العضو some times على كرسي الاعتراف

اهلا بيكي some times
نورتي الكرسي

مرسيه جدآ ليك يا مود...


والمنتدى منور بكل الأعضاء الجامدين اللي فيه...
والكرسي هينور بأسئلتكم..
مستنياكم

نورتى الكورسى و بما انها اول مشاركه ليه من زمااااان فياريت تبقى قد الاسئله و نبتدى

الاسم او اسم الدلع اى حاجه فيهم ؟
البرج و اللون المفضل ؟

ده الاسئله التقليديه الى مش عاديه اهى بقه

اولا

امتى بتفرحى من قلبك ؟
امتى بتحزنى من قلبك ؟
امتى بتضحكى ضحكة صافية ؟
امتى بتكدبى ؟
بتكرهى شخص معين فى حياتك ؟
مين اكتر شخص بتحببه غير باباك ومامتك ؟
احكيلنا موقف أثر فيكى ؟ موقف طريف متقدريش تنسيه ؟
مين اقرب صحابك ليكى فى المنتدى وخارج المنتدى ؟
مين العضو/و العضوه(اكتر من واحد/ه عادى) اللى نفسك تعرفيه عن قريب ؟


ده كده دلوقتى لاحد ما اشوف انطباعك عن اسهل اسئله موجوده ف المنهج و لما نشوف الاجابات

سلااام موقتا

دا نورك ياأحمد
وحمدا لله ع السلامه..

الإسم أو إسم الدلع:‏sometimes ‎هههههههههه

البرج: الجوزاء
اللون المفضل: ‏pink‏ و بنفسجي و أحمر

إمتى بتفرحي من قلبك؟
لما بشوف اللي حوليا فرحانين ولما بكون ف وسط اللي بحبهم

إمتى بتحزني من قلبك؟
بجد لما بلاقي حد بحبه واقع ف مشكله أو في حاجه مزعلاه

إمتى بتضحكي ضحكه صافيه؟
لما بحس إن ربنا راضي عني وبيحققلي اللي نفسي فيه

إمتى بتكدبي؟
مش بحب أكدب بمعنى تاني بحاول ما أكدبش عشان مش بحب كده.

بتكرهي شخص معين ف حياتك؟
بتدايق من تصرفاته لكن مش بكرهه.

مين أكتر شخص بتحبيه غير باباكي ومامتك؟
أصحابي.

إحكيلنا موقف أثر فيكي؟
واحده صاحبتي كان عندها مشكله ومحدش معاها أو مقدر موقفها وفاهمها مع إنها كانت ع حق فكانت حاسه إنها لوحدها فكنت مدايقه علشانها بس الحمد لله.

موقف طريف؟
كنا ف محاضره والدكتور خلص شرح بس كان واقف يتكلم وواحده صاحبتي كانت ماسكه موبايل و ضغطت ع زرار غلط ففيه أغنيه إشتغلت والدكتور بصلنا كلنا وضحك بس كان إحراج جامد ف وسط المدرج.

مين أقرب أصحاب ليكي ف المنتدى: أمة الله
وخارج المنتدى : الشله بتاعتي كلها و صاحبتي سمر.

مين العضو/ه اللي نفسك تعرفيه عن قرب؟
روز و الدكتوره و شيماء والمهندسهH


وأنا ف إنتظار باقي أسئلتك ياأحمد وأسئلة باقي الأعضاء...

اهلا اهلا الكرسي نور والله
ازيك يت قمر اخبارك ايه كرسي مريح ان شاء الله
ندخل بقي في المفيد
اكتر اكلة بتحبيها ؟
اكتر مشروب؟
ايه الاكلة اللي بتحبي تعمليها؟
اهدافك في الحياة؟
اخبارك في كلية علوم؟
فرقتك والقسم بتاعك وناوية تتخصصي ايه؟
موقف ندمتي عليه جدا؟
لو رجع بيكي الزمن لايام الثانوية العامة هتعملي ايه ؟
ليه اخترتي اسم some times
لمن توجهي هذه الكلمات

اشكرك بعنف/
انت اغلي حد في حياتي/
حاول تعدل من نفسك/
انا اسفة/
مش عايزة اعرفك تاني/
وظفي الاعضاء في هذه الوظائف*
رومانسي
مواضيعه رائعة
ردوده جميلة
ملح المنتدي
وردة المنتدي
طلباته اوامر
نقده يعجبك
شخصيته تشدك
نفسك تعرفيه بجد
كفاية كده يا ستي وانتظريني بعد الفاصل

اهلا بيكي يادكتور...
انا الحمد لله
والكرسي مريح قوي...‏

اكتر اكلة بتحبيها؟

مكرونه بالبشاميل..
اكتر مشروب؟

عصير مانجا ...
ايه الاكلة اللي بتحبي تعمليها؟

إيه الإحراج ده
بسلق بيض

اهدافك في الحياة؟

أرضي ربنا وأرضي بابا وماما،
وأتخرج من الكليه ع خير وأجيب تقديرات كويسه إن شاء الله..
وأعيش مع الإنسان اللي أحبه...

اخبارك في كلية علوم؟

تمااااااام
بجد كليه حلوه قوي وأحسن من كليات تانيه كتير
فرقتك:الأولى قصدي كانت وهتبقى تانيه إن شاء الله إدعولي..
والقسم بتاعك:علوم طبيعه
وناوية تتخصصي ايه؟
كيميا_ بإذن الله

موقف ندمتي عليه جدا؟
كان موقف وإتسرعت فيه وإتصرفت غلط...‏‎

لو رجع بيكي الزمن لايام الثانوية العامة هتعملي ايه؟

كنت هشد حيلي أكتر لأني كنت أوقات بهمل ف المذاكره بس الحمد لله
ولولا كده مكنتش جيت علوم وإتعرفت ع ناس حلوه زيكم..

ليه اخترتي اسم‎ sometimes‏:لأن الدنيا أوقات معايا وأوقات ضدي بس ربنا اللي بيسترها بجد أحسن حاجه التوكل ع الله

لمن توجهي هذه الكلمات

اشكرك بعنف/الله
انت اغلي حد في حياتي/أبويا و أمي
حاول تعدل من نفسك/أنا
انا اسفة/ أي حد غلطت فيه
مش عايزة اعرفك تاني/الذنوب
وظفي الاعضاء في هذه الوظائف*
رومانسي: روز ومحمد سعد
مواضيعه رائعة: كلكم
ردوده جميلة:كل الأعضاء
ملح المنتدي: المنتدى مش هيبقى ليه طعم من غيركم كلنا بنكمل بعض
وردة المنتدي:أمة الله و روز
طلباته اوامر: ‏all
نقده يعجبك: الدكتور علي والأدمن
شخصيته تشدك: إنتي ومحمد سعد و المهندسهh‏ وأحمد
‏
نفسك تعرفيه بجد: إنتي و روز و شيماء


"كفاية كده يا ستي" ولا يهمك مستنياكي...

يا مساء الانواااااااااااااااااااااااااااااار
ايه اخبار الاجازه معاكي
يارب تكون جميله بعد التعب الشاق
بيس
معايا شويه اسئله يا رب متكنش رخمه عليكي
والله الموفق
والاسئله المعتاده و هي.............؟

تلاقي
نفسك ازاي؟
بتقدرتواجهي نفسك بحقيقه غلطك ؟ ولا بتهربي؟
اخبار

الحب معاكي؟
علاقتك بمامتك وباباكي ازاي؟
مين اقرب صديق ليكي؟
اكتر
مكان بتلاقي راحتك فيه؟
لونك المفضل؟
هل انتي انانيه؟
هل انتي

طموحه بالقدر الكافي؟
بتسعى ازاي لتحقيق احلامك؟

وايه
اخبااااااااااااااااااااااااااااااااااار الدنيا الحلوه دي معاكي؟

دي
برده
اسئله
اختياريه
جوابي علي اللي انتي عايزه

السلام عليكم ورحمه الله وبركاته

ازيك يا sometimes انا طبعا مبسوطه انك معانا على الكرسى
ويارب مانتعبكيش وتستمتعى معانا


قوليلى ياستى حافظه اد ايه من القرآن ؟؟

بتحبى القراءه؟؟

ترتيبك فى اخواتك؟؟ ومين اقربهم ليكى (يعنى الاصغر ولا الاكبر)

عندك صحاب كتير يعنى اجتماعيه وكده ولا لا ؟

جبتى كام فالثانويه العامه؟

اكتر مرحله فى حياتك عشتيها بجد يعنى كانت احلى الايام؟

اخيرا حليلى الفزوره دى من وجهة نظرك ماتسأليش حد
لو واحد راكب عربيه مفيهاش غير مكانين اتنين فقط بكرر اتنين بس ليه (السائق )وحد كمان
ولقى فى طريقه
صاحبه اللى انقذ حياته قبل كده وست عجوزة تعبانه جدا وعايزة تروح المستشفى وكمان
فتاة احلامه اللى بيتمنى يقضى بقية عمره معاها هو عايز يوصل كل دول بس المكان
ياترى تنصحيه يعمل ايه؟؟؟؟


تمام كده اشوفك بعدين
آه صحيح بالنسبه لانك عايزه تعرفينا شخصيا انا وروز والدكتوره احنا فى قسم واحد
وان شاء الله هنتقابل كلنا لو ليا عمر واتقابلنا فالكليه
على فكره الشعور متبادل انا كمان عايزه اتعرف عليكى

ده نورك يا محمد
معلش إتأخرت عليكم ف الرد.
و الأجازه حلوه بس لسه معملتش فيها حاجه مفيده.بس الحمد لله الإمتحانات ع خير.
وتحت أمرك ف أي أسئله...

بلاقي نفسي؟ بين إيدين ربنا و برضه ف عينين اللي بحبهم.

بتقدري تواجهي نفسك بحقيقه غلطك؟
أيوه
ولا بتهربي؟
لأ مش بهرب علشان لما بهرب بتعب من جوايا أوي..

أخبار الحب معاكي؟
بحلم بس يارب الأحلام دي تتحقق.

علاقتك بباباكي ومامتك؟
كويسه أوي الحمد لله

مين أقرب صديق ليكي؟
سمر و الشله بتاعتي كلها بحبهم أوي وكلنا قريبين من بعض و أسرارنا واحده.

أكتر مكان بتلاقي راحتك فيه؟
أي مكان لوحدي...

لونك المفضل؟
pink&‎أحمر

هل إنتي أنانيه؟
لأ بس أكيد أوقات بس مش كتير

هل أنتي طموحه بالقدر الكافي؟
لأ بس بحاول...

بتسعي إزاي لتحقيق أحلامك؟
بحاول أعمل اللي أقدر عليه الأخذ بالأسباب يعني و بدعي ربنا

إيه أخبار الدنيا دي معاكي؟
أهي ماشيه يوم كده ويوم كده.... قول يارب

وشكرا ع الأسئله السهله دي

وعليكم السلام ورحمة الله و بركاته

أنا الحمد لله ومبسوطه أوي علشان إنتو معايا يا أحلى أعضاء

حافظه أد إيه من القرءآن؟
أجزاء بس مش كتير بس إن شاء الله ف الأجازه دي هحاول أكمل...إدعولي

بتحبي القراءه؟
أه أوي و الشعر بالذات

ترتيبك ف إخواتك؟
الأولى
وأقربهم ليكي؟
يعني أخويا اللي بعدي"أولى ثانوي"

عندك إصحاب كتير يعني إجتماعه ولا لأ؟
هو أنا مش إجتماعيه أوي بس الحمد لله أصحابي بيحبوني والحمد لله كل مابقابل ناس جديده بتعرف عليهم حتى لو مش هنبقى أصحاب أوي

جبت كام ف الثانويه؟
90%

أكتر مرحله ف حياتك عشتيها بجد كانت أحلى أيام؟
السنه دي يعني أولى ف علوم لأني إتعرفت ع أحلى أصحاب بجد..

حل الفزوره؟؟؟
أنصحه أمممممممم!!!

إنه يوصل الست العجوزه للمستشفى و يشرح لصاحبه و فتاة أحلامه وجهة نظره لأنه بكده هياخد حسنات "بس كده مش معناه إنه أناني" لأ دي حاجه ترضي ربنا علشان ربنا يكرمه ف الناس اللي بيحبهم،
ومادام صاحبه ده أنقذ حياته قبل كده يبقى عنده شهامه وهيشجعه إنه يساعد الست دي ، وفتاة أحلامه لو بتحبه بجد وهي كويسه من جواها وتستاهله هتتمسك بيه لأنه كده هيحافظ عليها بعد كده و هو أكيد هرجع ياخدهم تاني أو يبعتلهم أي مساعده...

وإن شاء الله نشوف بعض يا جميل السنه الجايه لو ربنا عطانا عمر...


وف إنتظار باقي أسئلتكم.
سلام مؤقت...

أهلا بيكي يا ‏h
ونورتيني ياقمر

ترشحي مين للرئاسه؟
تؤ تؤ تؤ تؤ كده خطر بلاش السياسه..

لو رجع بيكي الزمن كنتي هتختاري إيه غير علوم ؟
أنا بعد ما دخلت الكليه دي ماأتمناش أدخل حاجه تانيه لأني فعلا حبيت كليتي أوي وهي بجد أحسن من غيرها ف حاجات كتير...

بتحبي تقرئي لمين؟
مش لحد معين
إحنا بنشجع اللعبه الحلوه قصدي الكلمه الحلوه

و ف أي موضوعات؟
التنميه البشريه و الشعر و السيره النبويه

الداعيه المفضل؟
الداعيه/مصطفى حسني
و ا/عمرو خالد
و الشيخ محمود المصري

وشكرا ع أسئلتك السهله يا جميل..

أنا الحمد لله
منور إنت يا مود

من ....؟؟؟
أكتر حد بتفكري فيه؟ مستقبلي و عمري اللي جاي...

بتحبيه؟؟
ربنا طبعا

بتحترميه؟؟
بابا و ماما

بتتكلمي معاه؟؟
أصحابي

بتبتسمي لما تشوفيه؟؟
‏.........!!

بتحلمي بيه؟؟
‏..........!!

هيكسب كاس العالم السنه دي؟
مش عارفه أنا أصلا ماليش ف الكوره...

ميرسي لمرورك...

ده نورك يا دكتور علي
ومشرفني مرورك و الله

الحلقه الأولى سوم تايمز و المدرسه!

‏*كنتي بتحبي تروحي المدرسه؟
أه أوي بس أوقات كنت بزهق

‏*ترتيبك الكام ع الفصل و ع المدرسه؟
بلاش إحرااااااج
كان ف إبتدائي كنت بطلع من الأوائل لكن ف إعدادي وثانوي ما أوعدكش

‏*أكتر لعبه؟
الأستغمايه طبعا مفيش حد مش بيحبها

‏*أكتر ماده بحبها؟
العلوم و الكيميا شوفتوا بقى وربنا رزقني بكليه العلوم

‏*أكتر ماده بتكرهيها؟
التاريخ والجغرافيا

‏*الأنشطه المدرسيه؟
الرسم و الموسيقى

‏*لو رجع بيكي الزمن كنتي تحبي تغيري إيه؟
أنا مش بحب أندم ع حاجه حصلت المهم اللي جاي..

‏*حسيتي مره بالظلم؟
ف إبتدائي حصل موقف كده...

‏*أكتر معلمه ؟
مدرسه العلوم ف إعدادي
ولماذا؟
كانت عندها ضمير وكانت بتعاملنا زي إخواتها

*أسعد يوم ف المدرسه؟
ف إبتدائي يوم إستلام الجوايز
شغل عيال يعني...

‏*لو حسيتي إنك مظلومه جدا من شخص معين؟
كنت بفضل لوحدي وأبكي

‏*إيه كانت نقاط قوتك؟
حب عيلتي ليا وأصحابي والأمل ف بكره

‏*نقاط ضعفك؟
كنت بتعصب بسرعه


شكرا ليك يا دكتور
و ف إنتظار باقي الحلقات...

السلام عليكم
وأخيرا وبعد فترة انقطاع صغيرة رجعت تانى
للمنتدى وبجد وحشتونى كلكم

منورة ياsometimes
كرسى الاعتراف وواضح ان فعلا الاعضاء كلهم
قاموا بالواحب معاكى
بس ده ما يمنعش اسالك كام سؤال ع الماشى

تحكى لمين اسرارك الخاصة؟
ايه احلامك المستقبلية بعد الكلية؟
ايه اخبار امتحاناتك؟
واى شكل الاجازة معاكى ؟
كفاية انهاردة كده علشان اكون ضيفة خفيفة عليكى

السلام عليكم ورحمة الله
ياهلا بيكى يا sometimes
منوره الكرسي
شويه اسئله كده ولنا عوده ان شاء الله
حكمه تؤمنين بها؟
ماذا ستكتبين لنا للتعبير عن حياتك التى عيشتيها؟
ايه اكتر موقف محرج حصل ليكي في الجامعه؟
ايه هو اكتر سؤال محرج اتسالتيه في حياتك؟
قوليلنا اكتر 3 حجات بثيروا غضبك؟
كم مره لم تستطيعي ان تكتمي دموعك؟
هدف وضعتيه وتحقق واخر لم يتحقق وثالث قد يتحقق؟

في حاجه معينه ناويه تنجزيها في الاجازه؟

شخص ثقه لديك غير بابا وماما ؟

اجمل ما في الحياة في نظرك؟

كفايه دلوقتى

بصى انا مش هسأل عشان انا عارفة
كل حاجة بسلم عليكى بس

و عليكم السلام
braveو حمدا لله ع سلامتك يا ‏


منورة ياsometimes
كرسى الاعتراف
ده نورك يا قمر
واضح ان فعلا الاعضاء كلهم
قاموا بالواحب معاكى:أنا تحت أمركم
بس ده ما يمنعش اسالك كام سؤال ع الماشى:تشرفيني

تحكى لمين اسرارك الخاصة؟
أصحابي..

ايه احلامك المستقبلية بعد الكلية؟
نفسي أشتغل ف تخصصي وأعمل الحاجه اللي بحبها..

ايه اخبار امتحاناتك؟
الحمد لله عدت ع خير...

واى شكل الاجازة معاكى ؟
لسه والله ما عملتش أي حاجه مفيده بس إن شاء الله عايزه أرتب أموري وأستفيد منها.. ‏

و مستنياكي يا جميل...

بصى عيزاكى تتألقى

وعليكم السلام ورحمة الله
اهلا بحضرتك يا عشيري

حكمه تؤمنين بها؟"
‏"كن لله كما يريد يكن لك فوق ما يريد"
و"لا تجعل مشاعرك أرضا يداس عليها
... بل إجعلها سماءا يريد الجميع الوصول إليها"

ماذا ستكتبين لنا للتعبير عن حياتك التى عيشتيها؟
اللى فات هنساه واللي جاي أحسن إن شاء الله...

ايه اكتر موقف محرج حصل ليكي في الجامعه؟
هي مواقف كده بس كلها مع أصحابي معلش مش هينفع أقولها لأنها برضه تخصهم...

ايه هو اكتر سؤال محرج اتسالتيه في حياتك؟
‏"إنتي بتحبي حد ولا لأ؟"

قوليلنا اكتر 3 حجات بثيروا غضبك؟
الكذب
و اللامبالاه
والخيانه

كم مره لم تستطيعي ان تكتمي دموعك؟
كتييير

هدف وضعتيه وتحقق واخر لم يتحقق وثالث قد يتحقق؟

...هحتفظ بيهم‏

في حاجه معينه ناويه تنجزيها في الاجازه؟

أه إن شاء الله عايزه أحفظ قرءآن وكنت عايزه أخد كورسات بس لسه ما شوفتهاش أو بمعنى أصح مش لاقيه حد يشجعني..

شخص ثقه لديك غير بابا وماما ؟
أصحابي
‏ ‏

اجمل ما في الحياة في نظرك؟
حب الله وحب الناس
و الحب عموما لأنه أحلى حاجه ف الوجود...

ومستنيه باقي الأسئله

تحيه كبيره أوي أووووووووووي
لأمة الله
ونقولنها حمدا لله ع سلامتها

وبجد وحشتيني أوي

وشكرا ع مرورك الجميل ده يا قمر

-حضرتك منورة الكرسى سوم تايمز
-أنا طبعا مش هسأل لان الاعضاء مخلوش حاجة بسأنا كان لى تعقيب بسيط ارجو الرد علية بصراحة

لو رجع بيكي الزمن كنتي هتختاري إيه غير علوم ؟
أنا بعد ما دخلت الكليه دي ماأتمناش أدخل حاجه تانيه لأني فعلا حبيت كليتي أوي وهي بجد أحسن من غيرها ف حاجات كتير...

أفهم من كدة انك لو اتعرض عليكى السنة القادمة انك تكملى فى 2 طب بشرى للنهاية هترفضى ؟؟؟وتكملى فى علوم.

تحياتى لكى

الســـــــــــــــــــــــــــــــــــــــــــــــــــــــــــــــــــــــــــــــــــــــــلام عليكم
كرسي مريح ان شاء الله
واسألة سهلة

1)هل مفاجأة جلوسك على كرسي الاعتراف لها وقع في نفسك ؟ وماهو شعورك وانت على كرسي ؟

2)لو خيروك بين حبيبك وبين اعز صديق فمن تختاري ؟

3)هل تعتقدي ان حظك سيئ؟

4)هل هزمك حزنك في يوم من الايام؟

5) (( اللي راح راح و لا تفيد كلمة ياريت ))
إذا أردت ان توجه هذه العباره لنفسك, فماذا تقصدي بها ؟

6)هل تؤيدي الزواج العاطفي ام الزواج التقليدي ؟ ولماذا ؟

7)من هو توأم روحك ...؟؟

ما هو تعريفك للمجنون؟؟

العاقل؟؟

المتكبر؟؟

المتواضع؟؟


9)واحد قاعد مع اصحابه وسالهم ما هو اصعب شئ في الحياة؟

الاول قال الموت
الثانى قال الحب من طرف واحد
والثالث قال انك تنجرح من حبيبك
والرابع قال انك تعيش واحدانى
والخامس قال ان الدنيا تبعدك عن الناس الي بتحبهم

ايه رأيك ما هو اصعب شئ في الدنيا؟؟؟؟؟؟؟؟؟؟؟؟


10) اذا تقدم لزواجك شابان

الاول يحبك وانتي لا تحبيه

الثاني انتي تحبيه وانتي تعرفين انه لايحبك


من يا ترى يكون سعيد الحظ الي هتختاريه وليه ؟؟




ارجو تقبل مروري وشكرا

أهلآ بحضرتك prison break



لو رجع بيكي الزمن كنتي هتختاري إيه غير علوم ؟
أنا بعد ما دخلت الكليه دي ماأتمناش أدخل حاجه تانيه لأني فعلا حبيت كليتي أوي وهي بجد أحسن من غيرها ف حاجات كتير...

أفهم من كدة انك لو اتعرض عليكى السنة القادمة انك تكملى فى 2 طب بشرى للنهاية هترفضى ؟؟؟وتكملى فى علوم.

انا كنت علمي رياضه و كنت عايزه أدخل هندسه او حاسبات لكن الحمد لله كل واحد بياخد نصيبه وأنا متأكده ان ربنا هيعوضني بس أنا راضيه والحمد لله
و حتى لو أتعرض عليا أدخل حاجه تانيه مش هوافق و هكمل ف علوم ان شاء الله......................

و شكرا كتير ع مرورك الطيب.......

وعليكم الســـــــــــــــــــــــــــــــــــــــــــــــــــــــــــــــــــــــــــــــــــــــــلام و رحمة الله وبركاته

و أهلآ بحضرتك Me and you
كرسي مريح ان شاء الله

ان شاء الله

1)هل مفاجأة جلوسك على كرسي الاعتراف لها وقع في نفسك ؟
العادي بس مكنتش متخيله اني انا هكون ع الكرسي بالسرعه دي

وماهو شعورك وانت على كرسي ؟
الحمد لله مريح وأحلى حاجه انه ف أحلى منتدى


2)لو خيروك بين حبيبك وبين اعز صديق فمن تختاري ؟

ان شاء الله ما أتحطش ف الموقف ده

3)هل تعتقدي ان حظك سيئ؟
لأ الحمد لله أنا أحسن من غيري كتير وكفايه اني من أمة محمد صلى الله عليه وسلم

وده بيبقى قدر حلو وحش بقى ده تصريف ربنا و الله مش بيجيب حاجه وحشه كله خير للانسان بس هو يفهم.....

4)هل هزمك حزنك في يوم من الايام؟
ف يوم أعلان نتيجة الثانويه العامه زعلت بس قولت قدر الله وما شاء فعل
بس مش لدرجة ان حزني هزمني
ربنا يبعد الحزن عن كل المسلمين آمين

5) (( اللي راح راح و لا تفيد كلمة ياريت ))
إذا أردت ان توجه هذه العباره لنفسك, فماذا تقصدي بها ؟
كنت مهمله شويه ف المذاكره ف ثانوي بس الحمد لله أيام وعدت
وبعدين الندم مش بيفيد بحاجه المهم نتعلم من اللي راح............


6)هل تؤيدي الزواج العاطفي ام الزواج التقليدي ؟ولماذا؟
الزواج العاطفي
وأصلآ لما الانسان يقابل نصيبه واللي ربنا مقدرهوله فساعتها ربنا هيضع الحب ف قلبه لأن ده هيبقى اختيار ربنا...


7)من هو توأم روحك ...؟؟
اللي ربنا هيرزقني بيه و هيبقى زوجي المستقبلي.....


ما هو تعريفك للمجنون؟؟
شخص لأم يتقبل الواقع فشذ عنه...

العاقل؟؟
من يستطيع وزن الامور جيدا قبل الحكم ع اي شئ


المتكبر؟؟
شخص شايف ان فيه نقص ف شخصيته ف بيحاول يداري النقص ده بإنه يتكبر ع الناس
زي ما ابليس اتكبر لأنه بيتطلع للأكتر علشان يشوف نفسه أحسن...


المتواضع؟؟
الانسان عارف انه انسان وبيواجه نفسه بحقيقتها وراضي بعطاء الله
وبيسامح حتى لو حد غلط ف حقه...


9)واحد قاعد مع اصحابه وسالهم ما هو اصعب شئ في الحياة؟

الاول قال الموت
الثانى قال الحب من طرف واحد
والثالث قال انك تنجرح من حبيبك
والرابع قال انك تعيش واحدانى
والخامس قال ان الدنيا تبعدك عن الناس الي بتحبهم

ايه رأيك ما هو اصعب شئ في الدنيا؟؟؟؟؟؟؟؟؟؟؟؟
انك تفارق اللي بتحبهم وتبقى نفسك تطمن عليهم ومش عارف......
وانه يكون حد بتحبه ف مشكله انت واقف مش عارف تساعده بحاجه.....


10) اذا تقدم لزواجك شابان

الاول يحبك وانتي لا تحبيه

الثاني انتي تحبيه وانتي تعرفين انه لايحبك


من يا ترى يكون سعيد الحظ الي هتختاريه وليه ؟؟

هختار اللي بيحبني لأنه هيحافظ عليا
و لكن برضه لو يكون الأتنين مع بعض يعني يكون حب متبادل........


و ميرسي ع مرورك

وعليكم السلام
أهلا بحضرتك يا أسير الخطايا

لخصي شخصيتك ف سطرين؟
هاديه بس أوقات عصبيه أوي-متدينه- عنيده- طيبه- متسرعه- رومانسيه حالمه- و لو حبيت حد بقدمله حياتي و عمري كله بين إيديه-وعمري ما أخونه-بحب إصحابي أوي -والحمد لله محبوبه -شويه منطويه -

أكتر ماده حبتيها ف الكليه؟
الكيمياء العضويه

مين أكتر دكتور/ه شرحه عجبك ؟
د/محمد جمعه
و د/عائشه (جبر)

من وجهة نظرك الأحسن اللائحه الجديده ولا القديمه؟
كل حاجه ليها مميزات و عيوب...

إيه أكتر حاجه تحبي تنجزيها ف الأجازه؟
حفظ القرءآن و هاخد كورسات كمبيوتر إن شاء الله...

لو ملكتي آله الزمن هتغيري إيه من ماضيكي؟

لو كنت غلطت ف حق حد هصلح غلطي...
وكنت هستثمر كل دقيقه عدت في طاعة الله...

وهتشكلي مستقبلك إزاي ؟
المستقبل بيد الله وحده وأنا راضيه بقضاء الله وقدره...

والورده ههديها لمين من الأعضاء؟
ههديها لكل الأعضاء علشان هما بجد أحلى أعضاء وإخوات بجد...
و إهداء خاص لأمه الله لأني بحبها قوي...

وهفرغ المسدس ف مين؟
ف نفسي لو كنت زعلت حد من الأعضاء أو أي حد بحبه لأني مش بحب حد يزعل مني...


وشرفني مرورك...

ياااااااااااااااااااااااااااااااااااااااااه ربنا معاك سوم تايمز وانا الى جاى اعمل الحلقه التانيه
للالالالالالالالالالالالالالالا ده كده كتير عليك اوى ده الناس هنا مبيرحموش
انا هستنى شويه لحد متخلصى المانشت بتاع محمد سعد وبعدين اعمل الحلقه الجايه
مش من باب الرحمه لا من باب الى جاى احسن ههههههههههههههه

السلام عليكم ورحمة الله

ازيك sometimes يارب تكونى بخير

خلينى اقولك حل الفزورة بما ان الحياه فرص

هينزل الراجل من عربيته ويسيبها لصاحبه اللى انقذ حياته يوصل العجوز للمستشفى ويروح مشواره

هيفضل مع فتاة احلامه شوفتى الحل سهل ازاى ههههه

لما تخلصى الاسئلة اللى عندك احتمال يتيقى حاجه نسأل عليها هههههههه

سلام عليكم
شكرا على الاجابة انتى ماشية كويس جدااا

مافيش اسألة عندى بس هو استفسار
انتى هتخلصى ايمتى لانك صعبتى عليا ربنا معاكى
وهترشحى مين وايمتى ؟؟؟

تقبلى مروروى يا سوم تايمز
سى يو

Ψ MoHaMmEd SaAd Ψ كتب:

سـ// ماهو التسامح والرضـا في نـظر عبدو؟ وهل تعنبر نفسكـ شخص متسامح ؟

مين عبدو ده [ندعوك للتسجيل في المنتدى أو التعريف بنفسك لمعاينة هذه الصورة]

ما شاء الله الجماعة شغالين الله ينور
انا قولت اعدي اسلم عليكي واسالك سؤالين كده علي السريع

ايه رائيك في الموضة الايام دي؟
لو المنتدي بعد الشر كده غرق تنقذي مين من الاعضاء؟
ايه رائيك في يوم الفالنتين هل معترفة باليوم ده؟
لو حسيتي انك مظلومة من شخص ما هتعملي ايه هتوجهيه بانه ظلمك ولا هيكون التصرف ازاي؟
لو زميلك في الكلية قالك مرة انه معجب بيكي وباخلاقك هتقوليله ايه في الحالتين دول//
في حالة انك معجبة بشخصيته؟
وفي حالة انك مش معجبة بشخصيته؟ السؤال ده اختاري اوك


اوصفي هؤلاء الاعضاء//
ادمن
محمد سعد
احمد
الدكتور علي
روز
امة الله
بريف هارت
العشيري
الخل الوفي
مي اند يو
شيماء
المهندسة اتش
واخيرا انا

أنا آسفه والله يا جماعه اني أتأخرت عليكم ف الرد بس غصب عني


سـنمدُ جسور الزمالة
الوجدانية
والالتقاء الروحي في رحابك
أمنياتنا بأن يطيب لك آلمكوث تحت أضواءنا

" إن شاء الله "


[color=Sienna]-جمال الحياة عندك أين يكمن.؟
في طاعة الله لأنها أصل كل خير..
و الحب......

-من دفتر حياتك.. ورقة تتمنى أن تنزعها.؟

أي يوم زعلت فيه حد مني

-ما الهم الذي يؤرق كيانك.؟

الموت ...
والدراسه
و الحب

-متى تكون الكلمة مشوهة الإحساس.. مشلولة العواطف ؟
عندما تفتقد الصدق


وشويه اسئله علي الماشي

الاسئله <<الله يعينكـ>>


2 - ماهي اعلى مرحلة تعليمية درستها ؟
الجامعه

3 - ماهوا طموحكـ في الحياهـ ؟
ارضاء الله عز وجل
واكمل دراستي واشتغل ف تخصصي
و اعيش مع الانسان اللي احبه



4 - ما هوا افضل كتاب قرئته ؟
كتاب " لا تحزن " للشيخ عائض القرني


5 - ما هوا افضل فيلم عربي بنظركـ ؟
بحب الافلام الدينيه


6 - ما هوا افضل فيلم اجنبي بنظركـ ؟
مش عارفه هو مش أفضل بس عاجبني"The mask of zoro & X-men

7 - ماهو عصيركـ المفضل ؟
عصير المانجو

8 - ايهما تفضلي القهوا أو الشاي ؟
الشاي

9 - بارد او ساخن ؟
وسط

10 - ماهوا طبقك ]المفضل ؟
مكرونه بالبشاميل


11 - هل سبق لكـ السفر خارج بلادك ؟
لا


12 - هل تقراءي الصحف والمجلات بشكل يومي ؟
مش دايما

13 - ماهي افضل صحيفة بنظركـ ؟ ولماذا ؟؟
اخبار اليوم بيبقى فيها مواضيع متنوعه



14 -مارايك في حآل المنتدى حالياَ ؟
الاعضاء الجامدين اللي فيه قايمين بالواجب و ان شاء الله هيتطور بيكم

15 - ماهي افضل مميزات الحب ؟
انك تلاقي حد يحبك ويخاف عليك ويحميك ويديللك كل شئ وتقدمله حياتك
وانك تحس انك عايش السعاده في جنة الدنيا ع طاعة الله مع من تحب

بنغير مسار الأسئلة

املاء الفراغ بالعضو المناسب

عضو محترم ... كل الاعضاء

عضو مثقف ...الدكتور علي وحضرتك و الدكتوره

عضو متهور ... أنا

عضو دمة خفيف ... حضرتك وأحمد و شيماء

عضو نفسك تشوفة ... أمة الله علشان وحشاني اوي ...و شيماء والدكتوره وروز

عضو تحبي تتابعي مواضيعه ... كل الاعضاء

عضو نفسك تضربه ...no one

عضو قريب منكـ ...امة الله

عضو فزيع ...؟؟؟؟؟؟؟؟؟

عضو رسمي ...؟؟؟؟؟؟؟؟؟؟؟؟

عضو شاعر ...مود

سـ// ماهو التسامح والرضـا في نـظر عبدو؟
أنا هقول ف نظري انا معرفش مين عبدو ده
"هي طاقه داخليه ع العطاء والعفو عن زلات الآخرين لأن كل واحد بيغلط

والرضا ان ترضى بما قسمه الله لك لأنك تعلم أن رزقك لن يأخذه غيرك

وهل تعنبري نفسكـ شخص متسامح ؟
أه الحمد لله بحاول بقدر الامكان


وشكرا ويا رب تكون الاسئله خفيفه عليكي

ولا يهمكوا

ali el sanarawy كتب:

ياااااااااااااااااااااااااااااااااااااااااه ربنا معاك سوم تايمز وانا الى جاى اعمل الحلقه التانيه
للالالالالالالالالالالالالالالا ده كده كتير عليك اوى ده الناس هنا مبيرحموش
انا هستنى شويه لحد متخلصى المانشت بتاع محمد سعد وبعدين اعمل الحلقه الجايه
مش من باب الرحمه لا من باب الى جاى احسن ههههههههههههههه

ولا يهمك يا دكتور

shaymaa كتب:

السلام عليكم ورحمة الله

ازيك sometimes يارب تكونى بخير

خلينى اقولك حل الفزورة بما ان الحياه فرص



لما تخلصى الاسئلة اللى عندك احتمال يتيقى حاجه نسأل عليها هههههههه

شكرا ع الحل السهل ده
واضح ان دماغي لفت شويه

shaymaa كتب:

السلام عليكم ورحمة الله

ازيك sometimes يارب تكونى بخير

خلينى اقولك حل الفزورة بما ان الحياه فرص


لما تخلصى الاسئلة اللى عندك احتمال يتيقى حاجه نسأل عليها هههههههه

شكرا ع الحل السهل ده
بس واضح ان دماغي لفت شويه

وعليكم السلام

ازيك انتي يا بريف

مافيش اسألة عندى بس هو استفسار
انتى هتخلصى ايمتى لانك صعبتى عليا ربنا معاكى
وهترشحى مين وايمتى ؟؟؟

انا كنت داخله النهارده اسألكم عايزين ترشحوا مين
شوفوا وقولولي......اوك


و شرفتيني يا بريف

Me.And.You كتب:

Ψ MoHaMmEd SaAd Ψ كتب:

سـ// ماهو التسامح والرضـا في نـظر عبدو؟ وهل تعنبر نفسكـ شخص متسامح ؟

مين عبدو ده [ندعوك للتسجيل في المنتدى أو التعريف بنفسك لمعاينة هذه الصورة]

أنا كنت عايزه أسأل برضه السؤال ده
وبرضه ما فهمتش اجابة محمد

ما شاء الله الجماعة شغالين الله ينور
انا قولت اعدي اسلم عليكي واسالك سؤالين كده علي السريع

ده انتي تنوري

ايه رائيك في الموضة الايام دي؟
انا مش متابعه أوي
بس معظمها بقت تقليد للغرب ف حاجات كتير

لو المنتدي بعد الشر كده غرق تنقذي مين من الاعضاء؟
لا قدر الله....
هنقذ كل الاعضاء

ايه رائيك في يوم الفالنتين هل معترفة باليوم ده؟
المفروض هو بدعه واحنا لازم نتحرى الحلال
ويعني اللي عايز يحتفل بحبه للناس اللي بيحبهم ممكن يعبرلهم عن ده ف أي يوم غير اليوم ده
واللي بيحب حد بجد هيخليله كل ايام السنه عيد ولا ايه!

لو حسيتي انك مظلومة من شخص ما هتعملي ايه هتوجهيه بانه ظلمك ولا هيكون التصرف ازاي؟
طبعا لازم أعرف هو ليه عمل كده وافهم وجهة نظره
يعني هواجهه بأي شكل من الاشكال


لو زميلك في الكلية قالك مرة انه معجب بيكي وباخلاقك هتقوليله ايه في الحالتين دول//
في حالة انك معجبة بشخصيته؟
وفي حالة انك مش معجبة بشخصيته؟ السؤال ده اختاري اوك

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


اوصفي هؤلاء الاعضاء//
ادمن : الريس
محمد سعد : الجنتل مان
احمد : مواضيعه جامده
الدكتور علي: ناقد كبير ودمه خفيف
روز : وردة المنتدى
امة الله : صاحبه جادعه أوي
بريف هارت : العسوله
العشيري : متدين
الخل الوفي : دمه خفيف ومحترم
مي اند يو : القائد
شيماء : سكر المنتدى
المهندسة اتش: الهاديه
واخيرا انا : الفراشه

شكـــــــــــــــــــــــــــــــــــــــــــــــــــــــــراً

انا دمى خفيف وسكر المنتدى لا لالا لآ كده انا هتغر ههههههه

شكرا sometimes

قوليلى تعليقك على الحاجات دى

البحر

الشروق والغروب وايهما تفضلين ولماذا؟؟

الشمس

الحرية

الحب

الخيانه

الصداقة

الوفاء وايه مساحته فى حياتك شايفه انك واخده منه القدر الكافى من الناس ولا لآ؟

الينات دلؤتى اكتر صفه انتى شايفه انهم بيتصفوا بيها وكمان الولاد

واخيرا سلام عليكم كفايه كده

إمممم...واضح إنك مذاكرة كويس، بس برده مش عشرة على عشرة عشان فى أسئلة هربتى منها بمعلمة.
كنت مستنيكى تخلصى الموسوعة اللى فوق دى والحمد لله عدت على خير، يلا بقى أسأل...

اوك

1.مواصفات فتى أحلامك؟؟
متدين _دمه خفيف_يفهمي _يحبني _يتقي الله فيا _كفايه كده دلوقتي

ولأى مدى تضحى عشانه؟؟
ممكن أضحي علشانه لأقصى مدى ممكن أضحي بحياتي كلها وكل ما أملك....

2.دخلتى أختبارات ذكاء قبل كده؟؟
أه
و آه كانت إيه النتيجة؟؟
118

3.أعترفى بــ
*أكبر غلطة فـ حياتك؟؟
ذنوبي
*أكبر جرح فـ حياتك؟؟
مفيش الحمد لله

*أخطر عيب فيكى؟؟
العصبيه والاستعجال

*شئ بيحسسك بالأحراج؟؟
اني أغلط قدام حد ف أي حاجه....

4.لو فرض عليكى قرار بس أنتى رفضاه وكل اللى حوليكى موافق بشدة، هتوفقى زيهم وخلاص ولا هتصرى على رفضك؟؟
لو القرار ده هتتوقف عليه حياتي لازم افكر فيه كويس ولازم ابينلهم وجهة نظري بس مش عارفه لو اصروا هعمل ايه ؟.....هفكر واشوف....

5.عمرك حسيتى "أسف" بالغباء وسط صحابك؟؟
ههههههههه أوقات لما كنانذاكر مع بعض وانا مش مذاكره الجزء ده قبل كده وبعضهم فاهمه قبل كده..........

6.لما رقم غريب بيرن على موبايلك بتتصرفى أزاى؟؟بتردى عادى لأنه أكيد حد من أصحابك ولا بتعتبريه سر من أسرارك ومبترديش قدام حد؟؟
لما ابقى مستنيه تليفون من اصحابي برد او ببقى عارفه انهم ممكن يتصلوا من الارقام دي لكن غير كده نادرا لما برد ع رقم غريب...
وحتى لو قدام حد برد عادي.....
7.لو رسالة حب جاتلك من رقم غريب، مين أول حد هتفكرى فيه؟؟
حد من أصحابي بيعمل فيا مقلب....

8.بتعقدى حوالى كام ساعة ع النت"سواء منتديات أو شات"؟؟
حوالي 5 ساعات...
9.إيه المنتديات اللى مسجلة فيها؟؟وليه مسجلة فيها؟؟
منتدى مصطفى حسني و الطريق إلى الله و منتدى عمر خالد ومنتدى جواله الفيوم
بيعجبني فيها موضوعات كتيره
وايه اللى عايزة تسجلى فيها؟؟وليه؟؟
مش عارفه لسه.......

10. بـــصـــرحـــة رأيـــك فــ
*موضوعاتى؟؟ ممتازه
*ردودى أوتعليقاتى؟؟ رائعه
*أسألتى؟؟ اممممممممم مجرباها...
*بتؤيدى أيه فيا؟؟ احترام حضرتك
*بتنتقضى إيه فيا؟؟ مش عارفه

11.تحبى تغيرى إيه فـ
*شخصيتك؟؟ العصبيه
*أصحابك؟؟ أحلى اصحاب
*كليتنا؟؟ عايزه ألغي تايه وتالته علشان نطلع ع طول ع رابعه هههههههه
*دولتنا؟؟ نفسي يتحقق العدل والترابط
*دنيتنا؟؟ بعض الناس و النفاق والحقد والحسد ونبقى كلنا ايد واحده...

12.أكتر عضو إتعليمتى منه فالمنتدى ده؟؟
كلكم
13.أتعلمتى إيه من الحياه؟؟
كتيييييير
اتعلمت انها مش بتقف ع حد وانها يوم ليك ويوم عليك
ونها لما بتضحكلك بتبقى اسعد مخلوق ع وجه الارض....

طبعا ً ليكى حق الأجابة والرفض ع الأسئلة اللى عاوزاها...آسف طولت

[/quote]
لأ ولا يهمك.........

الدكتور علي: ناقد كبير ودمه خفيف


مرسي اولا على دمه خفيف انا يجد مش عارف السبب
وثانيا بمناسبه ناقد الى مسكت فيا دى

س1 نقد عجيك ليا
س2 نقد انتى تنتقديه (بصراحه انا بزعل)



ثالثا
.دخلتى أختبارات ذكاء قبل كده؟؟
أه
و آه كانت إيه النتيجة؟؟
118


شكرا للافااااااااااااااااااااااااااااااااااااااده



رابعا
7.لو رسالة حب جاتلك من رقم غريب، مين أول حد هتفكرى فيه؟؟
حد من أصحابي بيعمل فيا مقلب....

اييييه الثقه دى

قوليلى تعليقك على الحاجات دى

البحر: يعني العطاء و أوقات غدار و متقلب........

الشروق والغروب وايهما تفضلين ولماذا؟؟ بفضل الغروب لأنه بحسهاوي وبستمتع لما بشوفه

الشمس : الطاقه

الحرية : ليها معني لازم يتفهم صح.....

الحب : أحلى حاجه ف الوجود....

الخيانه: أكتر حاجه بكرهها

الصداقة : الوفاء والصدق والحب

الوفاء وايه مساحته فى حياتك شايفه انك واخده منه القدر الكافى من الناس ولا لآ؟
الحمد لله .......... الناس لما بيلاقوا منك الحاجه دي لازم غصب عنهم مش هيقدروا يخونوك وهما حاسين منك الوفاء........

الينات دلؤتى اكتر صفه انتى شايفه انهم بيتصفوا بيها وكمان الولاد ؟
البنات ؟ الكلاااااااااام
والولاد ؟ التحكم

واخيرا سلام عليكم كفايه كده
شكرااااااااااااااااااااا

س1 نقد عجيك ليا
كتييييييير

س2 نقد انتى تنتقديه (بصراحه انا بزعل)
بصراحه بصراحه مش بحب انتقد حد



ثالثا
.دخلتى أختبارات ذكاء قبل كده؟؟
أه
و آه كانت إيه النتيجة؟؟
118
دي النتيجه اللي طلعتلي



رابعا
7.لو رسالة حب جاتلك من رقم غريب، مين أول حد هتفكرى فيه؟؟
حد من أصحابي بيعمل فيا مقلب....

اييييه الثقه دى

شكرااااااااااااااا شكراااااااااااااااا

حد عايز حاجه مني قبل ما أمشى