووووووووح للعلااامه ابن عثيمين


7
- ماهو عصيركـ المفضل ؟

القصب

8 - ايهما تفضل القهوا أو الشاهي ؟

الشااااااااااااااااهي

9
- بارد او ساخن ؟

نااااااااااااااااار ساخن دي قليله شوي

10 - ماهوا طبقك المفضل ؟
اول طبق هاكله عند حماتى

11
- هل سبق لكـ السفر خارج بلادك ؟


اذا الأجابة نعم اذكر المدن
التى سافرة أليها


نعم المملكه العربيه السعوديه

12 - هل تقراء الصحف والمجلات بشكل يومي ؟
نعمممممممممممم بس مش كلهم

13
- ماهي افضل صحيفة بنظركـ ؟ ولماذا ؟؟



المصري اليوم احسنهم لانها مش بتكبر الموضوع اوىىىىىىىىىى زي باقي الصحف وموضوعيه نوعا
اما بالنسبه لصحف الاليكترونيه فاليوم الساااااااااااابع لانها بتنزل الخبر فور حدوثه وبتلتزم الشفافيه وهي احسن الاثنين

14 - مارايك في حآل المنتدى حالياَ ؟
المنتدى محتاج شويه اهتمام بالاقسام الغير مفعله وياريت بقى الاعضاء يناقشوااا مواضيع الدراسه طبعا في اوقات الدراسه يعنى اللى عنده مشكله في فهم حته معينه في قرص معين يقول عليها واللى فاهم يقول للباقى ومحدش يبخل على حد بجاجه
احنا ياجماعه محتاجييييييييييين ناس فاهمه علشان البلد دي تتطور

15 - ماهي
افضل مميزات الحب ؟
العطاااااااااااااااااااااااااااااااااااااااااااااااااااااااء دون مقااااابل
بنغير مسار الأسئلة
غير ياعم غير انتا غرمان حااااااااااجه :)
املاء الفراغ
بالعضو المناسب
حااااااااضر
عضو محترم .. بصراحه كله محترم.

عضو مثقف ... you

عضو
متهور ... لا لسه محصلناش الشرف

عضو دمة خفيف ... اسير الخطايا

عضو نفسك تشوفة .. كل الرجاااااااااال.

عضو
تحب تتابع مواضيعه ... احب اتابع كل المواضيع طالما توفر الوقت

عضو نفسك تضربه ... :) :) ودي تيجي ياراجل عييييييييييب

عضو قريب
منكـ ... ارجع لاجابتى على اسئلة اسير الخطايا

عضو فزيع .. فزييييييييييع ؟؟؟؟؟؟؟؟؟.

عضو رسمي ... me and you

عضو شاعر ...some times ومووووووود

سـ// ماهو التسامح والرضـا في نـظرك ؟ وهل تعتبر نفسكـ شخص متسامح
؟
التسامح ان يطيب قلبك لكل من اساء اليك_ الرضا ان يطمئن القلب لما عند الله وانه ات لا محاله
_ الحمد لله
هل ذلك يكفي من الاسئله ام تريد المزيد
بصراحه
لا لا هات ما عندك هات
هههههههههه

شكرا جزيلا لمرورك العطر في انتظار جديدك :)

brave*heart كتب:

ربنا معاك يا عشيرى
مش هتخلص من اسئلتهم
ونظرا لذلك مش هسأل دلوقتى
وهأجل اسألتى شوية

ربنا يكون فى العون
ويارب يكون كرسى مريح

بارك الله فيييييييييييييييكي وجزاكي اخيراااااا

اتفضـــــــــلى اسالى وما يهمكيش في اى وقت تحبي تسالى انا في انتظااااااااااااااااااااااااااااااااااااااااار الاسئله

shaymaa كتب:

-عضو ة ترشحها لمنصب ملكه جمال الروح
shaymaa


شكرا ليك يا على اخجلتم تواضعنا
دي مش مجامله واقع ملموس
كنت عايزه اشجعك ماشاء الله حافظ 20 جزء من القرآن يعنى هانت اووووووى
شد حيلك فى الاجازة دى واختم القرآن ان شاء الله دا اهم دلؤتى واجل الكورسات للسنة
الجاية ان شاء الله
بارك الله فييكم نســـــــالكم الدعااااااااااااااء
استمر ربنا معاك وان كانلى نصيب هبقى اسئلك بس النت اليومين دول مش حلو خالص

في انتظااااااااااااار امدادنا بسنا نوركم



شكرااااااااااااااااااا لمروركم العطر

يااااااااااااه ده انا اتأخرت قوي بس معلش هتتعوض ان شاء الله

ليه دخلت قسم رياضة فيزياء تحديدا؟
مجموعك كام في ثانوي؟
امتي بتحس بالحزن بجد؟
امتي حسيت انك اقوي انسان؟
امتي حسيت انك اضعف انسان؟
ايه رائيك في الموضة الايام دي بالنسبة للاولاد والبنات؟
كل واحد فينا احيانا بيغمض عينيه وبيتخيل حاجات كتير نفسه يحققها يا تري العشيري بيفكر وبيتحيل وبيتمني يحقق ايه؟
موقف ندمت عليه؟
لما بتكون في موقف صعب بتحكم قلبك اكتر ولا عقلك؟
لما يبقي عندك اطفال ايه اكتر اسم ولد تحب تسميه واكتر اسم بنت تحب تسميه؟
ايه رائيك في كليتنا؟
وظف اعضاء المنتدي
رومانسي//
دمه خفيف//
مواضيعه رائعة
نقده يعجبك
صديقك اوي
نفسك تتعرف عليه
ملح المنتدي
توقيعه يعجبك
في سؤال ملح عليا شخصيا ايه مجلات قسم رياضة فيزياء بعد التخرج

السـلام عـليكم

يلا خد اللى فيه النصيب انهارده

سـ

1.لو قدر لك أن تدخل السجن فماهي القضية التي تتمنى ان تدخل بها إليه؟؟
2.أنت مكلف بحذف حرفين من حروف اللغة العربية .. أيهما ستختار ولماذا؟؟
3.في يدك قنبلة يدوية وفي الأخرى وردة حمراء .. اين ستضع القنبلة وأين ستضع الوردة؟؟
4.أختر منصباً واتخذ قرارا !
5.يقولون أن أنظمتنا العربية متسلطة على شعوبها .. لكي تنشأ جيلاً صبوراً أمام المحن ! ما تقول أنت؟؟
6.لماذا النسوة ... مدمنات ثرثرة ، هل هي طبيعة أم تمرد؟؟
7.لو كنت مرشدا سياحيا فى صحراء الربع الخالى من ستصطحب معك وتضيعه هناك، ولماذا؟؟
8.لو كانت الأيام هي الناس ، فأي يوم من أيام الأسبوع ستختار ليكون صديقك ، وأيهم عدوك ، ولماذا؟؟
دول منقولين ،، أسئلتى انا بقى..
9.وجه رسالة لكل منــ
*رئيس الجمهورية؟؟
*محافظ الفيوم؟؟
*رئيس الجامعة؟؟
*الـ Admin؟؟
*المشرفين؟؟
10.عضو تحب تشوفه أون لاين؟؟عضو تحبه يرد على موضوعاتك؟؟عضو متحبش يرد على موضوعاتك؟؟
11.تتوقع تقديرك إيه السنة دى أن شاء الله؟؟

كفاية كدا انهارده
مع السلامة

يااااااااااااه ده انا اتأخرت قوي بس معلش هتتعوض ان شاء الله

ده انا اللى اتاخرت جدا على حضرتك فى الرد معلش بس هنعمل ايه بقى كنت مشغول بنتيجة الثانويه العامه شويه
وطبعا لازم نهنى طلبة الثانويه العامه الف الف مبروك للجميع وان شاء الله مزيدا من التفوق ومزيدا من الرياده .



ليه دخلت قسم رياضة فيزياء تحديدا؟
كنت علمى رياضه في الثانويه وكنت ناوى ارتبط باى قسم فيه قيزياء طبعا شوفت اقسام جميله جدا في جامعه القاهرة زى فيزياء فلك مثلالكن مكنش ينفع احول في النهايه استقر الامر على القسم ده في كليتنا
مجموعك كام في ثانوي؟
91,2
امتي بتحس بالحزن بجد؟
في لحظات وفاة من اعرفهم
امتي حسيت انك اقوي انسان؟
عندما استند الى الحق
امتي حسيت انك اضعف انسان؟
حست انى ضعيف قبل كده لكن اضعف انسان بصراحه مش فاكر
ايه رائيك في الموضة الايام دي بالنسبة للاولاد والبنات؟
الموضه دي تقليد اعمى تعرينا من هويتنا العربيه ولا شك ان علماؤنا حذروا من التشبه بالكفار
في ملبسهم لكن لو الموضه نزلت باستايل يلائم الدييييين ويناسب هويتنا العربيه اذا لا مانع بس طبعا ده بيحصل نااااااااادرا
كل واحد فينا احيانا بيغمض عينيه وبيتخيل حاجات كتير نفسه يحققها يا تري العشيري بيفكر وبيتحيل وبيتمني يحقق ايه؟

سري للغااااااااايه :) :) :)
موقف ندمت عليه؟
كان في مشكله عند واحد صاحبى وكان لازم تتحل في اقرب وقت وساعدته في حلها لكن في نهاية المطاف الموضوع ده ةشيلنى ذنوب ووصل لنقطة جعلتنى اندم انى مشيت في الموضوع ده من البدايه
لما بتكون في موقف صعب بتحكم قلبك اكتر ولا عقلك؟
العقل ثم العقل ثم العقل ثم القلب
لما يبقي عندك اطفال ايه اكتر اسم ولد تحب تسميه واكتر اسم بنت تحب تسميه؟
اممممممم تصدقى سؤاااااااااااال محييير جدا جدا جدا
ايه رائيك في كليتنا؟
محتاجه كتيييييييير جدا علشان تصل ان خريجوها ينافسوا خريجي علومات العالم

وظف اعضاء المنتدي
رومانسي// حضرتك some times ومود وابوتريكه
دمه خفيف// اسير الخطايا
مواضيعه رائعة حضرتك ومحمد سعد وبصراحه الايام دي some times نشيطه جدا وكمان الدكتور على
نقده يعجبك اى حد يضيف لى معلومه جديده او يزيل فكره خاطئه عندى
صديقك اوي ؟؟؟؟؟؟؟؟؟؟؟
نفسك تتعرف عليه على كل الشباب
ملح المنتدي محمد سعد
توقيعه يعجبك هنخلى اجابة السؤال ده في الاخر
في سؤال ملح عليا شخصيا ايه مجلات قسم رياضة فيزياء بعد التخرج

مراكز البحوث المنتشره داخل وخارج الجامعات وفيها بيتم اكتشاف كل ما هو جديد وكمان كل مجالات الصناعه بيكون في مختبرات لتطوير العمليه الصناعيه زي مثلا جنرال موتورز مثلا يعنى كل شويه بيعملوا ابحاث عشان يطورا عربيتهم وبيحتاجوا فيزيائيين ورياضيين وكمان محطات الارصاد الجويه واكييييد محطات توليد الطاقه والطاقه النوويه وطبعا في حاجه اسمها الفيزياء الطبيه هتخلى الخريج يشتغل في المجال الطبي والاهم من كل ده وده ان ربنا سبحانه وتعالى قدر لنا قدرا وكتب لنا رزقا فان العمل قضية رزق بحته

شكرا جزيلا جزيلا ونورتينا يادكتوره وفي انتظار اى اسئله تانيه

السؤال الاول (الكنترول قرا الاجابات وكان رده no comment )

يااهلا بيك ياريسنا واهلا بالكنترول اللى ملهوش مثيل ده بس انا عايز اسمع الكنترول هيقول ايه مش فاهم يقصد يقول ايه يعنى؟

مبروك عشيري كسبت مع الكنترول سوال ثانى هديه

السؤال الثانى


فى اسئله العضو اسير الخطايا ورد سؤال للعشيري عايز تغير ايه فى


دولتنا؟؟ الناس اللى فيها عايزين التغيير لكن طريقة الوصو للتغيير خاظئه عايز اغير طريقة الوصول للتغييير المنشود دي

طيب ولو فيها رخامه ممكن تشرحلى حضرتك ماهى انسب الطرق فى وجهه نظرك الملائمه للتغيير؟
وماذا سيكون دورك فى التغيير؟ وماذا يجب علينا جميعا كمواطنين لنحقق هذا التغيير؟

اولا مفيهاش رخامه خالص يادكتور
يادكتور ان التغيير اللذى يحقق ما نريده هو الذى يبدا من اسفل الى اعلى وليس العكس
قال تعالى ( إن الله لايغير مابقوم حتى يغيروا مابأنفسهم) صدق الله العظيم فالتغيير لابد ان ينبع من نفس كل فرد في المجتمع يعنى اقصد اقول كل فرد الاول يلتزم باوامر دينه مش معقول واحد اتعين برشوه وهتنتظر منه انه مش هياخد رشوه من منصبيه الجديد ؟ ولا واحد شغال في المحليات مثلا وكل ما ييجي فلوس للبلد ياخد نصها في جيبه ويزور الفواتير ونيجي فى الاخر نقول الرئيس السبب او الوزير السبب . تخيل بقى لو كل دووووول فعلا اتغيروا واصبح التغيير نابع من داخلهم فعلا هتلاقي عندك مجتمع كله صااالح كل فرد فيه يمثل كيان حريص على دينه وحريص على نفسه من النار
ستجد في النهايه مجتمع يشع نور خالى من اى عنصر مرتشي او مرابى او مخرب في الوقت ده بقى هتلاقي كل االمجتمع اتغير للاصلح وفي الوقت ده هتلاقي كل مسؤول من الرئيس للغفير متقي ربه في شعبه وفي نفسه وفي اهله

ياجماعه الحكومه جزء من الشعب يعنى اى وزير مثلا قبل تولى منصب الوزاره مش كان من عامة الشعب ؟ يعنى لو كل فرد في الشعب اتغير للاصلح هتلاقي الوزير او المسؤل اللى هيتم تعيينه مسؤول صالح لمنصبه ده
" قال رسول الله صلى الله عليه وآله وسلم : يأتي
زمان علي أمتي يحبون خمس وينسون خمس ... يحبون الدنيا وينسون الآخرة يحبون المال وينسون الحساب يحبون المخلوق
وينسون الخالق يحبون القصور وينسون القبور يحبون المعصية وينسون التوبة فإن كان الأمر كذلك ابتلاهم الله بالغلاء والوباء والموت الفجأة وجور الحكام " صدق الرسول صلى الله عليه وسلم فجور الحكام نتيجه لما سبق فاذا انصلح حال الامه انصلح حال حكامها اللهم اصلح حال الراعي والرعيه

في النهايه الطيقه المثلى ان يصلح كل فرد من نفسه فاذا انصلح حال كل فرد انصلح حال المجتمع واذا تم ذلك انصلح حال من يحكم الشعب
دورى في التغيير : الحمد لله بحاول جاهدا ان اصلح من نفسي واقربائى واصدقائى وقد تم لى بعض ما اسعى للتغييره ومازال والله الموفق

ما يجب علينا كمواطنين لتحقيق التغيير المنشود:
كل واحد يبص لنفسه اولا يشوف ايه الغلط اللى عنده ويصلحه كل واحد يلتزم بدينه وبسنة الحبيب محمد صلى الله عليه وسلم وبعد ما يحصل ده اكيييييييد التغييير سيكون واقع ملموووووووووووس لكن نيجي بقى نشوف واحد عمال يقول غزه ويهتف لغزه ودمه محروق للقضيه الفلسطينيه وهو تلاقيه شغال في شركه وبيختلس اموالها لحسابه (طبعا الا ما رحم ربى ) او تلاقيه طالب بيغش في امتحاناته ويطلع من الامتحان يروح يعمل مظاهرة لتاييد غزه ؟؟ والله عجب عجااااااااب طب ايد انتا حكم ربنا في نفسك ونفذة وبطل غش وبعدين ابقى اتكلم على غزه .


وبرده عندهم هوس انتشار الشائعات
هل ترى ان هوس الشائعات الذى تتحدث عنه من صفات الشعب المصرى ام هو مجرد صفة مكتسبه نتيجه الاجواء المحيطه؟

حتى يادكتور لو صفه مكتسبه القاعده الشرعيه تقول الغايه لااااااااا تبرر الوسييييله يادكتور الرسول صلى الله عليه وسلم قال في حديث ( تسمع وتطيع للأمير . وإن ضرب ظهرك . وأخذ مالك . فاسمع وأطع ) .
يعنى لو الحاكم ضرب ظهرك واخذ مالك فاطع اللى بيقول الرسول صلى الله عليه وسلم مش انا لكن تعال بقى شوف اللى بيحصل تلاقي الواحد نفسه يسمع اى شائعه على الحكومه او يخترع هو شائعه و ينشرها على ولاة الامر

اللهم سلم السنتنا وجوارحنا من النااااااااااااااااااااااااااااااااااااااااار

وكل واحد بيتكلم في الللى ملهوش فيه عندنا 80 مليون وزير و80 مليون محلل كروى و80 مليون حكم مباراه و80 مليون مدير فنى و80 مليون سااخط على مصر وربنا يعافينا


بمناسبه الكلام الكبير ده
هل ترى انك انت كمثال لمواطن مصرى لديك هذه الصفه(مع احترامى لحضرتك) ؟

كان لدى ذلك ايام الاعداديه الا ان الله سبحانه وتعالى هدانى للحق فكفيت لسانى والحمد لله


وبنالسبه للسخط على مصر ماهى الدوافع فى وجهة نظرك التى تدفع الناس الى ذلك؟ وهل تؤيد ام تعارض هذا السخط


طبعا اعارض بنص الاحاديث الوارده في كلامى السابق ولا ارى دافعا لذلك طالما احنا مش عملنا اللى علينا
لازم نعمل اللى علينا الاووووووووووووول ونصلح نفسنا الاول قبل ما نترك السنتنا تنال من كل ذى سلطان

اللهم اهدينا جميعا للحق
وشكرا جزيلا لحضرتك على الاسئله دى وفي انتظار اى سؤال او استفسار جدددددددددددد

فاصل وراجعلك ياعصاااااااام

ورجعنا مرة تانية بعد الفاصل
وماشاء الله علي الاجابات كلها متزنة جدا
ندخل بقي في المهم

هل ناوي تحضر ماجستير ودكتوراه ولا هتكتفي بالبكالريوس؟
لو حد زعلك اوي اوي ايه اول حاجة بتفكر فيها ؟
ما هو لونك المفضل؟
فيلمك المفضل؟
ممثلك المفضل والمطرب المفضل؟
ماذا تمثل هذه الكلمات في حياة العشيري//
البحر
الحب
الخيانة
الضعف
الغرور
القوة
النجاح
الرومانسية
الصمت
الهدوء

ايه رائيك في المنتدي واعضاءه
بتفكر في ايه دلوقتي؟
كيف تنظر الي المستقبل؟
هل ما فات في حياتك ممكن ياثر علي مستقبل كولا ليس له علاقة؟
ايه رائيك في زمن سي السيد وهل تتمني ان يعود؟
ما رائيك في قيادة المرأة للسيارة
مارائيك في عمل المرأة؟
ناوي ترشح مين علي الكرسي بعدك

كفاية جدا وشكرا جدا ليك

السلام عليكم ورحمة الله

الاعضاء الله ينور قايمين بالواجب وزيادة بس واضح ان حضرتك قدها وقدود

كام سؤال كده عالماشى

ليه مفيش مواضيع بتنزلها على المنتدى؟؟

حافظ احاديث قدسيه ؟ لو حافظ اذكر اللى جاى على بالك؟كن حريص ممكن احفظها

اكتر صفه انت شايف انها موجودة فالبنات ؟ وكمان الولاد ؟

اكتر آيه فى القرآن بتحب تسمعها اوووووى؟

ممكن ترجع تثق فى حد اخل بثقتك فيه سابقا ؟

اهم اربع صفات لازم يتوفروا فى الشاب والفتاة من وجهة نظرك ؟

بتحب الشروق ولا الغروب وليه ؟

مين اكتر حد فى دنيتك يستحق ان تتوجه اليه بالشكر؟

واضح انك بتحب العلم مين بيدعمك فى ده ؟

فاصل ونواصل قريبا ان شاء الله

السـلام عـليكم
عليكم الســـــــــــــــــــــــــــــلام ورحمة الله
يلا خد اللى فيه النصيب انهارده
جعله الله في ميزان حسناتكم :) :)

سـ

1.لو قدر لك أن تدخل السجن فماهي القضية التي تتمنى ان تدخل بها إليه؟؟
اختراع القنبله التى ستنسف جيش اليهود من على وجه البسيطه
2.أنت مكلف بحذف حرفين من حروف اللغة العربية .. أيهما ستختار ولماذا؟؟

هحذف الحرفين اللى هيضيفهم اى حد على اللغه لانها لغة(لغة القران) مكتمله لاتقبل زياده او نقصان
3.في يدك قنبلة يدوية وفي الأخرى وردة حمراء .. اين ستضع القنبلة وأين ستضع الوردة؟؟

القنبله في الكنست والورده اضعها في حديقتى حتى تنبت لى ورودا حتى لا احتار اذا اردت ورده في اى وقت
4.أختر منصباً واتخذ قرارا !

المنصب وزير الماليه والقرار ان احول ميزانية وزارة الشباب والرياضه (طبعا مع الابقاء على رواتب الموظفين) الى ميزانية التعليم العالى في خطة الموازنه للعام الجديد
5.يقولون أن أنظمتنا العربية متسلطة على شعوبها .. لكي تنشأ جيلاً صبوراً أمام المحن ! ما تقول أنت؟؟ اقول ان من اعمالكم سلط عليكم فان استقمتم استقام امراؤكم وان اعوججتم اعوجوا
6.لماذا النسوة ... مدمنات ثرثرة ، هل هي طبيعة أم تمرد؟؟
طبيعة وتمرد :)
7.لو كنت مرشدا سياحيا فى صحراء الربع الخالى من ستصطحب معك وتضيعه هناك، ولماذا؟؟صاحب الهوى
لانه يحاول ان يفسد على الناس دينهم
8.لو كانت الأيام هي الناس ، فأي يوم من أيام الأسبوع ستختار ليكون صديقك ، وأيهم عدوك ، ولماذا؟؟
حاسس كده ان السؤال ده يحمل بين طياته تشاؤما وتفائلا بالاياام وانا بصراحه لا اعتقد ان الاياااااام لديها القدره ان تنفعنى فاتخذها صديق او تضرنى فاتخذها عدو
دول منقولين ،، أسئلتى انا بقى..
اتفضـــــــــــــــــــــــــــــــل
9.وجه رسالة لكل منــ
*رئيس الجمهورية؟؟

سياده الرئيس نحن فى حاجة مااااسه الى جهدكم لتفعيل كلمتكم الملقاه في المؤتمر الاسلامى عام 2004 فهى كلمة شخصت امراض الامه والسبيل الى علاجهاا
*محافظ الفيوم؟؟
الدكتور جلال سعيد بارك الله فيكم ان اهتمامكم المبالغ فيه بطرق الفيوم ادى الى اهمال كثير من اولويات شعب الفيوم
فاذا كانت دراستكم في مجال الطرق فان منصبكم لا يجعلكم مسؤولون عن الطرق وحدها.
*رئيس الجامعة؟؟

الاستاذ الدكتور رئيس جامعتنا الموقر لى نقطتان الاولى ان تعاملكم مع قضية النقاب بمثل هذه الطريقه سيوجب عليكم محاسبتكم امام علام الغيوب فانتبهوا جزاكم الله خيرا وهدانا جميعا الى صراطه المستقيم
الثانيه ان معامل كلية العلوم في حاجة ماسه الى ميزانية ضخمه ونحن نامل من حضراتكم ان تصرفوا ميزانية التجديدات السنويه للجامعه الى معامل كليتنا واثقون الا تبخلوا علينا بذلك جزاكم الله خيرا وسدد على طريق الخير خطاكم
*الـ Admin؟؟ فيينك ياراجل
*المشرفين؟؟ ورونا الهمة ياجدعااااان
10.عضو تحب تشوفه أون لاين؟؟عضو تحبه يرد على موضوعاتك؟؟عضو متحبش يرد على موضوعاتك؟؟
احب اشوف كل اعضاء المنتدى فى وقت واحد_ من يضف جديدا _لا مفيش خالص
11.تتوقع تقديرك إيه السنة دى أن شاء الله؟؟
قول يارب ننجح وربنا يستر علينا

كفاية كدا انهارده
ياعم لسه بدرى مستعجل ليييييه
مع السلامة
الله يسلمك

والله ياجماعه اسئلتكم شيقه جدا اسمحولى اجاوب عليها بعد الفاصل



معلش الفواصل كترت بس هعمل ايه المخرج عايز كده :)

السلام عليكم ورحمة الله

سؤال كمان بعد اذنك

أمامك ثلاث مواقف

وفي عينك دمعه وحده

على أي موقف تسقط دمعتك وتبكي ؟؟؟



1-طفل يبحث في صندوق الزبالة عن شئ يأكله ولا يجد شي فيبكي وأنت لا تستطيع مساعدته.



2-انسان مسجون ومحكوم عليه بالموت وأنت تعلم انه مظلوم وبريئ ولكن لا تستطيع اثبات برائته .



3-تشاهد امرأه تجري وفجأة تسمع صوت حادث والضحية أحد أطفالها وتشاهدها وهي تسقط وتتألم .



على من تسقط دمعتك؟؟؟؟ ولماذااا؟؟

ولا يهمك خد فواصل براحتك
الكرسى ملكك الاسبوع ده
اعمل ما بدالك
عندى سؤال ع الماشى

ايه رايك فى كليتنا الجميلة دى
وعاوز تتخصص ايه فى 3

شكرااا ليك وفى انتظار الاجابة
والله يكون فى العون

السلام عليكم ورحمة الله وبركاته
بعتر جداااااا جدا المشكلة كانت في شبكة النت وانا بكرر اعتارى على التاخير ده ونرجع نكمل الاجابات

رجعنا مرة تانية بعد الفاصل
اهلا بحضرتك يادكتورة ونورتينا وعودا حميدا
وماشاء الله علي الاجابات كلها متزنة جدا
جزيت خيرا بارك الله فيك
ندخل بقي في المهم
اتفضلى

هل ناوي تحضر ماجستير ودكتوراه ولا هتكتفي بالبكالريوس؟
ان شاء الله الاتنين يارب وفقنا ووفق ؤالجميع
لو حد زعلك اوي اوي ايه اول حاجة بتفكر فيها ؟
اعمله تجاهل لحد ما يرجع لعقله
ما هو لونك المفضل؟
الازرقف والاحمر
فيلمك المفضل؟ ممثلك المفضل والمطرب المفضل؟
؟؟؟؟؟؟؟؟؟؟؟؟؟؟؟؟؟؟

ماذا تمثل هذه الكلمات في حياة العشيري//
البحر القوة (لو فاض غمر ما حوله دون اى مجهود مجهود )
الحب الحياة
الخيانة القتل
الضعف لا ضعف مع الحق
الغرور يقود الى النار
القوة الحق منبع القوة
النجاح يضفى طعما للحياة
الرومانسية لها وقت معين عندما يحين تفيض فتغمر
الصمت ابلغ من الكلااام وقد قيل صمتى لا يعنى جهلى بما يدور حولى ولكن ما يدور حولى لا يستحق الكلااام
الهدوء سكون الليل

ايه رائيك في المنتدي واعضاءه
بصراحة اعضاء جمال جدا متفاهمين جدا مثقفين اخلاقهم عالية متسامحين مع بعضيهم انا عن نفسي بعتيرهم اخوتى

بتفكر في ايه دلوقتي؟
اليوم مشغول جدا مشعارف هقدر اعمل كل اللى انا عايزه ولا لا؟
كيف تنظر الي المستقبل؟
بامل وصبر وما قدر سيكون رغما عنا
هل ما فات في حياتك ممكن ياثر علي مستقبل كولا ليس له علاقة؟
اكيد استفدت من اللى فات الخبرة لكن اللى جاى بيد الله الله اعلى واعلم
ايه رائيك في زمن سي السيد وهل تتمني ان يعود؟
لا لا اتمنى عودته وفي نفس الوقت لا اتمنى ان تسود المراه حتى يرمز لها بالحكومة
ما رائيك في قيادة المرأة للسيارة
ارفضه خوفا
مارائيك في عمل المرأة؟
لو اقتضت الضرورة مع القيام بكل واجباتها المنزليه وعدم الاخلال بهااااااااااااااااااااا بس الاول يكون في ضرورة ماسة للعمل
ناوي ترشح مين علي الكرسي بعدك

ان شاء الله اوعدك مش هجيب حد من بره المنتدى

كفاية جدا وشكرا جدا ليك
شكرا جزيلا جزيلا لحضرتك ونورتينا وعلى فكرة دى رابع مرة اجاوب عالاسئلة دى بسبب فصل النت وبكرر اسفى للتا خيير

العشيري كتب:

والله ياجماعه اسئلتكم شيقه جدا اسمحولى اجاوب عليها بعد الفاصل



معلش الفواصل كترت بس هعمل ايه المخرج عايز كده :)

بس الكنترول مش عايز كده ارجع بسرعه جاوب على الاسئله مافيش وقت

ايه يا عشيري الكرسي عحبك ولاايه مش ناوي ترشحلنا حد من المنتدي؟
المدة انتهت عايزين نعرف مين الضحية قصدي العضو الجديد

هههههها قول مين بسرعة

نورت الكرسى الاسبوع اللى فات
يالا قول مين بعدك

خلاااااااااااص يارجاله ادينا جينا الحمد لله قبل فوات الاوان وقبل تصفير الحكم وفي هوا نجاوب ونرشح
السلام عليكم ورحمة الله
عليكم اتلسلام ورحمة الله

الاعضاء الله ينور قايمين بالواجب وزيادة بس واضح ان حضرتك قدها وقدود
بارك الله فيكي جزيت خيرا

كام سؤال كده عالماشى
اتفضلى

ليه مفيش مواضيع بتنزلها على المنتدى؟؟
انا بقعد عالمنتدى فترات بسيطه مش بتمكن فعلا من عمل الموضوعات مع انى بفكر كتييير جدا اعملها لكن الوقت بيحكمنى شويه لكن ان شاء الله قريب قولى يارب

حافظ احاديث قدسيه ؟ لو حافظ اذكر اللى جاى على بالك؟كن حريص ممكن احفظها
ده حديث واحد ومعلش عشان الوقت بس
( قَالَ الله عَزَّ وَجَلَّ: إِذَا هَمَّ عَبْدِي بِحَسَنَةٍ وَلَمْ يَعْمَلْهَا كَتَبْتُهَا لَهُ حَسَنَةً، فإن عَمِلَهَا كَتَبْتُهَا عَشْرَ حَسَنَاتٍ إِلَى سَبْعِمِائَةِ ضِعْفٍ، وَإِذَا هَمَّ بِسَيِئَةٍ وَلَمْ يَعْمَلْهَا لَمْ أَكْتُبْهَا عَلَيْهِ، فإن عَمِلَهَا كَتَبْتُهَا سَيِئَةً وَاحِدَةً)


اكتر صفه انت شايف انها موجودة فالبنات ؟ وكمان الولاد ؟

صفة في البنات النشاط والهمة والاولاد الوعى الثقافي
اكتر آيه فى القرآن بتحب تسمعها اوووووى؟
وانا في الاذاعه المدرسية كنت بحب اقرا اية سورة النور (اللَّهُ نُورُ السَّمَاوَاتِ وَالْأَرْضِ مَثَلُ نُورِهِ كَمِشْكَاةٍ فِيهَا مِصْبَاحٌ الْمِصْبَاحُ فِي زُجَاجَةٍ الزُّجَاجَةُ كَأَنَّهَا كَوْكَبٌ دُرِّيٌّ يُوقَدُ مِن شَجَرَةٍ مُّبَارَكَةٍ زَيْتُونِةٍ لَّا شَرْقِيَّةٍ وَلَا غَرْبِيَّةٍ يَكَادُ زَيْتُهَا يُضِيءُ وَلَوْ لَمْ تَمْسَسْهُ نَارٌ نُّورٌ عَلَى نُورٍ يَهْدِي اللَّهُ لِنُورِهِ مَن يَشَاء وَيَضْرِبُ اللَّهُ الْأَمْثَالَ لِلنَّاسِ وَاللَّهُ بِكُلِّ شَيْءٍ عَلِيمٌ) وطبعا كنت بحب اسمعها

ممكن ترجع تثق فى حد اخل بثقتك فيه سابقا ؟
استحاله من وثقت فيه وخذلنى فساكتب على جبينه مفقود الثقه

اهم اربع صفات لازم يتوفروا فى الشاب والفتاة من وجهة نظرك ؟

التدين الصدق الاحترام احقاق الحق
بتحب الشروق ولا الغروب وليه ؟

بحب الشروق الغروب دايما بفكرنى بان كل شيء له نهاااااااايه اما الشروق فبيحسسنى بالامل والنشاط والهمة


مين اكتر حد فى دنيتك يستحق ان تتوجه اليه بالشكر؟
والدى

واضح انك بتحب العلم مين بيدعمك فى ده ؟
العلم نفسه لمكانته في تقدم ورقى الامم وايضا العلم الشرعى فهو سبيل خلاص الامه
سؤال كمان بعد اذنك
بكل سروووووووووووور
أمامك ثلاث مواقف

وفي عينك دمعه وحده

على أي موقف تسقط دمعتك وتبكي ؟؟؟



1-طفل يبحث في صندوق الزبالة عن شئ يأكله ولا يجد شي فيبكي وأنت لا تستطيع مساعدته.



2-انسان مسجون ومحكوم عليه بالموت وأنت تعلم انه مظلوم وبريئ ولكن لا تستطيع اثبات برائته .



3-تشاهد امرأه تجري وفجأة تسمع صوت حادث والضحية أحد أطفالها وتشاهدها وهي تسقط وتتألم .



على من تسقط دمعتك؟؟؟؟ ولماذااا؟؟
موقف الطفل وصندوق الزباله هو من يجعلنى اقف امامه باكيااااااااااا

لان هذا الموقف خطا امه او مجتمع باكمله مجتمع عارى من التعاون والرفق والاهتمام بامر المسلمين وكل الاخلاقيات اللتى امرنا بها ديننا الحنيف حتى ان رسولنا القدوه قال ("ما ءامنَ بي من باتَ شبعانَ وجارُه جائعٌ إلى جنبِه وهو يعلَمُ بِهِ". صدق رسول الله صلى الله عليه وسلم

الموقف التانى اللى هو موقف اعدام المظلوم فهو خطا فرد اللى هو القاضى او الشاهد فهو فرد واحد واكيد المظلوم سينتقم له ربه جل وعلا


اما موقف المراه وولديها فهو ايضا خطا فردى خطا السائق او الطفلة يعنى خطا فردى برده والاكيد ان ربنا قدر ذلك فان صبرت فان اجر الصابرين عظيم جداا

وفي النهاية احب اعرف لو حضرتك مكانى هتقولى ايه؟
شكرا جدا على الاسئلة الشيقه دى

brave*heart كتب:

ولا يهمك خد فواصل براحتك
الكرسى ملكك الاسبوع ده
اعمل ما بدالك
عندى سؤال ع الماشى

ايه رايك فى كليتنا الجميلة دى
وعاوز تتخصص ايه فى 3

شكرااا ليك وفى انتظار الاجابة
والله يكون فى العون

شكرا جدا جدا ليك بريف هارت انتى طبعا اول مقدرة موقفى كويس لانك كنتى مكانى و.......... :) وكملى انتى بقى
الكلية بصراحه محتاجه تطوير جامد جدا علشان يطلع منها علماااااااااااااااااااااااااااااء ينافسوا العالم في مجالات العلوم في كل الدنياااااااا
يارب اتخصص فيزياء يارب او اكون رياضه فيزياء ان محصلش نصيب ودخلت فيزياء

وفي النهايه بكرر اسفى عن ما حدث من تاخير ياريت تسامحونى ويارت تقولولى:

ماذا تحب ان تقول لى في نهاية الجلسه المطوله على كرسيكم الموقر ؟؟؟

ايه العيب اللى حسيته موجود فيه وياريت بصراحه (رحم الله رجلا اهدى الى عيوبى ) ؟؟؟


لو اى حد معترض على وجهة نظر في اى اجابة سؤال ياريت يقول عليها احنا ممكن نتناقش فيها ؟






اتوقع ان اللى هيقعد مكانى حااااااااااااااااسس بنفسه انا كنت ناوى اقول اسمه في الموضوع الجديد لكن هقول اسمه هنا وامرى لله معانا ان شاء الله على كرسيكم الموقر في الفترة القادمه العضو الذى سطر بيديه (وبلوحة المفاتيح برده) شهادة وفاته شكله كان عايز يعمل معاش مبكر بكره ان شاء الله نعمل الموضوع مع خااااااااااااالص تحياتى وامنياتى للجميع بالتوفيق والنجاح وتحقيق اعلى الدرجات السلام عليكم ورحمة الله وبركاته

ولا يهمك يا عشيرى نورت الكرسى الفترة اللى فاتت

ماذا تحب ان تقول لى في نهاية الجلسه المطوله على كرسيكم الموقر ؟؟؟
شكرا لصراحتك وتلقائيتك


ايه العيب اللى حسيته موجود فيه وياريت بصراحه (رحم الله رجلا اهدى الى عيوبى ) ؟؟؟
مش لقيت مش عارفة



لو اى حد معترض على وجهة نظر في اى اجابة سؤال ياريت يقول عليها احنا ممكن نتناقش فيها ؟
لا ما فيش اعتراض واختلاف وجهات النظر وارد


قولنا بقى ترشح مين بعدك

العشيري كتب:

معانا ان شاء الله على كرسيكم الموقر في الفترة القادمه العضو الذى سطر بيديه (وبلوحة المفاتيح برده) شهادة وفاته شكله كان عايز يعمل معاش مبكر

brave*heart كتب:

قولنا بقى ترشح مين بعدك

ايييييييييه حضرتك مش عارفف اسير الخطايا ولا مش اخدتى بالك

ايام سورى ما اخدتش بالى
مبروك الكرسى يا اسير الخطايا
او الخل الوفى سابقا

وشكرا ليك يا عشيرى ع التوضيح

لا شكر على وااااااااااااااااااااااااجب يافندم


ده انا اللى متشكر جددا جدا لحضرتك على اجابة الاسئلة


جزيت خيراااااااااااااا بارك الله فييييييييك